俺流塩らーめん (創紀之城五期(apm))

營業中

休息中

呢間餐廳係apm岩岩新開張的就算晚上6點未到繁忙時段都已經要等位了但等幾個就入得了呢間拉麵既湯底吾錯 好獨特吾似出面既拉麵 一尾濃味佢呢個俺流塩湯拉麵味道好清淡但食到最後會覺得悶佢檯面上有三種不同醬料比客人選擇我記憶最深刻既係黑蒜味因為加左呢個黎 突然好味好多但呢種味食得耐會濟下面呢個拉麵係辣既但其實好好味辣既程度亦都只係好少環境：5/5 有空間又好坐食物質素：3/5 雖然特別 但都吾係話神級好味性價比：4/5 60蚊有碗拉麵 差吾多啦

今日趕時間，一早已打算在APM商場內隨便找一間食店醫肚。無意中發現了一間新的拉麵店，決定一試。門口掛了一台 LED電視，輪流播放着一批硬照宣傳廣告，原來又是一間來自日本東京的拉麵連鎖店「俺流塩ら一めん」。上去OpenRice 查一下，原來第一間分店在2016年底已經進駐香港，也是「俺流」第一間海外支店；連同最新的觀塘分店，到現在為止香港共有五間分店，不過，其餘四間分店全部位於新界地區，與其他日本過江龍拉麵名店選址中環、尖沙咀或銅鑼灣等等黃金地段作為香港的第一間分店的高調作風並不相同。LED電視廣告介紹了拉麵店的兩款主要湯底：熟成及鹽味；以及最熱賣的三款拉麵。兩款湯底都是用豬骨、雞骨及香蔥作為湯底材料，分別在於前者採用壓力煲，後者則是慢火熬煮。有別於香港大部份拉麵店的開放式廚房，「俺流塩ら一めん」採用封閉式廚房；但又設置了一幅清玻璃，客人可以窺探廚房內的情況。裝修並非傳統拉麵小店，而是新派風格；但又欠缺特色或話題性，感覺上只是一間普通日式小餐廳。如果不是抬頭望見一個個用日文寫上了各款拉麵名稱的木牌，甚至無法與拉麵扯上任何關係，與其他拉麵店的明顯拉麵店風格比較，就顯得失色。總共有14款拉麵

呢間拉麵點開係春水堂隔離，應該同春水堂同一集團，但係裡面嘅位置就比較窄同細。距比出面嘅拉麵店多d特別嘅口味，例如柚子味，而枱上面都有d較為特別味道嘅醬提供，例如柚子胡椒，梅子。味道唔錯，都幾特出。另外，距嘅拉麵可以選擇軟硬度，同埋選擇走唔走葱同竹筍。我哋两個人分別叫左俺流柚子拉麵，俺流特製撈麵同明太子芝士燒餃子。俺流柚子拉麵一上枱個麵就好多柚子，但係個湯就鹹味多d，顔色好清。麵都好彈牙，份量就啱女仔食，男仔就未必飽。溏心蛋係原隻上，好香蛋味👍🏻。總體嚟講真係唔錯。俺流特製撈麵賣相好吸引， 好足料，溏心蛋同d肉醬好夾，不過食到後期有啲咸。麵就好彈牙煙un。男仔食都覺得ok飽明太子芝士燒餃子Total有6隻每隻都鋪滿芝士同明太子醬，d芝士真係好香，仲可以拉絲，同餃子超夾。餃子係細細隻，一口一隻啱啱好，推薦。两個人食左$202，連加一。

和朋友看戲前來了新開的拉麵店晚餐，六點左右不用排隊等，很快就入座了！拉面店採用每人一紙落單形式，自己拉面自己tick!和其他店的形式類似，面可選煮的硬度，硬、普通、軟，另外可選加不加蔥、荀！ 至於拉面味道方面有塩味，味噌，辣味、黑蒜油熟成濃湯、俺流熟成揀！和朋友所選的是黑蒜油熟成濃湯！此也是餐牌上人氣之選！感覺不過不失，比較其他舖來說，味道不差，但若算好出色又未到達！好奇也見枱面有三款調味料給人自己加！以朋友短相聚，或情侣拍拖的地方來說，未必可坐得耐，我們離開舖時，已見店外有人排隊了！

取代了Pizza express的鋪位，取而代之是港人至愛的日本拉麵店，廚房有一面大，可觀看廚師烹煮。店鋪明光，鋪面雖不算大，但尚算舒適。有多款拉麵揀，仲會教埋你用什麼醬搭配!＜俺流紫蘇梅子拉麵＞配搭新鮮，梅子清新開胃，拉麵有紫蘇的淡淡香味， 叉燒味道一般，略鞋口，蛋就有少少流心，湯底偏清。其餘友人都叫左碗拉麵，可惜我已經唔記得叫咩～ 淨係記得湯底比較重口味。仲叫咗個唐揚雞share，雞大大件，脆口。肉質有油份，好食!

跟朋友在工廠大廈玩完掟鏢後，有點肚餓就到apm覓食。無人排隊就立刻入去食，不想花太多時間去等，而且朋友又趕時間。職員會提供點餐紙給食客點選自己鍾意既湯麵、小食、飲品等。亦可在點餐紙上選麵的軟硬度，加蔥不加蔥，加荀還是不加荀。我點了08.俺流男盛拉麵（熟成）。第一啖飲，湯底有點淡，本人比較重口味，略加了黑蒜醬來調味。日式叉燒，厚度足夠，肥瘦適中。炸雞雖然內嫩，但浸在湯內，外面皮的香脆度卻被影響。流心蛋一口咬，蛋汁不斷流出，蛋香香氣四溢。荀絲幼嫩，沒有渣渣的。明太子芝士燒餃子餃子皮薄肉厚，加上滿滿的明太子及芝士，令人口水直流。朋友點了04.俺流鹽湯拉麵加配流心蛋。

9 mar 2019星期六早上突然想起APM有新的拉麵所以午餐就去試試排隊人龍不太長十分鐘左右就可以入座環境比較逼叫了兩個拉麵+一款小食俺流熟成濃湯拉麵及辛辣鹽湯拉麵+APM限定的雞翼餃子俺流熟成濃湯拉麵 湯：奶白色, 口味濃厚, 試湯後令我期待試試麵和叉燒麵：已經選擇普通硬度, 但上枱偏硬, 吃完整碗麵有吃即食麵的after-taste叉燒：一個字差！味道偏淡，而且非常鞋口辛辣鹽湯拉麵湯：非常淡, 感覺完全似即食麵湯雞翼上枱仍然熱, 可惜不太入味總結不會再試

放完workshop好肚餓，唔知食咩好，行入apm見到兩間新店，另一邊排晒長龍台灣野，呢間唔洗等位。為免餓瓜自己，梗係食碗拉麵先。打開menu, 拉麵配搭組合算多，我就揀左黑蒜油叉燒拉麵，正常軟硬。拉麵🍜麵都幾重鹼水味，而質感都幾硬 （雖然明明係揀左正常）。硬意粉～ 而湯底都幾鹹，唔覺有任何蒜香。但玉子同叉燒，都好好食。玉子糖心，好香蛋味又夠軟滑。叉燒都好香。可惜又唔夠蔥，食拉麵咁少蔥，不如唔好食。食完，麵實在太重鹼水，於是個胃唔舒服，唉～ 純粹個人體質壞。唔係唔好食，但都無好好好好食，唔會特別推介。

本來滿心歡喜想去試春水堂，怎了遠處看見已有一大堆人，旁邊令一間新開拉麵店雖也有人龍，似乎等候時間仍可接受，最後等了約十分鐘左右便能順利入座。眼花撩亂的餐牌，主打拉麵種類很多，亦有飯炒麵等。我便試了辛辣熟成濃湯拉麵，朋友點了個人氣推介的特製撈麵。看見菜單最基本的拉麵約60元起跳，有些飯也只是40多元（雖然知是細size），以大商場食肆來說價錢算是經濟。我的辛辣熟成濃湯拉麵其實只帶點微辣，不過湯頭濃郁算是不錯，只是搞不清什麼是熟成？另外欣賞它配有少量菠菜，是吃拉麵是比較少看到的。朋友的特製撈麵麵條比較粗，掛上醬汁看似不錯，不過他覺得吃到最尾有點太濃，大概醬汁可以少一點點。也相信是愛吃濃味朋友的鋪。另外每張枱也配有多種調味料，如克蒜蓉、柚子胡椒、梅子醬。也教你如何配搭好吃，算是有點gimmick。新開張特別推出餃子雞翼，新鮮炸起也的確好吃，不過我認為價錢略貴，如果有些跟餐小吃的優惠就更好了！我認為新餐廳也值得推介，比同商場定一間拉麵店好吃；而且花臣多多，下次可以再試別的菜式。

觀塘APM新開了不少餐廳，原本一心想試台灣食店春水堂，結果實在太多人排隊，只好選擇開在旁邊也是新開的拉麵店。名字很難讀，Oreryu Shio Ramen ，日系中文大概是「俺流鹽」拉麵吧！看到餐牌上的食品價格不貴，飯類更加是便宜。每張餐桌上都有自助調味料。📍俺流男盛拉麵 $89男盛拉麵的意思是指男生吃的份量嗎？也有可能是，因為拉麵配有兩件炸雞，兩片叉燒，一顆流心蛋。豬骨湯底濃郁芳香，麵條彈牙，性價比高。📍俺流鰻魚飯 $68才$68的鰻魚飯份量也不少，有三段鰻魚塊，而且鰻魚肉嫰，配上有少許甜的燒準同吃，味道不錯。最後發現原來拉麵店和春水堂是同一集團，顧客在離座前填妥會員卡就可以成為會員，儲分換取優惠。

星期六lunch都唔洗點排隊，諗住試下新野啦。佢拉面選擇都算多，不過大部份都係配叉燒，佢仲有飯食，例如鰻魚飯咁...叫左個硯肉拉面（鹽湯）（13），豬盛合拉面（14）同一份明太子芝士餃子。個鹽湯好唔錯，食落清清地唔會太咸。d硯都新鮮，成個拉面d味都幾夾!!!個豬盛合拉面有豬腩肉同叉燒，叉燒幾tender,唔錯！個湯都係偏清，唔似一蘭個d好濃味嘅豬骨湯味。個明太子芝士餃子都可以，不過佢唔似平時餃子外面好脆口。整體覺得可以再試。

APM 新開拉麵🍜，新鋪就梗係走去食下啦！之前經過無咩人排，果次無諗住食。今次專程去食反而有人排隊等位，見無拎飛機，就跟大隊排呀～等左一陣見職員過黎問幾位順就派Menu，反而一兩人剛好即入，多人朋友就要等等啦⋯⋯因鋪位不大.....點完拉麵🍜，都好快上枱黑蒜油熟成拉麵🍜一上，見湯有落到柚子咁，第一淡試下湯底先，ok 喎....點知越食越咸，唔太岩我，最後頂住唔咸度，食淨D麵。而叉燒、溫泉蛋可以啦大阪燒餃子🥟係灑上木魚，醬汁類似章魚燒咁。餃子size偏小淹流男盛熟成拉麵🍜除左基本叉燒、溫泉蛋基本野，仲有2件炸雞🍗同樣湯底第一淡ok，之後越食越咸，絕對岩晒重口味人士。總結.....試過就算

注冊咗咁耐，第一次post食評，請各位多多指教。今日約媽咪到觀塘apm試試新開的日本新開嘅拉麵.2點05分到埗，滿座需要排隊等候。等候期間職員俾了菜牌點野食。等了18分鐘就可以入座，5分鐘就上食物了，兩人點了梅子/柚子拉麵、柚子椰菜及大阪燒餃子.俺流柚子拉麵：湯頭有濃郁的柚子汁香味，麵身選了普通，柔軟而有彈性，雞蛋是醃製過的糖心蛋。個人覺得很好味。俺流紫蘇梅子拉麵：其實個食後感同柚子相同，只不過湯頭有濃厚的紫蘇香味，而梅子味只有附送的梅子才有，湯裡沒有梅子味，是比較失望的。 大阪燒餃子：一共有6小隻，餃子面蓋上木魚碎，味道很野味。但餃子偏細，像一口餃似的。柚子椰菜：味道酸酸的，有開胃的感覺，份量不多不少，個人覺得可以的。

知道APM新開左間拉麵店，一於同同事去try try！店舖不大，座位亦不多，lunch time難免要排隊。辛辣熟成濃湯拉麵味道比我想像中唔夠辣，湯底的確係比較濃郁，不過就覺得愈食愈咸。麵質硬度我揀了普通，但都係比平時食ge偏硬。成碗麵裡面配料只有一片叉燒，加分位係叉燒厚切的！明太子芝士燒餃子賣相都幾吸引，明太子和芝士一點都不吝嗇，芝士仲要係拉絲，但餃子皮好淋，餃子本身又唔熱，好似放左好耐咁。辛辣鹽湯拉麵同事揀ge呢款，辣度同我個碗一樣，湯底方面就比較清，飲落都冇咁咸。因為同事的朋友剛巧在呢間分店工作，俾左個staff discount我地。

apm 新開日本麵店，睇極都唔知佢的店名，失敗，即管入去試吓，坐位好迫感覺似快餐店，這裡主要是食麵，下單後等左超過15分鐘先有得食，太耐了，價錢都唔係平，味道都不錯，但是有些偏咸