亞南雞煲

營業中

休息中

🔸麻辣亞南雞煲（半隻）呢間雞煲有6種辣度同4種麻度揀。食咗咁多次，覺得中辣大麻最過癮。雞煲嘅味道好有層次感，因為落咗好多香料，有花椒、八角、豆蔻、甘草等等，仲有芫茜、芹菜同洋蔥。味道比之前推介過嘅米走雞豐富好多啦，不過米走雞嘅酒香甜味就比較突出啦。🔸手切極品肥牛（大）賣相好好喎😂 牛肉有一定厚度，食落牛味濃郁，牛肉又唔鞋口。🔸冬菇釀雙式滑蝦滑同墨魚滑釀咗喺冬菇裡面，味道幾夾喎又😂🔸蒿荀片食雞煲或者邊煲必食呀，我鍾意食爽口啲，所以唔洗煮太耐。🔸凍豆腐比米走雞遜色少少啦，雖然都吸滿咗湯，但味道冇米走雞咁正🥲🔸鯇魚腩🐟魚肉厚切，咬落爽口鮮甜！🔸亞南四寶丸四寶丸有花枝丸、貢丸、牛丸同蟹籽粉包。牛丸最好食，其他丸就好普通啦🥲🔸三寶餃子🥟三寶有鳳城水餃、魚皮餃同韭菜餃。韭菜餃好香，其他餃好普通🥲🔸刀削麵最後先落，麵條差唔多熟嗰時啲湯已經煮到好黏稠，掛咗喺麵條上面，好似台灣嘅拌麵😂😂 麻辣味都好出色

年初二都開既雞煲 附近都冇咩地方開仲可以借爐🥳免費送魚皮同菜好抵食！雞煲小辣再加牛同其他配料配料新鮮好味雞就好多肉而且價錢完全唔貴好抵食！最好食係牛同墨魚滑🤩🤩

又到左 happy Friday, 約朋友仔一齊聚下，搵左去食雞煲…好彩有 book 到位…入到去有位坐，唔係就等排隊。我哋叫左好多款野食，有花甲鮮雞煲，麻辣豬耳，椒鹽鴨舌，麻辣鴨舌伴雲耳，脆果蒜香鮮魷，脆皮牛坑腩，手切極品肥牛，油炸鬼釀墨魚滑，凍豆腐，蘿蔔片，炸響玲，生根，酥炸原裝桶蠔，野生竹笙，蝦多士，冰鎮墨魚鬚，花甲，麒麟啤酒，藍妹啤酒～叫左好多好多野野～我就比較特別鍾意食冰鎮墨魚鬚，配合 豉油…非常爽口彈牙

收工同同事食宵夜，因為無食晚餐，所以去到食肆已經非常肚餓，侍應哥哥提議我地食海鮮+半隻雞，就咁話啦。前菜叫左個尖椒皮蛋同冰鎮八爪魚，皮蛋麻麻辣辣好正，八爪魚處理得好好，夠晒爽，唔係冧同梅雞煲非常足料，鮑魚，蝦，蜆，樣樣齊，哥哥仔提失地先食海鮮，剛剛好熟唔好韌。我最鍾意個雞煲嘅汁，有少少甜甜地，同事話食到南乳味，我只係覺得好好味🤣，雞唔會煮得過老，加埋個汁真係無得頂除左食物，食肆嘅侍應同老闆會成日同客吹水，攞下客人嘅意見，又會理性傾下社會現況，唔會偏頗任何一面，好有人情世故

今天和舊同學慶祝生日，壽星公喜歡食雞煲，其中一個同學之前試過這間《亞南雞煲》，所以今天就選了來這裡，我和兩個同學準時到了，還有三個未到，就先叫了幾個小食來食下先。首先是椒鹽墨魚咀，這個一般炸粉太多，再來是尖椒皮蛋，這個汁和皮蛋夾得很好，味道不錯！然後是油炸鬼墨魚滑，這個味道可以很脆。差不多食完小食同學到齊，由於有人不吃得太辣，我們就點了一個麻辣雞煲小辣，這𥚃的雞煲有新鮮雞和冰鮮雞選，十分鐘左右雞煲到了，我們點了冰鮮雞，香辣味道也很好，很快我們已把雞煲清了，就再加了一點火鍋配料再吃，火鍋配對和平常食的差不多，但價錢不算平，寫是入坐2小時，但我們坐了2個半小時也沒有趕我們走。

同事介紹食雞煲天氣凍吃雞煲這間雞煲優惠進行中，1730-1930時段送雞！！果然是早起的鳥兒有蟲吃是晚點了：無辣的鮮雞煲加超多小食和邊爐食品，實在大快朵頤滋味無窮雞煲夠大，四個人吃很滿足味道一流！！！讚！！！小食也是很好味，另外牛肉豚肉實在是必食，肉質鮮嫩，回味無窮其他食品也是大件新鮮，物有所值大大杯飲品選擇多，都是必飲的。有圖有真相！ 太好味！一定會再來！

由於今日在網上見到食評介紹秋天最適合食雞煲 ，所以今晚宵夜就決定食雞煲。不過朋友差不多10點才放工因此要在太子區穎一間有宵夜時間的雞煲，最後決定食依間。這間雞煲最吸引我的是宵夜全單八折，而且服務不錯非常親切。

表哥推介我地一行7人去試下呢間坐落太子的亞南雞煲。雞煲分冰鮮雞或新鮮雞，顧客可選一隻或半隻雞。本身我們點了鮑魚雞煲新鮮雞半隻微辣走麻及川貝花膠海底椰新鮮雞半隻，由於我們共7人老闆建議我們至少叫一隻半雞才足夠享用。海底椰煲滾時很香，食落清甜，建議先吃較清淡的海底椰雞煲再吃味道較濃烈的鮑魚雞煲。我們另外點了尖椒皮蛋、皇牌脆炸牛坑腩、麻辣鴨舌拌雲耳。手切極品肥牛（好正）、手打墨魚膠、午餐肉（正）、炸魚皮、炸響鈴及唐生菜等等。由於湯底太正，還點了白飯去送飯，飲品都比較大杯。

去到太子搵野食 見到呢間雞煲有好多唔同嘅材料 即刻9衝去試下 不過排左一陣隊 但係個老細好好呀 同我地講送個小食比我地👍🏻👍🏻👍🏻👍🏻 我地揀左花膠鮮雞煲👍🏻佢啲花膠嘅份量都算多架 同埋size都好大隻架！而啲雞都好好味 我地叫左小辣 好惹味！啲雞真係好鮮 又已經炒到好香口 而個麻辣好香 個雞煲係食到停唔到口的 👍🏻👍🏻配料方面 叫左炸支竹 山根 響鈴 芋絲 午餐肉同蔬菜 除左個芋絲質感好奇怪之外 其他食物都正正常常揀左呢個小食 墨魚滑油炸鬼 新鮮即炸 好味👍🏻呢杯係超大杯凍檸茶 啱晒打邊爐一路食一路飲

我先說明，我吾係賣廣告，我平均一個月幫親佢一次。佢最近嘅拒廣真係好抵食，7點半前埋單離座，免雞煲錢，如果食其他特色雞煲，都只係補差價但我昨天訂左7點半，去到才知道，下次試下。但我今次食啲肥牛太肥，吾係雪花肥牛，雞煲保持水準，好味道。每滿4百，減$50，但要上佢 Facebook

今晚真系好凍，係太子上完堂已經八點半，真係有d飢寒交迫既感覺。同學仔即刻話不如去打邊爐咯，梗係好啦。行左兩間都有人排隊，望到隔離既亞南雞煲唔使排隊，就喇喇聲行入去。一坐低即刻點做個花膠鮮雞煲， 好快就上左菜， 但要再煮一陣加熱， 搞一搞先食得， 過左5分鐘全部加人曬，就聞到微微的辣味，香噴噴， 急不及待開食， 咁凍既天氣食熱辣辣既雞煲，一個字－－正， 肉質唔鞋， 辣味好出， 而花膠一d都不欺場，好大塊， 膠質都幾足， 好chi牙。食完個雞煲已經半飽， 之後加湯開始打邊爐，所以只叫左一份手切肥牛，凍豆腐，烏冬，同埋送左一份皇帝菜（唔記得影像）。手切肥牛肉質唔韌，好香牛味， 凍豆腐要煮耐d, 吸曬d湯底，好好味。仲有皇帝菜都好新鮮，打邊爐必叫。而烏冬麵質就普通。 凍冰冰既夜晚打住邊爐傾計，好開心。

來到太子食雞煲，好多人的小店，雞煲款式看似不少，應該是同一雞煲加上 鮑魚/花膠/花甲 就變成另一個項目 😆 雞可選鮮雞/普通雞 價錢差大概八 九十蚊~ 一場來到就點鮮雞吧~ 雞煲香辣，有點麻， 要形容它為好特別想再食~又不算， 是正常好味嘅，鮮雞肥美，肉嫩 😄 另點了椒鹽鴨舌~ 都是很香脆的😚結帳的時候， 因為優惠事宜，老闆的處理手法令人很難忘👍👍 果斷而出人意表，感覺很窩心 😄 內容不便多說， 以免有人白撞 😆 沒錯，我們會再返去食的 😉飢Point : 7/10#hungermarch #飢詩 #非飢詩

今晚係慶祝爸爸媽媽結婚35週年！之前同媽媽經過呢間，佢話搵日試下，但事隔半年，我就提出同佢地去食。😋😋入到去，個侍應見我地買左1袋2袋大袋野，我買左2對鞋，個鞋盒都好大個🙈我地3個人，佢就叫我地坐張6人枱，話方便我地擺野，招呼都幾好，比著第二間理得你啦😅兩老想食鮑魚雞煲，叫左半隻，我就寫埋其餘啲邊爐散叫。鮑魚雞煲半隻，雞件大件，鮑魚有2隻，我唔係幾好鮑魚同埋又得2隻所以無試，雞煲叫左少辣，唔太辣但味道都幾惹味。牛肉拼盤：有牛肉、牛丸、牛肉粒同牛腩最好食係牛丸，好重牛味，同埋好似食到牛油味咁牛肉望落幾靚，不過食落無咩味牛肉粒好Un牛腩口感幾好，不過都係無咩牛味海鮮拼盤：桶蠔、大花蜆、深海龍躉魚片、桂花蚌、鮑魚桶蠔好鮮味亦都好大隻大花蜆都好鮮味魚片我無食，爸爸媽媽話好好食桂花蚌好爽口好滑鮑魚我都無食，佢地話鮮甜兩個拼盤會各送一個蔬菜，任選。佢地揀左菜拼同瓜拼。蔬菜無咩特別，十下十下十到佢焾曬入晒雞煲味就好食！魚皮比一般餐廳厚身，不過佢都係好脆唔硬，而且味道整得幾好，好香墨魚滑都可以，有粒粒墨魚肉埋單$1023。整體黎講，食物可以，價錢偏貴。

同朋友做冬去試食亞南雞煲，叫左鮑魚鮮雞煲, 食完再打邊爐。鮑魚幾彈牙, 但雞好多骨, 雞肉不多。之後叫左肥牛, 墨丸及水餃打邊爐，個湯底係雞煲底再加湯, 非常淡味 , 三樣食物得墨丸好食, 食物質素一般, 座位好窄, 但服務態度好好。總體而言, 試過就算, 不會encore

朋友推介話ok 即管試下 一睇餐牌比食開雞煲價錢貴一半 反正黎左都試下，雞煲味道略淡，叫左其他野食打邊爐咁食，份量極小 ！但牛肉不錯！飲品$30 杯吾好飲，吾抵飲，無下次！