何車車仔麵 (大南街)

營業中

休息中

之前成日經過何車界限街總店已經bookmark左呢間車仔麵，大南街分店亦都開咗一段時間，終於有機會喺weekday 6點前堂食試啦！果然係名乎其實極高質嘅車仔麵店🤩🌟燒腩肉 燒豬頸肉 唐揚炸雞 秘製冬菇 米線呢到嘅湯底極特別，並唔係普通豬骨湯底，而係加上不少中藥藥材，例如川貝、桔梗、天山雪蓮、蜂蜜🍯，難怪湯底係深啡色，偏甜一點又容易入口🤩。麵線種類繁多，例如蒜油蝦子撈麵、日式涼拌烏冬，蒟蒻麵。唔鍾意食麵的話可以揀菜底，有菜心、韭菜花、關東煮🍢等多項選擇。燒豬腩肉先用孜然粉醃製，肥瘦均勻，燒後仍然好Juicy👍🏻。燒豬頸肉總共有四塊，厚切質感幾好，帶有豐富油香🥰。唐揚炸雞🍗炸衣幾薄身，雞肉冇雪味，比起平時唐揚炸雞唔算太重薑、蒜🧄等醃料味，再點蜜糖芥末醬冇咁熱氣🤭。至於冬菇就幾厚肉，有啲草青味。🌟 燒腩肉 飛天牛腩 燒牛舌芯 溫泉蛋♨️ 黑松露撈麵幼麵份量唔算好多，不過黑松露醬份量則非常慷慨！本身都擔心撈麵會太乾，幸好撈埋溫泉蛋嘅蛋汁就冇咩個Concern🤙🏻。牛腩🐮炆得幾嫩滑同入味，可惜牛舌就表現相對普通，有啲乾爭爭同冇咩嚼勁💥。