佳佳甜品

營業中

休息中

真材實料！傳統手法，口感濃厚，又不太甜。選擇極多！很多難找的糖水，都可以在這裏嘗試得到雖然不在大街，位置有點不明顯，但尚算就腳。家庭式經營，服務親切友善。基本清潔衛生。

成家人食完飯，想去附近食甜品。即刻諗起佳佳，於是就行過去搵位，照舊都係好多人要等位。等左10分鐘就有位，好在唔駛同人搭枱。每人叫左一款甜品，唔駛3分鐘就黎到。核桃露 （4/5）老婆好鐘意食，唔會太甜，又夠晒滑芝麻糊 （4/5）好滑好重芝麻味，媽咪食完都話正紅豆涼粉 （4/5）紅豆好‘諗’好味 加埋花奶伴涼粉，夏日之選薑汁湯丸 （5/5）必食推介。薑汁夠晒濃，好正。$20既糖水有成8粒湯丸，真心好抵食，每次黎都會叫呢碗😋😋😍😍

說真的，飯後甜品對女性真的很重要，所以香港這幾年都多甜點店滿足女性客源哈。畢竟甜品對女生來說有第二個胃來吃～雪耳木瓜糖水，小小的一盎很不錯，雪耳很多，是平民燕窩之稱，哈哈且蛋白質沒那麼多反而更好。木瓜也是，對女性好，微微的清甜糖水又不會覺膩。芝麻湯圓，是我喜愛的中式甜點之一但不敢吃太多。3粒分量很不錯剛剛好。皮很煙韌，芝麻也不少，香滑的～燉蛋，也是一款很多人愛的甜點。蛋蒸得滑滑的，又香又清甜惹味。

從小到大，除了媽媽精心炮製的腐竹蛋西米糖水以外，我對別的中式糖水也不太感興趣。這天晚上，跟寶寶在油麻地吃過晚飯後，回想起寶寶的朋友極力推介過這家中式甜品價廉物美，於是我們就來吃甜點了！舖子看起來通明乾淨，空間不算小，有兩層，桌子一般是供5-6人坐的，因此我們兩個人來，是一定要搭枱啦～看見對面啊姨正在津津有味的吃薑汁湯圓，我也點了這個。很便宜喔，才20元！薑汁很濃郁很暖胃，裡面還有小薑粒，冬天吃一定非常暖和。芝麻湯丸外皮很黏靱，口感很好，就是裡面的芝麻餡料有點不夠多，不夠滿足🙈 可$20的水平來說，我覺得是很值的。寶寶就點了杏仁露寶寶說這杏仁露香滑濃郁，挺真材實料的。最後結帳，才$42。比我在尖沙咀吃個午飯還要便宜

Fave place for traditional Cantonese desserts in Hong Kong. Frequently get desserts to eat in and then another to take home. Recommend the almond cream, taro sago and papaya white fungus...Almond cream is so smooth, nutty and not too heavy or creamy Taro sago has lots of taro flavor, best taco sago I’ve had Papaya white fungus is clean and refreshing with hint of ginger

老香港風味買少見少，佐敦的「佳佳甜品」正正具有舊風味之外，價格亦是吸引之處。較早前舊舖搬新舖時，價錢都依然維持$18碗，但今日親臨光顧已經加至$20一碗，更有新派甜品- 楊枝甘露盛惠$32，不過已一早沽清。我們被安排到樓上雅座，二樓環境寬敞，以實木做枱櫈、階磚牆身，風格懷舊。糖水款式其實不算多，但款款都是簡單傳統中式糖水，例如這用中式藍白色瓦碗裝著的蛋花馬蹄西米露，食得出馬蹄清甜、蛋花軟滑、味道正宗，市面難得少有。難怪時時刻刻總有隊龍在門外。

This is a very traditional Chinese restaurant which you have experience great Chinese dessert, all the dessert are very local and delicious and you can experience to local culture in Hong Kong.

香港依家已經好少呢種中式糖水舖，而且重要好食又唔貴，真係好難得。選擇唔多，但真係只有傳統野，咩台式、咩綿綿冰都唔會有，但就有住家式糖水，我見好多人叫蕃薯糖水，我諗應該好正，但果日天氣太熱，所以我無揀，冬天食，一定好正結果我叫左合桃露，其實我之前從未食過，食落似火麻仁咁既味，但就係傑身，口感好好，因為有d質感得黎，好滑，而且唔會好甜，雖然因爲始終少少濃，食到一半會開始飽但因為甜度適中，又唔會覺得好"餾"

今晚同朋友出開佐敦，見到依間叫佳佳甜品排長龍，生意十分好，基於好奇心，於是光顧這家甜品店。店內環境簡單和冷氣一般，店員態度一般。我們4個朋友各叫咗不同甜品，分別有凍精制杏仁露，尚算冰凍，杏仁露也很滑。口感一流。另加番薯糖水，則比較偏甜，一般般的，至於香滑芝麻糊，口感很滑，芝麻糊味道很濃。至於蓮子红豆沙，紅豆味道一般般。價錢平均约$20元。综合各方面，包括價錢，甜品質素及環境，個人認為這家食店還是可以的。

講到傳統糖水佳佳係必食之選價錢方面相當實惠👍寧波薑汁湯圓 $20😻有七粒份量唔少個皮超滑同薄芝麻餡料好豐富芝麻勁香超好食個薑汁好夠味正食完好暖胃呢間之前食過一兩次不過大約一年前今次來個水準都keep得好好

每次吃完飯，總覺得還應該有下一攤。。。甜品！在佐敦吃完飯，openrice了一下，發現了這家。坐低之後第一感覺就係--好平！老實講平時已經少吃中式糖水，而多數吃開的西式日式改良式，少少地都30/40/50蚊起跳，百幾蚊一份甜品都唔系少見，而呢度，見到20蚊的價錢即時覺得好親切，即刻加多幾粒湯圓先。糖水種類唔算特別多，基本都係經典款，我同朋友都揀咗腐竹薏米糖水，入口好香濃的腐竹味但沒見到腐竹，朋友話有腐竹都煲融曬啦，哈哈，好吧，反正我信了~同檯有兩位相信應該係遊客，唔係好知要揀邊款，店員都好熱情咁同人地介紹各款糖水的材料同作出推薦。絕對是值得回頭的糖水店，讃！

今天行經佐敦心血來潮就想去再試下呢間糖水店。由於時間尚早，人流未算太多，一入店已有位置可坐，我點了芝麻湯水加芝麻湯圓，芝麻香滑，芝麻湯圓鬆軟。之後還會再來試試其他中式糖水。

同朋友們8點幾食完飯就過黎食糖水喇!一去到已經見要排隊! 估唔到咁早都要排啊! 不過好快就入到去like 我叫左合桃露加湯圓 ($22+7), 另外四位朋友分別係叫薑汁湯圓, 薏米腐竹, 馬蹄西米露同杏仁露yummy 我平時都好多時食中式糖水既, 但我就覺得今次依碗合桃露實在太甜喇! 甜到唔係幾想食落去....但個湯圓係唔錯既, 係芝麻黎既, 細細粒易入口!  睇落個馬蹄西米露應該係最好食!如果怕太甜既話就要好好考慮叫乜野喇sick ps 服務好一般, 都係比人想你食完快d走既感覺~

好耐之前已經聽過好好味，聽聞好多人等位嘅，第二次黎，可能平日完全唔洗等，仲要食完坐左一陣先走🤣大部分都係遊客。記得上次食合桃糊同芝麻糊，覺得唔係好夠濃味。 所以今次試其他，3個人黎叫左木瓜燉雪耳、芋茸蓮子西米露同埋三濃薑蕃薯糖水加左湯丸。一上枱好香薑味，我後來先發現原來係叫濃薑蕃薯糖水，都有小小辣，冬天食一定好正同好暖。甜度剛剛好，唔會太甜，蕃薯都好淋身。芋茸蓮子西米露呢個係三個之中最好味，第一次食芋頭西米唔係粒粒芋頭而係芋茸，同埋加蓮子，好香好濃芋頭味！一定會再encore ! 木瓜燉雪耳係家常味道，好香木瓜味，雪耳唔會好淋，甜度亦剛好。

我不嬲都唔係好鍾意食中式甜品，但有一次朋友話佳佳甜品好正就嚟咗食啦，第一次嚟食，嗰陣聽朋友推介叫咗個芝麻糊，堅濃堅香，令我一試就愛上了，所以之後經過佐敦，都一定會去食一食。今晚同朋友喺廟街食完嘅，近近地，當然又黎個飯後甜品啦。因為我哋七點幾就去，所以唔使排隊；不過入面都幾乎坐滿晒。我今次叫咗個芝麻糊溫合桃露，唔使額外加錢，另外加七蚊有3粒湯圓，食完之後覺得都係就咁叫芝麻糊好食啲，但整體來講好似冇以前咁好食，稀咗又甜得滯。