俺流塩らーめん (創紀之城五期(apm))

營業中

休息中

🌟 黑蒜油熟成濃湯拉麵 $75🌟雖以豬骨，雞肉，香蔥熬製成濃湯但黑蒜油味並不突出🤷🏻‍♀️令湯頭有點平平無奇拉麵的軟硬程度有得選擇，口感煙韌，不錯配料叉燒正常，但每次食拉麵必點的溫泉蛋卻醃得不夠入味，要扣分😕*💡6.5/10 (by C)

呢間拉麵成日去食，平時想食下拉麵就會去。呢度拉麵湯底主要分鹽湯同埋濃湯（白湯），鹽湯清清地，相對地濃湯比較膩啲。特別嘅係呢度嘅拉麵湯底都會有陣淡淡嘅柚子香，就算係白湯比較膩，都會有柚子味中和返。呢度都有跟到日本傳統有一大壺冰水，同熱辣辣嘅湯底好夾！拉麵叉燒偏瘦一啲，但都算冧同入味。拉麵係曲麵，同出面一樣都係可以自己揀軟/硬，仲有唔同嘅調味可自己加。最突出嘅拉麵未必會係俺流，但好在夠簡簡單單👍🏻

同朋友睇完戲去apm望下有咩食見到間對我黎講係新開嘅拉麵店🤣冇人排隊立即入去試試朋友同我都想要啲清清地嘅野所以點左俺流柚子拉麵等緊期間見到有塊牌寫住邊款拉麵配咩調味幾有趣拉麵一到就聞到好香柚子味試一啖湯係幾清好濃雞湯味好夠熱但可惜嘅係偏鹹就係因為咁所以冇試到任何調味配料有菠菜，香蔥，叉燒同溏心蛋叉燒有用火鎗燒過夠厚切溏心蛋可能冇切開所以真係好流心👍🏻其實整體上幾啱我口味..但以清湯黎講就真係偏鹹左少少

上星期黎食過，第一次幫襯，排隊吾需要好耐就有卡位。短髮阿妹非常熱情，主動向我介紹醬料有邊幾款。坐係我對面既兩母女問阿妹介紹邊款拉麵好食，阿妹都有耐性解答，而且非常好笑容。我叫柚子拉麵，老公叫鹽味。舊叉燒好厚切，我之後去新界區果間分店，發現觀塘依間既叉燒厚度等於其他分店兩舊叉燒！！肥瘦適中，好過其他連鎖拉麵店。湯底濃度剛剛好，絕對吾會過咸。我喜歡佢好多蔥、荀絲、柚子絲。通常其他拉麵店係一條條荀，依度係切成幼絲，易入口好多！柚子絲令每啖拉麵吾會覺得漏，我另外再加醋。拉麵質素好過其他連鎖店，但係每間分店質素吾平衡有待改善，特別係叉燒厚薄之分太明顯。暫時我只會幫襯觀塘店。

今日lunch同事話想食拉麵，不過我尋日食咗apm另一間，呢間我地都未試過，所以就嚟食啦去到都有大約六個人排隊，可能前面等緊大枱，我地兩個人就好快入得我地都揀咗辛辣熟成濃湯拉麵，我驚鹽湯會好咸，所以揀咗呢個，但點知都係好咸呀而且辛辣都唔辣，我淨係覺得個湯好咸可以揀麵係軟/普通/硬，我揀咗硬，麵都ok嘅，塊肉都正常，反而啲菜幾好食同埋我揀咗走蔥，有得揀呢啲都幾貼心仲有一條柚子喺面笑咗，但我冇食到，浸咗落湯搵唔返不過由於佢嗰湯實在好咸，所以都冇下次飲咗成杯水都好渴

星期日夜晚想係apm覓食，被呢間拉麵店嘅期間限定 - 柚子檸檬冷麵吸引到，就決定入去試下☺️柚子檸檬冷麵 $79 （再加一）湯底有淡淡嘅檸檬和柚子味，有微微嘅酸甜感，好清新☺️ 冷麵口感煙韌得來又清爽～ 一碗冷麵有3大塊雞排，肉質厚實得來又算嫩滑，同湯底味道好夾👍🏻 大阪燒餃子（6隻）$39 （再加一）大阪燒就食得多，將大阪燒mix落餃子度都幾特別～ 餃子入面係豬肉餡，加上蔬菜微粒亦豐富左佢嘅口感～ 同大阪燒醬味道亦好夾😉總結，大推柚子檸檬冷麵，味道非常清新，大阪燒餃子質素都唔錯～😍

Happy Friday 同朋友一齊食飯，揀咗間拉麵店，一去到就見到好多人排隊。雖然人龍好長但係等左10分鐘左右就入得。被安排坐左店入面最入嘅位置。但可能坐得太入冇乜冷氣而且好焗，未食已經出晒汗。我叫咗豚肉盛拉麵，有3款豚肉，可能太多肉，食到一半已經覺得好濟唔想再食。朋友叫左柚子拉麵反而唔錯，味道冇咁濃，加油個梅子醬帶出清新既味道。呢間拉麵店試一次就夠😪

原本計畫到apm吃台式食物但人龍實在過長，剛好看到旁邊的日本拉麵等不用等位，決定一試。打開menu，發覺拉麵的種類有好多，這間拉麵種的種類都挺多，由濃味至清淡樣樣俱全。因為之前在日本旅行品嚐過柚子拉麵覺得意猶未盡，於是決定來碗清新的柚子拉麵。拉麵上桌後當然要先嚐一口湯，湯底充滿濃烈的柚子味，好像正在喝柚子特飲。下單時拉麵的軟硬度選了軟身，所以十分易入口，麵質有彈性咬口，配上柚子湯底令人吃不停。如果平時食慣濃味的豬骨湯，黑蒜，辛辣等，柚子味一定是味蕾的新沖激。

放工後同屋企人去apm行街食飯 見到間新既日本拉麵店 望入去間鋪設計得幾靚 而家窗邊可以望出街景 有種高尚既日本餐廳感覺 所以最後決定試下呢間餐廳😋我同屋企人相對都比較早食飯 所以我地入去個陣都唔洗等位 我叫左俺流熟成塩湯拉麵 湯底偏鹹少少 但麵既口感我幾中意👍🏻另外仲叫左柚子椰菜 食落去好清新既味道 但對我黎講一般 種味道唔係人人都會中意既味道 當我食完覺得間餐廳性價比唔算太高既時候 發現出面排緊隊 可能係我嗌唔中佢招牌既食物😂

幾年前喺東京無意中入過哩間野既本店食，好食到忘記唔到，自此基本上每次去東京，都一定要返尋味咁見近近地香港都有，就食下la真係滿懷期待同希望去食今次叫左個俺流芝士辛辣濃湯拉麵，拿 都預左日本既辛辣係廢既，但佢真係一d都唔辣。。。係一dd都冇廢過廢。。。然後一d芝士味都真心食唔到佢menu幅相明明有一大pet芝士粉，但實物係冇既🤣🤣🤣佢d麵質都ok既，感覺上同日本食既分別唔大個人會推薦加d佢既黑蒜蓉喺隻匙羹度 加少少湯底整稀少少再沾拉麵食 成件事會正好多雖然佢有少少令我失望 但我都知唔可以拎日本既同佢比既 可能冇食過日本本店 我都會覺得佢正

星期天做完身體檢查，得閒果陣已經係下午兩點，於是肚子極餓的我立即跟男友到apm食個下午茶，男友很喜歡食拉麵，所以我地決定試下呢間。雖然遲食係好肚餓，不過好在唔駛等，一去到就入得。餐廳有一面牆係大玻璃窗，非常光亮。裝修很日系。枱面上有7種不同嘅調味料可以加落拉麵。共提供4種口味的拉麵，包括黑蒜油、柚子胡椒、梅子醬及辣油，而且仲有一款特製撈麵。由於夏天熱辣辣，想食開胃啲嘅野食，所以我揀左味道清新嘅柚子味拉麵，而男友比較大食，揀左男盛拉麵。一上黎嘅時候聞到好香嘅柚子味，以為個湯味道都清新，點知飲落好咸，完全遮蓋左柚子嘅清新感。不過有完隻嘅溏心蛋好開心! 但要小心唔好擺咁耐食，因為個蛋個慢慢熟左。麵條同叉燒不過不失。至於男友的男盛拉麵很豐富，除了有兩塊叉燒之外，仲有兩塊炸雞，不過炸雞沒有另外用碟裝，而係浸係拉麵之中。佢試完湯底都話味道過咸，不過炸雞就幾好食，雞肉好滑。

今晚約左朋友去APM食飯，朋友話想食拉麵，結果就揀左這間。等位時間不耐但要齊人先入得。環境光鮮，張枱比較細，與隔離枱好近，不是慢慢坐傾計的好地方。今次揀左兩碗拉麵一小食，拉麵份量比出面食的多，食完好飽肚，而且價值唔貴味道不錯，CP值高食得過。黑蒜油熟成濃湯拉麵 ($75)湯底係用豬骨雞骨及香蔥餚制湯味濃，但黑蒜味唔太突出，沒有蒜味唔夠惹味。叉燒一大塊好厚身好咬口但邊位欠香口。俺流男盛拉麵 ($89)同一樣湯底只係無黑蒜油，同樣麵面有小小柚子皮碎，柚子味好清香好突出，菠菜出奇地彈牙好食。叉燒有三塊咁多，炸雞有兩件仲要好厚身大件感覺抵食，炸雞件跟麵一起浸左落碗麵湯，層粉皮淋左比較可惜。兩碗麵都有玉子，蛋黃流心但過於流質不是我喜歡的，而蛋白不太上色醃得不夠入味，大阪燒餃子 ($39)有6隻餃子，餃子上滿佈木魚絲，醬汁跟真正大阪燒一樣有沙律醬和燒汁，味道好夾好出色，皮薄餡多一啖一口好美味。

又嚟到apm揾食, 平日見呢間拉麵店排晒長龍就一於試下!拉麵選擇好多, 價錢亦好親民。比較鍾意食濃湯底嘅我就叫咗「俺流熟成濃湯拉麵」(走葱走荀)湯底用雞骨、豬骨同香蔥餚製而成, 乳白色濃湯質感厚滑。拉麵配少量菠菜,第一次見呢個配搭, 感覺幾新鮮。唔好睇個拉麵得一塊叉燒, 呢塊比一般拉麵店嘅叉燒厚切, 食落好有好感。另外仲加咗一隻玉子, 蛋黃亦好流心($12)鍾意重口味嘅朋友仲可以加枱上嘅調味, 絕對可以將拉麵帶去另一層次

憑借日本正牌黎到香港，日本拉麵香港其實競爭激烈，價位亦可以分别好大！俺流不算是高價拉麵，所以性價比更加重要！熟成濃湯和鹽味都是店自慢，熟成濃湯非常香醇但層次感低，始終係連鎖貨色。而鹽味則有些失望，鹽味太輕、柚子味道蓋過湯底。反而麵底滑嫩又相對彈牙，總覽來說都是一個不錯的八百円選擇！

上次嚟過apm食隔離嘅春水堂 當時友人已經話想試埋呢一間都係同一個集團旗下嘅餐廳 今日終於嚟試啦😛呢間嘅人氣明顯冇隔離嘅春水堂咁高 今日十二點前嚟到都唔駛排隊 好順利就入座 舖面唔算好大 座位亦都唔算多嚟到呢間拉麵店當然要試吓拉麵啦 呢間賣嘅全部都係鹽味拉麵 麵嘅硬度 走蔥或者筍都可以喺張點餐紙上面自己圈 咁我就揀咗俺流男盛拉麵 同 黑蒜熟成濃湯拉麵 男盛拉麵有好多肉 有兩片叉燒同兩大嚿炸雞 而黑蒜嗰個就得一片叉燒 再加上好多炸蒜片 聞落有好香嘅蒜味😻兩碗拉麵都配咗一隻蛋 蛋黃係流心嘅 真係好驚喜 不過可能係鹽味拉麵嘅關係 我覺得湯底就鹹咗啲 太濃味😵 如果喜歡重口味嘅朋友可能飲得晒啲湯除咗拉麵之外 我仲叫咗個唐揚炸雞飯 餐廳寫明係用日本米嘅 呢個飯嘅份量幾多 仲有三大嚿炸雞 真係好夠飽😺大阪燒餃子 本身以為餃子係比較長身嗰款 原來係細細隻 有少少似魚皮餃嘅外形 不過餃子同大阪燒嘅醬汁夾唔夾就見仁見智啦日式胡麻雞肉沙律 呢菜幾爽脆 醬汁用咗柚子胡麻醬 柚子味都幾清新 不過啲雞肉就有啲韌😮個人認為拉麵嘅性價比唔及飯高 拉麵比較濃味 我都飲咗幾多杯水吓 鍾意食鹹野嘅 食拉麵就啱口味啦