今和壽司 (已結業)

今日想食好西就黎左今和，叫啲壽司同小食都夠曬，人均都只係$150，性價比高，食到好飽先走👍熱茶係玄米茶消油膩，食完凍既壽司飲啖茶再食熱食比較好，黑松露左口魚壽司2件($38)，黑松露味濃郁，火炙方法令左口魚入口即融，口感滑嫩鮮甜，壽司飯份量恰好，芝麻雞翼原隻上炸到外皮香脆，雞肉都幾滑，平時最擔心就係炸雞翼入面唔熟，仲有海老忌廉湯薯餅，應該係佢地自家制，之前食親都係蟹肉忌廉，而且比較秸身，呢個海老忌廉湯餡料稀滑啲，而且係用蝦肉唔係蟹肉，見到佢啲定食都幾抵，下次收工會再黎試其他野