佳記甜品 (已搬遷) 新店位置

朋友住附近，好久才見一次面，今次想吃甜品的我又來吃這個涼粉了例牌的，大大碗，分量極多，有好多種水果在上面，只是兩個人吃，好像有點過份了味道，不奢求有什麼變化，因可作出的變化根本少之又少，望保持水準而叫好好的了

今日放學，呀哥就打黎話要食佳記甜品，就走左去買。平時食開就一定嗌小食，我呀哥就要芒果西，我就一定要鮮奶類。嗌左個木瓜鮮奶，芒西，$10辣雞翼尖，$15魚旦。鮮奶唔係幾夠甜，芒西就冇乜突別，芒果算係小個隻，不過夠甜。極力推介就緊係辣雞翼尖，我就覺得好好味，辣度一般，不過味道夠，但係就肥左D。反而魚旦冇乜味，幾彈牙，一般一般。不過衛生方面唔係幾好，有烏蠅，冷氣都有D凍，企係到等外賣都覺得凍。服務一般，或者我去個陣冇乜人，起碼比錢都有講「唔該」，不過個場多人既話就一定迫得濟。整體唔錯。

今日阿細唔得閒, 所以我同左d friends出去食飯. 友人有揸車, 食完晚飯提議入元朗食B仔 我好細個黎過, 所以冇咩印象啦, 今次再黎都好有期望, 點知.....首先去到等左一陣就有位, 但係張檯好dirty, 等左好耐先有人清理一下, 不過都係污joe...雖然我地食飽左, 但係見到咁多人食小食, 所以都趁墟叫返d食.1) 腸仔魚蛋豬皮蘿蔔 ($23)- 講真, 冇咩特別, 你唔會覺得佢好好食, 比起街邊檔就真係有d遜色.........下次都係食腸粉先2) 芒果涼粉 ($24)- 我地冇叫B仔涼粉, 因為有d生果唔係太想食. 我鍾意芒果, order左個芒果涼粉. d芒果又真係幾甜, 涼粉就我覺得好難唔好食, 間間糖水店都係咁買返黎ga啦所以overall黎講, 我覺得只係合格, 冇咩驚喜. 如果住元朗的人B仔當然係一個飯後之地. 但係for要搭車入黎的人就真係...算啦, 始終係出名的, 點都好生意.

吃來吃去不是涼粉便是鮮果糯米卷一直想試試這裡的芝士餅沒有心存厚望想不到是意想不到的好吃要左益力多味清清甜甜的不甜不漏鋪面的蒟藥(其實像JELLY多D)幾得意最欣賞是餅底!!!!!!!!超好味消化餅同牛油的比例剛剛好真係好脆唔會鬆鬆散散一夾即碎一定係即日整唔會隔夜啦$29/2件食得開心一定會試其他味都值得既但係鮮搾果汁成$16一杯好似有D過份LOR

早前對湯圓起了莫名鍾愛，而最近的腸胃炎亦令我反省到要少吃生冷食物。因此，迎來驅寒暖胃的薑汁湯圓成了我的寵兒，我也決定要好好執行Project D-試食不同糖水店的湯圓!　第一間揀了佳記來記，因為真的幾意外的：元朗人都知道，佳記名氣大價錢亦算抵，但其糖水質素是好麻麻的，我來這裡全因為食完發記粥品，順路才再吃的湯圓。雖然，湯圓心是死死實實、沒油光欠水準，未想到湯圓皮厚薄適中，而且煙韌非常，那糯糯的質感在口裡實在難以形容，加上非常熱的薑汁，咀巴與胃腹都十分好受，六粒湯圓都飛快清光!如湯圓餡可以改善，就是一碗完美湯圓了~

B仔是幾乎每次在元朗吃晚飯後的必到之地。論食物, 不算十分突出, 升至57元的B仔涼粉也只不過是一大堆生果下有很多涼粉而已。論環境, 絕對差, 不潔淨也嘈吵。論服務態度, 那些賓賓的面口更是街知巷聞的黑。論價錢, 絕對不值。但是, 仍是一次又一次的到這裡來,吸引著我們的, 大概就是以上各缺點吧!人就是那麼奇怪, 吃慣了某間食肆就永遠都不會變。是次因要在隔離吃粥而叫了外賣。1. 椰汁黑糯米$13好像舊點的煲得較淋易入口一些, 這裡的椰汁也不太夠, 口感黏黏的, 不太討好。2. 西瓜黑珍珠$21西瓜沒吃, 但黑珍珠淡而無味, 下次還是要西米露好了。3. 擂沙湯圓$18花生粉夠多, 湯圓皮薄煙UN, 芝麻餡也很多, 略嫌不夠滑。整體來說不錯, 也不是吃它的食物,也不是吃它的環境, 也不是吃它的人情味,大概是吃那種感覺吧!

成日聽人講B仔好食..今日難得有同學帶路,點都試下!!朋友幫我地叫左腸粉+魚蛋+雞翼尖之後我仲叫左"蜜瓜黑珍珠"佢d腸粉好好味丫,好煙"任"..d雞翼尖好特別,我係第1次食嫁!!!蒜味好香,而且又夠辣,Good!!!^^反而我覺得個蜜瓜黑珍珠好甜.我發覺冇試佢地d涼粉= ="下次一定去試先得!!

原來B仔又加左價一個鮮什果涼粉要$28如果加到上$30以上, 唔知仲有無人幫襯呢不過, 叫一個來兩個人SHARE, 都OK的鮮什果包括有兩粒士多啤梨切片, 火龍果粒, 芒果粒, 哈密瓜粒各約6-10粒, 味道都新鮮的但一個食的話, 份量就太多了

當日被泰皇朝激到一肚氣之後, 轉戰B 仔,仍然係食馬蹄露, 仍然真材實料!芒果Pancake 略嫌太多cream,腸粉好多醬汁, 多到好似浸住d 腸粉咁, 不過真係幾好味!

已是很久以前的事了..不知是否眾人比"二手涼粉"之傳聞嚇怕,所以沒有人叫涼粉,有好幾個同我一樣,穩陣起見,要個西瓜西米撈.同許留山的差不多,西瓜味淡,吃不出味來,再要多一杯西瓜汁,也是一樣,心想回到長沙灣松記吃還好.其他友人的甜品,又是評價麻麻.很難明為何仍然生意不絕.沒有競爭之下固步自封,遲早必自斃.睇下幾時有人北上來"挑機"?

B 仔涼粉真係食到怕.......反而呢個桂花馬蹄露我幾鍾意啊! (但時有時冇得賣)清清淡淡的桂花味, 加埋豐富的馬蹄粒粒,食一碗都唔覺漏, 秋天清潤的好推介!

星期六夜晚９點幾～都幾多人叫左個「芒果涼粉撈」同埋「雜果芒果涼粉」(係咁上下啦~)原來好大碗! 我地兩個人都食唔哂不過唔知係咪元朗多圍村人而0的圍村人又食慣盆菜!?好多檯都係叫一個「B仔涼粉」SHARE食有0的食盆菜既感覺?不過我地0的外人睇落去就怪怪咁因為我地都係一人一碗各有各食既佢0的生果唔算特別好0的芒果切到好邊~ 唔似得松記咁~埋單都成50 蚊~同食粥差唔多~

吃完对面的记粥品，想品尝一下甜品，便叫了芒果粉捞。那芒果真的比其它甜品店还要多及非常香浓，多得整碗满的要流出来似的。不过价钱就有贵，二十三元一碗。这里的服态度非常的差，坐下去十多分都没人来西，好像是’你要吃就等，不要吃都可以走‘。服态度有懒。

兩個人點左雞翼尖、魚蛋、菠蘿涼粉同埋榴櫣pancake點野食時冇睇清楚，雞翼要左碟辣o既~對於我唔食得辣野o既算好辣，幾香蒜味~魚蛋五蚊十粒，細粒，普通啦~菠蘿涼粉~涼粉幾爽...同平時食既有d 唔同~~我唔鍾意食涼粉，所以都係覺得冇乜特別~ 菠蘿又唔似係新鮮，但又唔似浸好多糖水o既罐頭菠蘿榴槤pancake 裡面有好多榴槤肉，夠甜，cream 份量唔太多，比起滿記，打個包裝時冇咁大陣榴槤味飄出黎~ 反而覺得似冇加咁多香料~埋單五十蚊，平過食許留山

聽過及看過很多對B仔恨批的評語，但其實始終認為，不是所說的差，當然專誠來吃，是不必。再吃這裡，因為真的飽，所以只要了一隻B仔船，加十蚊腸粉。B仔船是幾款生果加個雲呢嗱雪糕球，之前跟食友們談過這裡，都說現時生果多是罐頭貨，但至少看這隻B仔船就不是，西瓜、哈密瓜、蜜瓜、香蕉也不是，當然椰果及水蜜桃就是了。當作生果盤吃，加上雪糕球，也不錯，份量都夠二人分吃。腸粉可要5蚊或10蚊，不是自家製，都幾滑溜，有米香，加上甜醬、麻醬及辣醬，灑上芝麻，亦吃得過。服務是另一樣這裡大受非議的地方，是日所見，又真的是相當的不濟，幾位阿姐粒聲也不出，問也可以不應的。當然在埋單的時候，也不要妄想會跟客人就一聲「多謝」，服務一欄的分蚊，當是是有咁低得咁低。埋單40蚊，不算貴。當然說這裡有多差，但是晚所見，還是座無虛席的。