傷心酸辣粉 (砵蘭街)

營業中

休息中

𝙩𝙧𝙮𝙞𝙣𝙜 𝙤𝙪𝙩 𝙣𝙚𝙬 𝙨𝙞𝙘𝙝𝙪𝙖𝙣 𝙗𝙤𝙞𝙡𝙚𝙙 𝙛𝙞𝙨𝙝! 𝙢𝙖𝙧𝙞𝙣𝙖𝙩𝙚𝙙 𝙛𝙞𝙨𝙝 𝙨𝙡𝙞𝙘𝙚𝙨 𝙖𝙧𝙚 𝙥𝙤𝙖𝙘𝙝𝙚𝙙 𝙞𝙣 𝙨𝙚𝙖𝙨𝙤𝙣𝙚𝙙 𝙬𝙖𝙩𝙚𝙧 𝙬𝙝𝙞𝙘𝙝 𝙩𝙖𝙨𝙩𝙚𝙨 𝙩𝙚𝙣𝙙𝙚𝙧 𝙖𝙣𝙙 𝙨𝙪𝙘𝙘𝙪𝙡𝙚𝙣𝙩. 𝙞𝙩'𝙨 𝙙𝙚𝙛𝙞𝙣𝙞𝙩𝙚𝙡𝙮 𝙩𝙝𝙚 𝙥𝙡𝙖𝙘𝙚 𝙛𝙤𝙧 𝙨𝙥𝙞𝙘𝙮 𝙛𝙤𝙤𝙙 𝙡𝙤𝙫𝙚𝙧𝙨!🌶.傷心酸辣粉除左食酸辣粉，最新推出左水煮系列同酸菜魚，唔想lur骨既揀水煮生魚片就岩哂，啖啖滑lulu既肉～ 配菜都幾多，有酸菜、洋蔥、辣椒、青瓜、大豆芽、寬粉，每夾一下都夾都啲野上黎😂 另外仲有好多款小食，夫妻肺片叫左例牌都份量好夠～ 臨走前見到收銀放左好多樽辣椒油，原來佢哋而家連辣椒油都出埋，買返屋企食麵食燒賣果陣都可以加落去！

最近興起吃米線的熱潮「酸辣 多麻/多酸」若論香港的酸辣始祖 一定是傷心酸辣粉不知你係米線派 還是薯粉愛好者？傷心酸辣粉 有各款麵食選擇最近推出雞煲/ 烤魚/水煮系列 價錢親民正宗重慶風味 一次過滿足不同吃辣的願望仲可以用$29購買傷心辣椒油🌶在家品嘗.水煮龍脷柳🐟$129很巨大的一盤 龍脷柳份量十足 而且好入味肉質滑溜無骨 啖啖肉 還有芽菜 寬粉 青瓜選了小辣已經夠刺激 適合重口味人士挑戰陣陣花椒香 麻和辣的比例剛好 辣得有層次.口水雞套餐🐥$54每次都會叫這個餐 對它的口水雞念念不忘肥瘦適中 雞肉嫩滑同時冇血絲 骨唔算多鑒於水煮魚內有寬粉 酸辣粉就改成米線吧欣賞湯底夠酸夠辣 加上花生 芫荽 榨菜和大量炸醬 充滿了四川的味道 不錯吃正如其口號：酸到流口水 辣到流眼淚.麻辣肥腸套餐🐷$54+$5雖然知道食内藏會好肥 但忍唔住叫了肥腸清得乾淨冇異味 調味與口水雞有相似滿滿一碟 邪惡指數甚高 吃飽才有力氣減肥若覺得夏天吃辣會沒有胃口 不妨和我一樣加$5換重慶炸醬涼麵 小寬麵帶有蛋香 爽口和炸醬 芫荽 葱粒 花生拌勻 惹味醒胃.套餐加凍飲只需$5 比一般米線店便宜凍咖啡☕️凍西洋菜蜜🥃

一向都好鍾意食紅薯粉，今次終於試咗呢間開咗咁多分店嘅酸辣粉！除咗叫佢哋最經典嘅酸辣粉之外，我今次仲加配水煮龍利魚柳同埋夫妻肺片～酸辣粉嘅湯底酸辣適中、可以自行調校辣度，亦都適合重口味人士！薯粉嘅口感煙銀滑溜加埋花生酸菜肉碎，口感一流！而夫妻肺片呢個小食，酸辣既醬汁帶點麻香，配花生青瓜絲蔥粒香菜，真係好惹味～推介佢哋嘅水煮龍利柳，大大碗好抵食，啲魚好滑同埋佢哋嘅闊條麵都好入味！最後我仲忍唔住買埋佢哋嘅辣醬，打算返屋企煮～

放假咁開心，點解要食傷心酸辣粉呢？冇，就係連放幾日太開心，想臨返工前調節返好個心情，等個假期後症候群冇咁嚴重囉其實大胃冇食過傷心酸辣粉，不過要大胃之母啱食嘅嘢唔太多。上到嚟，怕死怕辣嘅大胃都係淆底地啦碗豬骨湯薯粉估唔到佢地啲薯粉超級彈牙，好有質感，就算唔辣，湯底同配料都好夠，已經好惹味食一碗麵點會夠飽吖？兩個人梗係嗌盤烤魚啦！上到個爐，先知條魚係咁大條，好彩只係嗌一碗麵，如果唔係冇位KO條魚條魚煎好咗先上爐，所以唔會散颼颼，又不失嫩度酸菜醃料好足夠，成條魚係入味嘅，同埋啲木耳都好過口癮嗜辣如命嘅大胃之母實在好鍾意呢度嘅辣椒油，所以佢想大手入貨大胃都少少地試吓，其實又幾香口，麻麻地係幾頂癮，撈吓魚肉同薯粉，味道又去到另一層次食完辣當然要拿拿臨飲啲嘢，估唔到呢度水吧又ok喎，咖啡夠晒奶味

有冇朋友仔同小編一樣鍾意食酸辣粉呢？朋友就話好耐冇食傷心酸辣粉所以今次就同朋友嚟咗食午餐🌶 水煮套餐 $238店員推介我哋話呢個水煮套餐CP值高味道都唔錯所以我哋就叫咗嚟試吓😊份量充足，足夠兩至三個人食😋_🐠水煮龍俐魚大大碗好足料，水煮魚能夠選擇辣度，小編就揀咗小辣，食落去好香口但係唔會太辣😍大大片魚肉食落去好嫩滑，重點係無骨，怕骨嘅朋友仔都唔使擔心😀另外仲有大豆芽、青瓜等等配料😊小編最愛係吸收左啲湯汁既寬麵，餸飯都一流㗎，唔想食飯嘅朋友仔都可以加錢轉酸辣粉、米線等等_🍗皇牌口水雞口水雞嘅份量都好充足，食落去非常嫩滑，小編同樣叫咗小辣但係味道唔會話太辣😙特別欣賞佢哋上面充滿花生粒，好香口😊層次感更加豐富_🥔熗炒土豆絲估唔到炒土豆絲都有驚喜，土豆絲切絲厚度剛剛好，上枱嘅時候熱辣辣，食落去口感十足，一條接一條，鍾意食土豆絲嘅朋友仔一定要試吓👍🏻臨走之前見到原來餐廳有得賣佢哋自家秘制「傷心辣椒油」$29🌶作為冇辣不歡嘅小編都買咗支返屋企，真係好足料😎用黎調味或者撈麵都可以，係屋企都可以食到佢哋獨有嘅辣味😊有興趣嘅朋友仔記得買返樽返屋企試吓啦💜

相信大家對傷心酸辣粉都唔陌生最近新推出水煮套餐 份量都幾大 適合2-3個人食可以揀辣度 今次就揀左bb辣.《酸菜龍俐魚》酸菜魚好大碗 大大片魚肉新鮮嫩滑而且無骨 非常容易入口仲有酸菜、洋蔥、辣椒、薑片、大豆芽、青瓜條等等配菜其中寬麵吸收左啲湯汁 咬落好煙韌酸菜融入左湯底 味道酸酸辣辣得黎又唔會太over用湯汁黎泡飯亦都好好食.《皇牌口水雞》口水雞好嫩滑 食落去啖啖肉 仲有爽脆既花生粒同芝麻粒 令到口感更豐富 醬汁有股好香既麻油味不過bb辣既辣味唔太明顯 下次可以揀再辣一度 .《熗炒土豆絲》一黎到拎上枱時仲冒緊煙熱辣辣咬落去好爽口 而且帶有一陣麻辣味炒得好夠鍋氣 配上蒜粒、花椒同辣椒味道更加香口 非常開胃好送飯.《椰汁》🥥🥛味道偏甜不過食完辣野 用黎解辣就岩岩好啦.《調味辣椒油》入口有股幾強勁既麻辣味 非常惹味今次用左黎點口水雞同撈寬粉都好夾應該都好適合用黎做涼拌料理既醬料簡簡單單撈麵又得咁就係屋企都可以食到川菜既風味啦

今日來傷心酸辣粉食自助烤魚，waiter話今日有口福啦，魚好大條。上菜嘅時候，真的見到好大哦！因為友人吃不到太辣，就揀小辣。因為係自助餐，所以配料都擺冰櫃，需要吃乜自己拿碟添加。飲品都隨意飲，種類都多：綠茶，烏龍茶，可樂，雪碧，鴻福堂各類飲品等。醬碟都唔使另俾錢，可以自己呈。有蒜蓉，切碎啲紅辣椒，醬油，蔥，甜醬。選擇比較少，但因為烤魚本身就係辣，所以醬料反而冇乜要求。吃烤魚係吃不到魚啲新鮮，只吃到魚肉入哂味，煮越久，越惹味。如果覺得鹹，可以要waiter加水，繼續煮。因為配料選擇多，一下午都食得好滿足，如果喜歡吃烤魚啲朋友，都可以去試。

一年前我嚟食係幾好味嘅，一年後嘅今日我嚟食飯簡直屎都不如，超級難食，尤其是係酸辣粉成碗都係油，零湯感。每一碟餸全部都係油，個海帶絲仲要超級苦，今餐嘅體驗話俾我知永世不幫襯。食咗$158，我只可以用荒謬嚟形容！🤮🤮🤮希望大家唔好好似我咁中伏，我食過好多難食嘅舖頭，不過呢一間真係超級難食，一年前我食嘅味道的而且確唔差，一年之後嘅體驗令我前所未有。真係食完一啖成碗都係油嘅面都想嘔返出嚟，米線黐埋一舊，嗰種口感都係前所未有嘅難食。

之前在家附近開了一間傷心酸辣粉，每次經過都聞到陣陣的酸味，熟客仔同事推薦我必點招牌口水雞酸辣粉，趁着今天收早忍不住去一嘗究竟，沒想到竟然充滿驚喜！由於是晚飯時間很多客人都是來吃雙人火鍋，但他的愛感覺有點失策😓二話不說馬上點了一個招牌口水雞酸辣粉，小小酸辣版，一上枱真是色香味俱全，光是配菜已經很豐富，有他們的秘製菜譜、花生和肉碎。酸辣到我覺得剛剛好，是容易入口的程度！然後那些花生很香脆，菜譜惹味，粉質也非常滑溜，一直吃個不停差點把口水雞忘掉了！口水雞不會很肥膩而且很入味，太好吃的關係都忘記拍照了！決定下次要再約朋友一起去再去吃呢！

都有好耐冇食過傷心酸辣粉了今日突然好想食，所以決定去試下叫咗個2人餐跟有4個小食同酸辣粉2碗另外單點咗酸菜魚$138不跟不講真係退步咗好多，無以前咁好食叫咗中辣，但一d都唔辣。。紅油肚絲，中規中矩，唔錯口水雞正配埋啲花生好脆，清曬，中意嘅可以散叫一碗(膠兜)$10份量十足，正常花枝丸即叫即炸，熱辣辣，彈牙咁多種小食都無令我失望，保持到水準，係唔錯。酸菜魚 中辣份量足，都幾多酸菜魚肉滑，有水晶粉係底總括嚟講都唔錯，但招牌菜傷心酸辣粉卻有點失色！

琴日去咗旺角分店嘅傷心酸辣粉，嗌咗水煮魚套餐，套餐有一大煲水煮魚，同埋仲送兩碗白飯同埋兩個餸。我哋將其中一碗白飯換咗做酸辣粉 ，食物好快就送到，水煮魚都幾惹味，但係美中不足之處就係佢啲魚肉係急凍魚柳，口感冇咁正，要加幾十蚊先可以升級做生魚片，我會建議大家試吓升級做生魚片。值得一提嘅就係旺角分店嘅姨姨態度非常熱情，上個禮拜因為近去咗馬鞍山分店食，員工態度就冇咁好，所以如果有機會我都會願意出遠少少去旺角分店食。

行入餐廳，見到牆身貼住有一人水煮/酸菜魚套餐，因為唔係間間傷心酸辣粉都有呢個一人餐。而且好搞笑地，就算有呢個一人餐，唔同分店係唔同價錢，有啲分店可以加錢由飯轉酸辣粉，有啲分店呢個餐又無得轉。同埋，唔同分店用既魚都唔一樣。旺角店用既係急凍魚柳，魚肉會比較散同無魚味，但好處就係無骨同埋滑，岩唒怕骨既人。個湯底又幾好味，配左大量酸菜葉，少少蒜頭同埋蔥段，同埋有小小幼身個隻薯粉，酸菜魚可以叫辣度，我就揀左魚唔辣，配碗BB辣既酸辣粉，兩樣夾埋好味。不過旺角店啲枱同埋餐具都有啲油膩，希望可以加強清潔

大約晚上7點 自己一個人去食上到去 無咩人有好多位我坐左 靠窗邊卡位～叫左 傷心酸辣薯粉、酸辣土豆絲、椰汁傷心酸辣薯粉：有肉碎、一條生菜、花生、蔥我叫左 走芫茜🤔但仲有芫茜第一啖喝湯，唔太辣～第二啖食薯粉入味 開始有辣感有口感 夠煙韌我仲意～第三啖食菜 😂得一條有點驚訝生菜吸曬辣油😝 有點辣～椰汁好失望好淡味 應該溝左水酸辣土豆絲唔錯 夠入味我見菜單 酸辣土豆絲$29、椰汁$15但埋單見 酸辣土豆絲$17、椰汁$7晚餐加埋只係$54 都幾抵食 夠飽肚（最後我係食唔曬土豆😂）🙅‍♀️椰汁不推薦員工方面 🤭有點搞笑有個客人準備走，有個待應執枱時 收埋張單個客人就問：你收左我張單😂我係咪唔曬比錢個待應 邊比反張單客人邊笑住話：“我幫你比，入我數！”另一個 平常事……有個侍應 比左隔離枱既 檸茶我我話：“唔係我咖”。佢呆左幾秒佢話：“係咩” 睇完張紙話“係喎”

🔱今次要介紹嘅食物就係位於來自 旺角📜”傷心酸辣粉 (旺角)📌 地址:旺角砵蘭街215號朗晴坊1樓🕐營業時間:1100-2300🍽分店地區:銅鑼灣 旺角 深水埗 太子 尖沙咀馬鞍山 元朗 天水圍 觀塘 北角 九龍城📝評價💬📢由中學開始都好鍾意食酸辣粉😆🤤但係我住嗰邊冇傷心酸辣粉所以有機會食到傷心酸辣粉嘅時候都會好興奮😆😆咁啱撞正下午茶嘅時間去$40就可以有一個小食配酸辣粉☺️☺️青瓜同豬耳嘅感覺都係好啱配紅薯粉🤤🤤但係每次食都流晒口水🤩🤩🤩KS評分 5分最高🏵環境指數:⭐️⭐️⭐️⭐️⭐️🏵味道指數:👅👅👅 👅👅🏵抵食指數：💰💰💰💰💰🏵回購指數:❤️❤️❤️❤️❤️歡迎餐廳合作/試食🥰 可DM聯絡📩#美食推介 #foodhk #hkfoodie #美食分享 #hkfood #食好西 #吃貨 #hkfoodig #hkfoodlover #食評 #foodiehk #foodieksk網站 #foodiehk旺角 #旺角美食 #foodieshk #hkfoodies #foodpics #852food #相機食先 #香港美食指南#hkfoodblog #一路食一路post #美食地圖

因為冇得食晚市嘅關係，所以好多店舖都吹出外賣優惠，傷心酸辣粉都係其中一間。除咗有食品外賣優惠之外呢，其他食品都享有七折優惠。所以今次我哋就叫咗一個粉再加小食啦，買單$66兩個人。當然係因為我哋兩個都係女生嘅份量啦。我今次係試咗傷心酸辣粉加夫妻肺片套餐，小食方面就要咗黃金花枝丸，然後加$3要咗個熱菜蜜，另外就再要咗個抗疫單點食品土豆絲。留意番抗疫單點食品係冇再七折嘅，咁我幫大家格過價佢係確實平過七折嘅所以大家都可以放心咁享用呢一個優惠。然後米粉米線或者傷心酸辣粉類別你哋就真係要格價啦。講返食物嘅質量呢，傷心酸辣粉就真係唔錯嘅，不過我叫咗小辣其實都相當難㗎啦，反而土豆絲就有啲失望啦，因為我一開始食嘅時候個外賣份量係多勁多，但係而家好似縮咗水。如果擬$66你評價嘅話我覺得係不過不失啦。