倫哥尊尚火鍋私房菜 (已結業)

今日我地又黎食倫哥喇~食開嘅朋友都知道倫哥吸引嘅地方，就係差唔多食咩都得又就腳，一班人出去食得開心好食又唔洗諗。所以今日口痕痕就去左佐敦倫哥開餐!!一黎當然唔少得鮑魚同刺身，仲有個燉湯啦，呢種排場已經可以話係倫哥嘅標誌!食完就開始到雞煲，今次佢地仲會教埋你幾時熄火幾時撈撈個煲，無好似上次咁大頭蝦燶左D。之後就開始到重頭戲，火鍋私房菜就緊係食火鍋啦。今次揀左個豬骨鍋，老實講見到佢大大舊豬骨熬出黎嘅乳白色湯底就開始後悔點解無留肚值得一讚係牛肉同海鮮，真係用緊新鮮靚料，拍得上出面叫緊嘅本地手切牛肉，甚至有過之而無不及。海鮮質素亦係不呈多讓，特別係魚片厚身，肉又唔鬆散。如果唔係飽到上心口我真係想再嗌多兩三碟同佢死過~不時亦有D 新野玩就好似今次就有串燒送，係竹筒入面抽一種串燒。飽到上心口嘅我真係糖水都食唔落，下次再戰~~~

被朋友才子極力推介一定要到這裏食雞煲就去試一試,反正天氣凍都係想打邊爐，現在又可以食刺身又可以食雞煲又可以打邊爐真係滿足晒三個願望。一開始佢會比碗蟲草花瘦肉雞湯俾你飲。之後就有花膠、鮑魚、同埋西蘭花🥦鮑魚每人一隻，感覺都不錯👍🏻二人份量的刺身拼盤正，刺身都好新鮮、又鮮甜美味我哋好快就已經食咗個雞煲，之後可以叫佢加湯，打邊爐我哋選擇咗蕃茄薯仔湯湯底這個就是海鮮拼盤,有蟹、有魚、有蟶子、有蜆肉有蝦。佢裏面有好多係可以任食、例如蜆丶菜、豆腐、響鈴、粟米、所以一定夠飽仲有牛肉雖然佢吾係任食，已經夠飽真係好多人嚟食嘢，環境舒適、服務良好我半夜肚餓，見到一定流口水。瞓唔着

一班人慶祝聖誕節🎄，最開心便是去無時限的放題，所以選了這裏，因為有美味海鮮拼盤還每一桌有一盤刺身因為我們人多的原故，可以一早訂定天麻魚頭湯牛肉鮮味重還有一人一隻鮑魚

倫哥火鍋越開越多，仲要周不時搞搞新噱頭，好似呢一間倫哥私房菜，每一檯都畀一個籤筒，食客從籤筒中抽出一支籤，每一支籤都代表一款食物，而我們抽到了鹽燒鴨舌，由於我們有四位，所以得到四串鴨舌，鴨舌送來的時候，看見每串有四隻鴨舌，鴨舌燒得香口，帶點鹽燒的味道，有咬口，不錯。除此之外，餐廳提供的食物一如既往都是很新鮮，包括一盤刺身拼盤，包括有三文魚、帶子、北寄貝、牡丹蝦 和八爪魚，款式已經夠吸引，而且味道鮮味，點些醬油和芥辣，豐富了口感層次。此外，與其他分店一樣都有雞煲食，服務員將雞件放在鍋中煮熱，打開蓋之後，一陣陣的香氣和煙一湧而上，雞煲用了不同的惹味材料，包括青椒、洋蔥、辣椒等，當煮熟了雞件後，就把鮮魷和牛栢葉一併倒進鍋裏煮熟，不消一陣就可以食得了，雞煲十分之惹味，雞肉吸收了醬汁，肉嫩有雞味，食過翻尋味，服務員說可再添加，當然我們拒絕了好意，因為還有很多食物在後頭。整體倫哥保持質素，讓我們開懷飲食，何其快哉!

踏入新一年🌐氣溫持續寒冷❄，所以相約朋友到倫哥食火鍋🔥，朋友🤝知道之後，已經準備食到捧住個肚👄，而呢間位於佐敦的火鍋私房菜面積很大👐，仍然座無虛設🗣，看見每人吃得津津有味👅，有講有笑十分陶醉💖。餐廳的裝修簡單🔅，不過一些帶點中國色彩的裝飾頗為吸引，好像有不同的毛主席頭像以及一些幽默的語錄，例如「同志們，這家雞煲火鍋 要常來!」都很有趣〰️❗。說到食物方面🥘，有已煮好的又讓人喜愛的花膠和鮑魚，雖然花膠和鮑魚的size不算大🔸️，但有啃勁，芡汁打得不錯🉐️，是不錯的口感🚩。另外，每人有一盅燉湯🥣，是螺頭☘、雞腳🐔、瘦肉🐽燉湯很滋潤🎶，飲得喉嚨很舒服🎵，令冷冷的冬天❄⛄也感到溫暖☀️。火鍋方面，我們選的是皮蛋🥚芫茜湯底，奶白色⚪湯清甜不膩，先來的海鮮很多元化，蟶子🐚、沙井蠔、海蝦🦐、魷魚🦑、龍躉片🐟、鯇魚片、蜆、沙白，見到這麼多海鮮已很開心了，的確是新鮮也很鮮甜😍，當中我喜歡吃是沙井蠔，不要滾太耐，避免縮小🔸️得像豆豉，沙井蠔爽滑帶蠔味有不俗口感🚩。肥牛呈雪花狀惹人歡喜啱晒牛魔🐴一族，放在窩中一會就拿得來吃🥢，朋友話牛肉肉嫩無渣亦冇雪味🥂。大家大吃大喝一遍🍻，果然捧住個肚，為新一年打打氣📈，繼續食得精

今日上網search 下有咩好食見到呢間收三點，諗住試下，11:00左右上左去，收銀個女職員話11:45 last order~但可以叫定火鍋配料～坐低之後，11:20揾個職員落定單，個內地女職員唔肯落單，叫我地食完雞煲先落😡之後有個戴眼鏡女職員好好話可以幫我地落左先，我地選左二款魚滑，帝王蟹柳，粟米，一份丸～仲幫我地份雞煲既雞用碟放好，再轉個火鍋底俾我地，11:40黎左粟米同份丸，11:45另一個職員問我地仲有冇野要加，因為last order,我地話二款魚滑同蟹柳都未黎，之後過左大概10分鐘左右再同個男職員講有d野未黎，佢話果三樣野一早賣曬😵又唔早講，一直拖到最後先話冇，呢間單差到不得了，以後唔會再去，都唔會叫其他朋友去食😡😡😡

晚上10點50分左右和我女朋友上到去 網上話3點收，現場就話收1點，11點45last order，我不介意 照樣坐低叫嘢食，一坐低我拎張餐單叫三樣嘢黑白魚滑 同蟹棒，第一個服務生同我講有套餐食個雞煲先可以叫火鍋材料，11點20分左右我又叫第二個服務生，我話你哋11點45last order 可否先幫我落果嗰三樣嘢，佢又答我食完雞煲先可以落單，11點40分食完雞煲 ，終於上咗火鍋，我又提第三個服務生 幫我落果三樣嘢 直到去到倒埋個數2019年12點5分 第四個服務生想收野 我在問佢 有三樣嘢未到，佢幫我問咗問，之後答我果三樣野冇晒， 最後 我心情差到連海鮮同啲牛 都冇食到 ，抱著非常憤怒的心情埋單走人， 800蚊2位 用錢買難受⋯多謝你們帶給我和女朋友一個咁憤怒既新年開頭。ps.網上說黑白魚滑 好食 ，特登去食⋯結果 心中只有滿滿的憤怒不滿。

又同肥仔打邊爐！食過幾間倫哥，呢間環境好大好舒適，成層都係倫哥的地盤，感覺有d中國風。仲有新鮮刺身！好厚切。有前菜和燉湯，用猴頭菇、雞、排骨、紅棗去燉，好暖胃。之後就到鮑魚同花膠，幾有嚼口，好好味。再黎麻辣雞煲，好入味，雞件好滑。再落埋d豬皮魷魚去撈埋食，索哂雞煲啲汁。湯底: 皮蛋芫荽鍋重點係牛頸脊，脂肪分佈均勻，牛味重，咬落有嚼勁，食唔停口！之後到海鮮盤!!有蟹，蟶子，蜆，生蠔，貴妃蚌，脆鯇片、龍躉片同蝦。別推介是龍𧄌片，大大塊，咬落有陣陣魚香！全部海鮮都好高質，又鮮又甜。其他火鍋料有墨魚滑，餃子雲吞同韮菜餃，響鈴、牛餐肉、蟹柳、菜等，飽到一個點！推介墨魚滑，入口好彈牙，咬落仲有墨魚粒同蝦肉。最後仲有每人一份冰粉做甜品，透心涼！大滿足。飲品以罐裝汽水為主，都有啤酒同五花茶咁多野食，今次唔做肥仔都唔得了。

呀媽話要打邊爐，第一時間就緊係諗起倫哥喇!!!先黎個二人份量既刺身拼盤~再黎多份小食~任食雞煲，食完唔夠，可以再fill...但就充得打完邊爐想食雞煲就返唔到轉頭喇~牛頸脊用黎打邊爐一流呀~環境夠哂開揚又係打卡既時候，真係好新鮮呀!鮮味十足~任食既有海蝦，鑽石蜆，刀貝蜆，白鱔，龍躉，魷魚，鯇魚，蝦滑，墨魚滑，雲吞水餃，響鈴，魚皮，蔬菜食完仲會每人送一客糖水~燒三文魚頭呀<3最緊要汽水、涼茶任飲嫁!!!

難得約成大班朋友出來見面又預著降溫, 打邊爐就成為不二選擇了。一直聽聞"倫哥"的大名, 曾經都試過預約但被告知沒位, 最近好似搬咗新舖, 一於今次再接再厲, 試!入座後服務員姐姐有簡單介紹, 第一輪是上雞煲, 會先大致按人頭份量上, 吃過一輪唔夠可以再加, 無限encore。吃完雞煲通知服務員姐姐, 會清檯, 然後上刺身, 鮑魚炆花膠, 串燒大蝦, 這些就係一人一份, 沒得再加。最近新推出一個預約湯底的服務, 只要4位以上訂檯, 可提前預訂號稱經8小時熬煮的無味精湯底, 先飲湯, 再打邊爐。 是日我地就預訂了天麻魚頭湯, 冬日飲熱湯真心舒服, 雖然個人覺得天麻可以再落重手一點, 但飲過之後又覺得好似確實沒味精。海鮮拼盤都算鮮甜好味, 不過部分海鮮沒得再encore。牛肉雪花超迷人, 肉味濃厚也非常迷人, 可惜只得一份, 又係沒得encore。其他一些可以無限encore的菜色也不差, 蝦滑墨魚滑都加了幾次, 手切黑豚肉也變成了任食, 沒牛豬也好, 肉味也是非常突出, 不過由於已經忙著開餐, 就沒認真拍照了。總體來講, 倫哥還是令人滿意的, 尤其是人多的話有機會被安排到VIP房, 本來是

今次同🦉黎到佐敦尋找美食黎到倫哥尊尚火鍋私房菜叫左個海鮮火鍋無限時任食 ($338)首先就有個刺身拼盤 非常新鮮有三文魚北寄貝帶子等👍🏻之後小食有涼菜 燒多春魚同燒蝦(抽籤就有架喇👆🏻)但最欣賞係佢嘅湯 熱辣辣 好滋補另外仲有鮑魚啦 然後終於上雞煲喇🐣醬汁惹味兼辣度十足 嫩雞又滑又夠晒入味食完之後海鮮拼盤就上喇 每樣都好正必食配料係牛頸脊同黑松露手打黑白滑🤞🏻_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

原本我都係一個openrice嘅CD-ROM，但尋晚食完之後，我決定點都要開返個ac黎講講。話說尋晚大約7:30喺樓下同reception傾book約咗幾多人，好快就有得上去食了。上到去就都係前菜，花膠鮑魚，雞煲，同埋剌身set。咁上面呢幾樣都係幾正幾好食的。之後就到主角個冬瓜椰子雞煲出啦，都係幾正同唔錯的，一上到黎嗰下大家都哇咗出聲。去到呢一刻都仲係唔錯，但之後d服務員嘅態度真係令我大跌眼鏡。隔離枱食到咁上下就埋單走啦。之後有個中性打扮，染到個頭黑白灰咁嘅店員黎執野啦。佢執野時成杯飲品跌咗落地，濺到成地都濕曬，我同個fd條褲都濕埋。佢做嘅第一件事就係立即背對我地，同佢個同事講：「呀！隻杯咁都唔爛嘅？要入多D貨先」之後佢好快就走咗，成地濕晒佢可以當無事發生過。過咗十五分鐘我都見無人黎拖，咁我同第二個店員講啦，佢竟然掉返轉頭話我地做乜打瀉杯野飲。之後打邊爐個拼盤食到7788，就諗住叫d任食嘅海鮮啦。點知叫十樣野，有八樣都話賣曬無貨，龍躉片無，北寄貝無，之後退一步要炸魚皮，蟹柳同牛柏葉，佢都可以話魚皮未炸，蟹柳牛柏葉都無曬。大佬，如果唔預人任食嘅你就唔好出個任食火鍋配料menu啦！最後乜都

同朋友食飯，得兩個人又想打邊爐又想食雞煲，搵左呢間倫哥可以一次過滿足兩個願望！一坐低先點左個bb辣雞煲，等食其間就有鮑魚、燉湯同刺身盤對於鍾意飲湯嘅我係超驚喜！刺身方面件件都厚切，蝦夠大條，好正～仲有抽籤玩架，我地就中左燒雞翼真係好豐富呀！之後雞煲就到啦因為配菜係生嘅，店員會教你點樣分幾次炒+焗熟佢，熟左打開個下好香～個汁甜甜地帶微微辣，好開胃，雞肉都好滑，啖啖肉食到一半就可以加魷魚同牛栢葉落去煮呢兩樣嘢勁索汁，惹味到爆！由於雞煲係任食，唔夠仲可以再加，不過一般食量就唔建議加，因為要留肚打邊爐嘛～湯底揀左薯仔番茄湯好有媽媽嘅味道，其他火鍋配料有：牛頸脊：雪花紋好靚，好滑同牛味好濃海鮮盤：有7款海鮮兩款魚，好新鮮！海蝦同蜆都勁正蔬菜盤：蝦滑、墨魚滑：自家製好彈牙雲吞、水餃、蠔：皮薄餡靚響鈴：脆卜卜食到呢度我地已經飽飽所以無再追加嘢，連甜品我地都食唔落～呢個價錢真係好抵食！！

自從朋友帶了我去深水埗的倫哥食雞煲及火鍋後，一宜念念不忘，今晚趁住放假約埋成班朋友一齊去了這間佐敦新分店再食過。任飲涼茶及汽水，五花茶又不會太甜，可以下火。刺身色澤新鮮且鮮味。燉湯用料豐富，有雞及菇香，十分鮮甜。可以抽籤揀燒物，包括了燒蝦及三文魚腩，前者爽口彈牙，後者有豐富魚油且嫩滑。鮑魚花膠炆到入味又夠腍，鮑汁濃郁。食到咁耐終於到雞煲，雞煲加了牛栢葉、水魷及豬皮一齊煮，中辣味道十分惹味，辣度適中，雞肉嫩滑吸收了醬汁味道，越食越濃味。幸好打邊爐會轉另一鍋湯底，芫茜皮蛋湯比較清淡，可以碌海鮮不怕蓋過海鮮味道。牛頸脊肉味濃，質感嫩腍有脂香。海鮮有九款，生蠔肉滑脹卜卜；蝦肉新鮮彈牙；龍躉片更是爽彈雪白，更可以任食，其他貝殼類都十分新鮮。食完海鮮都大半飽，加上任食火鍋配料如雲吞、餃類、蝦滑等十分豐富，食了一轉都食唔落，只能說餃類、蝦滑及龍躉片都屬高質，是必點食物之一，另外響鈴及魚皮十分鬆化，都是必食之選。甜品是四川冰粉，以黑糖及提子乾調味，簡單去除口腔油膩感。

係佐敦地鐵站A出口行幾分鐘，抬頭一望就見到倫哥火鍋既招牌，今日既目的地就係黎佐敦分店呢到啦！  上到去二樓就見到倫哥私房菜既靚靚招牌，如果拎走條紅色帶就更好！ 店員俾咗個枱號我地，唔知點搵。原來抬頭一望，就會見到枱號！店內既裝潢都幾別緻。D碗筷好盞鬼！張紙會教你點整個雞煲~前菜有麻辣豆角同埋木耳，木耳用醋醃過，又用咗蒜蓉調味，香得黎，酸酸地，豆角麻辣得好過癮，兩樣都好好味。第一次黎食倫哥真係好有驚喜，係食雞煲前會有中湯飲，而且唔係普通中湯，而係燉湯，今晚係蟲草花燉雞湯，十分滋補。飲完湯之後，另一驚喜就會出場，係鮑魚花膠啊！花膠含豐富骨膠原，啱哂女士食。鮑魚細細隻十分彈牙，配埋D汁味道剛剛好。當你以為開始食雞煲既時候，店員又拎咗一盤刺身拼盤黎。有三文魚、牡丹蝦、帶子、八爪魚同埋北寄貝，每一樣都新鮮肥美，唔錯喎！食咗咁多正野，主角雞煲終於出場啦！本來諗住跟住張紙既指示去整，但係呢到D店員好好咁黎幫手攪。攪咗四次之後，個雞煲就可以食啦！我地怕辣，所以叫咗BB辣。一打開煲蓋，就立即香氣撲鼻，夾起一舊食，雞肉十分嫩滑，醬汁都十分惹味，最正係可以任食。食到一半，就可以放埋牛柏葉、豬皮同埋魷魚落去個