備長

營業中

休息中

牛肉稻庭烏冬 牛肉上菜嘅時候係半生熟，仲粉粉哋，再浸落熱湯度慢慢浸熟就啱啱好，食落唔會覺得柴，而且仲好有肉味，感覺無肥牛咁油膩。至於烏冬個份量都幾大，同埋唔會煮得太腍，好彈牙牛舌厚切 我會話咧個真係必食，每塊牛舌都好厚，而且唔會好韌，食落超juicyyyy同埋好爽口，入面有少少粉嫩唔會燒得太熟，仲有陣微微嘅炭香味tim荔枝豬肉 好少見有串燒包住荔枝，但食落又幾唔錯，無番茄仔咁酸，有少少清甜，仲唔會覺得油膩鵝肝多士估唔到佢個鵝肝唔算特別貴但係會咁大塊🤣好香鵝油味，入口即溶，外面燒得少少香脆。加咗塊脆口嘅多士喺下面令到佢無咁油膩清酒煮蜆 清酒唔會好濃，啲蜆新鮮得嚟又好juicy，而且一碗都好多隻~汁燒魷魚筒原隻魷魚咁食好滿足🤤而且啲肉都幾厚，加埋燒汁甜甜哋都幾啱，唔會太濃味

推薦呢間食物質素頗高同服務態度好嘅銅鑼灣樓上日本料理。必試魚生、壽司及各種串燒。🍣三文魚腩壽司·香蔥吞拿魚碎軍艦·三文魚籽壽司·甜蝦壽司魚生非常新鮮，擺盤精美，特別係三文魚籽，卜卜脆。🍢牛舌厚切·荔枝豬肉卷·白鱔·自家制免治雞肉捧（溫泉蛋）·雞腿肉(芥末蜜糖味）今次點嘅串燒大部分都係本店推介，最驚喜係荔枝豬肉卷，荔枝汁能點綴肉味，無咁油膩。白鱔則相當肥美。🍘日本芝士年糕🍙燒飯團（明太子）年糕同飯團燒得比較耐，花足心機慢慢燒。飯團表面嘅飯焦似煲仔飯焦，口感特別。🥗炒雜菜食完咁多串燒，可以食番d野菜中和下。🛎️必試指數：9/10🔆

今日來到銅鑼灣備長食串燒，都有刺身壽司食，坐吧檯可以見到師傅係炭爐前細心燒烤，火候控制恰到好處，串燒都好高質，推薦！😍✨前菜條 $28 (每兩人)前菜包括椰菜片、紅蘿蔔條和青瓜條，配左自家製嘅味噌醬，都有一塊檸檬配串燒食🙂‍↔️✨牛舌厚切 $78牛舌燒得岩岩好，入面係嫩粉色，食落勁彈牙又軟嫩，好味🤤✨鵝肝多士 $88超中意食鵝肝多士，入口即化，多士脆卜卜☺️✨黑松露帶子 $58帶子煎得軟嫩，配上黑松露，每一口都好享受😝✨白鱔 $88餐廳招牌之一，外皮燒得香脆，厚身啖啖肉，口感彈牙🥰✨荔枝豬肉卷 $38焦脆香口的豬肉卷加埋清爽荔枝，口感豐富juicy🤤✨鹽燒雞翼 $32自家製免治雞肉棒 (付溫泉蛋) $42每次食串燒都會食雞肉棒，將雞肉切碎混合雞軟骨，增加口感，蘸上日本蛋漿，入口嫩滑😋✨軟殼蟹天婦羅 $68軟殼蟹天婦羅炸出香脆而唔油膩，配左鹹鹹甜甜醬汁

今日同朋友喺銅鑼灣行完街，去咗澳門逸園中心26樓一間叫「備長」嘅居酒屋食日式串燒，餐廳裝修精緻，座位寬敞，職員態度熱情，會主動同顧客介紹推薦菜式。呢間居酒屋主打日式串燒，另外仲有唔同嘅刺身、壽司同清酒。我哋嗌咗備長卷、鵝肝多士、厚切牛舌、荔枝豬肉卷、蘆筍豬肉卷、黑松露帶子、鹽燒白鱔、自家製免治雞肉棒同日本雞腎。備長卷係呢間居酒屋嘅招牌，一份有六件卷物，每件卷物都係充滿着滿滿嘅吞拿魚蓉、三文魚籽同海膽，外表非常精緻美觀，吞拿魚蓉配香蔥、洋蔥同芝麻等配料非常香口，三文魚籽同海膽嘅份量都唔少，咬爆每一粒三文魚籽都食到嗰種鹹香，海膽都好鮮甜又唔腥，幾推介大家試呢一個卷物；鵝肝多士上面塊鵝肝亦都煎到好香，配埋多士一齊咬充滿油香而又唔肥膩；厚切牛舌嘅每一塊牛舌都充滿厚度，口感爽得來有嚼口，唔會燒得太韌；豬肉卷無論係荔枝或者蘆筍都好夾，薄切嘅豚肉易熟得嚟又燒得好香口；黑松露帶子燒到比較乾身，用黑松露醬調味可以提鮮；鹽燒白鱔亦都係另一道嘅推介嘅食物，白鱔嘅肉身厚實，燒完之後咬落去仍然保持到肉汁同魚油，魚皮亦都燒到好脆；免治雞肉棒同雞腎質素都唔差。📍銅鑼灣軒尼詩道525號澳門逸園中心26樓位置就腳：🍊🍊

我今日放工後，約同好友去位於銅鑼灣軒尼詩道525號澳門逸園中心26樓的「備長」食串燒，環境舒適，坐得舒服。我點左個 壽司特上 Assorted Sushi(8 kinds) $320, 有吞拿魚腩、三文魚、油甘魚、赤蝦、帶子、海胆、魷魚、赤貝。好友點左 牛舌厚切$78，白鱔$88，蒲燒鰻魚$48，柚子芥末墨魚鬚$38，自家制免治雞肉捧（付溫泉蛋）$42，前菜條 $28。壽司特上的各種壽司，材料豐富及非常新鮮好味；牛舌的牛味濃郁，肉質鮮嫩；白鱔非常厚肉，鱔肉香濃好食；鰻魚燒得好味，墨魚鬚好脆口又好食；雞肉棒點著溫泉蛋，好特別的食法；前菜條好新鮮。

備長今次介紹銅鑼灣逸園中心26樓一間日本料理餐廳，佢哋餐廳主打高質食材串燒、刺身、壽司等，酒品選擇都好多，餐廳入面有普通可移動嘅座位同bar枱 ，非常適合同三五知己一齊聚舊吹水食好西！1.前菜$28（8/10）一坐低店員就會遞上一碟前菜，前菜包括有椰菜片、紅蘿蔔條同青瓜條，最重點係前面有一碟係佢哋自家製嘅味噌醬，如果三種蔬菜多返d水份就更好味！2.牛舌厚切$78（10/10）呢串牛舌厚切係餐廳招牌菜，一吋有3大舊，食落勁彈牙，面頭輕輕落咗少少鹽，味道啱啱好 ，咬落去仲見到肉質呈現粉紅色，燒唔會過熟，勁正！3.牛肋骨$48（9/10）呢串牛肋骨啖啖肉，一吋大約有5舊牛肋骨，肉質都好嫩多汁！4.美國安格斯牛柳$78（9.5/10）落單前會問你想要幾成熟，我話要五成熟，個牛柳燒得啱啱好，咬落好嫩滑多汁，牛味又濃，無令我失望！5.汁燒魷魚筒$85（8/10）呢個汁燒魷魚筒係原隻上，燒汁帶少少甜，魷魚肉質彈牙，呢隻魷魚筒都算大隻，份量都算多，唔錯！6.白鱔$88（8.5/10）呢串燒白鱔一共有3舊，每一舊都好大舊好厚肉，一咬放入口腔魚油味出哂嚟，外皮又有少少脆，只不過缺點就係有好多細骨，好彩我係

銅鑼灣非常就腳嘅日式居酒屋🏮 lunch set好正 可以揀三串串燒配主食🥺‼️ 100頭-200頭食到個勁豐富嘅lunch✅🥰❣️串燒和食午市自選套餐前菜、沙律、白飯及麵豉湯有中華沙律 胡麻醬沙律🥗 麵豉湯都好夠味~❣️銀雪魚西京燒 $228好好食呀‼️醃得勁入味 魚肉滑冇腥味🥰 邊角同皮燒得焦香🔥 甜甜鹹鹹加埋mayo真係好下飯🍚 而且魚肉都好大塊冇骨 爭啲食唔晒🐟❣️特上刺身丼 $238佢哋嘅刺身有保證 吧枱有刺身櫃有師傅新鮮切🍣刺身都幾厚切好有口感 三文魚新鮮🐟🍣吞拿魚赤身竟然一啲腥味都冇😛 好掂喎‼️呢個價錢仲有海膽 雖然未到好鮮甜但冇腥味 又creamy✅三文魚子配飯一口接一口💕 ❣️明太子雞翼❣️免治雞肉棒❣️澳洲牛肉眼❣️牛舌❣️汁燒帶子❣️厚燒玉子兩個人揀咗六串share食超豐富😂特別鍾意牛舌薄切 但有好多塊好爽口👅免治雞肉棒有軟骨 口感一流🐥玉子係甜蛋嗰種~🍳 明太子雞翼就比較重口味 全都燒得唔錯💓❣️巨峰梳打❣️熱情果梳打

銅鑼灣居酒屋🏮以串燒為名。牛舌厚切 - 牛舌厚切，肉質鮮嫩多汁，口感相當柔軟。荔枝豬肉卷 - 豬肉片肥瘦均勻，鮮甜的荔枝中和豬腩肉的油膩。豚之大腸 - 大腸燒得恰到好處，沒有豬臭味。浦燒鰻魚 - 鰻魚肉質鮮嫩，表面帶點焦脆，啖啖肉，正。自家制免治雞肉捧(附蛋汁) - 內含一定份量的軟骨，配上蛋汁，口感好順滑。日本芝士年糕 - 年糕Q彈有嚼勁，內有滿滿的芝士，食一件已很飽滿！炸蝦天婦羅 - 有五件，蝦肉即炸，麵衣酥脆可口，蝦肉厚實彈口，好新鮮！牛肉稻庭烏冬 - 烏冬麵Q彈有勁，不是超市貨色，牛肉大片。最後也叫了三件壽司試試 。三文魚腩壽司 🍣赤蝦壽司。

串燒居酒屋之《備長》銅鑼灣澳門逸園中心整棟大廈餐廳主打都係高質餐廳，而備長主打串燒，餐廳地方唔算大，但裝修型格同有格調，而且有吧台區，前菜(雜菜沙律配味噌醬)香蔥吞拿碎卷：十分有驚喜，賣相美觀，吞拿魚碎入口新鮮唔腥。荔枝豬肉卷：入口荔枝清甜，正因為加上荔枝一齊食，所以減低左豬肉卷既油膩感。蔥蒜岩蠔：蒜蓉雖然唔多，但入口都食到有蒜香味，岩蠔燒至半生熟狀態，入口好juicy。白鱔好厚肉有魚香，口感札實，面層魚皮燒得到少少脆，好食。脆豬耳：食落脆口，味道偏清淡；牛舌厚切：口感爽口彈牙；日本芝士年糕十分香芝士味，口感煙韌；明太子雞翼味道帶小辣；日本青椒仔十分清甜；而其他自家制免治雞肉棒配溫泉蛋 / 燒銀鱈乾 / 明太子燒飯團 / 雞腿肉串燒都發揮不錯，總結，串燒食物有質素，最欣賞係香蔥吞拿碎卷，擺盤真係好靚，價錢兩個女仔食唔算貴。備長 Bicho銅鑼灣軒尼詩道525號澳門逸園中心26樓#foodie #hkfoodie #hkfoodblogger #美食當前 #食咗先講 #備長 #Bicho #串燒 #居酒屋

澳門逸園中心食肆林立，當中有唔少高質餐廳，今次去咗呢間日式居酒屋，有吧枱位置可以望到廚師製作壽司同刺身～.除咗食串燒之外，估唔到呢度嘅壽司都好高質，我哋單點仲有幾款壽司，包括三文魚腩、油甘魚、帶子、赤蝦、吞拿魚蓉軍艦等，食材嘅新鮮度毋庸置疑，刺身全部都係厚切，口感唔錯，整體壽司幾高質👍🏻👍🏻👍🏻.串燒方面揀咗豚肉荔枝卷、鹽燒雞腿肉、鹽燒雞翼，豚肉荔枝卷呢個配搭非常唔錯，荔枝嘅香甜中和咗豚肉嘅油膩🥰.最後主食點咗一個牛肉烏冬，牛肉質素幾好，烏冬煙靭～.📍 備長 (銅鑼灣)銅鑼灣軒尼詩道525號澳門逸園中心26樓

店名: 備長 地址: 銅鑼灣軒尼詩道525號澳門逸園中心26樓銅鑼灣站D2出口，行2分鐘環境: 4.5/5價錢: 4/5味道: 4/5今日放工之後去咗銅鑼灣搵食，約咗朋友去呢間居酒屋食飯吹水，主打串燒🍢，呢排新加仲有壽司刺身🍣，一直係人氣餐廳🆙建議你哋如果嚟之前最好book定位啦⚠️前菜$28每枱都有一碟前菜，有椰菜青瓜🥒同紅蘿蔔🥕，同串燒一齊食可以解膩🙌🏻美國安格斯牛柳❤️❤️❤️❤️$78呢個係必食推介❗️店員仲會問要幾成熟 推介五成熟👍🏻唔會太老。上面仲有一小塊牛油，食落去好香牛油味，肉質軟嫩🥩牛舌厚切❤️❤️❤️❤️❤️$78呢個絕對係encore之選❗️牛舌好爽口彈牙，呢個食落去完全唔硬或者咬唔開👍🏻橫切面仲係粉紅色，超級粉嫩😻荔枝豬肉卷❤️❤️❤️❤️$38呢個有驚喜👀，冇諗過荔枝同串燒都可以咁夾，咬落去荔枝多汁再加上豬肉卷🌟，中和油膩感，食落去唔會有乾嘅口感汁燒魷魚筒❤️❤️❤️❤️❤️$85原隻魷魚筒切件🦑，燒完之後都唔會縮水👍🏻，仲係大大隻。而且魷魚味好濃，唔會過韌，醬汁亦都適中🥳蒲燒鰻魚❤️❤️❤️❤️$48值得一讚鰻魚完全冇腥味✌🏻，配上燒汁味道甜甜地，而且鰻魚亦都冇骨，咬落去啖啖肉好滿足😻岩蠔蔥蒜口味❤️❤️❤️❤️$

同朋友👩🏻‍🎓嚟咗呢間喺樓上有串燒有魚生又有壽司食嘅日式🇯🇵居酒屋🏮餐廳🍶食晚餐🤣$32「鹽燒雞翼」、$35「大蔥雞肉串」、$38「鹽燒日本雞大腿肉」、$32「明太子雞翼」：全部都燒得香口好味😋，特別係燒雞翼，外皮燒到脆脆哋，我鍾意食🤣$28「豬腩肉」、$38「蘆筍豬肉卷」、$38「荔枝豬肉卷」：豬腩肉夠晒肥美👍，「蘆筍卷」同埋「荔枝卷」配埋豬肉一齊食，感覺清新啲😋$320「特上壽司🍣」：一共有8粒壽司🍣，包括 吞拿魚腩、三文魚、油甘魚、赤蝦、帶子、海膽、魷魚、赤背，全部魚生都新鮮，特別好味嘅係 拖羅 トロ 同埋 油甘魚 ハマチ，油脂充足好甘甜😋；另外廚師擺盤亦都擺得幾靚🤩最後嚟個 $78「炒雜菜」：有椰菜、紅蘿蔔、芽菜、香蔥 等，蔬菜新鮮所以簡單炒已經好味😋

鵝肝多士都幾大塊同厚身，外皮脆，裡面有融化的口感，不過再熟d會更好💰HKD$88雞腿肉配芥末醬 肉質嫩💰HKD$38白鱔厚切，好大舊，肉質爽口，但有小小細骨，要小心d食💰HKD$88牛舌厚切個人認為生左小小，燒耐d會更好💰HKD$78鰻魚💰HKD$48自家製免治雞肉棒肉質較為實，味道濃，再加埋蛋漿食，豐富口感💰HKD$48荔枝豬肉卷食落好清甜，好夾💰HKD$38露荀豬肉卷中和返肉嘅油膩感💰HKD$38安格斯牛柳熟度剛剛好，唔會un,面上仲有牛油，食落更香💰HKD$78羊扒肉夠厚身，冇咩羊羶味💰HKD$98

之前發掘左呢間居酒屋，Staff好Nice，氣氛好好，串燒有好多款式，而且仲有好多小食，飯同烏冬都有，今日又心思思想食串燒，又忍唔住要來呢度過吓癮🤤牛舌厚切，多汁彈牙自家製免治雞肉棒（付日本蛋），中間有少少軟骨，好好咬口，點埋蛋黃好滑鹽燒雞翼，脆皮，唔乾，每次嚟我都一定要點🤣大蔥雞肉串，日本雞大腿肉(蜜糖芥末汁），雞肉夠Juicy，大蔥燒得好甜雞軟骨，露筍豬肉卷荔枝豬肉卷，呢個真心推介，一定要食，其他居酒屋比較少見，燒過嘅豬肉帶點鹹香，中間包住嘅荔枝好甜，每一啖都係享受🤤白鱔，肉質好結實，彈牙，超級肥美汁燒魷魚筒，份量足，送啤酒一流👍🏻

備長串燒果然出色！今日同朋友一戰，每款串燒都相當出色😍食物質素高之餘，坐位亦坐得舒適，店員亦好有禮貌🥰前菜：新鮮嘅蔬菜配上佢哋自家製嘅麵豉醬，清一清個味蕾，為我嘅串燒大餐打開序幕😂咪講笑，個麵豉醬超級好食，配埋其他串燒食都得😜厚切牛舌：必食必食同心食😳師傅功架厲害，燒到牛舌外脆內嫩，中間粉嫩粉嫩❤️佢絶對係我食過嘅牛舌串燒排頭一，二位👍🏻荔枝豚肉：甜咸甜咸味道奇夾，仲要咁juicy☺️不錯！雞心雞腎雞皮：調味適中好惹味，雞心雞腎老內臟嘅腥臭味👍🏻而雞皮燒到一邊脆卜卜又有啲雞皮軟軟地，口感豐富😋免治雞肉棒：內有軟骨，雞肉又彈牙，配上佢新鮮嘅日本蛋做醬汁嚟食，yummy✌🏻炸蝦仔: 用嚟送啤酒，簡直一流！而且啲蝦仔好新鮮，師傅亦炸到好香脆🤓食到停唔到口😈燒明太子飯團：🍙外層用醬油調味，師傅燒得好香脆，入面啲飯又好軟熟，不得不承認呢度嘅師傅功力非常深厚😎香蔥碎吞拿魚卷：必點必點同必點✌🏻一見到店員攞過嚟嘅時候已經好震撼，食入口都好澎湃，因為佢係充滿晒京蔥吞拿魚，貨真價實🫡絕對對得住呢個價錢🤩見到佢可以包房，下次同啲朋友黎呢度開心星期五先🤓