倆口小吃 (已結業)

等接狗仔沖涼，附近有一間人氣小店，主打自家製台式刈包，想試好耐，見仲有半個鐘，今日就排隊試吓。據報道，連刈包都係老闆每朝早自己每日手搓，真心佩服。Menu上嘅刈包，各款都有特別，有啲難抉擇，最後揀咗蝦餅配芝麻醬，果然無揀錯，蝦餅口感彈牙，配以特別嘅芝麻醬，好夾好清新好好味😋個刈包真係好軟熟，個包咬落去好有口感，超級豐富。下次一定要試吓其他嘅口味，同埋個四色芝士壓餅同埋雪糕刈包都好吸引，一定會再幫襯。