影片
港鐵太子站 B2 出口, 步行約3分鐘
繼續閱讀
電話號碼
23926100
開飯介紹
本店主要提供雞煲 (大中小辣) , 火煱 , 打邊爐, 特色小食, 脆皮牛腩 ,口水雞,麻辣豬耳,麻辣牛展,北京小黃瓜,香脆墨魚丸
繼續閱讀
營業時間
今日營業
17:30 - 02:00
星期一至日
17:30 - 02:00
以上資料只供參考, 請與餐廳確認詳情
優惠
影片
相片
日本帶子辣雞鍋（小）
+1.3K
+37
食家推介
-
脆皮牛腩
-
麻辣墨魚鬚
-
酥炸桶蠔
-
手切極品肥牛 (大)
-
尖椒皮蛋+10
相關文章
趁暑假又係聚會嘅時候，亞南雞煲位於太子的花園街，餐廳內部設計簡約而舒適，燈光柔和，適合與朋友聚餐。服務員熱情友善，給人一種親切的感覺。日本帶子雞煲(半隻雞)果然係招牌菜，十分推薦喜歡吃辣的朋友，新鮮的日本帶子，雞煲的雞肉鮮嫩多汁，帶子鮮味，濃郁麻辣的調味，讓人回味無窮。椒鹽鮮鮑魚鮑魚肉質彈牙，肉質鮮美，椒鹽的香氣恰到好處，讓人一口接一口，非常惹味，無法抵擋。蝦多士 外脆內嫩的蝦多士，蝦的鮮味搭配香脆的芝麻多士，口感十分出色，很開胃，每一口都充滿驚喜。麻辣牛𦟌 牛肉質地優良，麻辣醬汁的辛香味道深入肉中，口感豐富，辣味則適中，不會過於刺激，適合大多數人的口味，喜愛辣味的人必試。酥炸桶蠔 外皮酥脆，炸得非常脆，裡面保留了桶蠔的鮮甜，汁依然保持到，加埋特製醬汁，令人驚喜。安格斯牛小排(大) 同枱花膠湯濃雞煲配安格斯牛小排，優質牛小排的肉質極為細膩，完美牛脂，脂肪適中，肉汁四溢，跟蔬菜吃非常平衡。雜果冰雜果冰清爽可口，水果新鮮，完美解膩。整體來說，亞南雞煲的食物質量上乘，價格合理，質素絕對值得。
繼續閱讀
同朋友去搵食，今晚就去了在太子花園街嘅亞南雞煲，這裡最出名就係食佢地嘅鮮雞煲，而選擇款式超多，朋友一食就食得出新鮮雞同冰鮮雞嘅分別，朋友之前預訂了這個超正嘅蟲草花野生竹笙花膠湯濃雞煲，並升級新鮮雞一隻，一鍋匠心熬製的濃湯，融合蟲草花的甘香、野生竹笙的爽滑、花膠的膠質豐盈，再加上嫩滑雞件，入口鮮香濃郁，層次分明。湯底以鮮雞慢火熬煮數小時，精華盡出，每一口都是滋養，湯味更濃除了雞煲，小食亦十分出色，皇牌脆炸牛坑腩，外脆內嫩，牛味濃郁，是店家招牌之選椒鹽鮮鮑魚，外酥內嫩，鮮味十足，椒鹽香氣撲鼻，肉質十分煙靭爽口酥炸桶蠔，炸得外皮酥脆，咬開蠔肉飽滿，蠔味濃郁蝦多士，港式經典小食，蝦膠鋪在香脆多士上，口感層次豐富，蝦膠入口爽口彈牙埋火鍋配料，點了精選安格斯牛小排，放在濃湯雞煲內，其肉質細嫩，油花均勻，真係牛味十足而頂級牛根丸，手工製作，彈牙爆汁，同樣牛味濃厚而個鮮蝦雲吞內滿滿蝦肉，皮薄餡靚，入口蝦肉爽口，鮮香四溢另外魚滑與蝦滑雙拼，口感滑嫩，十分彈牙，絕對係火鍋必食之選加上杯冰凍檸檬茶，清爽解膩，完美搭配今晚嘅菜式
繼續閱讀
講起食雞煲都分了有好幾級別，其一係價錢差別等如係食材質素，其二係配搭方面都好重要，加埋出色醬汁烹調先至可以食到美味雞煲，今次都唔例外又去品嚐至愛雞煲店舖位置係花園街亞南雞煲，睇個名就知道係專食雞煲嘅專門店，係餐單上面已有十多個款口味選擇，必定有一款啱心水，我哋叫了呢款日本帶子雞煲(細煲）$318除了招牌美食，仲有多款餐前小食提供，點了兩款食住先，第一款麻辣墨魚鬚$65，入口已感受麻香味幾刺激，墨魚酥肉質爽滑口感十足襯埋天地一號蘋果醋解解辣味又繼續食至於第二款酥炸桶蠔（每隻$48），最小要order兩隻起先至有有食，一人最小都食到兩隻，尤其我呢D蠔痴啱晒胃口，而且份量都有咁上下大件金黃鬆脆嘅炸漿包住肥美飽滿桶蠔，咬一啖已食到爆汁嘅蠔肉鮮甜十足，真係首選必點小食，一邊食一邊等終於輪到主菜雞煲始滚起已經聞到醬汁散發出濃郁香味係時候慢慢品嚐一下當然吸精地方之一，有剌身級嘅日本帶子，連埋花甲提升整個煲味道，帶子肉質爽彈囗感一流再食件雞肉掛滿晒汁食落更惹味花甲肉一樣咁出鮮，連埋其他配料一齊食會更滋味更濃，不知不覺地咁享受一餐豐盛滋味雞煲。
繼續閱讀
又到放假食好西系列！呢晚同朋友去食雞煲大滾特滾開心一晚。我哋呢晚再去太子嘅亞南雞煲開餐！貪佢呢度夠熱鬧嘢食又唔錯。鬼死咁熱整杯鮮製菠蘿冰飲吓先！大大杯汽水入面全部都係新鮮嘅菠蘿粒，飲住佢食雞煲真係襯到絕。餐前小食尖椒皮蛋鍾意就一定愛C佢！味道香香辣辣咁真係好有個性。麻辣墨魚鬚都好好味切片嘅墨魚酥食落去好有咬口，用咗麻辣醬撈食落有魔性嘅味道。蝦多士嚟到嘅時候香噴噴好鬼吸引！食落去好乾爽一啲都唔油加埋彈牙嘅蝦膠真係好鮮味，呢個時候真係要飲番杯啤酒先得。香口嘢仲有呢個油炸鬼釀墨魚滑！我就鍾意放落湯吸晒味食得特別過癮。椒鹽鮮鮑魚都係呢度嘅招牌菜！炸漿好薄身鮑魚夠新鮮，咁樣既整法食落特別惹味。仲有我最鍾意食嘅王牌脆炸牛坑腩，香口牛坑腩食落鬆化肉味香濃正呀喂。酥炸桶蠔都好夠件頭！炸蠔咬落去外面卜卜脆入面新鮮軟綿，鍾意蠔嘅朋友食得好鬼開心囉。呢個時候我哋叫嘅兩個雞煲都上枱喇！先嘆冬瓜花膠瑤柱花甲雞煲！大大煲入面有新鮮雞、花甲同埋養顏嘅花膠，大家都唔客氣先飲碗香甜靚湯，然後食埋新鮮彈牙嘅靚鮮雞再慢慢打邊爐。跟住仲有一個花膠雞煲！大家好好叫咗小辣嚟就我，包滿香辣醬嘅雞食落去雖然真係有啲辣不過就好鬼惹味，呢個啱晒鍾意食辣嘅老婆大人。食完雞煲之後我哋就繼續打邊爐！先嚟碟安格斯牛小排嘆吓，牛小排雪花靚到不得了睇見都流口水，食落肉質香滑牛味香濃質素好唔錯。我梗係會照顧唔食牛嘅老婆大人啦！所以叫咗呢個極品黑豚肉過去嘆，呢個豚肉比平時出面食嗰啲厚切少少，灼熟咗之後咬口比較豐富肉味仲好香濃唔錯喎。呢度嘅野生竹笙係必食嘅火鍋配料！大大條又爽又滑吸晒啲雞湯味真係好鬼正斗。然後我哋仲嗌咗蝦滑拼墨魚滑、蘿蔔片同埋鳳城水餃，食完之後真係飽到上心口勁飽呀。
繼續閱讀
一個晚上，與多位友人再次來到這間位於太子花園街的中菜館，打邊爐，食雞煲，一樂也。先來點店家的招牌小吃：「尖椒皮蛋」、「麻辣墨魚鬚」、「皇牌脆炸牛坑腩」、「蝦多士」、「酥炸桶蠔」和「椒鹽鮮鮑魚」。「尖椒皮蛋」跟「麻辣墨魚鬚」一微辣，一小辣，辣得來不會太刺激，又能增進食欲，都是不錯的前菜小食。「皇牌脆炸牛坑腩」不愧是皇牌出品，外脆內軟，味道也好，正！「蝦多士」夠大件，「酥炸桶蠔」又夠大隻，香口美味，送酒一流。「椒鹽鮮鮑魚」雖然難免沒有西貢名店「六福」的出品那麼出色，可也有「六福」出品的八成水準，而價錢就便宜了一截，我覺得相當抵食。吃過小食，「花膠雞煲」和「冬瓜花膠瑤柱花甲雞煲」（大）分別送上。「花膠雞煲」要了小辣，辣度適中，十分入味，也十分開胃，而且雞件也多，加上軟滑的花膠，就更加好了。「冬瓜花膠瑤柱花甲雞煲」既有花甲，又有花膠，還有大量冬瓜和瑤柱，更用上了鮮雞，湯味很是清甜，讓我不禁一再添喝。值得一提的是因為用上了新鮮雞，所以整副新鮮雞雜，好像雞腎、雞膶、雞心等都藏在這雞煲裡面，讓我們就像尋寶一樣，把想吃的雞雜撈上享用，也不失為一種樂趣。食火鍋，當然少不得肥牛。這晚我們點了「安格斯牛小排」（大），另外還有「極品黑豚肉」（大）。兩者中，「極品黑豚肉」肉質挺好，不過兩者相比，就還是「安格斯牛小排」肉質更好，吃來也更美味。除了牛肉和豬肉，這晚我們還有「野生竹笙皇」、「鳳城水餃」、「手打雙拼滑」和「雜菜籃」等，這麼豐富的火鍋雞煲晚餐，讓我們一眾友人吃得飽飽的，才各自歸家，大滿足。
繼續閱讀