佳佳甜品

營業中

休息中

香港傳統糖水買少見少，想要保有傳統風味同時又平靚正，我諗就要....排隊哈哈哈而我幾乎每次經過佳佳大排長龍，我多番放棄排隊既念頭，而咁啱呢次經過，竟然冇人排隊當然即刻入去試番碗啦﹗我地兩個人，叫左木瓜燉雪耳同薑汁芝麻湯圓。薑汁芝麻湯圓既薑味好夠味，不過對於鐘意淡淡薑味加糖水既人就未必岩，因為薑味真係可以話幾重，而且湯圓煮得岩岩好，軟熟彈牙，而且都多，非常有誠意﹗木瓜燉雪耳就更加唔話得，人地賣緊40蚊既質素佢先$24蚊，真心超抵食，木瓜清甜唔會太生，糖水夠熱，料足，好滋補，雪耳最啱貪靚既女士們補一補，我俾5個LIKE，希望再有少人既時候俾我食到﹗

佐敦一向都有好多食店，愈夜就愈多人添。我就比較少嚟呢一區，但係每當我嚟到呢一區食晚飯，我就會喺食完晚飯之後，嚟到寧波街一間人氣糖水鋪，叫做佳佳甜品。其實以前舊鋪喺白加士街已經幫襯開，早前搬左去寧波街我都有繼續幫襯。當然，最近佳佳甜品老細既二家姐開喺土瓜灣，我就無食過土瓜灣嗰間所以唔知有咩分別，但係我自己幾鍾意佐敦呢一間店鋪。合桃露加3粒芝麻湯圓，合桃露質感濃稠，亦都好香。湯圓皮算薄，質感煙韌，芝麻起沙亦味道香濃，我個人覺得幾好食。呢幾年呢間佳佳甜品都獲得米芝蓮推介，所以愈來化多區外人去食，我個人覺得質素上係實至名歸既。佳佳甜品佐敦寧波街29號地舖

Very busy local dessert shopWe went there at 12.00 midnight and still the place was fullLuckily we got a share table Good verity of hot and cold desserts Quick n good service. nice and tasty Reasonable prices If you come to TST side , try this placeI’m sure it’s very popular among locals

新出爐米芝蓮中式糖水店，排隊人龍一條街咁長，但只係需要10分鐘就入座，傳統味道，冇花巧足料糖水，服務出奇地好唔趕客，20幾蚊碗糖水，力推！試咗紅豆沙足料起沙吾苦朋友試咗芝麻糊同合桃露都唔錯，燉蛋仔仔話好味

冬天總係特別餓，食完飯都仲係唔夠喉咁，肚仔仲有啲空虛，想食返碗熱辣辣糖水，喺廟街附近，除左佳佳仲有邊間咁好食雪耳木瓜、腐竹白果薏米、冰花燉蛋。天氣咁凍，當然三碗都係熱既。燉蛋一般，腐竹白果好好食，白果煲到好稔，成碗野奶白色，溶哂爛哂，咁先正唔似得有啲舖頭，水同腐竹分開哂，一塊塊浮喺面。雪耳木瓜都好抵讚飲完當堂成個人暖哂，有種好潤既感覺木瓜煲到稔哂，食落清甜，成碗野就係清新滋潤，秋冬至岩！排長龍都係值得！我一個可以食四碗！

真係幾好食 雖然是臨時搵既一家糖水店，但都比到驚喜我，對唔住呢間野係出名既細佬無知唔識。🔅芝麻糊核桃露雙拼：芝麻糊很綿密/核桃露很香/但是基於前面已經剛吃完一碗腐竹百果的我來說偏甜了/但是整體也很好飲🔅薏米百果腐竹糖水：不甜不膩清爽/又有點點淡淡的豆腐味兒/還搭配了小顆薏米和百果/一口下去多了點層次感/好好吃🔅芋茸蓮子西米露：也是一款微甜/但是比腐竹這款多了點厚重/西米露真的是點睛之筆呀/蓮子很糯/也很好吃🔅杏仁露：滿滿的一碗杏仁味/有點像茶餐廳經常吃的杏仁茶的味道/但是又很細膩的口感/好喝一共試了4款每款都好好飲，雖然半夜去都仲好多人排隊但係翻桌率很高，好快有位。由坐底落單到食完基本10分鐘就得，我地就吹下水食下半個鐘就食完出翻來，排隊人仲多左，睇來冇撞錯Haha 嗯， 還有每碗可以另外加料的：比如小圓子、湯圓之類的。

基本上幾乎所有客人都是內地人又或者講啲唔唔鹹唔淡廣東話嘅內地人,所以要同好多購物袋一齊逼住坐同埋比人「打尖」。芝麻糊湯圓1）味道可以，而且還有炒香的芝麻味，2）但湯圓皮不夠彈牙3）可以再試「芋茸蓮子西米」1）西米極少，而且煮得勁爛沒有西米應有的口感。2）芋頭味唔夠（應該從該色澤已看到），且味道有點酸3）不夠香滑，可能是強行用熱水加入芋茸，以致有點「一舊舊」4）不用再食糖水中規中矩，都可以過來一時，不過要有等同包容的耐性。

佳佳甜品以前我只聞其名，但一直都未有機會嘗試，今日食完晚飯後就想食下飯後甜品，咁就即興去佳佳食。當去到門口已經見到好多人排隊，究竟係米芝蓮效應定係真係咁好食？不過如果冇返咁上下質素，我諗都唔會長期都有人龍排在店外。因為由開始排隊，到入去等位，直到食完埋單，店外一直KEEP住有人排隊。今次同朋友各自叫左一碗木瓜燉雪耳，芝麻糊配湯圓。芝麻糊甜度適中，糊不杰身，口感順滑，令人想一吃再吃。而湯圓細細粒，湯圓皮幾黏韌，芝麻涵亦不錯，幾好食！正因為係細細粒食落先唔會有好滯既感覺。木瓜燉雪耳就唔係我食既，所以不作評論。

佳佳甜品一直超高人氣，平日經過都是大排長龍，今晚和朋友打算早一點去，大約七點鐘，都是大排長龍，幸好吃糖水的人都不會坐得太久，等了大約十分鐘就安排我們入座，店內環境主要是圓卓，如是二人基本上都要搭檯，店內有外藉、內地遊客，原因很簡單，因為它是米芝蓮餐廳，店外都張貼著宣傳是米芝蓮，所以吸引大批遊客。餐牌上種類不多，我想是要重質不重量，我和朋友分別點了芝麻糊加湯丸和合桃糊，叫了大約三分鐘就上檯。芝麻糊加湯丸 張口，重芝麻味，口感難以形容，湯丸夠林口，適中彈牙感，讚👍🏽！合桃糊 打得平均，非常張口，很重合桃味。總評：米芝蓮餐廳果然有保證！

上網睇到佳佳甜品再蟬聯多一年米芝蓮街頭小食，但未有機會試過。今日咁岩係油麻地果欄買生果，買完就行落去試試。去到大概係三點幾鐘，但係門口一直都有食客排隊。如果去到夜晚時段，相信人潮會迫滿門口。門口有貼出甜品嘅種類同埋店員同名人嘅合照。糖水款式好多種，雖然入選多年米芝蓮，但價格仍然相當平民，二十幾三十蚊有交易。叫左兩碗糖水 濃薑蕃薯糖水 同 芋茸蓮子西米露。上網睇過湯圓都頗出色，所以兩碗都加左湯圓，加七蚊就有三粒了。蕃薯甜美，薑味十分濃烈。芋頭味濃  打成芋茸更香綿 湯圓芝麻好香

突然其來的加價了！不知是否開多間分店的原故。每碗加2元，十個巴先，人工都冇加咁多，唯有食少啲...！腐竹薏米白果糖水是我心頭好，質感濃稠，材料足，比起飲牛奶還要香甜。自家製也不出這效果，火喉控制好。追加一隻蛋，成為三大元一隻，今時今日百物騰貴，勁無奈。但勝在服務一流。

早二晚帶來港朋友去佳佳。店員又無示意座邊，一行4人見地下滿左就直上樓上。 點知有個阿姐同佢同事講 ‘ 邊個叫佢地上去架 ’ ！ 2條友就大大聲問我地幾位；我答4位 。叫我地落來。成場人都聽到。 我都唔客氣，語氣有的重問‘ 樓上唔座得咩？阿姐答樓上6位起！ 我地就係樓梯落返來！1）你無安排客自己波好正常2）的客行晒上樓梯你咁樣叫法好無禮貌又影響的客心情，垮張的face都無晒！俾你大大聲呼呼喝喝！3）店員態度越來越差！ 而家去親感覺係 ’ 佢地係’皇帝‘ ！ 特別係的阿姐 ！ 有次問佢攞碗仔佢叫我自己去攞！ 我心諗請佢返來淨送碗糖水的嗎？4）店員黑口黑面！無笑容是你的自由，唔好成日都黑口黑面！ 有時找完錢的錢放在枱完全無望你一眼，更加唔好話講咩 ‘ 多謝晒 ’ 禮貌態度真係好重要！攪清楚皇帝都要有人民俾錢你先至最到皇帝！我相信好多朋友都有以上經歷！ 希望佳佳管理層好好反省改善！ 米芝蓮係因為的野好食！ 但客人唔會喜歡受氣！ 寧願唔食！ 呢個就係我呢個食左佳佳7年客人既心得！ 客人食的不只是食物，還有人情味！

天氣轉涼食中式糖水嘅機會就大左好多😆平時唔鍾意食芋頭嘅我竟然覺得呢個芋茸蓮子西米露好好食好甜好杰身嘅芋茸 食完一口接一口如果西米多番少少就好啦薑汁芝麻湯圓都冇得輸💛湯圓皮薄餡多 芝麻味好濃郁 薑湯甜中帶辣 有啲番薯糖水感覺

喺旺角砵蘭街食完飯慢慢散下步行到呢佐敦🚶🚶🚶啱啱嗰餐唔係話太好食。所以都係信米芝蓮好d😂😂😂😂 呢間糖水好多人排隊，本身以為六個人要等好耐(條人龍勁長😱😱😱)，點知等左5分鐘就有得入🤣🤣🤣而家喺香港食甜品下下都四五十蚊先落樓呢間米芝蓮中式傳統糖水只不過係二十零蚊😍😍 抵呀!!6個人嗌左5款糖水芝麻糊，寧波薑汁湯丸，燉蛋，杏仁糊露，核桃露碗碗都好好味，夠濃又好滑!!!!大推薑汁湯丸😍😍😍 啱曬而家天氣食完暖笠笠!!!!

朋友話呢間野好出名，我孤陋寡聞，聽都未聽過，但閒日夜晚去都要排一陣隊，入到去坐低見牆上有幾張米之連推介既牌，所以終於知佢出名既原因，亦因為咁都吸引左唔少旅客，國內好定星加波人都有。好多時嗌中式糖水都貪佢夠穩陣，新式甜品好多時都伏味濃，要冒風險，再加上佢有名氣，所以對佳佳都有信心。今次嗌左芋蓉連子西米露，好棉，唔會太甜，佢係將芋蓉blend埋入去西米露入面，所以碗野係紫紫地色，同出面既唔同，連子都好淋，入口即溶。總括係正常既，食落唔會好太驚喜既中式糖水店。