佳記甜品 (已搬遷) 新店位置

5個人叫咗一個B仔涼粉拼盆$55仍然係禁大個和一些小食，雜果的種類好似無以前禁多款式，大樹菠蘿太甜，d蕉有d'生'，好似無第一次來食時禁好．可能心理因素掛．不過d亞姐的服務態度仍然一樣沒有改進．

去完深井食燒鵝就算便揸車入埋元朗食埋聽過好多人講嘅B仔涼粉.見到隔離枱一碗B仔涼粉6個人分.我地得兩個人點都食唔哂.所以最後點咗一個龍眼西米露同一個蒟蒻涼粉.龍眼好明顯係罐頭貨.跟住又嚟咗一個黑珍珠嘅甜品.我地同啲阿姐講話嚟錯野嘅時候個阿姐"um um 尋尋"咁講咗啲野，好明顯係唔滿意我地要換野．大佬呀，我地落單個時連一個近乎珍珠音嘅字都冇，你一定係聽覺有問題了．．最後咪一樣要換比我地．不過都唔見好得去邊囉．碗野係好大碗．涼粉好大粒．不過冇味．啲蒟蒻係七彩色，又係罐頭貨，仲要好甜．雖然夠凍不過係因為好多好"鞋"嘅冰碎.一啲都唔好食.我格硬食咗幾粒就擺低咗.真係幾哂...~最攪笑係有個師奶拖住個仔入咗嚟食野,周圍都有好幾張吉枱,但係佢偏偏要同我地搭枱(唔係個度啲阿姐叫佢地同我地坐的).阿仔又煩,阿媽仲煩.我地拿拿林即時想起身走.元朗人真係奇怪.埋單都唔平..以後都唔會特登揸車入去食野.哂油錢~!!

年初三看完雜技百無聊賴四處逛，看見大大個招牌順勢進去試試。點了忌廉紅豆糕($4)，椰汁鮮奶($19)，原本想點麥提莎紫米，沒有，再點益力多芝士餅，也沒有，又不想吃B仔涼粉（問心根本不覺得特別），不由得問侍應：「這裡到底有甚麼東西吃啊？」最後還是點了紅豆黑糯米($2?)。每樣東西都吃出原味，沒有欺場，價錢偏高，但質素並不特別出眾。衛生環境如街坊茶餐\廳，打了折扣，服務水平接近零，不認為是非去不可的地方。

西鐵四小時免費任搭,就入元朗行下...先去食甜品...看看價錢屬於偏貴水平...想食黑珍珠又冇,就求其點左什果涼粉...什果係罐頭什果,鮮什果要成$28...對罐頭什果不作評論,涼粉大粒,不過淡而無味,草味也沒有...花奶要自己落,卻食出入面係煉奶味...整體上涼粉,罐頭什果夠凍,卻發現碗涼粉入面加左唔少冰...服務麻麻,d碗人地走左好耐都冇人執...叫做不過不失冇咩特別,又有可能自己叫錯野...不過份量都算多,食完有小小飽...

2/5 9:00pm食完新記,去左b仔~叫左"楊枝金露cheese cake" ($28 /2件), 樣子:說真的, 很普通.不太吸引,口感都ok, 但芝士味唔太重. 而柚肉可能唔係好啱時候, 有dd 苦.餅底係消化餅,無咩特別.食完大家都有dd口乾, 於是再叫左個熱雪耳南北杏燉木瓜($17). 反而幾好.清清地, 唔太甜,我又鐘意d木瓜, 雪耳又爽爽地, nice!

其實我一早便留意"b仔涼粉"的食評, 有不少人都痛罵它的服務, 食物水準都大不如前, 前晚, 我便跟一位朋友試試看。服務, 其實也不錯, 不像網上其他的食評般所說, 又九流, 態度又差, 落單都好像會黑面的; 我所見的服務是, 有笑容, 有要求她們都會立即辦妥, 這是我親身體驗的。食物水準, 當然......一山還有一山高, 說實的長沙灣松記會比佳記好吃, 但我蠻喜歡它的雞翼尖, 辣味充足; 還有嘗了芒果糯米卷, 芒果有點酸; 腸粉不錯! 我最愛吃的是脆脆芝士餅, 底下她們用了類似消化餅的base, 很脆! 我叫了益力多flavour... 還可以! 如果你看了其他食評便打消了到這裡吃甜品的念頭, 那就是個錯誤的觀念了...其實愛吃甜品的人, 都可以試試b仔!

我不嬲都鍾意食甜品,從來都覺得甜品難食極都有個譜,不過食過呢間佳記真係令我對甜品有最新詮釋我以前都有幫趁過佢地坑渠邊果間食B仔涼粉,但係今次食呢間真係嚇死人,食個棷汁紫米露,水還水米還米,無棷香更無紫米味,好似白糖開水,另外我友人食個湯丸,唔知點解裏面唔熱,再加上服務真係九流,睇怕我都唔會再去

我呢d非元朗人,行過此地當然要試下呢間啦.叫左個芒果班戟,都叫做ok啦,冇乜特別.仲要左個海底椰黑珍珠.嘩!!一食就出事!!冇海底椰味不但止,d所謂黑珍珠硬過頭,仲衰過青衣街頭小販賣既黑珍珠!!咁就廿幾三十銀啦.環境??不值一提吧.唔怪之得呢間野係呢個網有咁多劣評~原來operice.com板友既"舌頭"係雪亮的!!

又去食b仔啦, 今次叫左個西瓜西米撈$18, 一上枱勁多西瓜汁漏晒出來, 西瓜好多而且甜, 西米就好似發得大左, 無口感啦, 但係底個d刨冰真係好涷, 好涷, 涷到牙仔都痺埋, 夏天食就真係一流啦~~

果間B仔服務態度超級差牙!!!拎野俾人係掟埋黎架,,,又吾係多客既時候,,,叫佢可以因為佢同人講緊野猛咁等陣先架喎!仲要好惡'''!問佢三寶係咩,,,又吾多願答'''落單黑口黑面好似我欠佢既咁,,...'''落完單就掟番張單上【木台】...''講真D野食吾係吾好味,,,但係D態度真係SUPER咁差囉!!學下劉德莘啦!

今次又去元朗, 蒙牛又話要食涼粉, 今次去又街分店, 呢度個d好似好過總店個d喎, 起碼佢好似清潔d,光猛d, 闊落d啦我今次叫左個蜜桃西米露, 蒙牛又係例牌叫鮮什果涼粉, 蜜桃都係罐頭, 有四件好多, 西米露好味, 個d西米粒粒有咬口, 唔會一patpat或者係有樣無咬口, 個味又調得唔太甜, 好味好正~ 什果涼粉的芒果有少少爛, 唔係好掂...

第一次嘗冰糖川貝燉原個雪梨...真的有整個雪梨....又不會太甜...^^ 很滋潤....b仔的涼粉可說是無什特色... 但熱糖水如紅豆沙..燉雪梨都不錯..爸也說薑汁燉奶很滑有薑味... 媽說清補涼也很好..但切記不可點芝麻糊呢!

20050716 5pm食完牛丸即移"肉"步到隔鄰幫襯B仔. 呢間係新舖, 舒服過舊舖好多. 之前都o黎過一次. 巨型B仔涼粉亦早見識過, 咁次得我同男友兩個人, B仔不能吃, 試下第o的o野.2人吃-* 鮮雜果涼粉($25) - 即時迷你版B仔, 叫做迷你, 還是大得很. 2個人share 都食唔晒.* 楊枝金露脆底cheese cake ($28/2件) - 不能散買亦不能轉口味, 非常唔user-friendly, 脆底即是麥X他消化餅敲得無咁碎, 不過overall 都真係幾好味, 唔漏, 不俗. 相片比實物大. 嚇得我幾驚食唔完o的o野.* 咖喱辣魚蛋($5/10粒) + 豬皮+ 脆皮腸- 我衰, 貪口痕叫, 全部隊埋一兜o野, 好辣. 係死辣果隻. 魚蛋好似發育唔健全咁, 奀挑鬼命勁細粒.結果食完飽到死, 連本來想去o既大榮華都去唔到lu 埋單唔知幾錢.

山長水遠入黎食糖水，試左個椰果黑珍珠，馬豆糕，魚旦，所有野都無乜特別，不過不失，好似名過其實喎！不過真係好多人，反而我比較鐘意去深水步松記喎．．．

好多人話去元朗就一定要去佳記，但真係冇咩咁多食。最出名的咪係個B仔涼粉，其實有咩咁特別O者，真係唔覺。數十元大大碗，都只不過係生果加涼粉，通常客人食唔晒；有人親眼見過伙記將食唔晒果DB仔涼粉放入廚房再補足番D材料，然後再當係"新"的出售。