傷心酸辣粉 (砵蘭街)

營業中

休息中

雖然依加既賣點係雞煲放題，但佢本身就賣酸辣粉起家，冇理由整酸辣粉仲差過雞煲烤魚既酸辣粉+$2叫大辣但睇落中辣都冇，食落更加冇。今次黎侍應態度算叫好左，上兩次黎個態度慘過去食打冷，應該係過打冷都好過佢地。叫個貢菜皮蛋佢散上比我皮同蛋散開晒廚房同樓面都唔係好掂，唔知係轉左廚師定點，上年黎都冇咁差依加愈黎愈差，搞唔掂，呢間野唔會再黎。又係評分時間綜合3次既體驗服務 50/100味道 50/100環境60/100性價比 30/100

食開辣嘅朋友都知，辣真係會上癮🤣今次就同媽咪去傷心酸辣粉食，一齊止吓辣癮～旺角店我都食過好多次，卡位都坐得相當舒服😌我哋叫咗兩個set，第一個試咗佢哋嘅新品酥香脆豬腩餐 ($68)😋起初都擔心會比較油，但好有驚喜地唔會好油膩，而且係鬆化嗰種脆☺️好好食～呢個餐都配咗傷心酸辣粉，一如而往薯粉煙韌，湯底都好濃郁，真係食到鼻水眼水都出哂🤣仲好正地配咗我至愛冷泡白桃烏龍茶😋解辣解膩一流～另一個餐叫咗皇牌口水雞套餐 ($75)😌啲雞係加大份量，好多舊，啲汁偏向麻辣，仲有好多花生，幾啱我口味😋都係有配返酸辣粉，同埋加咗$3熱飲😆見小食有加配價就叫咗一個麻辣肥腸 ($32)😆份量好驚人，小食估唔到有咁多，肥腸唔會有臭味，加上醬汁味濃，幾好味😌另外貢菜皮蛋 ($30)有8塊皮蛋，蛋黃係超級黏口嗰款，貢菜爽口，覺得都幾抵食～仲有我最鍾意嘅酸辣土豆絲 ($27)，同樣份量勁多，每條都吸滿哂辣汁，好惹味😋食完呢餐真係好滿足🤣樣樣都辣得好過癮，最驚喜都係豬腩，大推😆

叫左個皇牌二人套餐，包兩碗粉面、四樣小食（係A、B、C、D四part入面各揀一款）揀左：夫妻肺片、麻辣肚絲、酸辣土豆絲、炸墨魚餅（2塊），全部小食叫左小辣～飲品另計。姐姐們好快手，菜好快就有得食！二人套餐相當抵食，只需$154！！而四個小食嘅份量一D都唔少！！夫妻肺片、麻辣肚絲用青瓜絲、花生托底，肺片、肚絲薄切，口感爽口彈牙且入味！小辣嘅辣度對於冇食開辣嘅同行友人嚟講較為進擊，建議冇食開辣嘅朋友仔可先試BB辣，俾味蕾感受下、適應下先～！酸辣土豆絲多左少少酸味，都算醒胃，非常爽口，咬落「索索聲」！炸墨魚餅（2塊）醮泰式辣醬，酸酸甜甜，墨魚餅好彈牙、表面亦炸得稍為脆口～麵方面，其中一碗就叫左主打嘅「傷心酸辣粉」（中辣），諗住睇下食完有幾傷心，點知都唔太傷心。香辣味夠，但酸度可再加強！紅薯粉夠哂煙UN ！！第一次嚟食呢間「傷心酸辣粉」，原來咁好食，又抵食！！可以encore啦！！

#chuchu食在旺角📍 傷心酸辣粉 由細食到大，好多地方都有佢嘅分店，但今次真係要介紹佢嘅新品！！！好好食的！btw宜家咁熱去食下酸辣粉刺激下，同埋呢間分店嘅冷氣好強勁！！！！—————————————————————❣️ 酥香脆豬腩套餐 $68🐷已經食第二次，因為真係好好食，#chuchu推介 套餐有一碗傷心酸辣粉+脆豬腩+白桃烏龍冷泡茶！呢個炸豬腩炸到好香脆，第一次食豬腩唔會覺得好肥好膩！仲可以點泰式辣醬，好正好夾，感覺又冇咁熱氣😚配埋傷心酸辣粉一齊食的確唔錯，bb辣辣得嚟又唔會辣到條脷冇味覺！白桃烏龍冷泡茶大大杯，無糖嘅，啱晒🐷，茶味清香，白桃味都好出！.❣️ 香酥軟骨套餐 $55雞軟骨炸得好脆，細細粒咁好容易入口，又有少少咬口，份量都唔小架！🐷仔就嗌左米線，雖然酸辣粉出名啲，但都煮得幾好！.❣️ 乾撈牛肚套餐 $69套餐配一碗粉，牛肚就顧名思義，佢係偏向乾身嗰種撈黎嘅，唔係平時川菜好油好辣嗰種！牛肚切到一條條，好易咬！都係跟米綫！.❣️ 酸辣土豆絲 +$20雖然加廿蚊但都好大兜，土豆絲唔會太淋或者太硬，粗幼啱啱好，嗌左bb辣，不過下次會嗌翻小辣，刺激啲！.❣️紅油木耳 +$20份量

今日又過來妳們餐廳吃飯，員工態度好惡劣我們是過來消費的，不是來看妳們員工面色的已經不是一二次嘅😌，高大隻扎馬尾嘅講嘢唔正嘅態度超級惡劣，唔該希望妳們公司可以整頓一下啦😡

小妹一直好想試吓呢間店，但一直無咩機會食到🐒 呢排大熱天時，沒咩胃口，突然好想食d酸酸辣辣既食物🤩 碰巧諗起呢間酸辣食物，可以刺激味蕾，又可以醒胃😍 就決定去呢間食啦~小妹入到餐廳見到店內環境唔錯，裝修尚算用心，但最令我驚訝係「傷心酸辣粉」竟然有烤魚、雞煲放題等，仲免加一服務費，超抵食👍🏻但呢幾日天氣實在太熱🌞 唔想食烤魚、雞煲等高溫食物，等下次有機會再叫黎食🌝🐷🍜酥香脆豬腩套餐（傷心酸辣粉+脆豬腩+白桃🍑烏龍冷泡茶）小妹見到呢個set，$68包冷泡茶，梗係試下新產品🤗 呢個酥香脆豬腩估唔到好香脆，仲可以配甜酸醬/香辣粉；小妹擇咗香辣粉，當食第1啖時，感覺微微帶甜，同脆豬腩都幾夾😚 配埋傷心酸辣粉一齊食的確唔錯🥳至於白桃🍑烏龍冷泡茶，茶味清香，白桃味香濃，恰好中和翻食咁多小食嘅油膩感😌自選酸辣粉除咗基本酸辣粉外，呢間亦好似車仔麵檔有粉麵供應🤪可以自選餸菜，湯底和唔同的粉麵。湯底有麻辣，酸辣和泡椒湯底，粉麵亦有薯粉，米線和寬麵選擇😍 小妹今次擇3餸酸菜米線🍜 材料幾豐富，配料亦有酸菜、蔥花等，加埋雲耳，魚腐🐟幾清新；而麵類小妹擇咗小寬麵清湯😚 好少地方有得嗌小寬麵，食落都唔錯，幾特別💕🧈

今日收工去左呢間食 晚上10點到佢地店 一入去佢地員工就話 唔好叫D咁複習既食物 佢地10:30LastOrder 10:55Pm要離場 咁我果下都問佢地叫兩人餐得唔得 麻唔麻煩 ？應該佢地話水煮牛兩人餐都冇問題 因為仲有成個中 係佢地點講 我同朋友先坐底叫野食 叫完等佢D野到時10:15Pm 仲要個白飯唔記得俾我地 我吹先去裝返 之後開始食就發現佢俾錯水煮魚（因為我真係完全唔食水煮魚 ）之後佢地又攞去改返 到差唔多10:25先俾我地 佢D野又熟 我地已經唔理忍熱即食 到10:53我地就走人 重點：我地走時就俾說話我地聽 話下次早D食快D ，我就應佢 係你地落錯單 我地急食 （係你地話10:55要清場 我地53分走 ）冇阻佢地收工既情況下你仲俾說話我地聽？ 然後佢地唔應 另一個男既仲扮晒野話 一早叫左佢地食簡單D （但明明落單我問清楚係唔係Ok 仲要佢自己落錯單搞到25分先俾我地）依家怪我地 以後唔會再去 員工人品極有問題

天氣熱到個人冇咩胃口係時候食啲濃味野刺激一下味蕾Lunch去左傷心酸辣粉 啲set都幾抵食喎口水雞配酸辣粉（加大）加大版嘅口水雞份量比普通版多一倍雞肉夠滑雞皮又爽口 揀小辣就啱啱好酥香脆豬腩套餐見佢係新產品就叫嚟試下五花腩位一層肥一層瘦咁間住 個皮係超級脆點泰式醬個味好夾 跟餐加配小食有優惠價叫左兩個啱晒夏天嘅涼拌小食海蜇脆耳同手拍青瓜兩款都揀左少辣 口感好爽脆 份量都幾大干煸四季豆睇落好多辣椒好似好辣咁 但食落都ok香口惹味 lunch呢個有套餐 可以叫餸食飯咁都幾好

好耐都無食過傷心酸辣粉, 酸酸辣辣夏天食最開胃, 不過今日有少少失望叫左中辣但都唔係好辣, 湯底無以前咁好味, 個雞好肥同埋無乜雞味加上有少少鞋卡位坐得算係舒服 不過其他台都幾迫下, 台與台之間好窄凍檸茶幾好飲~ 不過味精可能都幾重, 食完成個下晝喉嚨都好涸, 應該未必會再食

📍旺角傷心酸辣粉 @sourspicynoodle 上個禮拜突然間好想食紅薯粉🥹🥹❤️今日終於有時間去食~ 係久違嘅傷心酸辣粉！以前成日都會食佢嘅酸辣紅薯粉同小食 但係前排疫情嚴重就冇再去食luu🥲🫶🏼今次食幾有驚喜！(*ˉ︶ˉ*)進步咗唔少！🐷香脆豬腩套餐 $68呢個豬腩套餐都幾抵食！🫶🏼🥹有四件豬腩 一碗紅薯粉 同埋一杯冷泡茶🎶😚就咁睇啲相都可以睇得出豬腩肉又脆又juicy吧！其實食落去真係有驚喜 表面係脆身一咬落去有啲甜甜地好似蜜糖嘅甜味出咗嚟😍第一次食炸嘢唔會覺得好膩！重點係姐姐叫我揀兩種醬汁 但係可能我個樣表現出選擇困難症嘅感覺 所以佢就索性俾晒兩款醬汁我😂😂😂😂個人來講覺得泰式辣醬好食啲！辣粉就啱啲鍾意食辣嘅朋友仔！ ☕️餐飲: 白桃烏龍冷泡茶 呢一個香脆豬腩套餐包一杯白桃烏龍冷泡茶~ 你杯茶完全係可以解暑！同埋好女仔friendly~因為冇冰 都幾養生🤤🤤🤤❤️ 🐔鹽焗手撕雞 $38鹽焗手撕雞份量好大碟 性價比高！好少機會可以瘋狂食手撕雞 但係佢個份量真係好多😍😍❤️同三五知記Share啱晒🥹🫶🏼🐷海蜇脆耳 $38唔知有冇朋友仔同我一樣超級鍾意食海蜇🤤🤤🫶🏼呢間仲要有埋加豬耳ve

最近見到傷心酸辣粉新推出左「酥香脆豬腩套餐」，行開旺角附近，一於去試吓。同朋友一向都眼闊肚窄，所以叫咗好多樣小食！同大家逐一介紹吓🤫🐖酥香脆豬腩套餐（$68）🔹配健康冷泡茶（四季春茶）+傷心酸辣粉豬腩肉嘅外皮炸到金黃色，賣相吸引，咬落去脆卜卜🤤豬腩肉外皮帶少少鹹味，點佢送埋嘅辣粉可以中和鹹味之外，仲帶點甜味套餐飲品可以揀四季春茶或白桃烏龍茶。四季春茶感覺似台式手搖飲品店嘅冷泡茶，味道清爽，岩晒食完辣嘢同煎炸嘢後飲👍🏻🐓香酥軟骨套餐（$56）雞軟骨炸得香脆，細細粒咁容易入口☺️🥤海鹽柚子樂（+ $12 ）飲品帶有海鹽味，加可樂同柚子蜜嘅甜味，味道特別😗🐓海蜇手撕雞（ $42 ）海蜇同雞份量各佔一半，海蜇爽脆，手撕雞嫩滑，加上麻辣醬汁拌勻，作為涼拌小食係唔錯嘅選擇🤤🐓麻辣無骨鳳爪（ $30 ）鳳爪雖然去骨，但仲保留少少軟骨，增加口感🤣辣度唔高，唔食得辣嘅朋友都岩食🤭黃金花枝丸（$20/6粒）🥔酸辣土豆絲（ $27 ）土豆絲切成幼絲，口感爽脆，加上辣油拌勻，味道好香，而且份量多，係抵食之選🤣

炎熱嘅夏天食返碗酸辣粉就最適合不過了🥰 呢間位於旺角嘅餐廳提供多款特色川菜小菜同小食😝 包括既傷心又過癮嘅招牌酸辣粉🍜 夫妻肺片🫓 紅油脆耳👂 口水雞🐥 麻辣小龍蝦🦞 雞煲🍲 烤魚等🐠 辣度方面可選唔辣/bb辣/小辣/中辣/大辣/勁辣😍 連粉面類都有好幾款🥹 非常推介一家大細過嚟食嘢呀🫣～ 🐷 酥香脆豬腩套餐 $68五花腩肉外皮非常香脆，油脂較多，肉質偏肥但入口即融而且好juicy😍 傷心酸辣粉同樣地做得好出色🫣 紅薯粉夠彈牙，搭配花生，酸菜，碎肉，蔥花等配料十分惹味🔥 白桃烏龍冷泡茶散發着淡淡嘅清香味☺️ 連同豬腩食好解膩呀😭 呢個套餐不得不試😚👑 皇牌二人套餐 $143滷水拼盤極度豐富！有雞翼🍗 大腸，雞蛋🥚同雞腎🍖 整體滷得夠入味而且份量都唔少～ 香酥軟骨炸至金黃色🤩 外脆內軟，嚼勁十足😊 涼拌海帶絲好開胃，酸辣脆爽，夏天食非常解暑😋 而黃金花枝丸竟然有足足四粒🧆 爽口彈牙，配麵一流☺️ 另外淨酸米線都唔錯，酸度屬於bb酸🤣 可試～ 🌊 香油海蜇 $35 清爽彈牙而且份量唔少，正🤪

口痕痕又掛住啲酸辣味道🥺🥺緊係即刻去食左先講～🤓平時都食口水雞今日決定食肥腸！套餐可以優惠價加個小食諗緊加貢菜定海帶最尾都係揀左海帶絲😎全部都要中辣！不過原來中辣都唔係好辣😂😂😂雖然食太辣對個胃唔好點到即止就算係咁喇😝酸辣粉叫左多酸係有多酸到既食得好過癮🤪🤪🤪不過真係好油但無法啦要食都係預左😂好味既食左先算健康就之後再諗🤣🤣🤣肥腸夠肥清理得都乾淨無古怪味份量都可以😌

喺朗豪坊行街行到攰攰哋，正當諗緊去邊度醫肚嘅時候，朋友話想食辣又想食薯粉，於是J妹就帶咗佢去位於朗豪坊隔籬嘅朗晴坊嘅傷心酸辣粉啦！ 唔少人食傷心酸辣粉，為咗惹味湯底同小食而來，原來仲有雞煲 / 烤魚任飲任食放題供應添😍😍正！又多樣選擇！😍我哋揀咗重慶麻辣雞煲 (小辣)，二人份量係半隻雞～麻辣醬好惹味！夠麻又夠辣，雞件入晒味！因為拎咗任食嘅薯粉，J妹就自制咗「傷心酸辣粉牌重慶麻辣肥牛薯粉配娃娃菜」！好正！滿足！😆🍲🔥任食有 ： 蝦、雞件、美國肥牛、龍蝦丸、娃娃菜、芝士腸、金菇、薯粉等等。🔥任飲有 ： 紙包飲品、罐裝汽水及啤酒等等。另外值得一讚是店員服務態度有善！_______________🔥90分鐘任飲飲食放題 (2位起)🔥烤魚/ 胡椒豬肚雞煲 / 雞煲(重慶麻辣 / 沙參玉竹/當歸北芪) (選一）🔥全日供應🔥成人每位 平日 $128 星期六、日及公眾假期 $148🔥免收加一服務費_______________傷心酸辣粉 (砵蘭街) (旺角)旺角砵蘭街215號朗晴坊1樓_______________

吾經過都未必見到，樓上鋪一樓可以行樓梯上去，快過等lifte。平日夜晚去食吾算多人，加上可能疫情嚴重都冇乜人岀街食。地方係朗豪坊隔離唐樓，都有好多餐廳選擇。我地坐4人枱，相當寬鬆。叫左個二人餐，有2碗酸辣粉併4個菜單，我地簡左麻辣肚絲，酸辣土豆絲，口水雞同墨魚餅。口水雞一如既往入味爽口，土豆絲一般般吾夠爽口，肚絲正正常常，墨魚餅口感彈牙，配個酸甜醬都幾夾。而且2人餐好飽好抵食，人均消費都係$80左右，下次可以試吓。