傷心酸辣粉 (砵蘭街)

營業中

休息中

呢排天氣真係凍左好多 尤其係夜晚天氣凍 最啱就同屋企人一齊打邊爐 暖笠笠 咁過 😆😆 -咁岩呢間 做緊外賣火鍋套餐🤩 岩晒鍾意食雞煲嘅我😋 -🔥重慶麻辣雞煲（大份）$139雖然係外賣套餐但係份量一啲都唔小🤩足足用咗兩個外賣盒裝雞煲而且有一大份火鍋配料 配料豐富 份量十足有肥牛、花枝丸、腸仔、蟹柳、牛丸、雲耳、生菜、薯粉 😍 及兩盒紙包飲品 -😋味道方面😋可能因為係外賣所以雞煲湯汁比較多但隨着不停加熱煮 雞煲辣度及香氣越來越多濃郁😍😍 好香麻辣 雞煲由指天椒🌶️ 蒜頭 薑片 洋蔥 花椒八角等多種配料 烹煮而成 啲雞肉慢慢吸晒啲辣味 而且雞肉的肉質比想像中嫩口😍 （當然會隨著加煮過程而變鞋但都合理）-食到咁上下就加水 落配料打邊爐😋🔥 肥牛片份量好多片 而且仲有最索味的薯粉😋😋 我自己屋企亦都準備左其他配料 唔洗幾耐 大家都食到好滿足😋😋 -🍽🍴總結 🍽🍴晚市禁堂食後 都少左出去食雞煲雖然宜家都多左好多雞煲醬賣 比人返屋企煮但出去現成買外賣返黎 就最方便😆 而且外賣包裝好穩陣返到屋企都冇倒瀉-外賣雞煲份量足料😍 本身揀左bb辣既我 發現味道可以再辣啲😆 以$139 價錢食到份量十足的外賣雞煲

都有好一段時間無食過傷心酸辣粉，但係最近就比呢個酸菜魚吸引到🤣🤣仲要價錢真係幾抵食！平時出去食酸菜魚都要$200樓上，依家$169就有，真係有啲抵🤪🤪🤪嗰陣去到以為已經一早pack好，但係原來去到嗰陣先會煎條魚🤣🤣真係會勁香，有種比較新鮮嘅感覺😋☀️老檀酸菜烤魚$169呢個抗疫套餐老檀酸菜烤魚，仲要唔係得條魚😂仲會有啲配料，包保食呢個一定飽😜入邊仲會有肥牛、魚蛋、薯粉等等😚😚😚真心幾正！之前去食傷心酸辣粉嘅時候都會叫薯粉，連埋個湯底真係好出色，所以呢個真心推介🤪酸菜烤魚d魚肉都好滑🤤叫左小辣，呢種辣度係可接受🙆🏻‍♀️覺得呢個價錢食到真係幾抵，真係可以叫黎試下🤣🤣

📍旺角砵蘭街215號朗晴坊1樓天氣凍凍地🥶口淡淡，想搵啲又酸又辣嘅嘢食下🤔由於疫情關係6:00後又冇得堂食，唯有去搵外賣食😌見到傷心酸辣粉有個同心抗疫火鍋外賣套餐，簡直係Perfect啦😂😂😂 仲唔啦啦聲買返個BB辣返去試吓先🤩1) 老檀酸菜烤魚火鍋外賣套餐 🐟$169原來除咗魚🐟，仲有肥牛🥩、唐山菜🥬、牛丸、蟹柳、薯粉、小雲耳、腸仔、花枝丸、2包飲品👍🏻👍🏻👍🏻😲😲😲返去一打開，估唔到份量咁充足，原條魚🐟上仲要烤過👍🏼忍唔住先飲啖湯，個湯又帶點微酸，酸辣適中，忍唔住再飲多一大一碗😂超開胃😼條魚好肥味🐟😂啖啖肉，唔算太多骨。因為烤過所以特別香，面層脆卜卜，啲魚肉仲要吸收埋啲酸辣汁簡直一流👅一定要支啤酒🍺🍻啤啤佢，簡直人生一大樂事🤭條魚食得7788就開始加啲配料、配菜。最後食埋個薯粉👅唔使講啦，索曬d汁✨正👍🏼最後，全枱清晒🙌🏽老實講，咁嘅價💰咁嘅份量⚖️3-4人食都冇問題👍🏼真❤️推介，真係值得1️⃣試，📣CP值高，分量抵食大件👍🏻👍🏻👍🏻最緊要係$169😬😬😬

近排天氣開始凍，最啱就喺打下邊爐食啲熱辣辣嘅野。懶惰嘅我地周圍物色啲好野食，無意中發現原來傷心酸辣粉都有麻辣雞煲酸菜烤魚賣(๑°⌓°๑) ִִ呢間由細食到大嘅老字號，加上超值嘅價錢(只賣169！)，忍唔住Order咗個老壇酸菜魚烤魚套餐返屋企食!收到外賣盒果陣嚇左一跳 ᵒᴥᵒᶅ條魚大到需要分開兩個大盒裝而火鍋配料亦罷佔咗一大盒。配料分別有肥牛、花枝丸、牛丸、腸仔、生菜、薯粉同埋雲耳。份量多到兩至三個人絕對飽肚。相片中只煮了一半份量，可想而知份量超多超足料。酸菜魚方面，魚身本身先經過煎炸，返到屋企都保持到完整，魚肉夾起亦唔會鬆散，啖啖肉超滿足。酸菜湯底酸度適中，唔會覺得過咸過淡，酸辣度岩岩好呀，打邊爐好夠味。總體來說，$169呢個價錢包配料仲包2包野飲，絶對史上最抵！性價比極高

老檀酸菜烤魚 依家唔俾夜晚堂食，真係少咗好多機會去外面食晚餐🥲唯有買外賣啦～傷心酸辣粉竟然最近有推出火鍋系列！小編又食酸菜魚啦🐟不過今次係外賣火鍋套餐🍲，一整條酸菜烤魚+火鍋配料（肥牛、花枝丸、腸仔、蟹柳、牛丸、雲耳、生菜、薯粉，而且仲奉送兩包紙包飲品。由於條魚太長，鋪頭將佢切開兩條滿滿裝成兩盆，拎到返去加熱食，一加熱，酸湯酸菜味隨即飄散全家，嗅到都覺開胃😚今次呢款係唔辣的，酸度適中相信迎合到大眾口味，海量酸菜芽菜既配菜🤣🤣🤣，食完魚之後加水打邊爐，簡直同出面食酸菜魚火鍋一樣好味。呢個星期天氣又凍返，係時候打邊爐啦😆

呢排疫情都好嚴重，屋企都買多咗外賣，一嚟就冇晚市堂食，二嚟費事喺餐廳逗留咁耐🙈 今日就留意到傷心酸辣粉出咗外賣火鍋套餐，平時食酸菜魚閑閑哋都要200蚊，今次呢個老壇酸菜魚烤魚餐兩人份量都係$169💥😱係旺角分店外賣拎咗返屋企食嘅時候再用鑊翻熱個時勁香🤪 酸菜份量超多，湯底除咗酸菜之外，仲有蒜頭、薑等等嘅香料，食落去夠酸亦都夠香😛烤魚係外皮仲有少少香脆，所以食落都幾香口，入面都仲嫩滑😍仲要係成條魚咁上🤩佢係將一條魚切開一半分咗喺兩個盒，條魚大條到個鑊都裝唔晒😂真心覺得好抵食餐廳另外俾埋肥牛、丸、蟹柳、木耳、生菜，打邊爐就啱晒喇🤣最鍾意就係有薯粉可以索晒個酸菜湯底😆係屋企都食到酸菜魚真心幾滿意🤤食到最後太飽都係將啲配料留返下次煮飯食喇🤭總括嚟講，呢個外賣火鍋套餐真心抵食😝同埋佢哋有咁多分店，經過都不妨一試～

因為疫情關係晚市被迫嗌外賣,今日就嗌咗兩個套餐分別係口水雞酸辣粉,同埋一個酥炸骨酸辣粉,口水雞好香麻味，而且肥瘦適中，酸辣粉口感好正，花生、芫茜、肉操等配料提升咗成個粉，送嘅花枝丸小食亦都唔馬虎，炸到好香脆

魚怪的我，想食烤魚冇得堂食唯有外賣返來對住電視機食囉！ 我見傷心酸辣粉有出老檀酸菜烤魚外賣火鍋套餐仲要幾抵食 只係 $169 就有齊魚和打邊爐野食咁方便唔洗煩即order 啦！呢個$169套餐包以下食材⬇️⬇️⬇️⬇️⬇️🐟老檀酸菜魚 🥩肥牛🥬唐生菜🍜薯粉🔵花枝丸🔵牛丸🔵蟹柳🔵腸仔🔵雲耳🧃兩包野飲湯底好惹味越食越辣，如果好似謙謙咁唔太食得辣，可以叫小辣架，呢到呢個份量好足夠， 2人食一定夠哂飽。

呢個二人餐真係好抵食，我諗我食過幾次啦😂我地兩個女仔食都食唔灑～皇牌二人自選套餐 $128傷心酸辣粉x2可以選辣度，bb 辣已經辣過譚仔十小辣，唔食得辣嘅人要小心🤭酸辣粉好索汁，會越食越辣🌶所有小菜都可以選擇辣度，要小心選擇，因為會越食越辣🥵酸辣土豆絲煮得好索汁，又爽又辣！皇牌口水雞正常水準，唔算多肥肉。紅油脆耳新鮮同無腥味嘅豬耳，脆口好食～~60 pp (dinner)味道：4/5環境：3/5性價比：4/5回頭：⭕️

午市放題任食 $79叫咗烤巴沙魚麻辣 小辣，因為我唔係好食得辣，所以就叫咗小辣，我想話佢嘅魚份量超級多，食極都食唔完！🤣🤣🤣入面仲有豆腐，撈埋啲麻辣汁就好好味啦！仲要出面有好多小食同埋餸揀！ 仲有嘢飲！最緊要係佢連甜品有豆腐花都有得俾我拎，真係唔食多啲都對唔住自己！春卷我想話佢哋春卷雖然擺咗喺度一陣，但係佢都脆同埋少少暖，依個價錢有咁嘅質素🤣🤣真係抵到爛，點解我之前冇發掘到傷心酸辣粉有咁正嘅放題食？

今天去旺角的傷心酸辣粉點左個雞煲，裡面全部都係雞腳關節位，雞翅關節位，雞脖子 真是垃圾，正常的雞塊沒2塊。要吃雞煲真的不建議吃這家，貴且給垃圾食物，能這樣做生意？

今日諗住同兩位朋友好開心咁食烤魚放題，見到某某page嘅po好似好好食。點知一上到嚟 見到個牆身發晒毛又甩晒皮，我已經知到伏伏地佢拎個爐過嚟，個爐身 勁污糟😅，然後佢個放題其實得一個雪櫃可以拎嘢，其實真係勁少。之後啲嘢拎晒又唔fill 完全唔知佢想點😅丸又得兩款，仲要啲龍蝦丸係臭，我懷疑佢醙左，隻味就好似喺地鐵站俾10個阿伯用胳肋底圍住左咁，真係臭到想嘔條魚嚟到，其實得半條，食2啖都食完，其實我哋幾個本身都好細食，但係食完之後都覺得冇食過野咁🤮跟住啲魚肉仲鞋過我塊面，完全唔知食緊咩。啲雞肉同牛肉，勁煙靭囉，唔講以為食緊香口膠，完全咬不開了。啲蝦細到完全冇肉，唔講以為食緊蝦乾。呢度環境非常差，冇冷氣，冇音樂，唔講以為入咗桑拿房，焗到有啲暈。張凳仲發晒毛，勁核突。總之今次就係一個不好的體驗，以後都唔想再嚟食。

食個口水雞飯舊舊都畀雞骨 圍翻磅重啲骨仲重過啲肉 不如叫口水雞骨飯 食個口水雞飯舊舊都畀雞骨 圍翻磅重啲骨仲重過啲肉 不如叫口水雞骨飯啦食個口水雞飯舊舊都畀雞骨 圍翻磅重啲骨仲重過啲肉 不如叫口水雞骨飯啦

😢越食越傷心⋯⋯酸辣粉🍜以前讀書耐唔耐都會去食傷心酸辣粉😋每一次食都會眼水鼻涕一齊流🤧因為傷心酸辣粉嘅獨特辣味實在太刺激啦😆同朋友講開一於去重溫吓👉🏻刺激下味蕾👅-🌶皇牌口水雞配傷心酸辣粉套餐（$75）鍾意食辣嘅朋友一定要食口水雞🐥超正嘅四川辣油配上滑滑嘅雞塊😍再配埋酸辣粉🍜呢個組合完全係越食越辣🌶越食越刺激🤩-🐥地獄雞翼（$32）地獄辣粉❌辣椒❌半煎炸雞翼🆘超級惹味！-🍆涼拌茄子（$25）🧅蒜頭加辣椒煮法🌶唔算太辣-📍 傷心酸辣粉 (砵蘭街) (旺角)旺角砵蘭街215號朗晴坊1樓-

#傷心酸辣粉 今次講嘅係位於旺角朗豪坊隔離朗晴坊嘅傷心酸辣粉🥵🥵 絕對可以一解辣癮🤤🤤搭Lift上到一樓就見到舖頭㗎啦✨入去冷氣好強 上菜速度都好快💗滷水拼盤招牌套餐 $54💰（8/10）嘩🤤🤤🤤好吸引✨✨有好多款嘅滷水 有滷水雞翼 滷水大腸 滷水蛋 滷水雞腎😋全部都好入味👅滷水味重 有咬口🤪 加佐$5 轉涼拌米線撈起 揀佐小辣🌶️米線幾彈牙 表面有啲肉碎俾大家撈 撈勻之後 配滷水拼盤食一流😚😚好快就可以清晒👍🏻👍🏻乾撈牛肚招牌套餐 $54💰 （8/10）牛肚份量十足 但係係薄切 配埋花生🥜芫茜 蔥 辣椒同芝麻 成個口感多佐好多✨揀佐小辣 但其實已經辣到小編係咁呻鼻涕🥵🥵🥵 應該下次要揀返BB辣🌶️🌶️配酸辣粉食一流 😚😚‼️加上酸辣粉掛湯能力強 真係一解辣癮🤤🤤可以再戰💗地獄雞翼 $32💰 （9/10）送到嚟嚇親 真係好多好多辣椒🌶️🤯🤯除佐辣椒仲有好多辣椒粉🌶️🌶️雞翼方面有4隻💗係炸過嘅雞翼🐥所以令個雞翼更加香 同埋本身以為會好辣🥵🥵點知原來唔會 反而係好香同唔會好辣‼️係好好食 女小編食晒3隻👅👅留返隻俾男小編👅👅👅嘻嘻涼拌茄子 $25💰 （8/10）呢個好好食 整得好淋 好入味🤤🤤連女小編平