京饌 (已結業)

又人同事離職喇， 揀左APM 3樓的京饌食散水飯。中國風設計， 門口屏風位。服務員比較少，上菜速度希望可以更快，因為午飯時間實在太趕。先黎一隻片皮鴨， 甜甜的偏紅外皮， 皮脆肉滑， 充滿油香，每件切得均勻厚薄均一，不太厚，有肉味，配搭青瓜、京蔥，加一點甜麵醬，捲起來放口，鴨皮的油脂香氣縈繞在舌尖上， 唯獨我地午飯時間， 食得有點趕。小籠包一定要趁熱食， 皮都算薄，不過摺紋唔多， 外型唔夠精緻，但湯汁超多，滿滿一匙，湯油比例都可以接受。口水雞唔夠辣，淡味，死罪。

出開apm 多數都會食京饌因為多菜式而且又好食口水雞辣辣地 幾開胃岩晒夏天食豬踭豬踭好大舊 好多肉酸菜魚尼個酸菜魚好好食唔會咸 同埋個酸辣岩岩好入面都好足料 個魚片好滑 除左魚片 仲有豬肉片食完d料後 我地仲飲埋個湯蟹粉石鍋飯尼個石鍋飯又係好好食好多蟹粉撈埋d飯一齊食 好好味上海粗炒正常發揮 冇咩特別片皮鴨由於我太耐冇食過 所以覺得好好食朋友就覺得正正常常 冇特別驚喜自己覺得燒得幾靚 皮同脆尼間上海菜野食好食 而且環境舒服 位置寬敞 好岩同朋友或屋企人聚餐

今日我們一家8人到京饌食晚餐，但因為疫情關係要分開坐，之後我們點了北京填鴨、雲吞雞和幾個小菜。北京填鴨叫咗一隻，上菜時鴨片分開兩碟上，但配料只得一份，我們分開坐所以十分不方便，我問可以幫我們分開上嗎？跟住服務員就拿咗兩隻圓碟給我們自己分。我説：青瓜和餅皮我可以自己分，但甜面醬點分呀！你可以幫我分嗎？點知她一副不耐煩的樣，一邊分菜一邊講：填鴨一隻收$450，半隻收$250，你應該點兩份半隻$500，我們就會同你分開上，加上而家四人限坐係政府規定，唔係我要求你哋分開坐。其實我不介意收$450或$500，只是點菜時覺得叫半隻不夠食，所以點了一隻，而當時服務員也沒有提醒。我只是叫她幫手分開配料，都聽了👂一堆說話，我作為顧客絕對不好受。🙄😤當晚見我們都消費有一定金額，還叫我們Join會員(先俾會費，之後用餐可以扣回），在佢哋集團旗下食肆可以再有折扣。我會建議佢哋，先培訓一下前線服務員吧！

黎食片皮鴨 可以叫半隻 $250兩個人食岩岩好 不過唔係即場片 抽水成份高？但其他野食都好好味 最近做緊蟹宴叫左蟹膏石頭鍋飯 熱食勁正 其他上海野都好味 除左價錢唔算平其他都幾好

17:00左右入場都冇咩人以為關門（因限聚集18:00收）不過都有得食京式蔥油餅...唔夠蔥油味.都唔夠熱擔擔麵...湯汁.有咩味.反而大陣油脂小籠包....冇特式.普通過普通..仲要唔叫熱.暖都比多佢鎮江排骨...小粒排..應該係大大件架麻...咁既size我唔覺得好食..而且個碟底好似水塘咁...唉整體叫食到入口既可能佢地18:00收我又去得遲掛希望疫情快過做番好d

星期日唔需要等位，太好了！下午茶點心/ 冷盤+麵/ 飯我哋點左冷盤.... 燻魚同口水雞燻魚有3舊，硬硬地幾入味口水雞好辣，但只响外邊因為我唔食辣，把舊雞擺响麵湯度碌下就已經唔辣喇😂😂而且.... 如果多少少肉會好d😂😂蘿白牛筋腩闊麵呢... 蘿白有d硬又唔太入味牛筋腩好林，如果多d彈性會更好反而個炒飯好味喎有幾隻蝦好爽口蛋碎包住d飯粒，好仔細茶介大概10蚊一位，其實只係要左壺茶，服務員無加水，變相有d浪費同埋感覺貴左

片皮鴨，鴨皮脆肉嫩，粉皮厚薄適中，加京蔥，青瓜和醬料，很好食煎鍋貼，皮夠薄肉餡不會肥膩，正上湯浸豆笛，湯料包括杞子，金華火腿，菇等，菜夠嫰滑，湯底好味黃花魚泡飯，湯好味，魚夠新鮮嫩滑，適合岳母大人同鍾意食魚嘅阿仔醉雞水準可以，有鷄味少少滑酸辣湯夠酸夠辣，老婆至愛桃膠作甜品，有蓮子杞子龍眼肉，好吃地方舒適好坐，員工有禮貌有效率，上菜好快，價錢合理，食物選擇足夠。總括來說，水準以上，我比應該超過八十分，有機會再來幫襯

朋友黎左觀塘，咁岩我又得閒就即興約埋一齊食個午飯🥣見到呢間野有茶飲似食中菜就決定食呢間，排左一陣隊就入座我地叫左2個小食+2個午市套餐+片皮鴨❤︎蔥油海蜇皮❤︎雞絲粉皮❤︎四季豆炒雞丁，個汁比較濃味，有些少咸❤︎濃湯娃娃菜味道比較清淡，個湯又唔會無味，好飲👍🏻❤︎兩個主食+前菜❤︎片皮鴨（北填填鴨）想食呢個既朋友，建議你地早啲叫可能因為要燒，我地等左超過一個鐘先上不過烤出黎聞落幾香，個皮又脆脆地食落肉質唔乾，都不枉我地等左咁耐👍🏻

一向都好鍾意食上海菜，有一次朋友約喺觀塘食飯，帶咗我去APM這一間京川滬菜館，食過之後覺得好好食，所以今次經過，得自己一個食飯，就搵間好食嘅再去。今次叫佢兩個菜式，都係從未喺呢一間菜館度食過嘅，一味係嫩雞燴麵，一味係菜肉雲吞。嫩雞燴麵嘅湯底味道有雞味嘅鮮，亦有菜嘅香味，冇落味精都好夠味。燴麵軟硬度適中，我唔會太淋，但係個湯啱啱好入晒味。菜肉雲吞皮薄喊靚，菜同肉嘅比例啱啱好，湯底味道完全能夠同雲吞配合。

常常經過觀塘apm的京饌， 但都沒有時間食到， 今次終於有機會相約朋友到這裏吃晚餐。 星期五的晚上沒有訂枱， 大概在門外等了十分鐘左右就可以入場。 場內環境燈光柔和， 但座位比較逼夾。介紹一下當晚吃的菜式有：上海肉絲炒粗麵$108、 炸銀絲卷$25、 南翔小籠包$56、 蔥爆牛肉配薄餅$138。 蔥爆牛肉配薄餅～京蔥爆得香口，牛肉也很腍，沒配薄餅而吃或用上薄餅包著吃， 兩者口味都很好。上海肉絲炒粗麵～ 粗麵口感煙韌，椰菜炒至軟身，豬肉絲軟腍， 整體香味俱全。南翔小籠包～ 包裏湯汁非常豐富， 皮薄好味。炸銀絲卷～酥脆口感，外酥內嫩，沾點煉奶， 熱辣辣的超好吃！整體食物質素唔錯， 見到有片皮鴨， 下次一定要食啊！

中午前去用饍，因為疫情關係著恤衫叔叔示意叫門口等等，等咗2-3分鐘有位著制服姐姐前來探熱及帶入坐，當時客人不多，每張檯之間都有一塊板隔住，感覺好似安心一點。叫咗小籠包(包內湯汁飽滿)、流沙奶黃包(一咬開啲沙流岀嚟，真係好好食，不過要小心熱)、炸豆腐拼咸蛋米餅(我冇食到炸豆腐，但同行者指質感冇之前咁好食，咸蛋醬足夠沾在米餅上脆卜卜，正)、炸子雞(炸得「乾」咗少少，雞肉有啲「柴」哩個一般般有80分)、蝦仁炒飯(飯炒得干身粒粒分明，但個蝦仁真心唔得，好似分子料理咁，明明係只蝦，但食過去一啲都唔似，冇鮮味、冇質感、冇顔色除咗個蝦個飯都幾好)最最重要係食到中段，見到隔離枱隔住塊板上面有只曱甴，真係吓到鼻哥窿都冇肉，馬上同職員講，好彩個叔叔好快手整咗落地下，如果唔係~~~~一個唔覺意就跌落我哋食物度，或者落咗個身度~~~~就真係仲有冷氣唔夠，一路飲茶一路流汗💦，可能係食客少，所以冷氣開少幾部，慳返啲電

妹妹生日，下午由她選擇吃什麼，又是離不開小籠包🤣🤣紅油抄手加上蒜和蔥花，吃落更香口。蔥爆牛肉的薄餅超級讚！非常薄身，吃得多都不會撐肚。我們都很喜歡這裏的食物，不會過鹹，年糕的味道也是剛剛好，平日不吃年糕的我也喜歡吃呢！萬壽果就是木瓜，魚湯足料，有成條魚，不過多骨，我還是喝湯好了，女士滋補養顏和豐胸呢🤣🤣這間餐廳食物比一般京滬菜味道清淡，感覺較健康和少味精，店舖還有一些食物材料可買走，例如紅油抄手，不過就不知道有沒有醬料配送。環境和服務還好，中午時段都多返工人士來吃。

打電話訂枱預留了北京填鴨，早到咗都未有枱；樓面對老人家態度差；湯匙唔乾淨；845落好單，餸菜味道不是太差，差不多每碟菜式是一碟碟上，上菜員只管上咗碟菜，完全冇禮貌，當中整跌咗隻筷子，都唔會講「對唔住」！🙅🏻‍♀️🙅🏻但未見到主菜嘅北京填鴨，其間已追問過冇回覆（已經唔夠服務態度啦），又冇人幫忙沖茶水，食完隻碟冇人會主動幫忙拎走，一直食到差不多10點多見隔離枱遲過我哋到已經食緊隻北京填鴨，再三追問個服務員只說今晚枱枱都叫北京填鴨，隔離張枱都有追問先上到菜（這叫答覆嗎？），再過多5-10分鐘終於才上北京填鴨....... 🤦🏻‍♀️🤦🏻‍♀️🤦🏻‍♂️🤦🏻‍♂️

再次來觀塘食京饌，今次帶埋朋友黎挑戰佢個🦆片皮鴨（黃袍北京填鴨）。嘩。。。皮脆肉嫩唔油無咩肥膏，仲有兩隻鴨脾！個山渣條酸甜減膩，薄餅皮真好薄，份量多，食極都唔完架🙈！預計有2x塊，4人食唔晒，忍唔住打包走😁 🥟小籠包，皮薄多汁，好難得咁薄又唔穿👍🍲砂鍋雲吞雞，湯鮮甜、雞嫩滑、菜入味，而且係半價特惠👍👉蒸銀絲卷，依個係第一次黎時食既，似饅頭，無一絲絲，算係失水準 👎🥠高力豆沙，4件上，不會太甜，炸得夠火喉而不油不燶👍🍡酒釀丸子，都係上次黎時試，好好食呀，足料又夠味，黑芝麻餡好味😋👉雞絲粉皮，會員專享禮物，清清地幾開胃🍝鮑魚伴山葯麵好香！真係好香，鮑魚甜，配菜開胃，麵底有咬口，醬汁香而不咸👍環境靚，裝修有特色，只是人多好full，座位擺位較貼近，較擠迫及嘈吵🙈現好多人出來飲食，無懼疫症了！#分享美食 💞#MagicCherry攻美食🍽️#MagicRaymond食好野😋

放咗工之後同同事一齊喺公司附近嘅商場食晚飯，每次經過呢間餐廳都好奇但係未食過，今次膽粗粗入去試吓先😂入到去都幾大，有啲似高級少少嘅酒樓嘅感覺😂我地點左一個水煮魚（條魚嘅肉都幾彈牙＋有配料芽菜同埋薯粉等等），不過呢佢望落去好似好大盆，咁但係其實都唔係好多咋喎📍整體味都幾出，值得一試！😊之後點左一個香爆牛肉同埋梅菜香菇豆腐(豆腐嗰個菜式就一般般／香爆牛肉就還好😕不過不失）整體就真係一般般啦，水煮魚係唯一一個覺得值得一試嘅菜式。