僕之拉麵 (已結業)

曾經過店前留有印象，今天很想吃多點肉和拉麵，查回地點後特意由花墟漫步過來，首次光顧，不枉此行👍叉燒 - 入口有驚喜！能保持很好的肉汁和軟滑👍炙叉燒 - 點之時考慮會否跟叉燒有點重覆，吃時便知各有特色，明火燒出油香味，之前已烹調得很軟焾，所以進食時豚脂有綿化口感👍糖心蛋 - 流心蛋黃👍

好耐無出旺角啦，啲舖頭都唔同晒，唯一不變嘅係仍然周圍都有好多食肆。今次經過呢間拉麵小店，店裡店外都好有日本feel，所以被佢吸引左。舖頭裝修好有日本小店feel，以啡色木系為主，仲有好多日本的裝飾、掛畫，幾有特色。簡單嘅Menu，貴精不貴多，我就order咗佢哋嘅人氣拉麵🍜，材料有叉燒、紫菜、粟米🌽、雞蛋🥚，湯底揀咗傳統嘅清湯原味。拉麵好彈牙，湯底唔太鹹，食完都唔會覺得好口渴👍，材料都好足，最愛係佢勁多粟米😬。另外order咗樽蜜桃🍑梳打，so 😋 yummy 。

清湯非常之咸，食完麵無飲過湯但都要狂飲水，隔左成個鐘都感到勁咸!因為咁，所以不能細嘗湯的味道而評不到湯!叉燒切到極之薄(個人認為不能再薄個種，尼方面要讚讚個師傅)，感覺上切到同蔥一樣薄，叉燒平面面積大但總份量少!麵質幾好，但少，如果能配合埋湯一齊食會比較好!在等候拉麵期間，親眼見到隔鄰枱的哥哥仔一口氣飲哂碗湯，佩服佩服!

It was highly reviewed on OpenRice but personally I thought it was a bit too hyped up. I ordered the creamy broth and it was, for the first time, too thick for me. The taste of the broth was also a bit underwhelming which was a bit sad for me. I did enjoy the toppings of the special but wasn’t anything super excited. If I do come again I’d probably try the shrimp instead.

唔知幾多人信左openrice 既而入左去。見到無咩人，就入去試下，點知就中左伏。一入去拎起張menu 已經好舊，老實講都唔係好敢拎起。叫完order, 去一去個洗手間洗個手，抬頭一望個抽氣扇啲塵成尺厚，作為拉面店既衛生程度真係有啲差，不過算la, 我都係黎食碗好味既拉面。叫左碗人氣拉面，拉面最最最重要係啖湯。。唔夠熱又太"傑". 個拉面落左大量蔥花同粟米粒都唔知做咩。。。。。塊豬肉片就無咩野，真係無咩野，因為唔香又太薄！🤦🏻‍♂️相就無影，想要相就自己去試下la😬

放假走去睇戲，買完飛就係戲院附近搵食，見到有間僕之拉麵好似唔錯，一於入去試吓🤭鋪面裝修以木系為主，感覺如置身日本拉麵店，每枱亦擺放一壺冰水比客飲用，好貼心！小店唔算太大，位置唔係好多，坐位唔算多，但都唔會有焗促感我揀左特選拉麵$135呢碗拉麵除咗傳統叉燒有1.5倍之外，最特別係有一條火炙過超長半肥瘦叉燒，有油香又有焦香味，雖然好邪惡，但真係好滋味😍糖心蛋都做得好靚，湯底點咗豚骨濃湯，味道超濃厚！仲可加$12追加味配料香蒜油/蝦油/辛味醬/背脂，我就加左辛味醬，但重口味嘅我覺得辣味唔夠，如果辛味醬可以再重手D更好🤭最後加左枱面上嘅蒜泥就味道啱啱好

今次去咗一間好出名嘅拉麵店試食，食咗兩款拉麵，分別係特選拉麵同人氣拉麵，質素都相當唔錯🫶🏻⁡——————⁡🐽 特選拉麵有1.5倍嘅叉燒，燒叉燒，紫菜，蔥同埋糖心蛋。個叉燒好厚切，肉質鬆軟，燒得啱啱好。燒叉燒又香又軟，食落去油脂感滿滿。紫菜同埋湯一齊食好濃郁，蔥香氣四溢，再配上糖心蛋，真係好正🥺⁡🐽 人氣拉麵有叉燒，紫菜，蔥，粟米，糖心蛋同埋筍。叉燒同樣肉質好，粟米同筍都幾甜同埋入味。糖心蛋同樣好食，個蛋黃中要係流心，啲湯底又夠味，個麵條啱啱好，唔會太腍🫰🏻

今日約咗朋友喺旺角整甲，同朋友喺樓下食完嘢先至上去，經過呢間想食拉麵，裝修都好有日本風味🇯🇵經過俾佢既門面吸引咗🤩真係好有日本特色～入面既面具又好得意👺-人氣拉麵🍜 $98叉燒＋紫菜+粟米🌽+荀＋味付雞蛋見到佢寫住人氣，當然要叫啦～揀咗呢個係乜都有嘅，湯底係濃郁豬骨真係好濃郁嘅豬骨湯底，又香濃因為我好鍾意食味付雞蛋所以又加多隻🤪流心真係好正🤤同埋啲粟米真係好多，最愛😍啲麵可以揀淋/硬不過我冇咩所謂就冇簡麵質都幾有彈性～-叉燒拉麵🍜2倍叉燒+荀+味付雞蛋呢碗加左蟹棒好大舊😳足料！叉燒好軟嫩唔鞋肉味幾濃👍🏻簡左清湯豬骨輕盈啲但豬骨味依然都幾重😋-牛肉可樂餅 $36外酥脆內軟應該用牛肉同薯仔一齊整成蓉香濃牛肉薯仔味仲好軟滑❤️-桃🍑梳打 $24香桃味既梳打～

今日行過旺角想食拉麵，喺OpenRice見到呢間有成360個好評，就嚟試吓。去到門口見到仲要排隊，有成5枱客等緊，心諗唔會差得去邊。我哋叫咗兩碗基本拉麵，揀咗濃湯湯底。食完第一淡心諗，味精湯黎嘅！湯嘅味道非常淡，完全無濃郁嘅豬骨湯味。麵嘅質量亦非常差。麵有啲淋同爛，亦都唔掛湯。叉燒就係薄叉燒，份量都算多，不過不失。建議如果大家想試，要抱住食味千拉麵嘅心態，就唔會失望。如果好似我咁諗住食一碗正常嘅日本拉麵，就會食到一肚火。最後奉勸大家唔好再信OpenRice嘅好評，唔係第一次中伏。

今日特地來到旺角嘅一間拉麵店，僕之拉麵。一進來就看見他們的招牌拉麵肉愛食者拉麵看起來就10分吸引，特別是湯底和叉燒。湯底是豬骨湯底，都算濃郁。而叉燒的份量非常慷慨，肉質鮮嫩多汁，每一口都是滿滿的日式風味。筍和豬肉粒的加入，更是讓這碗拉麵味道更豐富，絕對是一個非常值得品嚐的餐點。除了食物本身外，僕之拉麵的服務也是一大優勢。服務員非常友善和熱情，讓人感受到親切的氛圍，讓用餐的體驗更加愉悅。而且價格也非常合理，這樣的叉燒肉量性價比10分高。總體而言，我非常推薦僕之拉麵的肉愛食者拉麵。這裡的拉麵真的是非常好吃，價格合理，服務也非常優秀。如果你正在尋找一個地方享受美食和良好的用餐體驗，那麼僕之拉麵絕對是一個不錯的選擇。

過左食 lunch 時間，襯 d 人返晒工去食碗日本拉麵先，呢間拉麵店裝修滿滿日本風，牆上面有幅好靚既富士山，相當吸睛！仲有好多日本面具做裝飾~ 環境好舒服，行完街好攰，好啱可以坐底休息吓，嘆碗拉麵。🍜人氣拉麵碗拉麵材料好豐富，有粟米，荀絲，叉燒，紫菜，溏心蛋。拉麵湯底好濃，滿滿豬骨味，拉麵麵質彈牙，軟硬適中。溏心蛋好香，有蛋味，又不失味付蛋既味道。🐙炸章魚好酥脆，章魚好嫩滑，唔會炸得好老，點埋沙律醬更加好食。🍑蜜桃梳打好少餐廳有蜜桃梳打，呢度仲要係玻璃樽裝，相當夠氣！玻璃樽裝既梳打，滿滿日本風，襯埋店面既裝修，打卡一流。📸

哩間旺角人氣拉麵店Bookmark咗好耐，今日趁著早收工，六點嚟到就唔使排隊喇，未到晚飯時間，但系都坐左差唔多一半客人，可見受歡迎程度👍🏻同朋友分別嗌咗A特選拉麵 和 C人氣拉麵，重口味嘅我哋都系嗌左豚骨濃湯，湯底純白並濃郁，口感豐富並黏口，證明真系好足料🤭面身系彈牙，系我鐘意嘅拉麵質地。A特選拉麵 和 C人氣拉麵的配料都有叉燒、紫菜、味筍、蔥和味付雞蛋。叉燒系薄身的，肉質柔軟，餐牌寫話喺西班牙產地嘅豬肉。至於每個拉麵都必須有嘅味付雞蛋好流心，蛋白好入味，好好味😋A特選拉麵 會多咗1.5倍嘅叉燒同埋一條好長嘅炙叉燒，炙叉燒的表面經過火烤，微焦的外皮，有陣獨特的焦香氣，而且肥瘦相間，嫩滑軟腍，啱曬啲食肉獸👍🏻水餃子，餡料以豬肉同蔥為主，外皮薄而餡料好幼細，味道唔錯。炸章魚丸新鮮整起，外皮酥脆，內餡食到有蔬菜同章魚肉，熱辣辣好食！📍僕之拉麵boku no ramen📍旺角豉油街74號地舖

久違的拉麵，差不多成年都冇食過拉麵，由於太耐冇食拉麵，今日同朋友即興去僕之拉麵食。餐廳店鋪細細，裝潢以木系為主調，播著輕鬆愉快的日文歌，好有日式風格。餐廳主打叉燒拉麵，拉麵只有幾款選擇，配料亦可以追加，另外亦有小食。特選拉麵（追加粟米）濃湯原味湯底用上優質豚骨配合天然食材煮沸超過12小時熬製而成，香濃醇厚，濃得黎又唔會好膩，配料非常豐富，有一大條超長叉燒，紫菜、蔥、味荀、味付雞蛋，1.5倍叉燒微微炙燒，增加焦香氣味，而且肥瘦適中，咬落去口感勁Juicy 。人氣拉麵湯底一樣選擇濃湯原味，配料有叉燒、紫菜、粟米、蔥、味荀、味付雞蛋，叉燒薄薄一片片，麵條沒有鹼水味，軟硬適中，非常吸湯，流心蛋夠流心，蛋味濃郁。炸餃子炸到金黃香脆，唔會炸得過硬，入口有肉汁。

之前係網上見到有人推介肉愛食者拉麵，比超多叉燒吸引住，食肉獸既我，當然一定不會錯過。餐廳由室外門口至室內，設計有心思，牆上掛著日本風情畫和各種日本裝飾，充滿日本情懷。肉愛食者拉麵賣相非常震撼，真係超多超多叉燒鋪滿成個碗，以到既叉燒有成3倍分量，薄薄一片片，好軟腍，除左3倍叉燒，亦有角切叉燒，叉燒燒得好香口，肉的份量真係好多，食肉獸必食。拉麵的湯底很香濃，好濃稠，而且毫無油膩感，拉麵軟硬適中，非常掛湯。小拉麵（追加蟹棒&紫菜）食拉麵驚太大碗，以到有小拉麵可以選擇，配料一樣有叉燒、蔥、味荀、木耳，份量比正常Size 小一半。岩晒細食或小朋友。炸雞炸雞即叫即炸，外脆內軟，好Juicy 。炸章魚丸以到竟然有我至愛的章魚丸，有6粒，章魚丸外脆內軟。

同朋友在旺角行波鞋街講開日本旅行突然好想食拉麵經過“僕之拉麵”見到門口裝修已好吸引入到店內擺滿好多日本卡通公仔，大家一定會認識“小丸子”特選拉麵 $135豚骨濃湯香濃豬骨湯有小小膠質拉麵質感爽口彈牙炙燒义燒超大件厚身肥瘦均勻，吾韌有燒香的肉味，還有幾片大大件薄薄义燒軟滑肉香流心蛋（醬汁已入味,蛋白蛋黃好香滑）炸餃子$30（外脆肉嫩多汁）炸章魚$30（章魚吾韌吾腥）驚喜“富士山”柚子梳打水$24完全感受到在日本旅行的感覺完美！