京香閣 (已結業)

一間位於上環無限極廣場的「京香閣」的中菜館推出了晚市放題套餐，涵蓋多款經典京、滬點心，當中還包括人氣片皮鴨及招牌小籠包等等，捧場客也不少。今晚選擇了每位$268的龍蝦放題套餐，另有菜芥及加一服務費。涼菜、飲品及片皮鴨屬自取款式，其餘均須落單點菜，Portion偏小份，人少也可嚐不同款式，人多可嘗試填寫數量吧。鎮江肴肉晶瑩剔透，肥瘦相間，無論賣相或是味道也相當不錯；五香牛肉醃得入味，香甜並重，亦是我追吃的一款涼菜；醉翁蝦酒香突出，肉質仍算爽實，友人吃了十多隻。片皮鴨方面，所有配料及醬料均自行拿取，鴨皮香脆帶肉汁，鴨味適中，連同其他配料來吃也算合格，但沒有驚喜。每位包半隻龍蝦，可選蒜蓉蒸，龍蝦新鮮，肉質爽嫩，鮮味濃郁。每盅蟲草花花膠燉雞湯均有一塊花膠，雞湯味鮮，沒有油膩或味精感，可飯前先飲一碗。主菜還有水煮牛肉，辣度屬小辣，牛肉入味之餘，肉質仍保持幼嫩，必食！小籠包亦是必食之選，小籠包皮厚度適中，餡料及湯汁鮮甜，蠻好吃，追加了幾次。

下午七個人堂食，叫了十人餐，其中一鴨兩味，片皮鴨太淋不夠香脆，配菜蜜瓜不新鮮帶有酒一般的發酵味，另一半是醬炒鴨，我後生仔食都覺得鴨肉好韌，何況上年紀長輩。其他菜餚都是中規中矩，個人認為多數偏咸，雖然是濃油赤醬的菜式，但連前菜涼菜都太重味了，根本吃不到食材的原味道。慶幸的是甜酸魚和甜酸蝦烹煮味道還可以，甜酸蝦球是最好的一道菜，開胃可口，味道控制得宜。總體來說，因收茶位及加一服務費的關係，埋單貴多三百幾元，可惜菜式不出色，以價位來說根本不值一試，有點失望而回。

今日食了一個中式的正宗京川滬菜酒樓放題自助餐。餐廳是位於上環地鐵站樓上，交通便利的京香閣。餐廳裝修用了傳統的中式以木為設計的裝飾，雅緻又舒適。餐廳有2款套餐放題，有龍蝦及大虎蝦放題套餐，任食90分鐘京式片皮鴨自助餐﹐及有四十多款菜式，當中以正宗京川滬菜為主，還有汽水等飲品任飲任食。龍蝦放題套餐$268大虎蝦放題套餐$2282款都想試嚇，所以要了2款套餐，每位送一份砂窩蟲草花花膠燉雞湯。 花膠雞湯十分足料，花膠夠厚身，湯底清甜，飲完感覺很滋補，為這個放題開餐喇。芝士焗龍蝦半隻芝士焗龍蝦面上鋪了很多的芝士醬汁，龍蝦肉質爽口，芝士的濃香味更帶出龍蝦的鮮甜。豉油王煎大虎蝦一隻豉油王煎大虎蝦先輕走油再煎，連蝦殼都很入味，蝦肉帶爽口，用豉油皇煎令大虎蝦肉味更鮮更美味。京川滬菜少不了最為出名的片皮鴨，鴨皮油香帶點脆，以前食過的片皮鴨隻是有一層鴨皮，但這裏的片皮鴨連皮連肉一齊，配搭青瓜、京蔥、京醬﹐帶著燒鴨的特別油香，香口美味。最喜愛的還有入味的乾蔥豆豉雞、京蔥牛肉及翡翠炒蝦仁、東坡肉...等還有大千雞入口帶麻辣，入味又惹味。.酸菜魚新鮮又嫩滑。酒味濃郁的醉翁蝦。卜卜脆的麻辣多春魚。食得又滋味美味又可

上網見到哩間餐廳搞中式菜放題，屋企人又中意食中式菜，就去試試了，菜品主要以京川菜為主，有我最中意食噶片皮鴨，烤鴨皮烤得好香脆，肉質厚實又滑，仲有好香噶汁汁添，用滴餅皮包住，再加上蘿蔔青瓜這些小菜，一口吃，正！

晚上七點多來到，已座無虛席，喜歡京菜的朋友不要錯過！一坐下便送上蟲草花花膠雞湯，十分足料！龍蝦及大蝦可以選擇自己喜愛的口味，可以選擇避風塘，乾燒汁等。片皮鴨由師傅即場切，再加上自選醬料，有哈蜜瓜，甜甜的，口感幾新鮮。吃京菜自助餐的好處就是自己喜歡吃什麼就夾什麼也不用就份量！吃下醉雞，又吃下小籠包，連甜品如高力豆沙等都是任食，溫馨提示:要點菜的要等20分鐘才有，早點早着數！而且截單時間也比較早，提前40分鐘便開始截單了。推介雪糕脆麻花，軟滑的雪糕配上脆卜卜的麻花，即叫即做的，非常夾，忍不住吃了兩碗！雖然大部分菜式不是像平常酒樓即叫即上，但自己能控制分量想吃多少便夾多少，也是一種樂趣！

上環的這間餐廳有任食片皮鴨的京菜自助餐，喜歡吃片皮鴨的我當然要來試試。套餐一人有一客加拿大龍蝦半隻及蟲草花花膠雞湯。我們兩人分別點了芝士焗龍蝦及避風塘龍蝦。兩款味道都很惹味。雞湯很足料。熱食的點心類例如糯米燒賣，小籠包等及甜品如湯丸，脆麻花等都是即點即做。餐廳雖然很多客人，上菜速度依然很快。其餘冷盤，粉麵飯及飲品都是自助形式任食。常見的京菜菜色都有，好像有水煮牛肉，口水雞，清酒醉蝦，水晶淆肉等等。雖然是任食，菜點都很精緻，味道也相當不錯。主打的片皮鴨是廚師現在準備的。自己可以夾麵皮，片皮鴨及材料。一下子可以食好多件，很滿足。最後當然少不了各種甜品。總括而言，這個價錢能任吃高質的京菜，相當抵食。

無限極廣場兩間酒樓好似變左飯堂 一得閒就過黎飲茶 今次我地又黎食佢個晚市放題了 叫得京香閣 就係食京菜啦，我地兩個揀蟲草花花膠燉雞湯+加拿大龍蝦半隻($268），另外兩個揀蟲草花花膠燉雞湯+巨型大虎蝦 ($228)蟲草花花膠燉雞湯 好足料！ 大大舊花膠勁補 而且雞湯味好夠 十分推薦 女仔飲好啱跟住黎左兩份龍蝦兩份蝦～龍蝦揀咗乾燒汁同蒜蓉蒸煮、一個酸甜一個就蒜味十足；另外乾燒蝦揀左用豉油皇煎 好惹味食完一人前小食後 我地就出去自助區～自己去拎野飲 同埋啲涼菜～飲品有汽水豆漿同竹庶茅根跟住就有涼菜 筍 多春魚 素鵝 五香牛肉、手拍青瓜、醉蝦等等試完涼菜 就去另一面試片皮鴨 片皮鴨已切好 而且有晒材料 自己包好就ok~~~好 小休一陣就再戰小菜 ！先試呢個糟溜魚片， 魚片薄薄一片 魚身香滑 有滿滿酒香味 東坡肉 肥瘦適中 肉炆得入味話梅骨 醬汁酸酸甜甜再黎蔬菜：上海翡翠苗 清清地 食完主菜 再出去自己整左個麻醬雞絲冷麵 涼尋尋好味終於到甜品時間喇～薑茶湯丸 薑味濃加埋丸子正 仲有煉奶小饅頭 酒釀丸子 當然梗係試埋高力豆沙啦

之前我哋食過無限極廣場另一間既中茶放題，今次我哋又試埋另一家，睇吓佢嘅質素如何～～～～呢間呢就主打京菜 限兩小時任食 根據你揀咗邊個套餐 每位會分別先送：蟲草花花膠燉雞湯+加拿大龍蝦半隻($268)蟲草花花膠燉雞湯+巨型大虎蝦 ($228)龍蝦揀咗乾燒汁同蒜蓉蒸煮、兩個都好好味一個酸酸甜甜一個就蒜味十足 龍蝦肉彈牙鮮味 正～ 另外乾燒蝦揀左用豉油皇煎 好惹味 ！而且蝦肉又係好彈牙 花膠燉雞湯好甜好足料 享用完，我哋自己出去睇下有咩野可以食住食先啦～佢地將涼菜同埋飲品都放喺一個自助區～好似平時我哋食自助餐咁樣自己去拎 最標準嘅五香牛肉、手拍青瓜、四喜烤夫素鵝、醉蝦都有～ 青瓜好開胃 加埋 牛肉好香 試完涼菜 就梗係試埋第二賣點 自助片皮鴨 酒樓已預備晒材料 自己攞齊野 包完就可以食喇～～～ 最可惜係唔係即整 但以呢個價錢黎講 已經收貨就可以寫點心字既其他items , 我地先點左幾個小菜 東坡肉 肥瘦適中 肉炆得入味 肥肉香口 老爸讚不絕口～話梅骨 醬汁酸酸甜甜 加埋排骨香口 食到停唔到 糟溜魚片 魚片香滑 充滿酒香味 送飯確實一流 再叫多一個菜消消滯～上海翡翠苗 清清地 唔錯唔錯跟住

就快又到媽咪生日，又要搵間餐廳同佢撐枱腳☺️上openrice 搵下中菜，搵到呢間京香閣，中菜放題？真係未試過，評價不錯👍於是book位試下。當天平日6點左右去到了，呢度都幾full book，可能因為有片皮鴨任食，一早留左肚😂裝修是一般酒樓，樓底高，光鮮亮麗，坐得舒服，侍應位位都好熱情，同熟客打曬招呼。酒樓有個1/4個廳面做自助餐區，放有涼盤，熱盤，湯，糖水，甜品，飲品...另外還會有點餐紙，如果自助區沒有的，都可以單點。價錢分2個，可以選擇位上龍蝦🦞$268或者位上虎蝦$228，其他菜式都是任食啦！兩款蝦都可以選擇唔同整法，可以蒜蓉清蒸，鼓油煎，避風塘都有。最期待當然是片皮鴨啦，睇住師傅手起刀落，真係任食啊，自己用手包，可以配京蔥，青瓜，密瓜，再沾片皮鴨醬，鴨皮油脂滿口，但又會被配料中和一下，食多幾件都ok 。涼菜都有十幾款，口水雞，牛展，大蝦等等都絕對回本，最愛口水雞，又香又辣，雞肉入味嫩滑👍熱盤有辣子雞，酸菜魚，水煮牛等等...真係好滿足，平時食中菜要多人先可以叫到多菜式，而家放題，就算2個人都可以食到盡。我媽最愛酸菜鮮魚羹，飲左5碗，一邊飲一邊話要學煮，魚肉好綿滑，每一啖都滑入

話說有日中午去左呢度公司聚餐, 職員推薦我地試下晚市嘅京菜自助餐, 所以今晚收左工又去左呢度開餐價錢分 $268 或 $228, 視乎係揀食龍蝦定虎蝦, 每人包左 1 碗燉湯, 其他野任食燉湯燉湯係蟲草花花膠燉雞湯, 味道唔錯, 每碗仲有大大塊花膠添加拿大龍蝦揀左干燒汁嘅食法, 龍蝦啖啖肉, 肉質鮮甜彈牙, 配埋干燒汁嘅酸酸甜甜, 非常開胃大虎蝦呢個用左避風塘嘅煮法, 蒜香味十足, 蝦肉爽彈, 夠晒惹味食物除左可以喺自助區拎, Order 紙上嘅點心 & 甜品仲係即叫即整涼菜 (自助區)有鎮江肴肉 (口感層次鮮明)、五香牛肉 (牛香味濃)、口水雞、醉翁蝦 (非常入味)、麻辣多春魚 (香脆微辣)、田園沙律 (配有胡麻醬)、油炆筍 (爽脆)、涼拌小茄子、手拍青瓜、四喜烤夫、涼拌小雲耳、京式素鵝、涼拌萵筍絲 (細嫩爽脆)、胡麻醬雞絲冷麵熟食 (自助區)東坡肉 (非常入味)、煻炒土豆絲 (清爽微辣)、話梅骨 (酸甜味適中)、腰果雞丁、四川回鍋肉、乾煸四季豆 (夠乾身惹味)、糟溜魚片、醬茶鴨、酸菜魚 (魚肉嫩滑)、水煮牛肉 (辣味刺激)、上湯翡翠苗 (清甜)、翡翠炒蝦仁、XO 醬炒螺片、大千雞、

西式同日式自助餐就試得多，京菜就真係第1次聽。除京菜自助餐名字吸引外，朋友亦好想食北京填鴨， 所以今日就決定黎呢道試試啦。餐廳位於無限極廣場2樓，而星期一至日六同價，小童半價，價錢合理。餐廳內裝潢似中式酒樓一樣，座位都不少。餐單上有2個價錢選擇，同樣有蟲草花膠雞湯，分別在於加拿大龍蝦半隻或巨型大虎蝦1隻，後者相對較便宜。龍蝦及大虎蝦煮法有多款選擇，有避風塘炒，乾燒汁，蒜蓉蒸等等蟲草花膠雞湯雞湯味道好濃郁，更有唔少蟲草花膠，絕對係落足料，可惜係只可以飲一碗。乾燒汁加拿大龍蝦豉油皇煎巨型大虎蝦2款肉質都夠新鮮，夠爽口，以上 2款限只限一份，而單上點心同甜品就可以任叫。除餐紙上外面自助選擇都非常多。有涼菜小食，熟食炸物飯頖等等。醉翁蝦 - 由於一隻蝦確實唔夠，所以拎左唔少醉翁蝦花雕酒味比平時食到花雕雞味更入味。飲品選擇都唔少除竹席芧根水，豆漿及各類汽水，而最推介係旁邊魚湯，足料得黎又好飲。主菜仲有任食北京填鴨填鴨每隔一後時間會有新鮮GE補上，而薄餅皮亦會用慢慢烘住保持熱度。配上哈蜜瓜、蔥及青瓜絲、一齊入口，十分滋味。餐紙上試左幾款不同點心。小籠包及鍋貼湯汁亦好夠，重點係即叫即蒸，夠哂新鮮!!

屋企人想食川菜，上網見到上環呢間餐廳有龍蝦又有川菜自助餐食，就book咗枱啦！入到去可以揀咩味嘅龍蝦，同埋有點心紙可以揀少量點心同甜品。龍蝦我地揀左上湯焗同芝士焗，兩款都好惹味，龍蝦好新鮮不過份量唔算多。其他餸菜同飲品都係自助形式，款式唔少同埋會keep住refill，完全唔洗爭！個人極推介麻辣雲耳同酸菜魚！重頭戲係片皮鴨！有師傅企喺到不停片，成餐飯落黎都有唔少客排隊攞，味道都幾唔錯架！每位仲會有蟲草花花膠湯，呢個價錢黎講都叫幾抵食，個湯不過不失唔會太淡味。

今日同班老朋友敘舊，咁我地就揀左去京香閣食自助餐，啲嘢食都真係色香味俱全！首先啦，一入到去就見到有個師傅係度切片皮鴨，手起刀落，好有功架，而且配搭埋啲青瓜同京醬，真係惹味到不得了！我地一坐低就揀左龍蝦餐，睇落去以為同普通平時食開冇分別，但食落去真係好夠惹味，尤其是我地叫左避風塘味黎食。佢自助餐啲嘢食都真係唔錯又多選擇，最抵讚係佢個口水雞同埋水煮牛肉，麻辣味十足之餘肉質亦都唔錯，搞到我地不停夾完再夾，真係食過返尋味。

2019年9月14日, 週六🍴 中式。自助餐。你食過未呢🍴🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽今日跟大家介紹一間位於 上環「 京香閣」平常大家去吃自助餐，必然會去吃西式從同事得知上還有一間吃中式菜的自助餐覺得很新奇，便去探個究竟。這間正宗京川滬菜酒樓晚市推出2小時自助餐盛惠$288@1位， 另加一及茶錢($15/位)😛😛😛😛😛😛😛😛😛😛😛入座後， 每位送原隻鮑魚花茹， 及砂鍋花膠雞湯一碗。湯底濃郁鮮味，十分養顏。其後每位會送一個 大龍蝦或者虎蝦， 肉質鮮嫩又厚身， 醬汁酸酸甜甜很易入口， 質素不錯點心紙上也有各種有名的上海菜，已經心思思 每樣都想吃一點。廢話不多說! 直接切入主題來看看我們今天吃了什麼東西吧! ^^🤗🤗🤗🤗🤗🤗🤗🤗🤗🤗🤗紅油炒手， 上海春捲他們的餡料十分豐富，* 甜品方面 ： 高力豆沙 脆麻花細細件份量，剛剛好不會太油膩。這裏主打的是片皮鴨， 製作手法很地道， 皮脆肉嫩熱呵呵食是最好的， 配搭餡料： 哈密瓜，青瓜一起吃， 十分美味。 主要重點是客人可以按照自己的喜好來 diy配搭出自己喜歡的口味。小籠包：這裏是即叫即蒸的， 上枱的時候熱呼呼， 包皮夠薄， 用筷子夾起

媽咪最近生日，平時中菜就同佢食得多，都食到悶悶地，見到網上話京香閣有京菜放題，於是帶媽咪黎試下～～一坐低就點左兩個蟲草花花膠雞湯同埋兩個半隻嘅加拿大龍蝦。蟲草花花膠雞湯雞湯清甜多料，有三舊花膠！而且唔會成碗雞油，如果雞味可以再濃d就更好～～侍應喺五款食法入面推介左蒜蓉蒸同埋乾燒汁，所以就各點左一款，再另外點左點心同甜品。龍蝦嘅殼已經略略敲過，所以自己起肉都唔難。肉質彈牙，火喉啱啱好兩款食法入面，蒜蓉蒸就更加帶到海鮮嘅鮮味，不過乾燒汁個醬汁其實都幾惹味，只係配落海鮮度會喧賓奪主左姐。炸饅頭、上海春卷雖然佢地只係微暖同略脆，但勝在細細份容易食，可以過下口癮小籠包好多肉汁建議熱辣辣上枱好快d食，因為佢個皮始終唔係好薄，攤凍左就會少硬><高力豆沙外微脆，內裏就軟淋淋，豆沙唔會太甜，幾好食雷沙湯圓佢係冇餡嘅簡化版雷沙湯圓。粉糰軟糯，加上黃豆粉咸咸地，大愛雪糕脆麻花本身想知脆麻花係咩黎所以點左黎試，愛麗絲估應該係蛋散d朋友一凍一暖，一軟一硬，一西一中，幾有趣。涼菜其實有六款，但愛麗絲只食左三款：醉蝦(左上角)、肴肉(右甘角)同京式素鴨(右下角)。當中最推介嘅係醉蝦！！！酒味好濃郁，