倆口小吃 (已結業)

🕳 倆口小吃 🕳元朗近排新開咗間台灣小食店 主打刈包 仲有係香港都幾少見嘅壓餅 炸白玉等等😚 店面好文青feel 落完order坐係長櫈邊食邊傾下計都幾chill 😚————————————————————————🐕炸白玉（揀咗泰式奶茶同綠茶味）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯$24有兩串 每串三條 剛炸好嘅麻糬條沾上少許砂糖再根據你揀咗個味道灑上相應嘅粉末雖然係炸 但表皮唔算脆卜卜質感軟糯煙韌綠茶甘甘地 泰茶反而會苦少少🤏茶味重過奶味下次想試吓檸檬茶味😝————————————————————————🐕四式芝士壓餅（$26）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯一直都好想試吓台式壓餅一個少少煙韌嘅餅皮再包上唔同餡料望落唔算大塊 但其實幾飽芝士真係好足料啖啖都係 好滿足啊😝趁熱食仲拉到絲添！不過呢種芝士凍咗應該就會變成一舊舊所以建議大家即叫即食🤓————————————————————————🐰題外話：店員好親切🥺仲主動走黎問我地要唔要紙巾🥺果然係小店先有嘅人情味

去唔到台灣，就去下食台灣野滿足下自己經開元朗見到有間裝修好文青既小店賣台灣刈包～一場黎到梗係試吓啦～我地一行幾人，試左唔同口味～個人最鐘意傳統刈包，朋友就話泡菜雞扒包好正，我下次試。我小朋友就食佢哋既炸白玉～我地叫左阿華田同檸檬茶味～檸檬茶味～小朋友食到贊不絕口可能因為天氣熱酸酸地好開胃呀佢哋杯特飲桃膠鮮奶真係啖啖桃膠～推介👍🏻👍🏻👍🏻下次再去要試其他口味～聽師傅講佢哋啲包係日日新鮮製造㗎～

芝士泡菜炸雞刈包 $46炸雞泡菜蔥花芝麻泡菜芝士醬 - 炸雞大大件，配個泡菜醬好夾，但又唔會搶左個炸雞味加$15可以跟餐，配蕃薯條同嘢飲 - 個蕃薯條好正，因為蕃薯味好甜，仲配左梅粉。炸白玉 $24 我地揀左黑芝麻同培茶，外脆內軟，白玉煙煙韌韌，大推黑芝麻味！炸刈包配雪糕 $35「刈」(讀”掛”)包其實有d似炸饅頭，我雪糕揀左香芋同珍珠奶茶，珍珠奶茶唔算好甜，入面好似仲有d珍珠添！我個人好鍾意香芋味。個刈包加左d脆脆，咬落去口感更好！建議大家可以先食少少雪糕，再夾埋個刈包黎食！個刈包真係好正，無論跟雪糕甜食定跟熟食咸食一樣好出色！由於所有野食都係即整，所以人多可能要等一陣，不過老闆好好人好有禮貌👍🏻