佳佳甜品

營業中

休息中

獲得2018年米芝蓮推介既中式糖水店，之前因被加租而搬左店。搬左後環境更靚，裝飾更光猛！入門口會見到由蔣志光親題既牌扁！呢度好多中式糖水都好好食，不過因為有少少唔舒服既關係，決定叫勁薑蕃薯糖水！唔係講笑，呢度既蕃薯糖水一定係全港最勁薑！！每一啖都充滿薑味，喉嚨唔舒服既直情會覺得佢「拿」到喉嚨，即刻會舒服晒！而且飲完個人會好暖！！而呢間既紅豆沙一樣好好食，值得一試架！！呢度好多人排隊，不過因為夠大，流動好快，所以即使有人龍，但都好快會入到！多數得5分鐘內就食到！！！👍🏻👍🏻👍🏻👍🏻👍🏻👍🏻👍🏻👍🏻👍🏻

一直都對傳統中式糖水有種情意結，今次朋友帶我去試試位於佐敦的佳佳甜品，非常幸福<3 大力推薦的寧波薑汁湯圓，係芝麻湯圓❤︎蕃薯糖水底，薑味超級濃厚，喜歡薑汁的人一定要試試。湯圓尺寸大小剛好，一啖一粒，皮厚薄適中，不會太粉<3 讚

Gosh!!!!!!!!!!!芝麻糊湯圓簡直是人間美味！因本人食緊中藥 唔可以食凍嘢 就叫咗芝麻糊湯圓 實在太太太太好味了 甜而不膩 暖暖的一碗 好滿足！冬日裡最幸福既事——瞓覺同埋食甜品！

即磨的芝麻糊令我每天懷念。無論味道和香味都十分濃烈，還很滑溜！更食得出是即磨的味道😋黑黑的芝麻糊更可以令頭髮變得濃密😋在寒冷的天氣中有一碗溫暖的芝麻糊作甜品🍮，真是窩心！另外，還食了木瓜燉雪耳糖水，有家的味道😋材料很豐富，就算是一整碗，都是滿滿的。不會糖水比材料還多。比例適中😋糖水還不會太甜。適合任何聚會去食，作結尾😋提提大家早點去食，不然就要排隊✌🏻

由於工作關係發現而間中式糖水店，由於夜晩每次經過都十分多人所以選擇了外賣，返到屋企仲係熱的岩岩好，本人覺得甜左少少唔知可否少甜呢😋有濃濃合桃味口感有點想打了空氣很細滑棉棉的。下次再試其他👍

早文提及，現時的我迷上了中式甜品，欣賞它的華而不實，而厭了西式的花巧。但是你問我是從哪時開始了這樣的想法，我會答：一切由佳佳開始。濃薑番薯糖水（$20），若然你愛薑味，那裡稱得上最夠薑的番薯糖水，辣有勁度，薑有香味，但最厲害是糖水上沒一絲絲薑渣，原來他們堅持將生薑洗乾淨，攪拌成薑汁再煮糖水，心思加十分，味道一百分！其次，番薯甘甜，明明是如此完整，但一咬就知它已經過長期烹煮，質感粉糯得老掉牙也能吃。那全靠他們對品質的堅持，一碗番薯糖水用兩個煲煮，其中一煲糖水由朝早煲煮超過4小時，待番薯煲熟，倒進恒溫爐，另一煲就等恒溫爐內的番薯接近賣光，才加添熟半透番薯進內，避免它們軟爛溶掉。然而條條番薯都是揀手貨，全部光身厚肉，你話點會唔好食！？薑汁除了有番薯，還有湯圓。全由上海老師傅專門包製，粒粒細小但煙韌，芝麻餡油香而不膩，甜度適中，烹煮時間剛好，熟透唔糊口，好味過人都是$20一碗。$20碗，中間的心機是無可比擬。當你吃了一份過百蚊，打卡一流的梳乎厘Pancake（香港有幾好味心知肚明），再回望那些傳統甜品，你就知之前的都是沒內涵的「花瓶」，而它們才是令你會心微笑的佳品

我個人不是太愛甜品🍮，因為很怕甜。可是 佳佳甜品 卻很推薦，因為它沒那麼甜。有些甜品初嘗很是驚艷，但你絕不會想吃第二遍，特別是甜到齁的那種。而佳佳甜品店的糖水，味道都甜度適中，吃得住，宜早茶也宜下午茶，宜春夏也宜秋冬。幾乎每個來過這家店的食客都會推薦這碗香滑濃稠的黑芝麻糊。每碗芝麻糊的價格是$20，加湯圓需要加價$7。芝麻糊十分細滑，吃完這個，再也無法接受超市裡的速食芝麻糊了。這裡楊枝甘露也是很有名，大顆粒芒果，大顆粒冰塊，潤滑的西米，甜度正好，不會膩。補腦合桃露甜度也是適中，不會有太強烈的負罪感。地方小小，常排長龍的小地攤店，值得回味！

位於佐敦佳佳甜品，舊鋪時我已經常常光顧，現有越來越旺，生意越來越好，排隊人龍都比往常多，不過品質絕對一如往日，品數有保證。合桃糊：合桃味香濃，甜而不膩，口感幼滑，食過返尋味。陳皮紅豆沙：紅豆有陳皮香氣，紅豆全部起沙，還有少少西米，不甜亦沒有苦澀味，贊。

佳佳甜品記得第一次食系三年前，仲系老店.但是求其試下無諗過係米芝蓮嘅鋪頭，感覺佢嘅紅豆沙好好味，有時候經過都會食一碗.平時食嘅醬汁湯圓或者紅豆沙.今次試下凍嘅綠豆沙 感覺都係紅豆沙惹味d.朋友叫左一份冰糖燉蛋，我都嘗試一啖好特別，好滑，終於知道點解人地可以做到米芝蓮嘅名頭.而且唔係好甜.對於我唔係好鍾意食甜野嘅人都可以接受.雖然有時候門口大排長龍，等待時間都唔算多，因為大家食碗糖水也就20來分鐘，平時等待時間都係10來分鐘.價錢也算合理

Came here many years ago and returned last night. Price is still reasonable and it’s as busy as it used to be. Had to wait for a few minutes outside before letting in as it was so packed. The dessert is still good and traditional none of the fancy new fusion stuff that I’m not a huge fan of.

天氣又開始凍返，就會好想飯後食返碗熱騰騰既中式糖水，一諗之下，醒起米芝蓮推介既佳佳甜品就係附近🥳去到見到條長龍，本來有點兒卻步，但原來條龍行得好快，入座入得好快今日我地叫左4碗，分別係香滑芝麻糊，香滑芝麻糊加芝麻湯圓，芝麻糊配杏仁露，同埋木瓜燉雪耳，我地個個都食到lam lam脷最讚係個芝麻糊，超級香濃同滑，結結地，唔似出面坊間戈d水水的宜家真係好難先揾到好味既中式糖水，呢度確實係一個好選擇重點係價錢一d都唔貴

佳佳甜品since 1979另外一樣出名既食店係廟街就係佳佳 一去已經有五、六個人係前面排緊隊 平時好少係呢頭食糖水都係朋友介紹就去試下 種類方面主要都係食中式糖水全部都係廿幾蚊就一碗都幾平 最貴都楊枝甘露34蚊我就叫左個濃薑蕃薯糖水$22 有surprise 個薑湯係勁濃 食落會辣口 越食越慢因為越食越辣😂怕辣既人唔好食啊 所以相對平時食開個d 佳佳個蕃薯糖水係無甘甜 冬天食幾好 因為食完成個人就暖左朋友就嗌左楊枝甘露 芒果好甜 唯一係少左啲柚子 相對地甜 不過都好食既

今日同朋友去旺角行街，大概5點左右行到累大家都想坐低食d甜品，於是就去左食佳佳甜品離遠見到門外排左5、6人，心諗實要排好耐啦，點知埋到去唔洗5分鐘就入得我哋叫咗（凍、熱）芝麻糊同合桃露+ 湯圓我食凍嘅，幾重芝麻味偏甜，我幾中意，不過另一個朋友覺得太甜朋友嘅合桃露加咗芝麻湯圓好似幾正試食咗一口，好似冇咩味，應該係食左芝麻糊口甜甜湯圓加$7得3粒，冇食到但睇落都ok總括：食物黎得快，環境乾淨，唔會好迫，價錢合理，會有下次

慣常地跟女朋友食完晚飯，我哋鍾意慢慢行街之後去搭車。我地會經過佐敦油麻地呢一啲嘅舊區搵甜品醫第二個胃。😝今次我哋經過女朋友鄉下「寧波街」，喺呢條桑拿浴室樓上足仔林立嘅小街就有一間大排長龍嘅中式甜品店！🥰保持香港人一貫嘅作風，見到條隊咁長一定係有好嘢食啦，又可以同女朋友傾吓計😛排左大概15分鐘，就輪到我哋入去！🤨不過大家記得呀！入到去千祈唔好自己揀位坐！因為負責管理排隊嘅哥哥仔佢會話俾你知，你幾時入去你係坐邊張枱😏 ✅芋蓉蓮子西米露：我本人非常鍾意食西米露，蓮子好香好甜，有種爛爛嘅感覺🥰🆗木瓜燉雪耳：木瓜雪耳相對上就顯得較為普通。雪耳未夠入味，糖水較甜。感覺上木瓜、雪耳、糖水三者味道未有好好融合。我個人認為下次可以點其他唔同款式嘅中式甜品，有咁多選擇，要食多幾次！ ——————————食物質素：7/10 環境衛生：6.5/10 舒適度：6.5/10服務：7/10 性價比：8.5/10 總評分：7.1/10 —————————— #foodblogger #foodlover #foodie #hkfoodie #相機食先 #佐敦

佳佳甜品拎左幾年米芝蓮推介，今次終於可以一試。我哋叫左芝麻糊，核桃露，杏仁露。果然！3款都香濃，幼滑！我最愛芝麻糊，食到非常香同濃郁嘅芝麻香味，而且非常幼滑，完全冇（鞋）口嘅感覺，加上唔會好甜，食曬成碗都唔會覺得（漏）！雖然門口條龍最少有十幾個人，但唔算排得耐，我一定會再去幫襯