影片
更多
2019-09-22
683 瀏覽
就快又到媽咪生日，又要搵間餐廳同佢撐枱腳☺️上openrice 搵下中菜，搵到呢間京香閣，中菜放題？真係未試過，評價不錯👍於是book位試下。當天平日6點左右去到了，呢度都幾full book，可能因為有片皮鴨任食，一早留左肚😂裝修是一般酒樓，樓底高，光鮮亮麗，坐得舒服，侍應位位都好熱情，同熟客打曬招呼。酒樓有個1/4個廳面做自助餐區，放有涼盤，熱盤，湯，糖水，甜品，飲品...另外還會有點餐紙，如果自助區沒有的，都可以單點。價錢分2個，可以選擇位上龍蝦🦞$268或者位上虎蝦$228，其他菜式都是任食啦！兩款蝦都可以選擇唔同整法，可以蒜蓉清蒸，鼓油煎，避風塘都有。最期待當然是片皮鴨啦，睇住師傅手起刀落，真係任食啊，自己用手包，可以配京蔥，青瓜，密瓜，再沾片皮鴨醬，鴨皮油脂滿口，但又會被配料中和一下，食多幾件都ok 。涼菜都有十幾款，口水雞，牛展，大蝦等等都絕對回本，最愛口水雞，又香又辣，雞肉入味嫩滑👍熱盤有辣子雞，酸菜魚，水煮牛等等...真係好滿足，平時食中菜要多人先可以叫到多菜式，而家放題，就算2個人都可以食到盡。我媽最愛酸菜鮮魚羹，飲左5碗，一邊飲一邊話要學煮，魚肉好綿滑，每一啖都滑入
當天平日6點左右去到了，呢度都幾full book，可能因為有片皮鴨任食，一早留左肚😂
裝修是一般酒樓，樓底高，光鮮亮麗，坐得舒服，侍應位位都好熱情，同熟客打曬招呼。
酒樓有個1/4個廳面做自助餐區，放有涼盤，熱盤，湯，糖水，甜品，飲品...
另外還會有點餐紙，如果自助區沒有的，都可以單點。
價錢分2個，可以選擇位上龍蝦🦞$268或者位上虎蝦$228，其他菜式都是任食啦！
兩款蝦都可以選擇唔同整法，可以蒜蓉清蒸，鼓油煎，避風塘都有。
最期待當然是片皮鴨啦，睇住師傅手起刀落，真係任食啊，自己用手包，可以配京蔥，青瓜，密瓜，再沾片皮鴨醬，鴨皮油脂滿口，但又會被配料中和一下，食多幾件都ok 。
涼菜都有十幾款，口水雞，牛展，大蝦等等都絕對回本，最愛口水雞，又香又辣，雞肉入味嫩滑👍
熱盤有辣子雞，酸菜魚，水煮牛等等...真係好滿足，平時食中菜要多人先可以叫到多菜式，而家放題，就算2個人都可以食到盡。
我媽最愛酸菜鮮魚羹，飲左5碗，一邊飲一邊話要學煮，魚肉好綿滑，每一啖都滑入喉嚨。
太多野食，食到超級飽，但是食上海菜又點小得小籠包，可以點2隻，即叫即蒸，有水準啊，皮做到好薄身，湯汁熱辣辣，鮮肉好嫩滑。
呢間中菜放題真係唔錯，鍾意食上海菜的朋友可以試下，不過記得book位。
張貼
