亞婆豆腐花

營業中

休息中

同honey食豆腐花~堂食$5, 外賣$6要熱既, 嘩, 真係好滑, 好似燉蛋咁, 不過份量少d, 得一碗仔, 但$5而家都唔知買到d咩lu黃糖就任落, 而家多數係落糖水既, 我覺得黃糖好食d~成日都好多人排隊架, 所以要企係都食, 都幾阻街 哈哈!

由佢無咩名氣既舊店到現在都有食過~佢D豆腐花係滑~但唔係得佢地整得到~無豆味~(包括豆漿)~行過次次都見到好多人食~又迫~又要企~又唔係平~D人都係貪佢有名先趁熱鬧試~@~@""

今日去大埔，專登去試下點好食，講真真係麻麻豆腐花冇豆味，又唔係真係咁滑......真係唔明點解咁多人話好好食，唔通佢地真係未食過好食的豆花??

吃完午飯, 再去一試好評甚多的阿婆豆腐花.站在舖外拿着碗吃, 突像回到兒時的年代.阿婆的熱豆腐花滑滑, 可惜我下了黃糖太多, 不可評出黃豆味的輕重, 但我愛它的嫩滑, 三扒兩撥而將它吞落肚了.

由走鬼檔開始已經有幫襯開，直到開鋪同搬鋪後都繼續有買，水準依舊。雖然而家唔係住大埔，有時去開呢頭都會特登買豆腐花同埋豆漿返屋企慢慢嘆。豆腐花好滑，豆味唔係特別重，但配埋黃糖覺得恰到好處，熱好過凍。豆漿又係好滑好好飲，真係唔知阿婆有咩秘方可以整到咁另外，睇返 D 人既食評，好多人都誤會果長頭髮果個就係阿婆 ...其實唔係，真正果位阿婆係短頭髮，細粒 D，平日越少起鋪頭出現有咁多人幫手做野，已經唔洗好似以前咁辛苦一腳踢喇 ~

去開大埔行街街~ 當然要試下黎到好出名的豆腐花~5蚊一大碗~ 實在又平又好食~豆腐花夠滑~ 入口即溶~ 而且有熱又凍任你選擇~想要甜D可以自己落多D糖~ 可以迎合自己的需要~值得讚係~ 食落無石膏粉的味~ 唔會食食下有D苦的感覺~有機會一定要試下呢~ 真係好正架~

~~早2日去左大埔 踏單車~~經過一間鋪食豆腐花好多人係門口食~~有冇咁誇張呀咁多人~~好奇心下走上去買左個食下~~未食同一般豆腐花冇分別,一食.....不得了~~有冇可能咁滑 ,5蚊我諗賣20蚊都大把人食

每次去親大埔都會走去食, 佢俾起其他店真係滑好多.推介熱豆腐花，真係好掂!!! 好滑, 有豆味... 雖然好多人幫親但都好有禮貌

過往總係冇咩機會過來舊墟這邊，次次總係來去匆匆，今次適逢時間充裕就與同行前來一試吧！<--其實來得太遲，屋企人約略提過舖位搬過。今次叫了熱豆腐花配糖水、黃糖。坦白說，個人覺得坊間豆花一係像超巿盒裝那種只有滑到像蛋白冇咩豆味；一係石膏失衝「鞋」到或石膏太明顯到以致不好食；一係滑得很古惑只有凍食才見得人一熱食就欺場...但結果呢？原來我今次第一次食沒令我失望=像蛋白般滑但同時又很有豆味+熱食都有滑嘟嘟效果 ^3^食後感：若然不是還有兩、三小時快要晚餐其實我想食多碗，不論甜品或正餐，因為本身我都鍾愛豆腐花或豆腐佳餚，但無奈唔係間間合我心意。在我過往食評有關豆腐花的撰寫裡，我覺得這間算係唯一一間暫時合我標準同時熱食又幼滑又有豆香的熱豆腐花。^^v請閣下原諒我不要怪叫問「究竟妳係咪大埔人黎架！？枉妳info話自己係」...真的不順路不會舊墟站落車啊！唔g下一次食到阿婆豆花會係幾時呢？我諗要很耐的事lu...-_-今餐味道會俾80分，大碗d會更好，因為豆花一般家用碗咁大咋！XD服務俾3都係因為食得很自助自己搞掂=我叫佢跟住就佢俾...搞掂

星期日同阿爸阿媽揸車去大埔食蛇，順路就過來呢邊食豆腐花，係openrice見到有甘多好評，講到甘滑，都抱住好大希望可以食到一碗好好味既豆腐花。去到見到勁多人排隊，唔緊要~好食既野當然要等下la~我排左大約5分鐘就到我，叫左三碗熱豆腐花，一枝豆漿，同埋中腐乳。個豆花...真係一d豆味都無，食落去完全感覺唔到係用黃豆造....一個無豆味既豆花，根本不可以叫做好食，一食完第一啖，我地即時異口同聲講"唔好食".....如果只係要求要食滑既野，不如去食燉奶la，仲滑ar......其實要做滑既豆花，只需係隔渣時用多一個布袋就可以滑好多...但豆味呢樣野真係呃唔到人，用一d唔靚既黃豆或者根本無落足材料，真係一食就知，阿婆豆腐花就係一個好例子，無豆味。係大陸有d自製點心既茶樓有自製既豆花，比呢間好食十倍，食完就知咩叫又滑好香豆味既豆花la~好既地方係黃糖可以任加，畢竟好多糖水鋪的豆花都轉用左糖水，而唔係用黃糖。相信呢間鋪頭係制造過程係有用心，不過用料方面真係要改進....豆漿比豆花好，有小小豆味，但加水既情況太嚴重，好稀.....第一口飲落去，差點以為自己飲緊清水...要隔左一陣等口中黃糖既甜味過後

熱豆花，唔錯~E+去親大埔都食~真係好滑! 豆味...我覺得屋企樓下果間既豆花豆味香D 但冇呢間咁滑 同埋，有羌糖(唔知係咪咁叫- -)提供，雖然我唔落糖，但阿爸阿媽話幾好喎~賣豆花既阿姐、哥仔都幾有禮貌...難得咁忙都仲有禮貌...抵讚~呀~呢到D腐乳幾香幾好味，用黎炒菜岩晒~

去大埔墟買野見到, 成堆人圍住係門口食野, 佢間舖幾乎唔係堂食ge, 所以人人都圍住係門口食~我都唔例外ar叫左碗熱ge豆腐花, 拎係手度食 真係幾熱, 而且一倒瀉就麻煩喇, 痴立立咁不過真係好滑, 滑到完全係會自己流落喉嚨度~~~豆味又夠香~~~冬天食, 真係yummy yummy

次次黎親大埔都會係度食豆腐花..一直都食開凍豆腐花.. 但因為今日凍，所以就叫左熱.. 聽人講熱好味過凍...原來係真嫁，熱既豆花豆味重d，滑d... 決定之後都係食熱豆花lu...另外買多左3碗熱同埋一支豆漿返屋企同人分享....

d豆腐花, 真係好滑! 拍得住大嶼山d山水豆腐花, 正!!!只是豆味唔夠濃, 但巳經比其他地方好食得多.加上一班愛好者, 齊齊企係店鋪門口一齊食, o個種氣紛一流, 正呀!!!所以每次去大埔, 一定要食番碗先至走哈!!!哈!!!

答應了帶朋友入大埔掃街,不過都接近黃昏時間,好多小店都準備收檔.第一站即時去左食豆腐花,不過好可惜所有熱豆腐花已經賣晒,只得一 d 凍豆腐花,既然一場黎到,又點可以空手而回呢?雖然凍食豆味無咁揮發,食落唔夠香,但質地依然滑溜,不過一如上次通病,豆味比較輕,如果能重一點就更好了.下一站去東江雞試下佢隻巨雞.p.s : 同老板講開,佢地一日平均賣五桶左右,好生意時,六七桶都可以,所以有時真係唔好睇輕十圓八塊既生意,只要專注,一定有好出品.