京都勝牛 (Tower 535) (已結業)

日本的味道 - 吉列🐮專門店 😋😋😋 人龍店.. 12pm 已經差5多full house 😅😅😅 來自日本的京都勝牛 🐮🐮🐮好期待.. ..午餐menu 價格都算親民 HKD148 起 👍🏻👍🏻👍🏻 我地選擇左最basic 嘅吉列🐮set ... 份量5 細架 肉質= 嫩 又5 油膩 5 錯5 錯.. 怕牛肉太raw 店員可以安排在枱上即時加熱.. 5 食牛🐮 仲有 🐷🦐🐠等等可以揀 👏🏻👏🏻👏🏻 所以5 食🐮嘅朋友一樣有其他野可以食 😋😋😋

呢間餐廳主打各個部位嘅吉列牛，選用美國同紐澳牛肉🥩跟足總店做法，採用日本技術乾麵包糠，麵粉、雞蛋製作裹漿，牛扒以攝氏 190 高溫快炸60秒，更設燒爐俾大家自行燒至心水熟度🔥另外獨家推出豬扒同海鮮套餐💗極上和牛M9下肩胛套餐 ($275)🍱套餐均送上漬物、麥飯、椰菜沙律同味噌湯🇦🇺M9和牛外表金黃酥脆，內裡保持3成熟嘅鮮嫩熟度。油脂分佈均勻，肉質軟嫩，肉味濃厚，油脂甘香🧂附有8種蘸料，包括山椒鹽、玫瑰鹽、綠芥末、七味唐辛子、鰹魚和風露、咖哩醬、招牌牛排醬同日式溫泉蛋💗京都勝牛三味套餐 ($218)🇺🇸分別有3個部位：翼板屬肩胛，帶少量油花，食落較有嚼勁，牛味特出；厚切菲力屬後腰內肉，肉質偏瘦，口感依然軟腍；薄片醬味牛以菲力配上自家調製醬汁，食落香甜惹味💗藍柑荔枝味有氣特飲($36）飲落酸甜清新，加上粒粒荔枝肉🍹💗白桃蒟蒻冰茶($32)紅茶底夠濃，帶出清香白桃味，配上Q彈蒟蒻🍑

呢間京都過江龍終於登陸香港啦，京都勝牛喺日本超過50間分店，可能係日本第一嘅吉列牛排店，招牌吉列牛排沿用「黃金六十秒」快炸秘方，所以一定要去試。如果想去食嘅朋友真係要預早拎位，因為真心多人，好耐都無見香港餐廳有呢個情況啦。店員服務亦相當出色，佢哋好清晰介紹不同菜式，點菜則用QR code落單相當方便。京都勝牛三味套餐如果想一次過食到唔同部位，呢個係一個唔錯選擇。當中有齊翼板、菲力及薄片，其實份量都相當多，當中更配有不同醬汁，可以食到不同嘅風格味道。整體真係相當出色，菲力亦肉質嫩滑帶牛味，翼板甘香得嚟令人無法抗拒，薄片則在兩者之間。食落酥脆輕盈，食多幾塊亦都唔會覺膩。與米飯、椰菜和味噌湯同吃，相當滿足。M9 和牛丼伴溫泉蛋如果唔鍾意食吉烈嘅朋友，呢個都係一個唔錯選擇。 M9 澳洲油花均勻，肉嫩甘香，賣相已經好吸引。配埋溫泉蛋一齊食真係相當完滿。

其實我都好少何寫食評負評 不過呢間都真係好難令我滿意😢我冇試過佢哋日本本店 唔知本身品質如何 所以我只係用牛かつもと村店嘅標準去比較首先牛冇牛味 完全唔知自己食緊乜 根本食唔出係M9和牛 普通急凍肉都冇咁差 我初時仲以為自己冇咗味覺😥 另外差不多每一條肉條都食得出有筋 仲韌過我條命 唔知係切法有問題定係本身塊肉真係有好多筋 我後來已經唔敢煎得太熟 但係個問題都依然一樣我已經問佢哋個主廚係日本人定香港人 佢就咁答香港人就行開咗 完全意會唔到我想俾意見 所以我都唔再追問落去希望佢哋可以盡快改善問題🙏

呢間吉列牛專門店終於嗚香港開左啦😍 之前去京都嗰陣已經試過，估唔到依加喺香港都可以食到🥳朋友話平日都好多人排隊，所以小編特登喺下晝四點幾左右去，唔使等位就入到！京都勝牛三味套餐 （$233）有齊翼板、菲力同薄片醬味牛，一次過可以滿足曬三個願望🤩吉利牛外層酥脆可口，炸粉適中🥰可以按個人喜好調教烹調時間，小編覺得每邊煎十秒就啱啱好啦🥳 店員話其實唔洗燒都食得🤣大家可以試下！ 牛嘅肉質軟嫰，油脂分布平均，雖然唔係入口即溶，但整體黎講都真係唔錯😚仲有漏斗俾你計住時間M9和牛丼伴溫泉蛋（$198）呢個和牛丼賣相勁吸引🤤和牛份量好多！應該多個十塊😆 牛味相對吉列牛更加突出🥳肉質嫰滑，撈埋蛋汁同紫菜一齊食好正！😋加$68可以加配甜品同飲品😚 因為啲甜品實在太吸引，所以小編同朋友都加咗☺️抹茶流心蛋糕 其實即係抹茶心太軟💚一切開啲抹茶醬擁晒出嚟😍抹茶味道濃郁🍵表面仲有紅豆同雪糕，冷熱交融，唔錯唔錯🤤棉花糖蛋糕 賣相勁靚😍😍棉花糖烤至微焦，雪糕被外層嘅棉花糖包圍住🤩咬落去嘅時候雪糕已經係半溶狀態，真係超級邪惡😈不過小編覺得甜咗少少🤏

好掛住日本🇯🇵丫🥺知道京都勝牛開咗喺銅鑼灣🤩為食妹👧🏻忍唔住要幫襯啦😍。極上和牛M9下肩甲見到已經心心👀。和牛上枱三成熟。怕太生？可以放落去煎幾秒。幾秒就食得😋。煎之前留意番。有個漏斗1min 熱咗個pan先開始煎丫😆。和牛外脆內軟。好鬼死🉐️🤤。沾蛋食更加香滑。旁邊配上幾款汁醬。分別有💫招牌牛排醬💫鰹魚和風露💫咖喱醬💫准🧂麥飯。麵豉湯。菜。任你添😍。食得落先好嗌。店員服務好好丫。下停幫我refill茶。仲主動幫我影相。值得一讚👏。紅豆宇治冰抹茶～一切開雪糕同抹茶cream湧出黎。抹茶味濃郁。抹茶控必點❤️。

🤦🏻‍♀️🤦🏻‍♀️希望大家唔好再中伏我就真係比距啲相同個名呃左，話就話係日本過江龍，但係啲牛肉無肉味，細細塊，扁踢踢，再睇真啲原來都唔係日本牛黎！唯一日本牛下就已經無曬，但我當時已經係2點幾去......仲要距個鐵板燒極都唔熱，完全燒唔到！啲炸粉又厚到好似食緊放題既炸物一樣😥🤮去到嘢飲！都可以係伏！無錯！叫左杯特飲，又細杯，仲要香精味極重！質素真係令人超級超級失望💀💀 呢個價錢真係可一不可再😓希望各位唔好中伏啊啊！！

排咗個半鐘嘅日本過江龍60秒吉列牛🥲 我冇食過日本嗰間 所以唔係想止咩癮 而係探究過江龍餐廳係何方神聖嘅心又嚟了舖頭嘅牛係以「黃金六十秒」高温快炸至三成熟 如果覺得太生可以喺鐵板上面再燒每個套餐都會包椰菜沙律 麥飯 漬物同麵豉湯(可續加)而調味料多達八種 包括跟餐送有鰹魚露 牛扒醬 山椒鹽 咖哩汁 芥末 枱邊有七味粉 玫瑰鹽 胡麻醬🤍京都勝牛三味套餐($218)分別係菲力 翼板同薄片醬味牛菲力肉質較嫩 但就最冇牛味🥲翼板肉質同樣嫩但會到菲力硬少少同樣都係冇乜牛味 但就會多翻少少油花感 少少🥲醬味牛個調味唔錯 但肉質最硬 同樣冇牛味🥲山椒鹽好食 其他汁都普通 唔特別🤍豚牛二味套餐($168)即翼板同豬柳 上枱會跟多一set嘢 係梅子醬同比你自己磨嘅芝麻豬柳外皮炸得香脆 但就冇特別好食🤍温泉蛋(+$15)Um 佢拎出嚟係冰...個人覺得可以暖翻少少🥲🤍藍柑荔枝有汽特飲/日本清酒豆腐雪糕(+$68)飲品唔特別講 幾好飲 但個雪糕！！係wow咗 係成餐飯我覺得最好食嘅嘢豆腐味比較淡 清酒比較出但又唔會太烈 係清香嗰種雪糕嘅口感好滑溜 再同少少黃豆粉同餅乾碎更好食(￣▽￣)/整體6.5/10 分

相信好多香港人都同我一樣，日日期待著回鄉嘅日子~ 期待著享受各種日本美食~ 壽司！炸串！鉄板燒！拉麵！鰻魚飯！（下刪100種😂）仲有吉列牛呀！今次我就要介紹下吉列牛...... 咩話？ 太遲？ 😌我當然知道吉列牛已經係香港出現咗一段時間la～ 但係呢間係日本人氣爆燈、極受歡迎、全球超過60間分店嘅✨🇯🇵京都勝牛🐮吉列牛專門店 終於係香港開分店la bor！😍咁大件事唔係唔講呀？等我都冷靜下先😂介紹下我今日食咗咩la～嗱～本身吉列牛扒已60秒快炸至3成熟，上套餐之前，侍應先把煎鍋點火弄熱～ 鍾意食熟d嘅朋友，煎肉時可以配合「一分鐘沙漏」自行決定熟度~ 呢個貼心服務都係香港🇭🇰限定ga! 🐮🐮🐮京都勝牛三味套餐（翼板、菲力及薄片醬味牛）朋友係牛魔王🤩一個套餐食盡3種靚牛肉！翼板肉位於肩胛部分，肉質帶油花且較為軟嫩～ 🤤菲力牛排係後腰內肉，幾乎都係瘦肉，係成隻牛最軟嫩同稀少部分～ 👍🏻薄片醬味牛本身已有調味，薄得嚟夠juicy! 另配備多種日本🇯🇵直送的醬汁，如咖哩、招牌牛扒醬等，想light啲既沾少少山椒鹽又得、加配溫泉蛋又得😋各有特色，全部都咁好味呀！🐮🦐名物翼板伴大海老套餐睇menu

Gyukatsu Kyoto Katsugyu is a Kyoto-based chain with over 50 stores across Japan, and the first Hong Kong location landed in Causeway Bay. Specialising in Gyukatsu, the Japanese-style deep-fried beef cutlets. It offers Gyukatsu made with carefully selected cuts of beef dressed with a thin layer of breadcrumbs, deep-fried for 60 seconds to achieve a perfect medium rare.The restaurant also served dishes aside from their famous beef cutlet, such as Pork Loin Set, Pork Fillet & Deep Fried King Praw

終於食到最近好想食嘅日本過江龍京都勝牛炸牛排專門店😝呢度個服務好好呀，經理同埋店員都好貼心，見佢地對好多枱客，包括我地都招呼周到！極上和牛M9下肩甲 $275 肉味同油脂味都幾濃厚，做到外脆內軟。我覺得唔落醬汁都好味，一開始冇煎黎食，肉質柔軟。如果怕生嘅話，都可以煎一煎先食京都勝牛三味套餐$218 分別包左炸翼板、厚切菲力及薄片醬味牛，牛味濃，肉質幾腍嫩，唔會有筋咬唔開嘅感覺😝呢個餐性價比高醬料有好多款，山椒鹽帶微辣，突顯牛肉嘅鮮味。牛扒汁果然係招牌醬汁，令牛扒更加濃郁惹味！而鰹魚昆布汁，唔會死鹹，味比牛扒汁淡啲，唔會蓋過牛味另外，可以醬汁加Wasabi食，或者沾半熟溫泉蛋食，多款食法！我就最鍾意點咖喱醬，撈飯食都好滋味😘套餐仲包左米飯、麵豉湯、沙律（加麻醬，我仲加咗啲Wasabi落去食，估唔到都幾夾🤣）同埋酸酸甜甜嘅漬物，夠晒豐富，食完真係幾飽我地叫咗嘢飲，藍柑荔枝特飲 $36 賣相夠晒吸睛，仲食到粒粒荔枝紅豆宇治冰抹茶🍵$32抹茶味幾濃，同紅豆絕配，甜而不膩今日好幸運，趁好多人排隊前入到座，餐廳真係好受歡迎，走嘅時候都有唔少人排隊☺️☺️食完今餐之後，更想去日本🇯🇵

疫情無得去旅行既情況下，相信大家都思鄉病發作，我自己就日日都好掛住日本美食，當中吉列牛一定榜上有名過江龍京都勝牛黎左銅鑼灣啦，去唔到日本，去轉銅鑼灣頂住先閒日夜晚都等左差唔多2小時先入到去，一入去就覺得成間餐廳既冷氣唔夠，有d焗，地下好跣，感覺不是太好京都勝牛三味京都勝牛係以190度高溫快炸60秒，將麵衣炸到酥脆金黃，內裡維持著3分的鮮嫩熱度，香港會附上一塊鐵板卑客人自己再加熱或煮熟d三味是指翼板、菲力及薄片醬味牛菲力肉味比翼板較濃，肉質亦都較嫩，薄片醬味牛本身已經用了秘製醬汁醃好，所以唔洗掂任何醬料都好夠味，3款肉都不錯，但個脆漿無我想像中咁香脆，賣相較油膩，加上鐵板個火力唔夠均勻，好難控制牛既熟度M9極上和牛下肩甲M9極上澳洲和牛肉質好幼嫩，比起三味係更加肥美，但炸漿都係較油唔夠脆，色澤亦都較黑白飯同椰菜絲係可以無限refill, 亦都有6款唔同既牛排醬料卑大家享用香港京都勝牛炸既技巧&炸漿同日本既都真係有一段距離，新張期間等咁耐唔太值，建議過左熱潮先過黎試下

👐🏻一次很不討好的進餐體驗🥲原本打算食餐好d既午餐慶祝🥲點知食到一肚氣🙃吉列牛一上枱本來係一件好開心好期待既事🙃畢竟係日本真係好中意食呢間店🙃但送菜嚟就見列d炸到好深啡🙃就好似油用左好耐冇換就炸甘🙃然後立刻叫男主管來我：「唔好意思，想問下d牛既顏色係正常既？」主管：「請問係米想換過碟？」我：「係呀！想換。」主管：「無問題。等我拎入廚房俾廚師睇睇」心入面已經由天堂跌落谷底，原本頌以為真係願意換，因為真係唔多想食碟甘深色既吉列牛，$200食呢碟真係冇可能話值結果主管出番嚟同我講：「師傅話跟足程序做冇問題」然後成碟原碟俾番哂我要我食白眼反到谷底，隔離個對情侶望住都覺得無言牛食落去牛味濃既，但深色到甘既已經冇哂心情菜係苦到不得了，落埋醬都係蓋唔到用來整熱整熟少少牛的pan仔不是用牛脂，然係用普通食油感覺同係屋企隨便拎花生油整係一樣炸串還可以，起碼唔係全深啡甘囉！但一定唔會再幫襯

食肉獸嘅我哋又出動喇😛，睇完報道我已經Bookmark咗要食「京都勝牛」。我哋仲以為自己好醒，安排星期五晏啲先食午餐，咁就可以避過人潮。誰不知三點鐘去到仍然係要等位㗎囉😨！不過店舖內員工人數充足，佢哋服務主動積極，所以我哋都唔使等好耐就入得。店員清晰介紹菜式，並指引我哋用QR code落單。唯一好可惜嘅係生意太好，M9和牛同三款甜品經已售罄😭。我哋首先一人點咗一份主菜🥢，食物選擇唔少，其實除咗牛以外，佢亦有提供豬扒同海鮮等。由於肉嘅份量都多，所以我建議唔好嗌哂同一款，應該食多啲唔同口味。套餐好豐富，大大份主食外，🍚麥飯、🥗椰菜沙律同味噌湯全部任添！喺度食飯完全唔使驚會食唔飽。京都勝牛三味套餐($218)，睇見牛三味就知即係一份餐可以滿足三個願望嗰種👌。我講得無錯(自問自答)，因為佢正正就係有齊翼板、菲力以及薄片醬味牛三款肉肉🥩。一碟有成十四件牛，連我呢個咁大食嘅小屁孩靠一人之力都唔會食得哂🤣。碟中左邊斜斜哋切嘅係菲力牛排，🐮牛味濃郁，肉質較嫩；而翼板牛排就係呈條狀嗰款，油脂分佈平均，食落幾有咬口。以上兩款各有各好食。但我覺得薄片醬味牛就一般，因為牛肉片始終比較薄，被上下兩層炸皮包住，顯

因疫情關係，已許久沒到日本好掛住排隊食吉列牛既日子咁岩今日係銅鑼灣行街 突然見到京都勝牛呢4個字我即刻停低，不敢相信我係日本既最愛黎左香港！又點可以錯過餐牌非常多選擇招牌當然係牛扒亦有吉列海鮮，豚肉等配搭實有一款適合店家非常細心，有食用教學咁每個人都肯定可以因應自己口味去享受到(極上和牛) M9下肩甲難得黎到又點可以唔試最高級~~牛扒呈粉紅色，可以用爐燒到自己喜歡既熟度口感非常軟淋，近乎入口即融好幸福京都勝牛三味套餐呢個餐有3個部位滿足貪心想試多幾個部位唔同口感既朋友雖然比和牛平，但都毫不遜色每塊都好重牛味成個口都充滿住油香好滿足炸廣島生蠔只係食牛又點夠喉！呢隻炸蠔成隻手掌咁大見到哇左一聲炸得恰到好處師傅既火喉控制得好好外皮脆口之餘，蠔身無過熟做到外脆內軟既口感麻糬雪糕糯米糍最後甜品部分，外層既麻糬係抹茶口味有茶香得黎少少回甘，同內層甜既雲呢拿雪糕好夾，令成個味道好豐富為呢餐畫上完美句號