京滬佳餚 (Fashion Walk) (已結業)

💁🏻‍♀️ 京滬佳餚 (Fashion Walk) (銅鑼灣)-冇去過FASHION WALK食飯, 估唔到環境原來係好CHILL 架!! 放工同朋友去HAPPY FRIDAY超正DER京滬酥香烤鴨 ($228)鴨皮色水夠靚，識落有少少脆，仲帶D鴨肉, 加埋青瓜﹑蔥蒜做配料好味道。麵皮唔會太乾，而且好Q彈酥炸廣島蠔 ($198)推介! D蠔超級大隻, 炸到好好好酥脆, 入面既蠔肉嫩滑好鮮味～點酸甜汁中和到飽滯感～  新彊羊肉熗湯麵 ($88)十分足料既湯麵啊!!! 湯底夠濃郁，充滿羊羶味, 羊肉食落好嫩滑, 麵條唔會太腍孜然小羊扒 ($208)小羊排好重孜然味，唔會太羊羶，食落仲有D辣！羊排食落嫩滑～好惹味啊！  .📍 京滬佳餚 (Fashion Walk) (銅鑼灣)#銅鑼灣 加寧街13-15號Fashion Walk地下A,C-D號舖#小丸子搵食記 #小丸子銅鑼灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagr

之前係將軍澳食過呢間京滬佳餚非常滿意，見佢係銅鑼灣開咗分店決定嚟二訪❤️一黎先會上茗茶同前菜😍前菜好有心思，係涼拌木耳青瓜紅蘿蔔花生，清新開胃。睇咗好一陣openrice食評，最後決定叫下面幾樣👇🏻👇🏻黃金鴨件伴魚籽醬 $328唔係講笑🤣魚籽醬真係勁多😍😍😍超開心🥳由上之下係魚籽醬、黃金鴨件、梅子醬糕、青瓜、薯片2片，好有口感層次，黃金鴨件嘅油膩比梅子醬糕同青瓜解曬😚✨食得舒服松鼠黃魚 $208熱辣辣炸起！全條連骨都食得😍加上松子仁，味道口感都好豐富😙乾燒海龍王 $188勁大隻蝦😨蝦頭啲蝦膏勁勁好食！要叫！！！京滬擔擔面 $88食到最後叫翻個招牌擔擔面😌好欣賞呢個擔擔面做到醬汁稠身，味道方面花生醬味辣味都平衡得好好肉碎都好香口😚❤️茗茶 每位$18泡菜 $20應該會再翻轉頭食😋❤️📍 京滬佳餚銅鑼灣加寧街13-15號Fashion Walk地下A,C-D號舖

無得去旅行，唯有係香港飲飲食食啦～入到餐廳，環境係舒服既中菜館。今日主力係想黎食北京填鴨三食！第一食係鴨肉雲吞湯，上到黎見到係乳白色，一d都唔覺得油，反而係淡淡既鴨香。等主角出場之前，食個小籠包先同香蔥煎餅先！小籠包皮夠薄，味道正宗！一咬開d湯汁就爆出黎，要小心辣口！香蔥煎餅竟然令我有種食到兒時小食既感覺，好香蔥味，煙煙un un。終於等到我最期待既北京填鴨啦！店員仲好細心推介我地唔同既食法，建議我地試下先食塊皮，唔會太肥太油但係成個咀都充滿鴨香，微微脆口，非常香口！之後再用皮包住鴨皮、鴨肉、青瓜、蜜瓜等等配料食，加少少醬汁，太滿足啦！第三食係椒鹽香酥鴨架，好似鴨版既椒鹽鮮魷咁，香口小食！哩個時候特別飲返杯酒添呢～同行朋友怕唔夠飽，嗌多左個糯米炒蟹。本來以為最後食糯米飯可能會有d飽，點知我地竟然成碟清左！首先係好多蟹膏，而且個飯吸收哂蟹既味道同精華，非常有驚喜！食完哩餐又當去完一個旅行啦～

位於銅鑼灣的京滬佳餚，是一間主打北京填鴨的中菜館。餐廳由點心皇后徒弟陳彥師傅主理，雖然以中國傳統名菜做招來，但裝潢和烹調風格極為創新，讓客人感受到別樹一幟的中菜體驗。 店內裝潢年輕時尚，利用金色為主調，感覺新潮的同時不失氣派風範。地方位置寬廠，設有數個廂房，適合家庭聚會的客人使用呀! 食物的種類繁多，除了有招牌填鴨，更有大量小菜和點心。圖文並茂解釋，令每道菜都相當吸引。北京填鴨三食 $698當天與家人一同光顧，人數聚多，所以我們聽店員的推介，試試餐廳皇牌北京填鴨3食吧!  招牌三食包括: 京滬香酥烤鴨、雲吞鴨肉湯、京醬涼瓜炆鴨加或椒鹽香酥烤鴨。 京滬香酥烤鴨。 烤鴨用現代化的西式烤爐燜烤製作，需時90分鐘。烤製期間，整間餐廳都充滿香噴噴的味道呢! 亮麗光澤的鴨皮，色澤和色調迷人，散發鮮鴨香氣。 酥化油香的鴨皮，可沾糖吃，有入口化掉的感覺。而鴨肉則可用餅皮包裹，加上各種配料，層次更多，味道更豐富。 店家採用只養了兩個月，體型較小的鴨子製作，鴨皮下脂肪較少，膩感相對較低。而且小鴨的鴨肉較為鮮嫩多汁，風味更佳，果然不錯呢! 雲吞鴨肉湯。 鮮美無比的雲吞鴨肉湯，深得我心! 鴨湯非常鮮甜，啖啖都

屋企人生日，特別鍾情京滬菜，預訂左好評甚多既京滬佳餚。位於銅鑼灣Fashion Walk，餐廳裝潢充滿氣派，樓底高，空間感十足，坐位鬆動舒適。前菜有川味涼拌蓮藕花生：爽脆微辣、豆腐青瓜雲耳：清新醒胃。揀左招牌北京填鴨三吃京滬香酥烤鴨店員上菜後會細心講解烤鴨食法。鴨皮烤得薄脆，沾砂糖食，油香滿溢。鴨肉片得非常均勻，味道醇厚，啖啖肉口感嫩滑，肥而不膩。再配以煙韌餅皮、日本蘿蔔、京葱等配料，口感同味道層次更為豐富!京醬涼瓜炆鴨架以苦瓜入饌，甘香清爽，鴨架炆得入味，肉汁豐沛。雲吞鴨肉湯呈奶白色非常香濃可口，大大粒雲吞彈牙鮮爽，鴨肉嫩滑、白菜清甜。糯米炒蟹嘩，一上枱好吸引!糯米飯粒粒分明好煙韌，啖啖都充滿蟹油香~蟹膏綿密鮮美好細膩，蟹肉Q彈飽滿，入口肥美鮮甜。招牌小籠包外皮厚薄適中，剛好承托湯汁，肉餡鮮甜有油脂甘香，肉味香濃。京滬香蔥煎餅口感香脆細膩油而不腻，夾著香濃京蔥，咸香十足。揀左兩杯特飲，菊木清茶香甜回甘，甜而不膩；柚子冰茶，淡淡柚子香，清甜解膩。

今日一家人食母親節飯，媽媽好喜歡吃中菜，同事推介下，我們來到剛剛開張的京滬佳餚食飯。未知是否新開業的關係，人客不太多，所以可以靜靜地傾談食飯。 餐廳的本店在將軍澳，在該區非常出名，今次開新分店在銅鑼灣，更方便我們用餐。餐廳地方很大，坐得舒適又舒服。 京滬佳餚主打北京填鴨，今次來慶祝母親節，一於食豪啲，所以我們要了一份北京填鴨三食。三食$698包含京滬香酥烤鴨、雲吞鴨肉湯、京醬涼瓜炆鴨。 先介紹招牌的京滬香酥烤鴨，油香飄逸的烤鴨，好吸引！店員說烤鴨需時九十分鐘製作，用心良苦，難怪皮色如此吸引。烤鴨皮又香又酥，有入口既溶的效果，造得很好。鴨肉就好鮮甜美味，一點也不柴，家人吃得很開心。 雲吞鴨肉湯獲妹妹力讚，湯頭好濃好鮮，雲吞皮夠薄，雲吞肉大大顆，好食啊。京醬涼瓜炆鴨質素也好好，京醬好濃又香，所以我們追加白飯，配搭起來更合我們胃口。招牌小籠包$68 皮薄餡靚的小籠包，裡面有好多湯汁，一咬即爆，要非常小心。 香蔥煎餅$68 煎餅好好食，外酥內脆，襯熱食一流。

今晚去慶祝Daddy 生日，佢話想食烤鴨🐽🐽即刻諗起京滬佳餚😋呢個北京填鴨三食岩哂我地四個人食👍有京滬香酥烤鴨、雲吞鴨肉湯、京醬涼瓜炆鴨架或椒鹽香酥鴨架。京滬香酥烤鴨好香呀！仲有好多配菜同醬啲皮好薄、烤鴨好味😋連Daddy 都話無介紹錯🤣餐廳有張填鴨食法指引比客人跟住來食好細心呢👍雲吞鴨肉湯飲落好香鴨味，啲鴨肉仲好淋Tim 好食😋糯米炒蟹嘩隻蟹蓋勁多膏呀😍真係食膏都飽🤪招牌小籠包皮薄多汁食果時小心燙口👍👍👍

今日同朋友行開銅鑼灣突然好想食片皮鴨 見到呢間中菜廳好似新新地 就入去試下佢啦 餐廳主打京滬菜色 朋友鍾意食羊肉 所以我地除左叫左半例既香酥烤鴨 仲叫左孜然小羊排同新彊羊肉熗湯面 無諗過羊肉菜色都咁出色！可能黎食之前對片皮鴨期望太高 呢到既香酥烤鴨唔係太驚豔到我 但烤鴨味道還是不俗的 烤鴨鴨皮酥脆溢油 店員建議我地就咁點d糖黎食 口感會更加豐富 但個人認為就咁食鴨皮都係過於油膩 都係用餅皮包住鴨皮同鴨肉黎食會較為balance d 值得一提既係呢到片皮鴨既醬料會有埋蒜蓉 估唔到同片皮鴨都幾match孜然小羊排外脆內軟 肉質都幾滑嫩 而且羊肉酥味好突出 唔會比孜然味蓋過左 至於新彊羊肉熗湯面湯底非常濃郁 而且超級重口味 雖然賣相唔係話好吸引 但食落幾有羊肉味 比想像中好食!另外我地仲叫左個酥炸廣島蠔 係咁多道菜入邊我最鍾意既~ 廣島蠔炸得十分酥脆 而且蠔肉新鮮肥美 食落完全無腥味 高質推介!

今次特登黎食烤鴨，餐廳環境舒適、座位寬躺，適合朋友、家庭聚會～由於人數較少所以點了例牌，烤鴨賣相精緻😍分別切成淨皮及淨肉。外皮較坊間厚身，入口超酥脆帶油香，鴨酥味濃烈。店員細心地提示我們前面較厚的幾塊鴨皮可以點砂糖同吃。將鴨皮、鴨肉伴配料包著同吃，鴨皮的脆口與鴨肉的嫩滑形成對比～鴨肉及配料中和了鴨皮的油膩感，好正😋不得不提配料有一樣是少見的姜蓉，原來跟烤鴨十分夾，大家有機會可以試試！廣島蠔一碟有六隻，每隻都脹卜卜，色澤金黃。外皮炸得香脆不油膩，內裏蠔肉嫩滑新鮮，好鮮味～伴旁邊酸甜汁可中和飽滯感～小羊排孜然味濃，沒有太多羊羶味，辛辣味十足！羊排外層乾身，但內裡嫩滑～整體十分惹味！湯底超濃郁，充滿濃濃羊羶味。麵條軟硬適中，愛吃羊肉人士不能錯過！

話說銅鑼灣開了一間京滬菜式的餐廳身為烤鴨愛好者的我 當然要去吃看看首選當然是片皮鴨 🦆油香鴨香味十足，皮脆肉嫩餅皮亦夠薄還有九款配料配搭好豐富特別推介山楂糕條，酸甜感與鴨香搭配得天衣無縫另外很推介糯米炒蟹 🦀將蟹膏同糯米飯一起炒糯米飯粒粒分明，每啖都帶住蟹的香氣加上香口的蟹膏，鮮甜美味的蟹肉一啖飯一啖肉的感覺很過癮✨我本身不吃羊肉但如果喜歡吃羊肉的人可以試新疆羊肉燴湯麵湯底很濃郁，麵身彈牙掛汁我愛吃羊肉的朋友極力大讚

一睇餐廳嘅名就知佢主打北京同上海菜！入座之後，會問飲咩茶，就會同時送上小食，係蓮藕花生，都幾開胃架！ 酥炸廣島蠔每一隻蠔都平均大隻，唔會好腥！我覺得酸甜醬係非常出色，好夾，減少左油膩味！ 孜然小羊排羊排真係比較少食嘅嘢，但係又幾好味！有少少肥肉，加上瘦肉，肉質好好。陣孜然味即刻有種燒烤嘅感覺。 北京填鴨 半例好耐無食過填鴨啦，所以好期待架。侍應會介紹食法先。鴨肉好軟，配埋青瓜、京蔥、甜面醬同餅一齊食，滿口滿足！ 羊肉繪湯面上枱就聞到好濃嘅味啦，加上色澤都好吸引人。湯麵掛汁，而面頭仲有好多羊肉片，份量啱啱好！

好友生日想食京滬菜，佢揀左京滬佳餚。今晚黎到銅鑼灣分店，無論食物質素、服務、環境都一流。餐廳環境舒適寬敞，裝潢簡約大氣，明亮光猛。設酒吧，有各式COCKTAIL、MOCKTAIL等等。侍應及經理服務貼心周到，會細心留意客人需要，上菜前後次序安排得剛好。前菜有兩款，分別為川味涼拌蓮藕花生、豆腐雲耳青瓜。帶點麻辣，清新開胃，有助刺激味蕾。必試招牌北京填鴨三吃，先由經理詳細講解食法。京滬香酥烤鴨 片皮鴨外皮夠薄，香脆鬆化，沾以砂糖同食更滋味。烤鴨皮下脂肪平均，油膩感相對較輕，鴨肉鬆軟嫩滑又多汁，好出色。再配上柔軟餅皮、京醬、青瓜、京蔥等配料，啖啖豐腴而不油膩，風味十足。雲吞鴨肉湯奶白色湯底鮮甜順喉，雲吞飽滿紮實好爽口，仲有肥美鴨肉同白菜。京醬涼瓜炆鴨架鴨架滑嫩入味，油而不膩，涼瓜清爽無苦澀味。糯米炒蟹必點招牌菜式之一，果然有驚喜!蟹肉甘甜鮮美又多汁，金黃色蟹膏豐腴飽滿。糯米飯分明軟糯好煙韌，好有蟹香，推薦!招牌小籠包皮薄又多汁，肉有鮮甜味，肉餡調味適中，鬆化有咬口。京滬香蔥煎餅熱乎乎即叫即煎，外皮酥脆可口，淡淡蔥香夾雜咸香，層次分明好滋味。COCKTAIL、MOCKTAIL等選擇甚多，飲品名

看圖就知今晚食乜東東😍。今晚一行四人食🐤。北京填鴨三食🦆～上枱🦆已經片好咗。碟🦆有兩層。上層係皮。下層係肉。部分肉拎咗去炒鴨架😛。配料有九款。自由配搭。唔夠可以refill😬。為食妹👧🏻鍾意點糖一齊食😍。皮脆肉香。好滿足。椒鹽香酥鴨架～呢個好惹味。不過冇乜肉唔岩我。🐽仔話好好味。送啤酒🍻一流😆。雲吞鴨肉湯🥣～碗碗有鴨有雲呑有菜。唔洗爭🤭。味道濃郁。可以添飲就好了😢。糯米炒蟹🦀～🦀嘅鮮味滲進飯裡面。飯濕濕地小小黏口。我地大讚好味。唔洗五分鐘我地KO曬d飯😛。蟹膏多到不得了。油香滿滿。膽固醇？唔理la 😎。

唔係講笑， 呢800幾蚊好抵，好好食！ 好飽！ 其實三個人食都夠！ 我同家姐終於約到時間可以約食晚餐啦！～我好好好極力推薦孜然羊排！ 騷味係剛剛好， 肉質好嫩！簡直係不得了！ 我直情好似去左北京咁～ 冇得去旅行下，食到呢個味道，真係好好開心！ 酥炸廣島蠔係出乎意料地大隻，係隻蠔好大隻，唔係d粉！ 所以一咬落去係好滿足，唔會成口都係粉～ 至於酥香烤鴨，我覺得係傑作！ d烤鴨皮喺有成千蚊既質素！而且啲配料好夠，塊餅皮，又薄又煙韌，好完美！ 我覺得好過我之前食所謂最出名的北京填鴨～🤭🤭 其實食到呢度已經好飽，但又眼寬肚窄，叫左羊肉麵。 我只可以講，好多羊肉，麵條食得出係靚嘢，識食既第一啖就食得出，你明既～！ 今晚呢餐，真係令好耐冇寫食評既我再一次要特別寫～ 良心推薦！ 細食既，其實三人都夠食，每人都係200幾晚餐，銅鑼灣咁既位置，餐廳咁高級既環境，坐得咁舒服，好抵好抵！

Peking Duck is the name of the game at King’s Delicacy, the menu features Beijing specialties with a board range of Shanghainese delicacies.  Without doubt, Peking Duck is the most celebrated classics.Located in Fashion Walk, Causeway Bay, sleek sophistication awaits indoors, with green subway tiles highlighting the bar area; while the alfresco dining area, there’s another chill and laidback vibe.Prices are reasonable given the quality of what’s on offer here.King’s Delicacy Peking Duck (HK$228/