佳記甜品 (已搬遷) 新店位置

點解我一向都鍾意食ge佳記要比喊樣呢我都唔想ga ... 但呢個榴槤糯米卷真係 ...榴槤糯米卷$34睇完戲特登兜去佳記買佢ge糯米卷 !!上次食過佢ge芒果糯米卷好好食>_<!!喜歡榴槤甜品ge我緊係唔會放過榴槤糯米卷la ...不過呢個榴槤糯米卷唔好食 ...d榴槤太熟 ! 熟到苦苦地 ... 連糯米皮既味道都蓋過左 ...好後悔 -_- 冇諗過會差過rainbow既 "榴糍"究竟邊度先有好味既榴槤糯米糍食呀 ~ ?

Last visit of the day, went to the notorious B Jai leung fun, I didnt even know this was the shop, the name on the sign said Gai Gay.I heard the grass jelly isnt that good, so I got the Sago with Taro,it was nice and thick, with lumps of taro.the coconut in the sago matched well.If it was less sweet, I would have liked it more.

看戲後，好肚餓，就商議到b仔食糖水。每次去b仔，都不是為了其招牌b仔涼粉，反而是它的腸粉。它的腸粉真的食過無數次，但每次都不會失望，腸粉滑，魚蛋彈牙。至於鷄翼尖，很久沒吃，突然心血來潮，味道覺得比以前好像稍為不夠辣，不過都好味。但可能因為又油又辣太熱氣了，吃完翌日皮膚即刻起粒敏感，還是少吃為秒。

星期三晚入元朗食b仔涼粉, 慶祝細佬生日馳名的b仔, 上次食已經係好耐之前的事, 大大碗的什果涼粉, 其實又唔係好特別, 不過反而鍾意食雞翼尖, 腸粉之類的小食, 最重要係, 因為人客多, 熱鬧咁食係最有氣氛的不過今次去食, 味道又好似退步左, 生果好似西瓜粒, 哈蜜瓜粒, 大樹菠蘿絲, 都唔夠凍, 仲好似切左好耐, 涼粉無以前咁滑口同好味雞翼尖好辣, 蒜蓉落得足夠之下, 確係惹味, 好彩雞翼尖水準可以保持, 唔係就失望了仲有碗紫米露, 想俾少少意見, 可能煲唔夠耐, 紫米唔夠滑b仔的出品, 覺得可以再好一點

係天水圍住左咁多年，最近先慕名而去我食左2次，2次都係食雜果涼粉，因為夠大粒兼大碗，正！！佢有鮮果同罐頭揀，我2次都係揀罐果，因為鮮果太貴。大家注意！！罐頭都咁好食更何況係鮮果，所以有$$就不妨試下鮮果涼粉另外，小食都唔錯。咖哩魚蛋、燒賣，腸粉都係人客既至愛！！價錢唔算好貴，係抵食的我曾經買過芒果黑珍珠俾我丫姨食，佢話好好味！沉日，我臨出街，佢都問我可唔可以買多次TIM =]所以話呢，好食既野係會令人有種渴望回味的魔力

夜晚入去元朗食b仔涼粉, 不過, 唔係食涼粉, 而係食其他野食物包括雞翼尖, 馬豆糕同菠蘿冰雞翼尖, 辣到飛起, 但係好食到痺, 一隻又一隻擺入口損, 結果係... 成碟俾我食哂, 俾細佬怒啤 我就話, 0車, 咪叫多碟攞! 可想而知有幾好食馬豆糕, 味道ok, 豆都幾多, 唔係只係得椰汁, 收貨!菠蘿冰, 呢個完全唔掂, 菠蘿冰點會係用橙汁架雖然杯飲品差, 但只係個雞翼尖已經要俾個笑佢

食完晚飯後，同個朋友黎呢度食甜品。而個朋友剛剛搬入天水圍，為左慶祝佢新居入伙。就請佢食甜品啦。水蜜桃西米露佢就話西米粒粒好爽口。而且個甜品又唔算太甜，但佢話水蜜桃整細舊會好一點。因為細舊可以容易食一點。雪糕涼粉唔知點解，最近幾次食涼粉佢地會加冰，可能涼粉唔夠凍啦。雪糕就係標準既牛奶公司啦。而涼粉都唔錯既，都算幾爽口，雖則唔係太夠凍。呢餐都唔錯既，價錢又唔係貴。

我幾鍾意食b仔涼粉o架, 不過唔係食涼粉, 而係食辣辣雞翼尖, 真係每次都食到停唔到口, 救命呀家姐食唔到辣, 改為食鹵中翼, 一樣係好好食, 甜品其實一般, 比較好味係個馬豆糕, 又唔大件, 兩口食完唔怕肥, 每次食都會叫一件

相隔不足一星期, 又入元朗食野, 今次其實目的係去試一試出名的勝利牛丸, 但半路中途經過這間b仔, 朋友提議不如入去食番碗涼粉先上次食大坑渠側邊的b仔, 覺得不知所謂, 本不想再食, 但朋友說b仔的出品不是太差的, 就比多次機會佢啦 我唔鍾意食涼粉, 因為佢有陣怪味, 之前食過, 覺得有種好似杏仁的味道, 令我不寒而栗! 不過朋友說叫我試試, 話唔會有嗰種味, 咁, 就叫個菠蘿涼粉試吓啦果然, 無杏仁味, 而且菠蘿都叫做凍凍地, 唔會好似上次咁食暖的生果, 感覺好好多, 但係, 涼粉始終唔係我杯茶, 但相信, 呢間b仔, 都唔會太差, 皆因人客都比較多!

經常食此店的小食，食甜品次數反而不多。平時好多時食雞翼尖/咖喱豬皮(辣度足，好入味，偶爾唔夠淋)/腸粉(好滑，好食的)/魚蛋。今日買左雞翼尖外賣，但似乎水準麻麻，一來翼尖有D"梅"，亦都唔入味，辣度亦不足。$10，份量頗多。有機會到佳記，食甜品之外的小食，也是不錯的選擇。

一行５人叫左甜品同腸粉，西瓜涼粉既西瓜好似唔多新鮮，涼粉無甜味，唔好食喎。鮮雜果河粉d雜果都係唔好食，連芒果都唔得，杏仁豆腐太硬了，雪耳燉木瓜d雪耳好似發左水咁，淋晒。唯一覺得腸粉d豉油同醬料幾好味，不過太多豬油了，想香口都唔使落咁多。

今日食B仔，都預左要等，企近左個cashier位，點知就比個cashier話，"等位行開少少啦"，超冇禮貌~食野個陣, d生果又唔新鮮, 下次都係唔好晚時時候去, 又迫又多人又受氣

好大盤,但係味道唔得...大樹菠藺味道好怪呀..仲有點白色粒粒食左都唔知咩來呀(唔係棷果個隻).....可能其他會好食點,我見佢都係好旺場!

食完午飯就黎呢度食甜品，雖然係下午時份，但已經人頭湧湧。如果夜晚等位未有排等？我地叫左個腸粉、雪糕涼粉、芒果西米撈及芒果糯米磁。腸粉真係唔得，腸粉太濕啦。而且醬汁太鹹，我食左條已經唔食啦。洪水橋有間小食店既腸粉好食過佢好多。雪糕涼粉其實都係好普通，而且涼粉唔夠凍，因為有冰個碗到。不過對味道無乜影響既。而我覺得加埋雪糕既涼粉係透心涼，夏天食係消暑良品。芒果西米撈碗野太多芒果汁，芒果都算大粒既。而我覺得西米唔夠對面既泛后甜品好食，不過都算係咁啦。芒果糯米磁芒果好新鮮，而個皮好煙韌可口。食物都可以既，但環境真係幾迫既。食野果陣，有個女伙記聽電話，講得好大聲之餘仲帶左幾分既鄉音。真係心血小都俾佢嚇親。

I came here more often recently cause my sister lives nearby. We are usually here for the spicy fish ball, the garlic and spicy "chicken 尖" and the riceroll.For dessert, I usually pick some boring things like 士多啤梨撈.This time, on top of the usual cooked food, I had finally took up the courage to ask the waitress "What is that seems to be very tasty thing that girl over there is having?" She said it is "雪糕black sticky rice". When it came, Its actually "purple 米露" with vanillla ice cream in it.