佳佳甜品

營業中

休息中

天氣涼涼的，帶一點寒暖，忽發奇想的想吃一碗暖身的薑汁湯丸。立即在網上搜尋，發現米芝蓮推介的甜品店在不遠處，一於相約美少女同事一同前往。這間佳佳甜品位於佐敦的寧波街，在裕華國貨附近。由於六時抵達，沒有太多的人群。店子裝修光潔企理，枱與枱之間有寬闊的距離，沒有太焗促的感覺。店內還在當眼位置掛上不少米芝蓮奬牌。牆上貼上十七款中式甜品，價錢由$20-$32， 定價幾親民。今天就試試寧波薑汁湯丸和芝麻合桃露。寧波薑汁湯丸$20這薑汁湯丸真好吃！湯丸細細顆，一口一顆。湯丸皮香滑軟糯，微微炒過的芝麻甘香，流沙口感，香甜幼滑。而那薑汁湯底更是薑味爆棚，甜中透辣，還有一點蕃薯糖水的味道，正呀！芝麻合桃露$22這芝麻合桃露份量十足，是中等大小的中式碗份量。先嚐表面的合桃露，口感十分幼滑，合桃味十分濃香，而且果仁味十足。芝麻糊濃稠順滑，芝麻味道甘香豐厚，甜度唔高。再拌勻合桃露一試，既有芝麻糊的濃郁味道，也帶一點合桃露的甘香。兩者的味道相輔相承，有著中式甜品溫和的甜味，令人滿足。以今時今日的物價，加上米芝蓮光環的加持，店主沒有把定價大幅調高，可算是良心小店。加上甜品味道唔錯，份量足，若然不用大排長龍，一定會e

喺佐敦食飽飯想搵啲水名糖水食下即刻就諗起呢間佳佳主打中式糖水餐牌上多數糖水都係$20一碗雖然係細碗但真係對得住顧客好好食個蕃薯糖水夠多蕃薯夠粉糖水又夠重薑味好正個芝麻糊唔稀但又唔會傑到一pet野咁甜度岩岩好兩個都好食👍🏻

相信有好多本地嘅香港人都會認識佳佳甜品，老字號，以前我都成日幫襯，自從搬咗去新嘅舖位之後我就第一次幫襯啦，價錢唔算貴，係合理嘅水平，選擇亦都唔算多！我哋今日揀咗紅豆沙麥米粥及杏仁合桃糊！我們是買外賣的，因為可以給女兒在家慢慢食，外賣係加一蚊嘅亦都算係正常合理！好好食返到佢嘅味道十分之失望，紅豆生麥米粥未到係正常嘅，不過同普通糖水舖差別亦都唔大！沒有什麼太大的特色！我們最想去嘅就係他們的招牌貨合桃糊加杏仁糊，因為係自己磨嘅，應該應是十分之出色的，可是杏仁味及合桃味亦都不是太突出，甚至感覺唔到，質地好似水一樣十分之流，好似飲緊奶水一樣，極之失望！我相信都唔會再幫襯啦！我寧願比多啲錢食得好啲！

同朋友係附近食完晚飯唔夠飽於是諗起舊式糖水佳佳，好耐無食過了，新裝修比起以前乾淨好坐。9點左右黎到唔洗點等位，牆上有大大個餐牌，大概只得10款左右，有凍有熱。叫左呢三款，唔洗講都知係咩。叫完三分鐘內就送到枱面，職員態度好友善，做野手腳快。三碗都係熱辣辣，好香。我自己食既係白果薏米腐竹，d腐竹煲到溶哂，好香好滑，濃到好似豆漿甘，甜度適中，白果挑左個芯，無苦味，用既洋薏米好滑，真係好食。呢個價錢完全合理。朋友揀既兩款都不錯，中意食既可以一試

今日行過佐敦食完飯想搵個地方坐下之後去咗非常之出名嘅佳佳甜品全間店嘅裝修都非常之舊式係舊式糖水店怡武一種甜品大約都係收取$22性價比非常之高其實款款都好好食最後我哋叫咗合桃露同木瓜燉雪耳都係叫咗熱嘅因為我覺得舊式糖水係一般熱比較好食凍嘅話就冇咗嗰種味道先講合桃露合桃露嘅味道算好龍尾你都係真材實料沒有偷工減料嘅$22來講性價比真係非常之高之後就係木瓜燉雪耳糖水我認為熱係一定好食過凍嘅唔算太甜木瓜同雪耳嘅份量算好多所以性價比非常之高

同朋友喺旺角食完晚飯想食糖水 就行左半個鐘黎佐敦食呢間幾出名嘅鋪頭一行到門口個心離一離 勁多人！但意想吾到嘅係啲人流勁快 十幾個人 但等左兩分鐘就入得叫完野食等左又係吾夠2分鐘就到左 我叫左個薑汁湯圓， 薑味超濃郁！ 如果天氣再凍啲黎就perfect la. 湯圓有8粒 皮薄 吾滯 但只有黑芝麻味 如果可以有埋花生等其他經典味道就更好 再試左朋友嘅腐竹糖水 就反而冇咁濃味 吾太啱我咁重口味嘅人 但中意清淡嘅朋友應該會幾中意廿蚊碗 咁嘅分量 速度同服務 真心係抵食！

同男朋友食完飯又唔想咁早反屋企，只能去食甜品……哈！裝修服務還算ok，不過不失，感覺外面好多糖水店花樣多，味道太雜，都系喜歡老糖水，(我好年青)哈。食完甜蜜蜜反屋企，希望佢都系啦！

晚飯過後時間尚早，又想與朋友繼續談天，吃糖水是一個不錯的選擇🤗。•這間位於佐敦的糖水店是朋友推介的，榮獲米芝蓮🌟，像是很出名似的。店鋪門口還貼了「發哥」周潤發的照片😯。•星期一晚上21:30竟然要排隊，有4-5人在等候入座，但等了2-3分鐘便可入座。🤓•這家店以賣傳統糖水為主，例如：合桃露、芝麻糊、紅豆沙⋯⋯•1️⃣ 合桃露（熱）$20 — 有驚喜😍-👍 小時候很愛吃合桃露，長大後便很少吃。這碗合桃露樣子雖然普通，但質感非常綿、香、滑😋。-如果甜味可減一度便滿分💯！•2️⃣ 芋茸蓮子西米露 （凍）$20-🤨 不知是不是點了凍食的原故，底部是結了冰。-芋頭味很香，芋頭近乎芋泥，但相信熱食味道會更佳。-找不到蓮子的蹤影😦。•3️⃣ 楊枝甘露 $32-相比其他甜品較為遜色，亦是最貴的一款甜品🧐。-西米、西柚肉份量很很很少。-芒果肉粒約有6粒，美味鮮甜😋。-芒果汁是新鮮芒果制的🌟！•回頭指數：9/10 (想再吃它的合桃露和熱的芋茸蓮子西米。也想試他的燉蛋🤩）-

早前一嚐佳佳甜品，一試傾心，從此再也忘不了這家賣懷舊中式糖水的小店。雖說是小店，其實大有來頭，獲獎無數。舖頭分上下兩層，基本上甚麼時候來到都客似雲來。而且不像大多甜水店，最多只開到凌晨兩點，這裡收三點，對我這種夜貓子可是喜事。這次點了凍百合綠豆沙。即使很多客，伙記都很好脾氣，手腳快之餘十分親切。甜品也上得快。說來慚愧，活了這麼久了還未曾嚐過「磨到起沙」的綠豆沙，通常都沒有咁好心機煮，綠豆都是粒粒分明的，最多是起了點沙，但跟佳佳的相比，還是一天一地。這家的綠豆沙不像好些綠豆沙，沙沙的吃起來卻會刺喉嚨，會想咳。吃起來也綿而不淡，這樣的水準只售20元，價廉物美四字實至名歸！

今日行過佐敦見有D攰，咁啱行過一間甜品店於是入咗去幫襯「佳佳甜品」我鐘意食中式甜品，太多花巧反而覺得好古怪，見喉嚨有D乾就叫咗個薑汁湯丸，濃濃嘅薑汁配上軟綿綿嘅湯丸，飲完薑汁喉嚨好似好咗D，呢度嘅甜品價錢好大眾化，湯丸都係$20👍🏻

佳佳甜品比雜誌介紹過幾次，終於今日有機會同男朋友黎試試佢ge功架之前想食，次次都食到好飽，一係好遠唔想去今日男朋友仔提議就決定係tst行過去。去到餐廳門口發現出現大人龍，當時只係晚上9點，估唔到咁多人。以為要拎飛等位，發現原來跟住條人龍排就得喇，輪到就會問你幾位。望入去環境都幾大幾舒服，等左3 4分鐘就有位。menu上 樣樣都想食呀真係。最後叫左個蓮子紅豆沙同濃薑蕃薯糖水蕃薯糖水 $20 （8/10 ）第一啖食落去，勁薑，食到佢好足料，怕辣ge人可能未必岩食。但食開辣ge我地就覺得好滋味。蕃薯份量多，唔似其他甜品店咁，好實好乾有根。佳佳ge 咬口有粉粉lim住口ge感覺，仲要完全無根。令人一試愛上。男朋友仲話冬天要黎軀寒蓮子紅豆沙 $20 （8/10）紅豆沙落左陳皮ge紅豆沙，好足料，食落起沙，啖啖都有紅豆蓉，絕對值得一吃，相信加埋湯圓，會別有一番風味。下次ge我都要再叫紅豆沙係香港呢類型ge糖水買少見少，仲要咁足料，真係值得支持

食中秋節飯之前去食左甜品先以為會少d人點知差d要等位超級旺場不過8成都係內地同胞鋪頭細細但唔會話坐得唔舒服而且好光猛感覺幾好菜單超清楚就係牆上面個d3個人叫左熱杏仁露 熱合桃露 熱姜汁湯圓一早煮好哂所以落單後幾分鐘就有得食都算幾大碗而且好夠熱先講人地個d熱姜汁湯丸真係非常夠姜 真材實料一碗有8粒芝麻湯圓份量都幾多熱合桃露好濃好杰身入口都有陣合桃味而且好夠熱又滑最重要係唔甜最怕食中式糖水得個甜字但係le間唔會熱杏仁露超級正又熱辣辣又滑又濃真係好鐘意食杏仁露下次試下凍嘅睇下有咩分別先而家講返都想食冬天去一定超暖身食完杏仁露唔夠喉叫多碗凍嘅燉蛋顏色就好靚啦而且都有蛋香食落口都算滑凍冰冰都幾好食反而燉蛋下次就會嘗試熱嘅睇下會唔會仲好食整體來講呢間甜品鋪都好高質素怪唔之得咁多遊客慕名而來下次去開佐敦都會再去食甜品

本土港式糖水的代表｛芋茸蓮子西米露｝好耐以前食過第一次佢嘅芋茸西米露 一試難忘！終於有機會試返啦！都一樣一樣咁好食呀呢度嘅芋頭西米露唔係粒粒芋頭而係芋茸食落更濃郁芋頭味！確是encore之選！｛ 腐竹薏米白果糖水 ｝就算簡單一個腐竹糖水都咁出色！腐竹煮到溶哂白雪雪！足料，香濃！

佳佳甜品絕對係我一定會推介嘅本土港式糖水代表。價錢平就不在話下，用料豐富，唇齒間透出淡淡嘅人情味！星期六晚大概八點幾嚟到，門口約有數十人排緊隊，比着其他糖水舖真係可能要等返大半個鐘先入到去食，但呢到流水作業，大家都有默契食完就走，所以不消15分鐘我哋就入到去喇。呢排轉季寧捨乾燥，所以我哋就叫咗個木瓜燉雪耳糖水，同埋我最鍾意食嘅腐竹薏米白果，兩樣都係滋潤野，喺dry爆嘅日子補補佢。兩碗都好足料，木瓜雪耳唔會死甜，腐竹薏米就一貫咁香濃！另外，早排去台北旅行時，發現原來佢哋已經密鑼緊鼓準備喺台北開舖。希望佢哋保持到水準之餘，亦都勿忘初衷唔會大幅加價啦。

真材實料！傳統手法，口感濃厚，又不太甜。選擇極多！很多難找的糖水，都可以在這裏嘗試得到雖然不在大街，位置有點不明顯，但尚算就腳。家庭式經營，服務親切友善。基本清潔衛生。