余曉記上海包

營業中

休息中

幾次經過也見長龍，這天想不到吃什麼，突然想吃香脆的煎包，走去剛巧無人，買了一個牛肉包，承惠8元。原以為是即煎，結果只是在裡面拿了一個放入紙袋，有點失望，不過上手也中温熱的，還好。紙袋都是油，建議紙巾包着吃。餡料不多，一面的包煎得香脆不焦，牛肉也算多汁，就是8元有點貴。

煎鍋貼，嘩 ﹗點解會係韮菜餡架？嗅到死，我彈開九丈遠呀！咬左啖放棄。煎牛肉包，碎牛都有少許肉汁，但八角味濃厚，味道還可以，餡少包皮厚，而且乾硬。我都明白生意難做，舖租又貴。同女友食完平記碗麵好似無食過野咁，啲麵得兩啖仔，唯有走黎買個包補補倉啦。

我超愛鍋貼, 但很難找到好味的.余曉記的鍋貼令人一吃愛上, 煎得很脆, 漲卜卜的小半月, HKD10 三個. 餡物很實在, 豬肉韮物不少, 肉汁也不少.另葱油餅看似簡單, 吃起來又酥又脆, 非常咸香, 用油半煎炸, 但一點也不油膩, 功夫不少

星期六下午,去完大埔墟街市及熟食中心欽記粉麵食魚蛋粉,再到華輝餐廳買米芝蓮蘋果批,之後去懷義街秋田麵包西餅買椰粒仔,再到太和及大埔中心行下,黃昏時間行返去大埔墟o個邊,因為晚上要到親戚屋企食飯,見仲未夠鐘,經過群記牛腩隔幾個舖位,就黎到當日最後一站余曉記上海包 呢間包店唔係集團式,售賣蔥油餅,菜肉包,鍋貼,生煎牛肉包等小食,款式不多過十款,由於店舖較細,佢地只作外賣,不設堂食我對生煎牛肉包比較有興趣,就通知店員想買一個,見到店員拎一個包去廚房,之後聽到放落鑊煎o既聲音,轉頭就見到一個包拎出黎,我諗係另一個之前放左落鑊o既牛肉包,冇理由咁快就煎好,店員將個包放入紙袋後俾我,雖然唔似係即叫即煎,不過煎完個包o既溫度仲好高,隔住紙袋個包仲係熱辣辣,非常燙手!用啡色紙袋袋住個包,幾有懷舊風味,不過有o的人認為紙袋吸晒o的油,隻手拎住紙袋唔舒服 買完個牛肉包,就行去對面o既公園開餐 ,黃昏時間天黑,公園街燈比較暗,影o的相唔係咁清楚 ,影完相都隔左5分鐘,呢個生煎牛肉包都仲熱,當晚天氣都算清涼,食個生煎牛肉包感覺溫暖 個包落左洋葱後幾香,另外仲有落菜脯添! 一分錢一分貨,唔係咁多牛肉,

滿足鹹胃又到甜胃時間, 只是心型心太軟仍未開門, 反而旁邊上海包店剛才仍是吉的大鐵鍋裡有鍋貼蹤影,問問美人要不要試仍有胃納的我們即時掏出$6買兩隻立食。阿姐一打開大木蓋,滿滿一盤剛煎好的鍋貼飽滿整齊的展現眼前,那景象跟多年前honhon在上海拍給我的小楊生煎同樣吸引! 多年前在此吃過的鍋貼底極為香脆,今次遇上新鮮煎好的仍可保持香脆,不過上方的有細緻摺紋那端鍋貼皮卻軟得有點糊,欠缺煎香麵粉皮那彈力感覺,莫非太新鮮之故 韮菜豬肉餡跟一般的純豬肉餡多了一重韮菜香,吃來也沒有平時只有一團肉的膩滯,只是豬肉餡調得偏甜,其甜度雖然仍可接受,不過沒那麼甜會更好吃的;鍋貼包得小巧漂亮,尤以那整齊平均的摺紋為最,師傅包得很用心哦。小店仍以老式雞皮紙袋盛包點,除了更有懷舊風還可吸收多餘油份,比膠袋更好用更環保。翻看舊評,發現小店幾年來的價格仍相同,在材料價格飛升的日子,小鍋貼仍售$3一隻,街坊小店比經常加價的大型連鎖食肆更有良心,值得支持。

大埔, 想試想食的地方, 真的非常之多. 單是一條大明里, 已經有不少區內, 區外的著明食肆. 是日, 一個人行左出黎大埔墟, 肚子又未至於想食野既程度, 不過, 心總是為食的, 係連麵都食唔落既情況下, 又想食野, 余曉記, 便是我的target.愛吃鍋貼的我當然以鍋貼為首選之物, 不過, 這兒的鍋貼, 並不是我想像般那麼好食. 只是一件有皮有肉的餃子而已. 肉汁不夠甜, 而且還是煎了良久的食物. 感覺只是一般般. 此店的賣點是上海包, 5元一隻, 單面煎的包令人覺得佢非常之地道. 而且, 生煎牛肉包, 就是余曉記的招牌. 店內的煎包盤原來是不斷的在煎包. 分給我的一隻, 依然是熱乎乎. 食完鍋貼, 再把生煎包咬一口, 截然不同不味道出現了. 我一咬, 已經能夠咬入芯, 甜美的肉汁, 新鮮的牛肉香, 感覺就是一份鮮甜, 肉汁幾乎流哂出黎的感覺. 包皮不厚, 煎香的地方脆卜卜. 前一個星期才在上海的南京路食過此包, 我覺得, 此包實在有過之而無不及. 建議常吃........

佢最出名既就系生煎牛肉包, 好好味, 好香, 好:脆, 系我食過既最好味 。仲有佢既鍋貼都好好味, 雖然系TAKEWAY, 但系都好多人一路行一路咬住個包, 因為系熱既, 一整起就食得, 所以禁多人去買就系禁。

小時候家住附近有檔賣上海牛肉飽常常吃, 多年來都沒有吃過, 而近年就對這種上海牛肉飽特別有研究, 知道邊度有得買都會買來試, 自己住沙田, 偶爾到大埔墟行街, 都唔知呢度原來有間幾出名既牛肉飽店, 看到雜誌介紹, 立刻開車去買, 咬了一 口已經覺得唔掂, 第一是皮很un, 第二是一d牛肉都咬唔到, 咁多人買, 去貨咁快, 理應出品可以做得很好, 皮應該唔會好似擺左好耐咁, 而牛肉真係孤寒, 薄薄果少少, 肉汁亦只係少少, 味道也不怎麼特別, 真不明白奇怪為什麼會出名, 好食的原因是什麼? 一間恆安村街市不出名的小店, 都比他做得好, 幸好早幾日又俾我發現了一間超好食的上海牛肉飽在沙角村路邊, 人家飽又大, 肉又多, 汁又濃, 吃過之後高低立見.

偏愛食鍋貼,見到梗係要食下啦~穩陣d買左4隻,但都平呀!又唔係大隻喎!九菜餡幾香,但個皮就......食左幾啖已經成口糊咁....個底仲係脆卜卜,不過岩岩煎起算唔係咁啦~但唔會再幫襯喇~

之前食過牛肉飽 今次就試下食菜肉飽今次用膠袋黎載 方便好多 唔洗食到成手都係油飽都幾軟熟 熱辣辣入面d菜&肉好夠味菜同肉既份量都好平均

個牛肉飽好熱 有一面煎過 所以覺得脆脆地我覺得入面d餡有味精味 所以食唔出有肉味 但d肉好滑牛肉飽好有汁&幾軟"熟"我覺得唯一唔好既係用紙袋黎載牛肉飽 勁唔方便 因為一陣間 成手都係油

經常由舊墟回家,又口痕痕,又不想吃太多東西這間小店的窩貼是不錯的選擇,雖然+了價,6元2支, 但底脆餡多,好香口(有時要看彩數,賣晒未煎好就冇得賣, 擺過唔太熱的,個皮就好似厚左,味道就大打折扣了)我反而喜歡牛肉包,比窩貼平,兩面都脆,好juicy,但葱油餅次次都咁差 v.v 又un, 又厚, 雖然放左芝麻,感覺上好似好吸引,但吃下去的質感好差,仲要最貴,我已經好久沒買這個了

大埔遊決定到陳漢記食腸粉,途中大人阿姨已在上海一家買了炸煎堆吃,月巴人對其沒大興趣,反而對這裡的上海包很有興趣,店前的大大個牛肉包兩面焦香極為誘人,不過今次只選了較細小的窩貼,畢竟還要留肚嘛。放在小紙袋裡的窩貼香氣迫人,單單看其底部已感到這件窩貼會很香脆,果然!!脆卜卜的鍋貼實在美味,熱呼呼的又不太油膩,不俗。肉餡用了韮菜豬肉比較特別,韮菜幼嫩沒渣,配合豬肉味道剛好,很快就將小小窩貼KO了!要不是還有下場,真想多來兩隻!題外話：到余曉記和陳漢記前路經街角報檔,原來那頭會看檔的狗狗"啫喱仔"就在這裡,看牠避各人鏡頭的樣子,實在有趣!!

每一次入去大埔覓食，都吃得肚滿腸肥，但這次卻是例外 --- 沒有去街市吃魚蛋河、點心及豬扒麵、沒有吃群記的牛腩及陳漢記的花蟹粥及腸粉，最後卻只是來這裏吃了窩貼便離開了，真少有說回這兒的窩貼，即叫即弄，底部吃時還是脆卜卜的，抵讚；餡是韮菜豬肉，也是熱辣辣的，但肉汁不多，失色了一點....size小小的，未吃飯的，一次過吃十多隻也是不足為奇的....見有街坊駕車專程來買，可見有一定水平....下次若吃完陳漢記後不夠喉，可再來這裏大吃上海包點小吃，是幾過癮的....

Had once loved its steamed bun with veg and meet, this time picked its credited fried beef bun, only a few was left on pan, the crispy look was pretty deceiving, the stuffing tasted good but yet wasn't accompanied well with the bun, the hardness didn't come from heavy frying but it's the flour used i guess.Better stick to its steamed variety.