倆口小吃 (已結業)

倆口小吃由初開店我已經想去一試💛加上佢經常6點前就SOLD OUT 我一定要早啲入元朗國搵好西食😋😋菠蘿🍍炸辣雞刈包 <新口味> ($46)味道：🌕🌕🌕🌕🌗評價：口味好特別，菠蘿🍍好清新，炸雞好juicy 配上辣醬，勁惹味。羽衣甘藍中和一下油膩感，整個配搭有驚喜肉鬆芋泥壓餅 ($28)味道：🌕🌕🌕🌕🌑評價：我本身好愛肉鬆，加上芋泥，可以平衡兩者既味道，加上倆口用脆身肉鬆口感更豐富😋😋但肉鬆味道再出啲我會更開心🤣小店有一面畫牆可以打卡有可愛既🐶🐶等我下次再去試其他幾款刈包😍📌 倆口小吃 (元朗)元朗鳳攸北街5-7號順豐大廈地下18號舖Ins @foto.zo

由佢開業到依家bookmark咗好耐想去試，終於搵到日平日得閒去買晏晝來試。本身大概12：20度行到附近見佢開半閘又未有人排，就行咗去買好豆成圍兜到夠鐘先行返去。點知轉頭岩岩好12：30行到返來，就已經排左3、4個😂😂下次都係早D來到排住先~叫左一個四重芝士壓餅($26)同埋今個星期先新推出嘅菠蘿炸辣雞刈包（$46）。由於天氣熱所以就買返屋企食，但到屋企路程都唔短，前後夾埋都差唔多20-25分鐘度。本身都預左攞到屋企會凍哂要整返熱佢，但估唔到個刈包經過咁長嘅路程都未凍唒仲熱熱地，而壓餅就變凍需要翻熱。菠蘿炸辣雞刈包成個配搭好平衡，羽衣甘藍上面有蒜醋，加埋熱辣辣滿佈辣粉炸雞仲有甜甜哋嘅燒菠蘿同埋酸醬，成件事好balance!!!咬咗一啖除咗好正好好食，當刻諗唔到有咩形容詞🤣🤣炸雞唔厚粉仲有少少汁，比起辣個人覺得麻多過辣。刈包好軟熟得來又有彈性，個人好怕d包食食吓會扁唒索哂汁淋啤啤咁。但小店自製嘅包完全冇哩個問題，食到尾都唔會索哂汁，老闆喺醬汁嘅量，稠度同埋包嘅質感控制得好好👍🏻👍🏻💛💛。食到臨尾有d肉碎？！再加埋酸酸哋嘅汁瞬間變左叉燒包嘅餡😂至於四重芝士壓餅凍食同熱食差好遠，返到屋企切開

已經係第二次幫襯，上次食咗泡菜炸雞刈包(而家已經停產嚕)+芋泥煎餅配肉鬆，然後一直念念不忘個塊好足料既煎餅🤣(小提示: 可以打電話order咗先再去拎比較好，夏天係舖外等得耐都有啲熱😅)今次叫咗蝦餅刈包+芋泥煎餅配Oreo 首先我幾中意佢個包裝，刈包有貼紙封口，煎餅包裝開口向下，再用透明袋裝好，沿路拎返屋企好似無甘易入塵😎🔸蝦餅刈包包裝:貼紙一打開已經係個好適合打卡既賣相，包同餡料都層次分明 (拎到返屋企個包都無散，估計佢哋入袋個下係有諗過🤔)刈包同上次一樣甘鬆軟，又唔會好似一般饅頭甘好’將’嘴甚至痴牙。至於餡料我中意呢個多過炸雞，因為佢唔會好似炸雞甘大舊，食起上黎比較易放入口，如果係企係街食，我會推薦蝦餅刈包。另外咖喱醬好香，就係咖喱魚蛋個隻醬既味，蝦餅係煎既，微彈牙，啖啖蝦肉，如果蒜味醋多啲啲可能食落會更開胃呢🔸芋泥煎餅配oreo切開前:切開後:可以見到皮薄而且好多芋泥，芋泥唔會好甜，皮好煙韌。不過佢既Oreo係軟身既(類似蛋糕餅底個隻口感)，如果中意咸味同多少少口感可以揀返肉鬆Ps本身諗緊芋泥配Oreo會怪怪的，但食落又無違和感😗

等接狗仔沖涼，附近有一間人氣小店，主打自家製台式刈包，想試好耐，見仲有半個鐘，今日就排隊試吓。據報道，連刈包都係老闆每朝早自己每日手搓，真心佩服。Menu上嘅刈包，各款都有特別，有啲難抉擇，最後揀咗蝦餅配芝麻醬，果然無揀錯，蝦餅口感彈牙，配以特別嘅芝麻醬，好夾好清新好好味😋個刈包真係好軟熟，個包咬落去好有口感，超級豐富。下次一定要試吓其他嘅口味，同埋個四色芝士壓餅同埋雪糕刈包都好吸引，一定會再幫襯。

因為手搓刈包而廣為人知嘅倆口小吃，聞說店主由朝早8點已經開始製刈包，熱辣軟腍；menu上嘅各款刈包都頗有特色，決定慕名而來。1️⃣4️⃣3️⃣0️⃣ 下午茶時間🥢傳統刈包加柚子醬 $42即叫即做嘅熱辣辣刈包裝住五花滷肉，有酸菜、花生碎同莞茜點綴，仲有微微柚子香味，口感豐滿而清新，肉質唔痴牙添呀！如果大家係莞茜控呢款刈包好啱食👍🏻🥢台灣香腸刈包 $40台灣腸灑上香菜脯、薄薄青瓜絲同蔥絲增加香口度，再落蒜味醬，好有台灣夜市風味。因為我好喜歡食腸，呢款刈包好食，當然如果多啲腸仔更加好😋

又係食左當去左旅行系列😂😂😂哩間係元朗小區既台灣刈包十分之出名👍🏻款式都好多 一定滿足到想去台灣夜市掃街既你🤩🤩🤩門面都好有特色 用狗狗嚟做主題 仲有幅狗狗嘆緊刈包既牆畫🐶🐶🐶🐶🐶留意番鋪頭12點半先開門 同埋早的去排隊😉Total有5款刈包同3款小食供應而我就揀左台灣香腸刈包（$40）🥯🥯🥯🥯望落去有種大腸包小腸既感覺腸同蔥加埋個醬汁十分滋味😋 個包咬落口好有口感 彈性 十分之吸引😍😍😍

喺香港經營小店真係唔容易要有心又要有資金😫最近上網見到呢間刈包店好紅今日咁啱入去元朗國一於去試下☺️之前喺香港食刈包通常都係買貨呢間竟然由量粉、搓包、備料、蒸包通通一腳踢每日限量發售!!對食物有咁高要求!! 真心佩服💞下午大約3點黎到，人唔係好多今次試左🟡芝士泡菜炸雞刈包 $46 🟡刈包軟腍濕潤，食落有煙韌感炸雞炸漿夠薄脆，雞肉juicy，好香口。外賣食都唔會覺得好淋泡菜及芝士味道好夾好惹味，仲好醒胃添‼️希望店主繼續努力下次一定再幫襯呀❤️

知道開咗間刈包店~即刻搵機會去試食。喺台灣食過一次~嚟到呢度餐牌嘅配搭創新。平日下晝~趁住人少又唔洗排隊喎~叫咗個蝦餅刈包同埋芝士壓餅等咗半個中，熱辣辣香噴噴~刈包整得靚而且個醬料配搭無伏，好味芝士壓餅直頭有驚喜~芝士好多好流心又好味。個人私心再重味d就更正原本諗住兩樣嘢兩個人應該唔會好飽~點知食完好似食咗餐飯咁飽晒😂裝修都幾有特色~仲可以打卡添🤪價錢方面同台灣無得比喇，始終呢度係香港~但勝在賣相同味道都好，可以安哥~

元朗國又有新嘅小食店啦😌早幾日見到篇訪問，一份執著一份堅持✊，要獨當一面自立門戶絕對唔係咁容易，欣賞絕對值得支持嘅味道。-由於得老闆一個人喺舖頭，所以等候時間就長啲，好好彩我都係等左20分鐘，但已經冇晒蝦餅刈包買😂一於就試吓佢同樣值得推介嘅，芝士泡菜炸雞刈包。-芝士泡菜炸雞刈包 $46 (8.5/10)用buttermilk 醃製嘅雞扒，夠曬嫩，加埋台式風味嘅鹽酥雞粉，配合得啱啱好，但相對來講芝士較為少啲因為好鬼多泡菜，唔太食到佢既芝士味，不過都唔緊要已經好岩味啦😍🤩不得不讚佢地既刈包，首先我欣賞老闆唔用現成既刈包反而用自己手搓既夠晒誠意，而且佢哋嘅刈包真係好味😋，鬆軟得尼帶點筋性🤤絕對值得支持🥰🤩🧡☁️-題外話老闆最近好似請緊人，各位廚房仔又近元朗可以考慮下❤️🤤

上網睇過介紹 難得有同事話想試就搵佢幫手買個外賣 首先去到佢已經話未開門已經大約有10人係度排隊 ok啦照排 12：30開門就落單 都等左成個鐘先拎到個餐 好啦講番食物 我叫左個泡菜芝士炸雞刈包 味道都ok既 包好鬆軟 炸雞唔會好乾 泡菜正常 醬汁幾特別 跟餐加15蚊有蕃薯條同罐裝飲品 蕃薯條都ok 另外再加左個4重芝士壓餅 不過外賣番黎凍左無咁好食 d芝士硬左 熱食應該ok的 整體叫不過不失 但要等成個鐘食個包就真係試下好啦 好難特登再去食

睇完網上介紹片見到老細係做過米之蓮既amber 已經超想試依間新開既小店 係賣takeaway既刈包 我今次就試左蝦餅刈包 首先睇片果陣已經知佢用左兩款蝦黎打個蝦餅 現場見佢係即時煎 咬口勁香口同彈牙 真係超好味 仲要有特製既芝麻蒜味醋加咖哩醬 勁特別勁夾😻😻 再加炸白玉 揀左芝麻同花生 超煙韌 好味到癲 叫左個芝士壓餅 芝士控一定要叫 🤤🤤我已經諗著下次要試埋佢既台灣香腸刈包同埋其他口味既白玉 🙈溫馨提示: 間鋪人手好少 要有心理準備排至少半個鐘 但絕對值得🧡

爽爽搬店後就引來這家台式小店 看起來像是一對中年夫婦經營的 每次經過店外都排起長龍店家即叫即整所以要預啲時間等昨天經過不是飯點 終於等到等候人數比較少而我又有點餓 就點了一直好想試嘅炸菇刈包 加$15還可以配蕃薯條同一罐罐裝飲品炸菇刈包有不同的炸菇 雞髀菇、金菇都有 份量都算多架 仲有海苔飯素芝麻醬 刈包非常鬆軟 配炸物完全不膩 忘記了走紅洋蔥蕃薯條份量都唔少架 有調味粉 略嫌過咸 但即炸熱辣辣外脆內軟 又冇薯條咁大負擔 食下食下就ko左下次要試埋壓餅！

想試新嘢排隊係於預咗既（1個鐘45分鐘）🤦🏻‍♀️失望既係買咗俾哂錢，俾漏咗……火都黎🤬🤬Order咗👇🏼“冇俾四重芝士壓餅囉”😤😤(傳統刈包，炸菇刈包，四重芝士壓餅，炸白玉，跟餐蕃薯條）平心論食物：～傳統刈包包：夠熱，夠軟👍🏻肉：肥瘦識中👍🏻醬汁：好中式👍🏻～炸菇刈包包：夠熱，夠軟👍🏻菇：一d夠脆，一d唔熟👎🏼醬汁：嘢味👍🏻～炸白玉（年糕咁）硬哂（已經即食）👎🏼味道：黑芝麻（夠濃）綠茶（冇味）👎🏼~跟餐蕃薯條出色👍🏻咸甜適中

呢間新開既元朗小店係小編既出post拖延症中都要插隊加入😆因為尋日食完真心覺得值得推薦比大家😌超有心既小店！由包裝到製作都係睇得出花左心思既😌唔知係咪倆口小店係因為得2個人手呢🤣 係好多單但又得2個人手之下大家預左真係要等耐左少少！但店員都會好細心話比你聽大概要等幾耐～大家可以買完再去周圍既小店買其他野，之後再番去拎就岩岩好啦😌🌮台灣香腸刈包 $40好豐富既餡料😌台灣香腸有幾好味我諗唔洗我同大家解釋😁加埋菜脯、青瓜絲、蔥絲一齊食口感超好😱 係食到最後一啖都仲有架！蒜味醬令到成個包都好juice😚 其實最抵讚既係佢個包！超鬆脫🤩🤩🤩 聽講係每日新鮮做既，真係超好食呀😭🫔四式芝士壓餅 $26相比個刈包壓餅就冇咁吸引，可能已經食完個包都飽晒🤣🤣不過芝士餡真係每一啖都有😍食唔晒第二日比大家用氣炸鍋整番熱去，佢都話超好食呀😌希望大家都支持下呢間小店啦😚😚

$28芋泥oreo壓餅好好食~~ 餡料多~~即叫即整~~當日買因為得一個人在店打理~~ 收銀同整包都係得一個人~~所以等得有啲耐~~而且等緊期間好熱 注意 只收現金~~