佳佳甜品

營業中

休息中

朋友話呢間野好出名，我孤陋寡聞，聽都未聽過，但閒日夜晚去都要排一陣隊，入到去坐低見牆上有幾張米之連推介既牌，所以終於知佢出名既原因，亦因為咁都吸引左唔少旅客，國內好定星加波人都有。好多時嗌中式糖水都貪佢夠穩陣，新式甜品好多時都伏味濃，要冒風險，再加上佢有名氣，所以對佳佳都有信心。今次嗌左芋蓉連子西米露，好棉，唔會太甜，佢係將芋蓉blend埋入去西米露入面，所以碗野係紫紫地色，同出面既唔同，連子都好淋，入口即溶。總括係正常既，食落唔會好太驚喜既中式糖水店。