俺流塩らーめん (創紀之城五期(apm))

營業中

休息中

呢間舖頭嘅門口成日都有人排隊，所以今次就忍唔住入去試一試佢啲拉麵。今次分別嗌咗黑蒜油熟成濃湯拉麵同埋明太子芝士醬餃子。個餃子上面有好多醬，所以餃子味道好濃郁，值得推介。

日本人氣拉麵店到左香港一大段時間😂有時見到龍仔🙈今次唔知簡咩食就試左佢🤪.🍜辛辣熟成濃湯拉麵 $65睇顏色以為好辣😣但食落口就唔辣😇但越食越鹹❗️食到懷疑人生😂如果叫佢熟成既湯底唔叫辣味會好啲😂佢辣似係額外加醬上去🤨成碗野都係得一塊叉燒，但厚身既都😟.🍜俺流男盛拉麵 $89個湯底正常好多😅起碼飲得落口😂果拉麵流心蛋做得幾好😍啲料都多，不過不失😇.⚠️依間拉麵店試一次夠啦🙃

一碗好的拉麵，我認為湯底及其拉麵的質感，而我覺得這碗拉麵是我暫時食過最好味的拉麵，但價錢也是很抵食的拉麵。拉麵的湯很濃郁但沒有厚膩的感覺，骨頭和魚湯作底的鮮味也很夠，加上配有柚子在湯上，食上去更加有清新的感覺，慢慢嘗嘗它的湯也是一個享受；至於拉麵煮到剛剛好，不太軟不太硬，配上的一大片豚肉，一邊喝湯一邊食麵真的很不錯！

接老婆放工，順便食埋晚餐先打道回府。身為麵痴嘅我，一於食拉麵做晚餐。地點選了响APM 嘅 Oreryushio。倆人叫了大阪煎餃子、及黑蒜熟成濃湯拉麵。煎餃子加上大阪醬汁及木魚碎，食落口感一般。餃子size略少，味道偏淡，整體水準一般。拉麵則加了大量蒜片，湯底略濃，麵則一般。蛋有少許流心，食落亦普普通通。為一亮點是加了一點應該是柚子皮，帶出一點清新感覺。另外叉燒算是做得不錯，叉燒size合格，咬落算有點鬆化，不俗。埋單約$200 ，整體水準一般，以此價錢來說，不見得特別突出。

今日係APM同朋友食飯，本身想食果間餐廳要等位………於是我地就去左隔離呢間餐廳食拉麵算喇…選擇都幾多，仲有咖喱湯拉麵同丼飯選擇黑蒜油拉麵黑蒜油味非常之重，但又唔覺湯面頭會有好多油，食落麵質剛剛好！ 湯底唔會太鹹或者令人好口渴，叉燒燒得剛剛好有炭燒嘅香味！ 溫泉蛋都好好食！朋友要咗味噌拉麵，佢都話好濃味餐廳仲有好多調味料供客人選擇仲有餐牌教學，唔同湯底嘅拉麵混唔同嘅醬我哋仲要咗個大阪燒餃子，唔算好特別， 但係都幾好食

想幫襯好耐，但總是排長龍， 跟住見到大家評論都平話好咸， 所以打消了幫襯的念頭。疫情下，路過apm見冇人，又好肚餓，一於入去碰下運氣。日本拉麵有幾種調味， 分別係醬油，味噌和鹽味， 再配上豬骨/海鮮/雞，等材料做湯底。呢間嘢好似係鹽味做主打，但見風評麻麻，所以揀咗一碗熟成濃湯拉麵和味噌拉麵，再加一個袖子椰菜和餃子。 最先來嘅係袖子椰菜， 夾咗一注入口。。點解係凍嘅🙄， 坦白講有啲唔慣， 食凍冰冰而又煮熟咗嘅椰菜， 儘管柚子味非常突出。$28, 🤪 下次應該唔會再吃了。濃湯拉麵🍜， 單睇外表個湯比較油， 入口味道濃沃。粗身面，分量足夠， 有頭。可惜只得一片叉燒， 小小菠菜和筍絲。$59，👌。味噌拉麵🍜， 单看個碗，同濃湯拉麵比，大1/3， 冇咁油， 多左些紅蘿蔔絲， 片叉燒大少少。 味道👍， 有味噌嘅香，唔算咸。 粗身面，分量足夠， 有頭。食完唔覺得口渴。 $79，合格。今回最吸👀係餃子🥟，圓形，一口size，外面 煎到脆卜卜，裏面有肉汁， 點埋啲白醋，好味😋。加一，$217，CP值一般。 或者無期望，所以亦冇失望😅。

呢間俺流鹽拉麵同隔離春水堂一樣，食飯時間經常要排隊，排隊嘅位置可以隔住玻璃望到廚房煮拉麵嘅情況，睇到Seefood閨好肚餓，好彩排到咁上下，已經可以落定單。前前後後等咗幾個字，終於有得食。-黑蒜油拉麵（$75再加一）拉麵非常彈牙，有少少煙韌嘅口感。有啲拉麵店嘅筍係切成扁長形，但呢間係切得幼身啲，同菠菜一樣好爽口。湯底唔會過醎，叉燒亦都幾香口。整體質素唔錯，可以再戰。.美味指數：4⃣/5抵食指數：3⃣/5再食機率：80%

到apm不知吃什麼好，剛好經過這間拉麵店，一於試試。等了10分鐘左右入座。裝潢在於這個商場來說，比較一般，而且坐得頗逼。最大問題是，冷氣通風不足，很侷熱！選好了拉麵，等吃時看到桌上有梅子醬、黑蒜醬、柚子胡椒，很有趣，急不及待想試。▶️辛辣鹽湯拉麵湯底真係好鹹，就像每啖都吃了一把鹽入口。▶️熟成濃湯拉麵反而比前者冇咁鹹，濃郁厚度的湯底。由於太鹹，都不用再加桌上的醬料，否則更鹹。每碗內有大量白葱。叉燒的份量少。薄薄的。▶️玉子質地是流心與不流之間。除了蛋腥味，沒味道。

我一向都好鍾意食拉麵，今次嚟到觀塘APM呢間拉麵好有驚喜，兩個人黎每人嗌着一個拉麵，再加多左個小食俺流餃子。講下食物質素先拉面：好有驚喜，拉面方面有軟、硬同普通俾你揀，蔥同荀都可以選擇要同唔要嗌咗一個俺流男盛同埋一個豚肉盛合拉面，2個都係熟成湯；份量絕對好足夠，女仔來講根本就食唔晒。餃子：其實食完都唔知‘俺流’點解😂😂，味道就一般；提一提餃子豉油偏鹹😞環境方面位置容易搵，個環境都乾淨既另外餐廳都係提供左唔同嘅調味料，有梅子、柚子，重有拉面胡椒同辣椒油。

有日收工好夜，行過APM，見到呢間當時係新開嘅拉麵店。中午見到嘅時候係排長龍，條龍嘅長度都幾誇張下嘎。夜晚見到難得靜少少，唔使排隊就不如試吓啦！入到去，首先見到佢哋有好多款唔同嘅拉麵可以揀，同一時間，個麵幅圖下面，亦都有好多唔同顏色嘅貼紙去表示呢個麵其實可以陪啲乜嘢嘅醬料。見到佢有唔同口味嘅醬，其實都覺得新奇！當時都幾肚餓，個麵上枱已經急不及待想飲兩啖湯，回下魂先。個湯底係幾好飲嘅，配合埋佢suggest嘅醬料，都十分好味，即是令我對個麵嘅期待感增加。即刻食兩啖麵，反而覺得個麵唔係處理得好好，隱隱約約有一浸鹼水嘅味道（佢唔係中式鹼水麵，唔應該有果種味道，唔識講⋯），鹹鹹地，同個湯好唔夾。大朋友一直讚個麵好好食，我都唔好意思唱反調。但係始終食唔到期待嘅味道，覺得有啲唔安樂，結果成晚都好想搵其他宵夜。

對於日日都要出去食既我..有時真係諗極都諗唔到食乜..於是係apm行下行下..見春水堂隔離開左間拉麵..初初開個陣勁多人排隊..禁岩而家呢啲時勢冇人排 禁就去試下啦入到去拉麵款或都比較多選擇我自己叫左個辛辣濃湯拉麵..佢有得揀麵既軟硬度..我揀左普通..麵嚟到之後 因為太餓竟然唔記得影相🤦🏻‍♀️不過飲左啖湯我已經覺得好失望...得個咸字。一啲辣味同應有既拉麵濃湯麵唔合格我本身個人都好鐘意食拉麵..不過今次竟然食唔晒..唔會再試呢間了。

野食正常有位戴黑色口罩既侍應態度好差食到一半問佢有冇熱水答我冇就算啦我話因為我覺得好小湯佢唔知係咪聽唔到我講咩定點佢話下我都冇辦法嫁係真係俾唔到你呀真係冇熱水雖然我唔係話真係好需要 但我覺得咁大間鋪頭連杯熱水都冇係咩事？咁請問你啲面係用咩煮？同埋另一樣野係希望貴店可以增設外帶因為話說我食唔哂想打包拎走費時哂野但冇呢個服務提供到不過下次會選擇到其他分店食橫掂啲人都好似要趕落場咁無謂左住人地落場 俾錢貼難受

來到apm都唔知食咩好，而且有不少餐廳都排緊長龍，但同朋友都有點肚餓，就搵左間近近地又叫做無咁多人既餐廳。來到時安排了一個最近廚房出入口的位置給我們，還有其他坐位淨下，不明白為什麼安排這位置給我？我當然想坐埋一點(自己拎住不少物品)，怕阻到別人出入。運好最後都可以再作安排。本人叫了辛辣鹽湯拉麵，來到時賣相完全唔吸引，只看到配菜及麵底...一下子減退了不少食慾。麵底未見散開，還是緊緊的包著...麵質欠缺彈性。辛辣鹽湯拉麵中的叉燒乾身、較鞋口，口感較差。

🌟 黑蒜油熟成濃湯拉麵 $75🌟雖以豬骨，雞肉，香蔥熬製成濃湯但黑蒜油味並不突出🤷🏻‍♀️令湯頭有點平平無奇拉麵的軟硬程度有得選擇，口感煙韌，不錯配料叉燒正常，但每次食拉麵必點的溫泉蛋卻醃得不夠入味，要扣分😕*💡6.5/10 (by C)

呢間拉麵成日去食，平時想食下拉麵就會去。呢度拉麵湯底主要分鹽湯同埋濃湯（白湯），鹽湯清清地，相對地濃湯比較膩啲。特別嘅係呢度嘅拉麵湯底都會有陣淡淡嘅柚子香，就算係白湯比較膩，都會有柚子味中和返。呢度都有跟到日本傳統有一大壺冰水，同熱辣辣嘅湯底好夾！拉麵叉燒偏瘦一啲，但都算冧同入味。拉麵係曲麵，同出面一樣都係可以自己揀軟/硬，仲有唔同嘅調味可自己加。最突出嘅拉麵未必會係俺流，但好在夠簡簡單單👍🏻