何車車仔麵 (大南街)

營業中

休息中

見有人介紹呢間黃店車仔麵 話樣樣嘢都好高質 我就抱住勁期待嘅心情去食一到餐廳門口 好多人排隊 不過好食嘅當然係正常現象啦 所以我同朋友就照攞飛等～我哋排咗大概50分鐘就入得去，一個叫咗十餸咖哩汁小辣，一個叫咗牛舌芯、水魷丶牛腩配麻辣汁中辣，兩碗都叫佢加色兩溝，葱蒜芫茜任落單，就咁睇個menu都覺得正碗麵到咗，睇落好吸引～我哋兩個第一件做嘅事就係試湯底，點知。。。點解咁清嘅？好似清水加汁咁，完全唔覺得個湯好濃郁厚實，同我哋預期嘅好大落差。。。 我哋諗唔緊要，湯底差小小，可能啲餸好食呢～ 我試咗個水魷先，彈牙但唔入味；蘿蔔冧但唔入味；麵質軟硬適中但無味；豬腸豬紅雞翼魚蛋叫正常水準，唯一好食係牛舌芯，燒得岩岩好又夠味。要排半個鐘以上尼講，何車係完全唔值。唔明點解食評咁多人話好食🤦🏻‍♀️可能今日星期日多人食，好多食材都未醃夠味，湯底仲要係完全唔合格，真係有啲失望。希望何車可以改善下，保持應有嘅水準。Btw提提第一次食何車嘅你：記得要拎飛等位～ 香港人好守禮，拎咗飛都照排隊，所以唔好俾條隊呃咗🙈 (因為見到有人冇拎飛跟條隊排咗半粒錯先知要拎飛)

據上次去過麵尊之後，都對佢嘅車仔麵念念不忘，佢個湯底/豬大腸真心回味，而今次去到呢間車仔麵店係近期嘅熱門，亦都成為我嘅新寵🤣。 何車車仔麵位於太子界限街，但後來界限街店只做外賣，堂食要行去大南街店，千其唔好去錯。麵店老闆以前係designer，擁有經營了十年嘅男裝店。有次有緣同朋友吹水，兩位都想從事飲食業，一拍即合，共同創立此店。 餐廳裝修呈文青木系風，又好高樓底，簡潔明亮，告別傳統車仔麵店舊式裝修，但店內只有四/五張枱。據社交平台講話，「何車」/hoche與「合尺」同音，餐廳希望每碗麵都合符你嘅心意，因此佢嘅食物選擇都有D特別。 大家留意到，餐牌除咗有大腸/肥牛等基本野外，仲有豬頸肉，日式嘅牛舌/叉燒/温泉蛋/丼飯等。麵底有多款馳名撈麵，仲有關東煮菜底。小食都好特別，有吉列蠔/炸雞/餃子雞翼等。 當日諗住叫咗正餐先，再睇吓叫唔叫多款小食，但都費事啦，隔離枱遲過我入黎嘅已經有得食。最後我吹咗佢地兩次，等了45分鐘後先有嘢食上枱。 蒜油蝦籽撈麵$15(3餸)合共$56 因為等咗九個字，已經想盡快食嘢醫肚，所以相片就冇詳細影，但其實賣相就冇特別嘅，價錢都算係接受範圍內。 話明蝦籽撈麵，面頭

之前成日經過何車界限街總店已經bookmark左呢間車仔麵，大南街分店亦都開咗一段時間，終於有機會喺weekday 6點前堂食試啦！果然係名乎其實極高質嘅車仔麵店🤩🌟燒腩肉 燒豬頸肉 唐揚炸雞 秘製冬菇 米線呢到嘅湯底極特別，並唔係普通豬骨湯底，而係加上不少中藥藥材，例如川貝、桔梗、天山雪蓮、蜂蜜🍯，難怪湯底係深啡色，偏甜一點又容易入口🤩。麵線種類繁多，例如蒜油蝦子撈麵、日式涼拌烏冬，蒟蒻麵。唔鍾意食麵的話可以揀菜底，有菜心、韭菜花、關東煮🍢等多項選擇。燒豬腩肉先用孜然粉醃製，肥瘦均勻，燒後仍然好Juicy👍🏻。燒豬頸肉總共有四塊，厚切質感幾好，帶有豐富油香🥰。唐揚炸雞🍗炸衣幾薄身，雞肉冇雪味，比起平時唐揚炸雞唔算太重薑、蒜🧄等醃料味，再點蜜糖芥末醬冇咁熱氣🤭。至於冬菇就幾厚肉，有啲草青味。🌟 燒腩肉 飛天牛腩 燒牛舌芯 溫泉蛋♨️ 黑松露撈麵幼麵份量唔算好多，不過黑松露醬份量則非常慷慨！本身都擔心撈麵會太乾，幸好撈埋溫泉蛋嘅蛋汁就冇咩個Concern🤙🏻。牛腩🐮炆得幾嫩滑同入味，可惜牛舌就表現相對普通，有啲乾爭爭同冇咩嚼勁💥。

【太子新分店開業！高質素車仔麵！】推薦程度：●●●●◐抵食程度：●●◐○○———🍜【自選車仔麵】蒜油麻辣撈粗｜糖心蘿蔔｜秘製冬菇｜蒜芯豬肉餃｜燒腩肉｜西蘭花｜$77假日午飯時間嚟到新店，大排長龍，好彩都唔係排咗好耐，15分鐘內已經可以入座。麵底唔錯，唔會因為撈底就乾爭爭痴埋一餅，可能加咗蒜油令每條都唔太乾身。冬菇夠淋，略嫌唔太夠味，但都值得一試。燒腩肉偏肥，脂肪比例多過豬肉，相對一般。同 #三一餃子 合作嘅蒜芯豬肉餃皮薄餡靚🌟 餡料夠實淨，而豬肉之間夾雜咗着蒜芯嘅爽脆，夠晒蒜味得嚟層次豐富，好食！———🐥 【叫雞群組】唐揚炸雞6件｜醉炸雞翼4件｜薯條配黑松露醬及蜜糖芥末醬｜$60唔知點解冇俾雞翼，轉咗韮菜餃。香脆唔油膩，幾好食！但大大力推薦嘅係唐揚炸雞🌟 炸衣香脆，入口唔會油膩，炸得恰到好處～ 雞肉肉質嫩滑、多汁，而且冇乜脂肪同筋，大讚！

鍾意食車仔麵既你, 一定唔可以錯過這間車仔麵. 繼界限街本店後, 太子大南街開了新店, 裝修更為寬闊, 座位之間亦有一定的距離. 除了車仔麵外, 這裡更有蝦籽撈麵, 黑松露撈麵等. 而且亦有很多款式的小食可以選擇. 大阪燒雞翼, 三一餃子, 黑松露薯條等.... 食材款式絕不單一化😍絲襪奶茶都變埋支裝飲品, 但味道又ok而且個樽又幾靚👍🏻如果有選擇困難症既你, 可以直接選擇<老何麵十餸>, 有成十個餸, 只係$58, 絕對抵食😎

疫情肆虐，想有啖好食原來唔易！睇介紹搵到間心儀既，但去到門口先發現只提供堂食，點算？外賣？我只係慕名而來，本身唔係住附近，又無呠呠車，唔通想食好野就要踎公園？肚餓當日，我地去到舊舖：界限街41C號長勝大廈地舖，門口就大大隻字寫住「只提供外賣」😢響玻璃心碎之前，好彩見到仲有另一張紙寫左「可移玉步到大南街分店」🥳由界限街行過黎大南街，只需五分鐘時間。未到門口，先見人龍，但唔好俾呢班乖仔乖女呃左呀！要入座就要拎飛先！禮貌地推開門同職員講聲就得喇🙂有別於傳統車仔麵，呢到無論係麵底定配料都有革新既嘗試😋黎幫襯既好奇寶寶唔少，想試新奇有趣既配搭，就要早d到喇！遲左賣晒就可能要食傳統野喇😜我果日下晝點零鐘去，已經無左幾樣餸同麵底喇🥺燒牛舌芯、秘製冬菇、蒜油蝦子撈麵- 牛舌芯雖然薄切，但都唔會燒到乾爭爭，仍然食得出佢既嫩口😋冬菇十分入味，軟硬度適中，一咬落去夠哂juicy，加埋面頭既蝦子，好好味呀🤩🤩🤩感謝廚房豪爽地灑蝦子😂糖心蘿蔔、溫泉蛋、燒豬頸肉、關東煮- 少少出乎意料既係，無諗過原來係分兩碗野。驚喜既係，兩碗野既湯底同蘿蔔係唔同味架😆配料既湯底似藥膳feel，極之濃郁，成間舖都香噴噴😶‍🌫️睇番介

晚市禁堂食，難得出街食既日子，梗係要支持同路人小店 #黃店👍🏻👍🏻 太子既呢間車仔麵店最近開左新分店，分店係大南街，呢間分店近地鐵出口好多，鋪頭亦都比舊店大間同光猛。.假日下午黎到已經排晒隊，大約等左20分鐘左右先入到座，點餐用QR code落單，但我地今日晏左少少黎已經好多野沽清，好似飛天牛腩同手絲雞呢啲餸想食都無得食😭.🍴 老何麵十餸$58 +$5轉蒜油麻辣撈粗十餸麵好抵食，有：魚蛋 豬腸 雞翼 雞翼尖 魚片頭 燒腩肉 蘿蔔 豬紅 肥牛 豬皮賣晒轉魚腐，鍾意呢度既車仔麵底有好多選擇，10餸麵既餸好吸引，蘿蔔夠淋身無渣， 燒腩肉 雞翼炆得岩岩好，麻辣撈粗既粗麵夠爽身，撈麵好食入味。.🍴自選車仔麵另一個麵自選配料，擇左 燒腩肉$15/唐揚炸雞$14/媽媽水餃$15竹笙$10配蒜油蝦子撈麵$15，有湯既食材會幫手分湯上碟，好似媽媽水餃同竹笙係分開湯上，唔會整淋個蝦子撈麵，蝦子撈麵好足料，啖啖麵都食到蝦子索索聲，唐揚炸雞個餸都幾抵，會分開上，好似小食既份量咁，媽媽水餃係自家製韭菜餃。.🍴小食叫一個車仔麵就可以$15起追加小食，炸雲吞 $15and脆炸豬腸 $18，小食份量都幾多，尤其係脆炸

🌈何車車仔麵🥢陳皮魚蛋+燒腩肉+飛天牛腩+媽媽水餃+咖喱撈油麵🍢陳皮魚蛋彈的陳皮同魚味都好濃，仲好彈牙🥓燒腩肉好好食，唔係東坡肉個種，肥瘦好均勻、有點似豬頸肉但更有層次🥟水餃另外上的，皮唔厚料多🥜咖喱汁好香好惹味，伴油麵好食又fatfat🌝🥢燒牛舌芯+糖心蘿蔔+娃娃菜+蝦子撈幼麵🥩牛舌芯雖然係薄切，但很爽口，牛味很香濃，最愛牛舌芯了🥗必點糖心蘿蔔，每舊都好甜好淋🍤蝦子撈幼麵大推，超多蝦子而且麵完全唔會有鹼水味仲有好多款汁/麵類可以選擇低醣/生酮人士仲酮以選擇蒟蒻麵可外加醬汁：辣汁、咖喱、麻辣，份量自選仲有配料自行選加：芫荽、葱、蒜、炸蒜

何車車仔麵係一間算係港日Fusion嘅特色車仔麵，因為佢哋嘅餸有唔少日式嘅元素，例如關東煮、日式叉燒、唐揚炸雞……餸嘅款式同種類都算多，仲可以揀配湯麵、撈麵或者菜底，鍾意食辣嘅朋友仲可以加佢哋嘅秘製辣汁、咖喱或者麻辣～何車嘅總店開喺界限街，之前已經見到好多人推介，但因為位置唔太就腳，所以一路都無去試，12月頭嘅時候佢哋開咗大南街嘅分店，所以我哋終於的起心肝去試吓～當晚係平日夜晚7點左右，雖然前面有6-7人，但等咗唔夠10分鐘就有位～ 偏舖頭嘅裝修行日系簡約風，雖然座位都排得算密，但由於門口較大，都幾通風，唔會焗促～•📸 自選車仔麵 (河粉、燒豬頸肉、日式叉燒、糖心蘿蔔) $51河粉係偏幼但厚身啲，食落更有咬口，亦都無咁易爛～ 因為好多時食車仔麵嘅河粉都好易夾兩夾就粉碎，呢間嘅就唔會！👍🏼湯底我揀咗鹵水汁+腩汁兩溝，飲落幾清，味道偏甜，又唔會好口渴，同啲餸/河粉都幾夾🤤🥢 日式叉燒 $15🥢 糖心蘿蔔 $11日式叉燒切得比較薄身，亦都偏細塊，但一食就幾有驚喜，因為日式醬油味好濃，成塊叉燒都好入味，而且肥瘦均勻，一啲都唔乾唔韌😋蘿蔔煮得好腍，完全無渣，仲要煮得好甜好入味🤩 扣分位係呢兩款

黃圈好消息，何車在大南街開分店!!地方大樓底高，排隊時間縮短!! 幾次經過界限街店，門外是觸目的人群，懶惰的我放棄排隊。如果你都一樣，可以到新店碰碰運氣，新店位目測2X個位，而且空間感up! 好黃好黃! 車仔麵，香港本土美食不用置疑，從餐牌設計、店鋪小文宣到店員的口罩全是同聲同氣的字詞! 因為用心做，所以回頭客都幾多廣東話何車，『何尺』，有合乎你的胃口之意，看食評好評不斷就知道店名確實改得冇錯。平日食對車仔麵好感不大，頹食之選，只link up到中學冇乜零用錢食lunch叫車仔麵醫肚，個湯係得個咸字。呢間野好認真，首先講個湯都嚇襯，以桂皮、花椒、丁香、草果、果皮、八角、川芎熬製幾個鐘而成，原來係店主媽媽教落的秘方，真係好得！其實食住麵忽然飄來藥材味，養生到唔怕飲d湯，哈哈！當日可以選擇的餸都可在店鋪外面的餐牌上看到，紅色劃走的是售罄的項目。排隊嗰陣每次店員拿著紅筆個心都離一離，怕劃走想食的那個餸菜。店家鍾情日式麵食，加入了很多日式元素（所以叫日系車仔麵），例如關東煮做麵底好特別，廢除某些傳統食材更貼近大眾口味！~҉~҉~҉~҉~҉~҉~҉~҉~҉~҉~҉~҉~҉~҉~҉蒜油蝦子撈麵($15)/燒豬頸肉($15)/媽

好想推介一間非常好食嘅車仔麵👉🏻《何車》🍜其實之前已經食過兩次，兩次都只能夠叫外賣，因為界限街本店鋪面比較細，座位比較少，而排隊嘅人非常之多，唔想等就唯有叫外賣啦！最近佢擴充業務，喺大南街開咗間分店，簡直係天大嘅喜訊！大南街分店大好多，雖然都一樣好多人等位，但係入座速度快好多👏🏻終於都可以堂食啦😍老公鍾意食豬皮蘿蔔魚蛋嗰啲，諗都唔使諗就叫左「老何面十餸」， 10個餸都只係$58，好抵食👍🏻有豬皮、豬腸、豬紅、蘿蔔、雞翼、雞翼尖、魚蛋、肥牛、魚片頭、燒腩肉😋我就揀咗自選，燒牛舌心、媽媽水餃、何車水魷、韭菜花、糖心蘿蔔😋total $76，全部都係我鍾意食嘅餸😚講吓個湯底先，我要左麻辣（微辣）秘製醬汁加色（滷水汁加腩汁），湯底惹味，層次豐富，麻辣得黎又甜甜地，呢度嘅車仔麵湯底係第二度食唔到㗎🤩有咩係必食嘅呢？1️⃣何車水魷🦑，醬汁超惹味，雖然好辣，但每次都會點😆2️⃣糖心蘿蔔，好甜好入味，必食！3️⃣陳皮魚蛋🍡細細粒但係好彈牙，香味獨特4️⃣豬紅，口感順滑5️⃣媽媽水餃🥟係新鮮既韭菜餃，好味6️⃣港式絲襪奶茶，玻璃樽仔奶茶，香濃幼滑，回味無窮😋😋大南街分店一啲都唔似食車仔麵嘅地方，木系裝修再加牆上乾花裝飾，十足十

早排經過大南街先知何車車仔麵開新店。過幾日諗住weekend下晝3點幾去食可以直入，結果都都要等半個鐘先有位😩。🍢關東煮 $18🥟三一餃子 蒜芯豬肉餃（三隻） $15🥕糖心蘿蔔🦑何車水魷 $15關東煮🍢係其中一款菜底。餸菜吸收晒味醂同砂糖嘅甜味。蒜芯豬肉餃子唔夠飽滿，媽媽餃好食好多。白蘿蔔清甜冇渣。芫茜+腩汁+麻辣惹味到傻🤪。不過微辣對我嚟講都勁辣😣。水魷口感爽彈，但係又係超辣🌶🌶🌶。🥢叫雞群組 $60🍗唐揚炸雞 🥟炸媽媽餃（醉炸雞翼冇貨）🍟薯條配黑松露醬+蜜糖芥末醬唐揚炸雞香脆多汁。媽媽餃飽滿多餡，好重韮菜味。薯條配黑松露蛋黃醬好夾。

久仰何車車仔麵大名。可惜舊舖細，經常要排隊而放棄，聽聞開咗新舖，故趁未多人時趕快嚐鮮，亦好幸運地即去即食唔駛排隊哇哈哈。店內。舖面乾淨企理，實而不華。車仔麵（何車野菜、燒豬頸肉、生根，幼麵）：哇頂，簡直係無敵，湯底唔多味精，走清甜路線，畀咗好多空間香料調味。果不其然，佢有得揀的蒜蓉同炸蒜一襯之下，成個蒜香味出晒嚟，正爆。另外必推何車大野菜，佢竟然有三款菜！菜心、娃娃菜、西蘭花，畫面豐富之餘，實際又揼本揼咁多菜你食，感動再感動。豬頸肉又有碳燒香，簡單嚟講，呢碗麵無缺點！十級推！車仔麵舖同媽媽餃子合作，其中一味就係炸餃，15味3隻，小食多滋味，皮脆餡靚加埋他他醬，又一推介。話說佢重有好多炸物，可惜我得一丁友去，如果有飯腳可以試更得更多。食車仔麵配豆漿是常識吧。唯一扣分位係佢無無糖豆漿，對身為尖友的在下難免有啲唔不足lol。

今時今日食車仔麵已經唔再嗱渣, 而且仲越開越時尚, 好似依間何車, 除左環境令我滿意外, 食物水準可以話係我食過既車仔麵店TOP 5!樓底高有空間感, 而且光猛乾淨, 就咁係出面望入去都未必知係食車仔麵!發現MENU上面既食材, 撈麵款等等都係有D與別不同, 好似牛舌芯, 蝦子撈, 陳皮魚蛋等等都係外面比較少見。 蒜油麻辣撈粗蒜油同麻辣本身就係絕配, 而且撈麵味道會比湯麵天突出, 中意食辣同重口味既我就好中意! 好難得可以係車仔麵店食到我愛既燒牛舌芯, 彈牙又有牛油脂香! 滷水雞翼皇入味得黎唔會煮到梅哂, 雞肉仲係滑滑的! 陳皮魚蛋細細粒彈牙, 溏心蘿蔔係手工野! 只留蘿蔔中心部份, 食到既只會係最嫩最甜保證唔會有一粒渣, 勁好心機!蒜油蝦子撈朋友點既蝦子撈, 我見到D蝦子除左鋪滿面頭之外仲多到沾哂係碗邊, 真係好吸引~~ 燒腩肉食落唔覺肥膩, 好有肉香!日式CHASIU肉質嫩, 竹笙又要讚, 因為撈麵關係, 佢地特登用湯上竹笙, 而且湯底仲有陣藥膳味添!食到一半見D野好食就叫多兩個小食, 炸媽媽餃香口外皮脆卜卜, 餡料飽滿充滿九菜香~~ 關冬煮娃娃菜清甜, 關冬煮湯底亦無味精感。飲品

新搬嚟油尖旺覺得處處都有美食，但講到自己最鍾意食嘅嘢一定係車仔麵，我覺得係一份情懷，一份港式味道。今日聖誕正日25/12 我㨂咗去一個無咁多人嘅地方就係太子，平日嘅太子人多到爆水洩不通全街都係人竟然聖誕節正日係冇乜人，超級正。入到店就咩都想食想試，所以就快手揀咗一個何車麵五餸，我本身都鍾意食辣所以就點左小辣同埋麻辣😋 Wow 個辣真係有驚喜喎，唔係死辣嗰種係真係有香料嗰啲，每飲一啖湯都feel到啲辣係喺個嘴巴度擁出嚟。加埋咗支飲品茉莉綠茶都幾得意，個Aftertaste有少少甜甜地😋必食推介：蘿蔔，魚腐，燒牛舌芯舊蘿蔔係真係入晒味，完全唔會有絲或者苦澀味，好鬼正。味道：💛💛💛💛環境：💛💛💛價錢：💛💛5x💛為最高回頭度：7/10整體而言我覺得係暫時油尖旺食過最好味嘅車仔麵，真開心又多一間必食餐廳。