亞南雞煲

營業中

休息中

今晚真系好凍，係太子上完堂已經八點半，真係有d飢寒交迫既感覺。同學仔即刻話不如去打邊爐咯，梗係好啦。行左兩間都有人排隊，望到隔離既亞南雞煲唔使排隊，就喇喇聲行入去。一坐低即刻點做個花膠鮮雞煲， 好快就上左菜， 但要再煮一陣加熱， 搞一搞先食得， 過左5分鐘全部加人曬，就聞到微微的辣味，香噴噴， 急不及待開食， 咁凍既天氣食熱辣辣既雞煲，一個字－－正， 肉質唔鞋， 辣味好出， 而花膠一d都不欺場，好大塊， 膠質都幾足， 好chi牙。食完個雞煲已經半飽， 之後加湯開始打邊爐，所以只叫左一份手切肥牛，凍豆腐，烏冬，同埋送左一份皇帝菜（唔記得影像）。手切肥牛肉質唔韌，好香牛味， 凍豆腐要煮耐d, 吸曬d湯底，好好味。仲有皇帝菜都好新鮮，打邊爐必叫。而烏冬麵質就普通。 凍冰冰既夜晚打住邊爐傾計，好開心。

來到太子食雞煲，好多人的小店，雞煲款式看似不少，應該是同一雞煲加上 鮑魚/花膠/花甲 就變成另一個項目 😆 雞可選鮮雞/普通雞 價錢差大概八 九十蚊~ 一場來到就點鮮雞吧~ 雞煲香辣，有點麻， 要形容它為好特別想再食~又不算， 是正常好味嘅，鮮雞肥美，肉嫩 😄 另點了椒鹽鴨舌~ 都是很香脆的😚結帳的時候， 因為優惠事宜，老闆的處理手法令人很難忘👍👍 果斷而出人意表，感覺很窩心 😄 內容不便多說， 以免有人白撞 😆 沒錯，我們會再返去食的 😉飢Point : 7/10#hungermarch #飢詩 #非飢詩

今晚係慶祝爸爸媽媽結婚35週年！之前同媽媽經過呢間，佢話搵日試下，但事隔半年，我就提出同佢地去食。😋😋入到去，個侍應見我地買左1袋2袋大袋野，我買左2對鞋，個鞋盒都好大個🙈我地3個人，佢就叫我地坐張6人枱，話方便我地擺野，招呼都幾好，比著第二間理得你啦😅兩老想食鮑魚雞煲，叫左半隻，我就寫埋其餘啲邊爐散叫。鮑魚雞煲半隻，雞件大件，鮑魚有2隻，我唔係幾好鮑魚同埋又得2隻所以無試，雞煲叫左少辣，唔太辣但味道都幾惹味。牛肉拼盤：有牛肉、牛丸、牛肉粒同牛腩最好食係牛丸，好重牛味，同埋好似食到牛油味咁牛肉望落幾靚，不過食落無咩味牛肉粒好Un牛腩口感幾好，不過都係無咩牛味海鮮拼盤：桶蠔、大花蜆、深海龍躉魚片、桂花蚌、鮑魚桶蠔好鮮味亦都好大隻大花蜆都好鮮味魚片我無食，爸爸媽媽話好好食桂花蚌好爽口好滑鮑魚我都無食，佢地話鮮甜兩個拼盤會各送一個蔬菜，任選。佢地揀左菜拼同瓜拼。蔬菜無咩特別，十下十下十到佢焾曬入晒雞煲味就好食！魚皮比一般餐廳厚身，不過佢都係好脆唔硬，而且味道整得幾好，好香墨魚滑都可以，有粒粒墨魚肉埋單$1023。整體黎講，食物可以，價錢偏貴。

同朋友做冬去試食亞南雞煲，叫左鮑魚鮮雞煲, 食完再打邊爐。鮑魚幾彈牙, 但雞好多骨, 雞肉不多。之後叫左肥牛, 墨丸及水餃打邊爐，個湯底係雞煲底再加湯, 非常淡味 , 三樣食物得墨丸好食, 食物質素一般, 座位好窄, 但服務態度好好。總體而言, 試過就算, 不會encore

朋友推介話ok 即管試下 一睇餐牌比食開雞煲價錢貴一半 反正黎左都試下，雞煲味道略淡，叫左其他野食打邊爐咁食，份量極小 ！但牛肉不錯！飲品$30 杯吾好飲，吾抵飲，無下次！

見門口咁多明星相，入面又坐滿滿的，就入去試試咩料子。門口等埋朋友食煙，侍應已經好醒問定食咩煲，幫我地整定先，咁入去就唔使等咁耐。本身安排咗個兩座位枱，但落完單見我地叫得多嘢都立即換張大啲嘅枱，驚放唔哂。叫咗鮑魚雞煲小辣，鮑魚嫩口彈牙，雞件略為實肉。味道方面普通惹味，未夠入味，中級雞煲。試埋其他火鍋料先，豬肉片肥瘦適中，肉味不俗。鵝腸未夠香羶肥美，四寶丸普通，脆骨腩唔夠脆但有油香。有混合菜籃揀非常好，唔使淨係乾食一款咁悶

特登出黎食雞煲 好熱啊今日 一坐低叫杯野飲先 一人叫一杯絕對夠食一餐飯 叫走冰居然無減我飲品份量 老闆好慷慨前菜叫作炸墨魚嘴 點喼汁好惹味 不過都不及雞煲惹味配大量芫茜 洋蔥麻同辣都有得揀程度鍾意芫西ge 我 重另外叫左芫茜

聽講呢到好似幾出名，夜晚黎試下。舖頭出面有好多同明星既合照，即刻比好大期望佢，可能未到放工時間，等左一陣到就有位，座位不算多，但餐廳都寬敞，都唔會太逼既，開住個冷氣打邊爐都唔錯，環境都算舒服。服務員既態度還可以，而且因為唔多人住所以都好快食得。鮑魚鮮雞煲 ($398)雞煲可以揀辣定唔辣，再加辣醬，啱嗮同啲唔食辣既朋友一齊黎。等左大概5-7分鐘就有得食，都幾快手。鮑魚既份量都算幾多，都有大概6-7隻鮑魚。啲雞骨超級多，而且隻雞唔算大隻，攪到啲雞肉勁少..... 但係啲雞都算入味，而且都唔會好老，亦都算新鮮，比冰鮮雞惹味，但不夠滑。煲裡加埋不同香料，好似洋蔥同醬汁，但食完有少少口渴，要叫野飲。牛魔王 ($258) 食完雞煲唔夠飽，就叫個牛魔王。一碟有手切特級肥牛，美國牛肉粒，牛坑腩同牛肉丸，樣樣都有啲方便試食。個雞煲加左水，個湯本身都有啲味都變淡左，失望... 手切肥牛既脂肪比例啱啱好，厚度都啱啱好，都算新鮮，唔會好韌。牛肉粒同牛肉丸都有咬口，唔會好多根，也都可以，不過建議唔好煮太耐，因為好易老，就唔夠彈牙。鮮製菠蘿冰 ($30)杯野飲真係好大杯！食完雞煲口渴真係啱嗮！菠蘿好大粒，啲「水」

與友人參與星期五大型晚宴的司儀準備會議後，到太子取點物資再一起晚飯。可能會議時太投入，完會後真的餓透。友人提起吃雞煲，我二話不說就建議到亞南雞煲，因為之前吃過一次蟹雞煲，覺得很不錯呢！看看餐牌，原來除蟹雞煲外，還有很多其他選擇。友人並不是愛蟹之人，較喜歡吃肉，最後我們點了牛雜雞煲。與雞煲款式一樣，亞南的飲品亦是選擇繁多，除一般的汽水和飲料、竹蔗水等清熱生津飲料，還有特飲。友人點了啤酒，驚喜發現服務生奉上不銹鋼杯，而且是從冰箱拿出來的，安排真的非常貼心，我們都忍不住直接向服務生表示欣賞。我們亦點了皮蛋尖椒和蝦膠油炸鬼兩客小食，兩客小食都很不錯，而且點第二客半價的優惠亦頗化算。蝦膠油炸鬼很脆，有如在台灣吃到的“老油條”的口味，但兩個人要吃完整碟就有點膩了。雞煲一上枱香氣四溢，這裏的雞煲比較乾身，配上紅椒、洋蔥和芫茜，顏色和賣相亦相當不俗，而且入味程度。牛雜和雞這個配撘可謂新鮮，雞件肉厚嫩滑，牛雜味道香濃，洋蔥切成中幼圈狀，可保持爽口而同時吸收到汁的味道，兩個人吃半只雞的雞煲份量剛剛好。這是在市區難得找到環境舒適、食物質素佳而有價錢合理的餐廳。

星期五放工, 同事話去旺角太子食雞煲, 我其實麻麻, 不過唔想掃佢興.8点鐘去到, 剛坐滿, 要等40分鐘. 門口放左好多老板同電視人影嘅相, 有D識樣唔識名.坐低後, 先來半隻鮮雞煲 ($198). 煲內有幾種香料, 有八角, 有一粒粒看似大型胡椒粒的物體(未見過), 仲有D類似切片北芪. 雞本身不大隻, 肉不夠厚同唔覺好多肉, 但肉質新鮮及有雞味. 整個煲的味道來說算不錯, 有点麻辣, 幾惹味. 食完冇口渴, 即冇落味精.食完隻雞, 店員倒湯入煲. 再叫了桶蠔($148), 鲩魚($40), 肥牛($98), 金菇($29), 油墨菜($29).桶蠔一碟有5隻, $148 碟好似唔平, 但D蠔有半隻手板咁大同幾新鮮, 熟左之後都只係縮左少少水, 算幾好. 之前在北角小肥X試過廣島蠔, 縮到得番20%大, 一世難忘.鲩魚片外表晶瑩, 雖是普通鲩魚, 但煑熟後入口肉質也有点彈性, 證明夠晒新鮮, 加上近邊位有些皮下脂肪, 有油脂香味, 感覺未食過咁正嘅鲩魚. 如果可以俾多兩三片就更好.肥牛唔算好肥, 有些少厚度, 睇落唔錯. 肉有鮮牛肉味, 冇加工, 入口有少許 "un", 但算OK唔

友人離港重回崗位，又是獨處亂吃之時。小人心心不忿，胡亂再試雞煲。在太子附近，找到一間店子一試，竟是出奇蛋般有驚喜！牛什雞煲惹味濃郁，由頭至尾味道如一，牛什很難做到既爽且腍的效果，這個雞煲做到。雞肉滑滑的，不是太油，汁的烯杰及調味恰到好處，淨吃或佐飯都不錯，好得很。待友人下次回來，小人可以回敬！

凍冰冰令人心思思想打邊爐，於是朋友介紹黎左呢間亞南雞煲刺激一下啦！ 餐廳門口好多明星合照，等左一陣就有位，不過係坐正門口位，坐左一陣職員示意裡面有位，都幾好招呼呀！ 叫左個牛雜雞煲，雞可以選擇冰鮮雞或新鮮雞，我們選擇了冰鮮雞。這是半隻雞既分量，好足料呀，好似食極都有咁，牛雜都係好多件，都幾滑可能係簡左小辣既關係吧，味道未算好辣，加左湯之後，辣感更小，不過整體都幾野味。另外叫左平時打邊爐既熱門食物：響鈴、唐生菜、水餃、午餐肉，食哂呢d真係好飽！有一個餸係油炸鬼包住墨魚丸，幾好味！但最好加水之前放落煲，因為太淋會無咁好口感。 不能不提，凍檸檬茶好大杯！飲得好爽！一邊食辣一邊飲住佢，感覺可以消除部分熱氣

在太子警署後邊，有兩條街。行人並不多，但神奇的是竟然有很多不同的食肆。有麵館、泰國菜館、茶餐廳... 還有這次吃的雞煲。這家雞煲的店外店內貼滿了老闆跟不同演員歌手的照片，看似很受他們歡迎。店內座位不算很多，大約二十個位左右。老闆侍應服務還算不錯。雞煲有不同程度的辣度和麻度可以選擇，火鍋配料亦不少。可能今次選的麻辣度點太低，味道並不麻不辣味道還算可以，但雞件不夠滑，有點失望。當吃完了雞後，加湯作火鍋，味道便很淡了...其他火鍋配料還不錯，只是份量有點少 (哭)飲品除了啤酒汽水外，還有特色飲品。幾款不同的特色飲品是特大裝...甚麼是特大裝？就是大大杯的啤酒杯那麼大 這裡吃飯，若果是想邊吃邊聊天，便要留意一下，因為有時限的哦~

今日食完好失望! 本來食開小辣雞煲....今日小辣都好辣! 同佢講話好辣喎今日, 諗住比d意見! 佢話辣可以落d湯又或者下次叫小小辣! 我話你係咪應該同廚房講下呢? 佢話不嬲小辣都係咁! 我食過超過30次, 我點會唔知小辣我食唔到呢? 態度非常之差! 差! 差!雞煲辣到咩味都冇, 食完加左湯打邊爐就當然係冇咁辣. 但就冇哂味! 但直得一提既佢既真打烏冬, 真係好好食, 日本靚烏冬, 同出面烏冬不同之處就係幼d. 溫馨提示9:30pm 後雞煲半價

同朋友一齊食雞煲, 於是就BOOK 左太子花園街一既阿南阿南雞煲係一間細店,入面坐到大慨30人,通常每一張枱2 至4人最適合朋友小聚,環境都算OK食物方面有雞煲,四川小食類,同咪雞煲之後既打邊爐料我地叫左個尖椒皮蛋,有少少辣,皮蛋都算新鮮,輕微流心,不錯,但若果用四川皮蛋更佳雞煲係多湯底嗰類,雞肉算幾多,湯底偏濃,充滿住洋葱同辣椒,十分惹味但雞煲後既打邊爐料就冇乜特別,一般貨式總括黎講食下雞煲同四川小食都係一個不錯既選擇黎