何車車仔麵 (大南街)

營業中

休息中

何車車仔麵門面小小，原來餐廳座位都唔少。餐廳最出面同最入面都有枱、靠牆亦有高枱。.堂食採用QR code自助落單，落完單好快食物就陸續上枱。.自己點咗細何五餸配油麵，配料有4-5款任選，湯汁有腩汁鹵汁甚至兩樣揀晒都可以，辣度又有得揀。細何五餸包咗豬皮、豬紅、糖心蘿蔔、鹵水雞翼皇同陳皮辣魚蛋；除咗雞翼皇得一隻，其他餸都有幾件。$46咁多餸又大大碗，幾抵食。湯底係藥材加雞骨熬，加咗微辣辣汁幾好味亦幾入味。糖心蘿蔔夠甜，陳皮辣魚蛋彈牙亦好味唔腥。加咗小食炸魚肉春卷4件，同朋友每人兩件；最後食晒所有嘢發覺勁飽，唔可以睇少車仔麵😆.朋友點咗招牌拉麵麵底，都OK.入座時未夠7點唔洗等位，離開時就嚟8點外面開始多人要等位了！

上次和朋友到太子逛街已想食這間「何車車仔麵」，可惜午巿人流眾多。今晚再來碰運氣，終於可以試到他們的出品！粗麵爽口，與大量蝦子、蒜油拌勻，味道很香。本身還點了小辣，但未見明顯的辣感。配上陳皮魚蛋、魚肉春卷和媽媽水餃自選配餸，魚肉春卷還另外跟清湯底上。3款質素不過不失，未算有太特別之處。反而清湯底幾有驚喜，據悉是由店主用了豬骨、雞骨、花椒、八角等熬煮而成，有少少滷水的鹹香，但又不會過濁。這是餐廳賣點之一，就是可以在車仔麵店內吃到關東煮。關東煮湯頭非常甜，筆者甚至覺得甜度可以降低一點。配餸本身已包括有冬菇、蘿蔔等，其中蘿蔔燉至腍身，吸入湯底精華好有味。另外再加配了竹輪和娃娃菜，份量都頗多。另外還配了茶飲，2款都頗為清香解渴。

依間店一直都想去試下 滿心期待門面乾淨企理 環境清幽 店員態度唔錯有外賣店同堂食店 幾方面 出餐時間快食完之後覺得好滿足 回頭率極高🤭🤭🤭🤭🤭🤭炙燒腩肉溫泉蛋飯(49)腩肉份量都好多;腩肉配蛋漿一流☺️☺️☺️☺️☺️☺️咖哩五寶(25)牛柏葉 爽脆;魚蛋;蘿蔔 好淋 入口即溶;水魷 好有咬口;豬皮 好嫩滑🤤🤤🤤🤤🤤🤤何車炸盤(45)吉列炸蠔 唔會太過火;炸腐皮蝦卷 好紥實 香口;醉炸雞翼 確實有少少酒味;炸腐皮角 有啲似魚腐嘅感覺😍😍😍😍😍😍暴風雨親子丼(49)外加咗 日式叉燒 燒腩肉;(32)炸雞 又唔會太油同太乾 剛剛好;溫泉蛋 整破蛋黃 撈飯一流;鹵水雞翼皇 係我的最愛;日式叉燒 好甜 好入味;燒腩肉 燒得啱啱好 唔會太乾👍🏻👍🏻👍🏻👍🏻👍🏻👍🏻

一路都想試下何車 見今日都出旺角睇露營野就黎試下✨何車十餸湯幼麵 $63有選擇困難症揀呢個就啱晒 有成十個餸唔洗煩😋😋 有豬皮 豬大腸 豬紅 糖心蘿蔔 何B 雞翼尖（辣）滷水雞翼皇 陳皮魚蛋（辣）肥牛 炸魚片頭 燒腩肉湯底就咁飲都幾好味 甜甜地 揀左麻辣小辣 食食下都幾辣🙈🙈 雞翼尖嘅辣同雞翼嘅滷水都幾入味 魚蛋好香陳皮味 蘿蔔腍甜 overall 啲餸都唔錯嘅👍😋✨蒜油咖哩特色撈粗麵 $60呢個就揀左燒牛舌芯 何車水魷 秘製冬菇 個咖哩撈粗超香咖哩味 好正😋不過食到底就有啲多油🙈 牛舌芯頗香 水魷我覺得就唔夠索味爽彈 ✨炸媽媽餃（4 件） $25炸到幾脆 皮幾薄 總括黎講味道唔錯 十餸都係六十幾蚊幾抵食😋 仲有撈嘅車仔麵食 平時好似都唔覺有👍 環境方面冷氣有啲唔夠🙈🙈 男朋友食到出汗 服務方面係QR code 落單都幾方便 又可以八達通比錢味道❤️❤️❤️❤️抵食❤️❤️❤️💔服務❤️❤️❤️環境❤️❤️❤️💰午餐人均～$75何車車仔麵 (大南街) (太子)太子大南街28號地舖*唔好去錯界限街嗰間 嗰間只做外賣

🍜🍲何車 ➪ 大南街店🥢🥟今次終於去岩有堂食既鋪啦！上次去左界限街果間，無堂食的。坐低後QRcode 點餐👍共叫左兩碗！🔸招牌燒豬頸肉，媽媽水餃，糖心蘿蔔，河粉，叫左辣汁加腩汁，湯好好味😋蘿蔔無渣，水餃正常，豬頸肉好香！🔸招牌燒牛舌芯，何車水魷，媽媽雲吞，明明係叫湯麵，但個水魷汁係想撈麵食，小小辣，整體麵同牛舌都好食！雲吞就正常味道🥟選擇既時候仲有蔥，乾蒜，辣汁/ 腩汁可以加落湯麵。店舖內牆身可以貼番食評，食評紙就每張枱都有提供。其實今次食第二次，係好味會掛住佢，就會再黎，食飽飽好滿足！推介👍😋🥢

在旺角大球場觀賞足球賽事後就到附近覓食，時間不早所以想速戰速決，因此選擇了車仔麵店～之前一直光顧舊分店，座位有限，新分店的座位更多又更闊落，十分舒適😊我們共點了兩碗車仔麵及兩份小食燒牛舌芯﹑媽媽水餃﹑麻辣（微辣）油麵 $43牛舌芯果然是何車的招牌餸菜之一🤤厚薄及大細適中，咀嚼時滲出啖啖牛香味，而且份量還有好幾片，絕不吝嗇。不知是否因為麻辣會較為刺激，感覺上雖然與辣汁一樣選了微辣，但相比之下麻辣較重口味呢～糖心蘿蔔﹑鮮蝦雲吞﹑魚肉春卷﹑辣汁（微辣）幼麵 $52糖心蘿蔔一樣是世一！🤤蘿蔔切成一小塊，確保能預先煮至非常軟淋，亦如其名一樣好清甜！必點！鮮蝦雲吞亦有啖啖蝦肉，調味帶點麻油香氣。魚肉春卷非常彈牙，而且有兩大條，非常抵食～關東煮娃娃菜 $18每次都必吃的娃娃菜，何南的關東煮湯底同樣十分出色，娃娃菜吸滿了湯底精華，相信不愛吃菜的人也不會抗拒🤣黑松露薯條 $18CP值很高的薯條，新鮮炸起，薯條粗身裡面充滿薯肉，蘸了黑松露味沙律醬絕對是不敗的組合，如果不夠沙律醬也可請店員補充呢～想不到吃甚麼的時候，車仔麵的確是平靚正的最好選擇！😋

晚上經過，難得尚未滿座，終於有機會一嘗堂食滋味。之前試過叫外賣，因為我一向喜歡藥材味重的湯底，難得車仔麵店有如此濃郁的湯底，初次印象已經非常不錯。今次叫了兩碗車仔麵，分別是燒腩肉、竹笙、水魷出前一丁麵，糖心蘿蔔、牛柏葉、飛天牛腩讚岐烏冬。車仔麵方面可以選擇加汁：鹵水汁、腩汁、兩溝。而秘製醬汁則有辣汁、咖哩、麻辣，辣度可自由選擇。小食有關東煮、炸腐皮蝦卷、炸腐皮角。車仔麵燒腩肉惹味香口，油香肉香口味平衡。何車水魷另上，另外配有辣醬，水魷用鹵水浸住，鹵水味道帶甜，本身都相當入味，辣醬令水魷的味道更豐富。糖心蘿蔔非常出色，高湯煨至十分入味，清甜無渣。牛柏葉一點也不韌，火候掌握不錯。飛天牛腩入味，入口軟淋。留意何車車仔麵的辣度頗高，雖然今次叫小辣，不過跟外面餐廳的中辣程度差不多，因此不能吃辣又想嘗試的話，可先叫微辣試試水溫。小吃關東煮味道清淡，湯頭有蔬菜的清甜，相對清新。不過裡面的食材可能煮的時間比較長，口味偏淋。炸腐皮蝦卷、炸腐皮角都是即叫即炸，入口時熱辣香口，不過如果可以再炸得透一點，會更香脆。整體而言，食材處理的是相當認真，一點都不馬虎。湯底沒有添加味精，入口舒服，即使有飲湯，亦不會口渴

何車車仔麵成日都聽人講呢間車仔麵，今日終於有機會試下平日中午十二點半去到唔洗等就入得車仔麵黎講都算坐得舒服，唔算太迫係用Qr code 落單嘅，如果有選擇困難症可以揀佢啲五餸或拍十餸麵唔洗諗我覺得佢個user interface 可以改善下，因為係睇唔到究竟個五餸同十餸係包左啲乜，結果我都係要睇返枱面嘅menu最後我自己揀左四個餸先講講個湯底，我揀左清湯加滷水汁清底係清甜嘅，食得出係有心機去熬，應該落左唔少香料加左滷水汁咸味就啱啱好，我估唔加可能會覺得淡食完無口乾燒牛舌芯$16我見OpenRice 個個都話係必點，咁就梗係要試下啦分量比我想像中多，有五塊薄牛舌，size都唔算細燒得夠香口唔會韌，調味都恰到好處，難怪係大熱之選糖心蘿蔔$12有五六舊，清甜無渣好入味，高質豬紅$14都係有五六舊，口感ok 滑得來有少少煙韌但唔算超入味韭菜花$11真係唔係到到食到，好索味，美中不足係切得太長食嗰時有啲難搞整體體驗黎講唔錯，可以encore但係冷氣嚴重唔夠，我估係因為樓底超高嘅原因下次要過左夏天先再黎

何車車仔麵 （大南街店）位置易搵 ，不過黎到都要排返15-30分鐘，ok既😆，啱晒夏天無晒食慾時食返餐湯麵🍜呢間就近太子出口少少，但想打卡靚要去到界限街個間🏠————————————☘特色撈麵（跟油麵）👍🏻 $45➪ 有得揀麵，既然食撈麵，當然要揀返啲粗身掛汁既麵類啦😆—油麵醬汁係🧄🌶蒜油麻辣，食得出粒粒乾蒜，落多啲都唔驚，麻辣味唔算出，但汁可能加咗少少甜豉油調味😆-跟媽媽水餃🥟（3粒），算幾大粒，似雲吞多過水餃，咬落有啲散-燒腩肉🥓，有3大舊，咬落有少少乾，不過唔會過肥啱晒夏日食，一碗唔過$50，抵食😋但就唔算大份————————————☘湯麵跟麻辣底 $37➪ 我太想食啲湯水嘢，叫咗米粉+麻辣底麻辣係幾香辣椒味，都幾夠辣-跟牛栢葉，處理得唔腥，份量ok ，食落爽口 😋-燒牛舌芯，好似有啲硬？🤣想食多汁嫩滑既燒牛舌，可能要揀返間靚靚居酒屋

今次我哋第一次食就叫咗一湯一撈麵，蒜油蝦子撈麵啲蝦子俾得好足，醬汁我就覺得偏甜咗啲…湯麵我就揀咗鹵水腩汁2溝，麻辣少辣醬，2款都唔錯嘅，發揮到車仔麵正常水準～-配料方面：牛舌芯的確係唔錯嘅，唔會韌！另外仲有腩肉、冬菇同蘿蔔，3款都唔錯，發揮到車仔麵應有嘅水準！至於魷魚就差啲啦，佢就係冇乜味嘅魷魚浸落甜甜地嘅醬汁到，唔算太差但好一般🙈-我哋仲叫咗幾個小食share～【醉炸雞翼】、【炸媽媽餃】：呢2款小食都唔錯！個雞翼真係有淡淡嘅酒味😳而餃子雖然唔算好大粒，但都好足料，炸起熱辣辣好好食！😋【炸腐皮角】、【吉列炸蠔】：非常一般，建議唔洗試，留肚食其他😂-雖然嘢食質素偏高，但價錢亦偏高，性價比就不算高🙈另外餐廳坐位較少，好多時都需要排隊😂如果排less than 20mins的話我覺得都值得排隊試下嘅～

今日試嘅呢間車仔麵並唔係以傳統印象呈現，店舖入面比人一種好舒服嘅感覺，環境乾淨企理，樓底夠高好有空間感，比起一間麵檔，佢更似一間小清新cafe🌱.老何麵十餸 HKD62如果有選擇困難症嘅，可以試下佢地嘅十餸麵，咩都有啲亦都可以試多啲唔同餸！佢入面有豬皮、糖心蘿蔔、魚蛋、豬紅、雞翼、雞翼尖、腩肉、豬腸、肥牛、魚片頭佢每樣餸都好好食，好入味，唔會有種白烚或者冇味嘅情況出現特別想講講佢個腩肉係燒過黎，好香口，而且完全冇果種好好臭嘅豬肉味，諗番起都吞左啖口水差啲唔記得咗提佢嘅湯底，係用左蜂蜜桔梗川貝等等去熬製，好清甜差啲連湯都成碗飲晒今次我地仲叫左個蒜香麻辣撈粗同埋兩個自選餸，一個係飛天牛腩，一個係燒牛舌芯，牛腩重牛味而且爽軟不韌，燒牛吞亦都外脆內軟🐂一般車仔麵嘅選擇同配搭都已經好多，而佢地除左一般米粉米線油麵河粉之外，仲有讚岐烏冬，拉麵，黑松露撈麵，涼拌麵等等，菜底亦都唔只得菜心生菜，佢仲有西蘭花、關東煮或者係野菜，好多選擇之餘亦都非常之有特色行開呢頭如果諗唔到食乜嘢想簡簡單單食個麵都不妨嚟呢度試吓啦！何車拼盤 HKD40港式絲襪奶茶 HKD25.何車車仔麵地址 ｜太子大南街28號地舖

☀️ 最近天時暑熱，搞到小編冇乜胃口 🥵，但又唔可以唔食晚餐，所以食啲有湯有水嘅嘢，諗住容易入口啲，最後去咗何車車仔麵嘅大南街分店。 ［ 亂闖試食 ］🍜 細何五餸麵 😋😋😋😋😋五餸包括︰豬皮、豬紅、蘿蔔、雞翼同陳皮魚蛋，因為本身小編唔食豬紅，落單嘅時間備註走豬紅，得返四個餸，揀配米粉，要兩溝汁(鹵水汁&腩汁)，加蔥同蒜。 依碗車仔麵內有幾片豬皮、幾舊蘿蔔、一隻雞翼同幾粒陳皮魚蛋，份量都好充足！👌🏻 最深印象係蘿蔔幾清甜，夠腍身；陳皮魚蛋夠香，食落有咬口，其他都唔錯！小編最後飲晒啲湯，叫咗兩溝汁都唔會好咸，飲完都唔會口渴。😉晚餐 💵 約港幣$50/人 💁🏻‍♀️ 分店地方比較大，可以容納到多啲食客。不過冷氣唔多夠，炎炎夏日坐近門口就有啲熱喇！🙆🏻‍♀️ 最後，喜歡嘅話，歡迎follow @foodirectory.hk ！

係間幾特別同新式既車仔麵店唔單止淨係食車仔麵咁簡單 仲有好多抵食小食自選 蒜油蝦子撈麵 $15幼麵底 麵質ok 軟硬適中蒜味濃 汁比較甜 燒牛舌芯 $15 小有車仔麵配料 牛舌彈牙入味 同撈麵好夾真係必點餸菜之一豬大腸$14 都係好入味同乾淨 唔會有異味 燒腩肉$15 即叫即燒 就好似平時一串串燒咁 非常高質 肉質彈牙肥瘦均勻 入味自選 黑松露撈麵 $15冇黑松露味 有啲失望 對比之下 蒜油蝦子好味好多日式叉燒 $15叉燒肉係唔錯燒得好好但佢用左麵豉醬去醃製 令到麵豉醬搶晒其他味就咁用鹽調味可能仲好唐楊炸雞$14即叫即炸 但有少少overcook配埋蜜糖芥茉醬唔錯 黑松露薯條$15性價比超高小食 味道正常 黑松露醬同薯條永遠都係咁夾每個餸嘅份量都好足夠 仲可以自己揀唔同配料 蔥蒜辣油 撈麵仲可以加瑞士汁滷水汁 兩溝不過夜晚食預咗要等耐少少 都比較多人同埋外賣多

今次終於去岩有堂食既鋪啦！上次去左界限街果間，原來無堂食今次朋友到先坐低先，QRcode 點餐，小插曲係朋友先幫我點餐，但忘記嗌汁，同辣度，之後去同番同事講番我想加番，佢地一個傳一個，叫我同第二個講，有一下無奈左。不過最後解決左，都有加番哂。講番啲麵先！我叫左個幼麵，大腸，水魷，燒牛舌芯水魷魚分上，有汁浸住，個汁好好味，明明我係叫湯麵，但個水魷汁係想撈麵食整體麵同牛舌同大腸都好食！朋友就叫左糖心蘿蔔，大腸，腩肉蝦子撈麵，朋友話都幾好，但有啲孜然味，有少少怪，不過蝦子幾多

而家既車仔麵🍲日新月異，好多店舖加添左唔少創意🌟入去。就好似今次介紹哩一間咁，除左好多秘製既餸菜，仲推出唔少撈麵款式，將新舊共融，一於試試佢🤩。細何五餸麵轉配蒜油蝦子撈麵 + 凍蜂蜜紅棗茶 $45細何五餸包括有豬皮🐷、豬紅、蘿蔔、雞翼🐤同陳皮魚旦🐟，佢既豬皮入味得黎，係爽身個種，而雞翼就煮到化開哂，滷水入哂肉，其他就正常發揮。至於麵🍜方面，眼見相當多蝦子，仲可以點單既時候自行選擇添加蔥、芫茜、乾蒜同濕蒜，我就緊係全部都揀哂。蝦子加埋蒜油本身都相當香，再加埋乾濕蒜🧄，令到個香味再提升左，一啖接住一啖咁。佢送晚田蜂蜜紅棗茶🥤就比較淡，無咩特別。炸媽媽餃(三粒) $15媽媽餃原來就係韭菜餃🥟，粒粒都好飽滿，炸到相當金黃。入口香脆，韭菜同肥肉🐷比例大概係七三，係調味淡左少少。另外配有一個黑松露醬🍄，但我覺得同韭菜味唔係咁夾。