五匠六釜

營業中

休息中

【啟德五匠六釜｜一應俱全】啟德Airside6樓，晚上都幾多人等位，要預鬆少少時間。餐廳價錢親民大眾化，同店名一樣，五匠六釜一應俱全，餸菜多樣化。天黑前安排到窗口位仲可以飽覽啟德一帶開揚風景。^口水雞麻辣口水醬汁超得！雞件肉夠滑，中間嘅青瓜絲混合口水雞醬一齊食，集合麻辣香又有青爽，感覺一試難忘！.^乾煸四季豆炒得乾身唔太油，四季豆保持粒粒爽脆。.^酸菜魚份量夠大，鍋底有薯粉，酸酸辣辣，味道惹味。.餐廳

我地點左孜然羊肉同酸辣湯麵 ，還有北京填鴨加另外上填鴨殼少茄子。北京填鴨係平既，不過味道普通，皮少肉多令咬口一般，而且油香味因此缺乏。如果為左個鴨來就不太值得，但其餘辣味餸菜都幾夠香味既。孜然羊肉用大量大蔥辣椒炒，香味夠也是野味偏鹹既餸，食完會想食甜品。酸辣湯麵，麵質是上海圓麵（我一般，因為淋身）），夠料份量大，夠飽，夠分2至3人。整理都合理，約朋友食都坐得舒服，服務都很好，有壺茶自己慢斟，對於食重口味野係相當好，用餐時間90分鐘。埋單加一，要俾茶錢。

試食晒airside所有餐廳系列，位於6樓人頭湧湧，一於試吓北京填鴨(半隻) $168跟一份摩摩皮約20塊呢個價錢可以食到片皮鴨的確吸引，超過20片鴨肉連皮，冇淨係食皮咁單調，配葱及青瓜，仲有20塊摩摩皮，CP食好高！一塊皮，一件鴨，夾啲葱，真係一啖接一啖！黃金芥蘭 $88見到個名就俾佢吸引咗，估唔到芥蘭都可以同鹹蛋黃嚟個Crossover，一嚟到真係金光閃閃㗎，芥蘭莖完完全全俾鹹蛋黃包裹住，完全唔覺得自己食緊菜，但亦都唔會覺得好膩，好食西米椰汁流心球 $8/件 (4件起) 有幾款甜品都係可以自行決定數量，不過四件起，感覺有幾抵玩，如果多人可以試多幾款外表炸得好脆，入面係真係有留心西米椰汁，好得意，幾推薦試吓呢個小食百香鮮檸茶 $28檸檬益力多 $28嘢飲大約有四款選擇，呢個價錢份量勁足料，係勁大杯，好似日本居酒屋嗰種啤酒杯size，大滿足見到佢都有啲川菜菜式，例如水煮魚、水煮牛，下次一定要嚟試吓！

屋企人生日搵間新餐廳試試，見呢間長期排隊應該唔錯。職員話晚上5點半後/8點半前要拎飛等位，所以早少少去攞飛，大概等左20分鐘入座。餐廳既食物份量夠哂大碟，一家人食岩哂。味道方面，就覺得中規中矩，未到好驚艷，不過有杯茶歎下，都係家人聚會嘅好地方。四川擔擔麵，螞蟻上樹，四川茲粑都唔錯。雞絲粉皮$68農家小炒肉 $86糖醋里脊 $88脆炸鮮奶 $32

每次去airside都見到呢間食肆大排長龍，令到我有興趣試吓呢間嘢究竟係咩何方神聖，今日終於有機會。星期日夜晚大概等咗位20分鐘左右，坐得有啲迫，但整體服務同埋衛生程度可以接受。我哋兩個人叫咗四道菜，包括麻辣豬耳、京燒羊肉、椒鹽小黃魚同埋上湯娃娃菜。坦白講我哋兩個人都低估咗啲菜嘅份量，每道菜都好足料同份量好夠。個麻辣豬耳味道一流，又唔算好辣。個京燒羊肉味道幾特別，又無乜臊味，不過兩個人食會有啲吃力。至於個上湯娃娃菜就非常鮮甜，值得讚賞。而最後個椒鹽小黃魚就平平無奇，中規中矩。兩個人最後食咗$430 ，呢間餐廳值得推薦。

🦖airside 簡約抵食東北菜✨啟德Airside既一間東北菜餐廳～裝修行簡約風，主打舒適空間感為主，有落地大玻璃，環境開揚～最重要既係，所有菜式全部大大份，熱辣辣✨農家小炒肉 （＄86）辣椒香口，小菜都好大碟豬腩肉大塊夠嫩滑～微辣但唔會太油膩！✨肉三鮮餃子（$50）餡料包括豬肉、韭菜同蝦仁～每隻餃子都有一隻蝦仁，咬落仲有juicy肉汁，內餡飽滿！可以選蒸、煎或湯餃✨手拍青瓜（$48）開胃既涼拌小食～就算唔食辣都可以點呢款青瓜，酸酸地重蒜味，青瓜爽口！✨清炒萵荀（$78）萵荀厚切，爽脆清甜，食完覺得好清新～✨西米椰汁流心球（＄8/隻）甜品炸糯米球，內餡係椰汁西米露外面香脆裡面軟糯，幾特別～

五匠六釜九龍城啟德協調道2號AIRSIDE 6樓L602號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：口水雞 (3辣) $78，家常餅 $38，四川茲粑 (五件) $30口水雞：呈現鮮亮紅色的雞件，浸在香辣的醬汁中，以翠綠色的青瓜絲墊底，很食得辣的我也感到味道十足麻辣過癮，酱汁的香氣與辣味交融在一起，雞肉鮮嫩多汁，讓人一口接一口，欲罷不能！😄😄😄家常餅：餅皮金黃酥脆，有微微的焦痕，帶有誘人的香氣，味道香濃可口，外層酥脆，內部柔軟，帶有淡淡的鹹香，配口水雞一流！👍👍👍四川茲粑：茲粑呈圓條形，表面金黃微焦，略微鼓起，外皮有些油亮，味道香甜可口，沾上紅糖汁後更添香甜，是一道非常地道的四川甜品！😍😍😍

超失望的一次體驗！星期三晚上人山人海，等咗45分鐘入黎，叫咗個雲吞雞同酸菜肥腸，個雲吞雞食完都未上肥腸，催咗幾次，最後食咗45分鐘，食完個雲吞雞，肥腸都未上到，最後取消咗個肥腸！！！！！餐廳店員一啲都無覺得抱歉，淨係話可以幫我取消，我前後用咗個半鐘淨係食咗個雲吞雞，食到一肚氣。仲要食完個雲吞雞就滾手淥腳收哂我啲野，連我個碟都收埋，厲害了。。。。。。。勁嬲，嘥我時間，無下次，唔會再黎食。。。。。。。

啟德呢間中式餐廳去到晚市非常多人排隊，如果想食真係要早啲去拎飛。呢間餐廳比我嘅感覺係價錢實惠，但菜式選擇非常豐富，小菜很吸引我，好適合朋友或家庭聚會。✅ 砂窩雲吞雞煲(半隻)雲吞係純豬肉雲吞，有半隻雞，湯底飲落感覺好舒服，$158有這個份量同質素已經有誠意✅ 家常餅質地煙軔，呢個質地會令人想一食再食，而且帶少少蔥油香，而唔係淡然無味✅ 黃金南瓜南瓜沾粉酥炸後放入鹹蛋黃兜炒至金沙質感，有鹹蛋黃就係夠惹味！

食物係正常味，唔算特別好味。成間野環境服務都係想你「入去、放低錢，快d走」。四大兩小六人枱，同隔離枱勁貼，坐底洗碗未洗完就收走個污水碗。叫左魚皮，擔擔麵，粉皮，蛋白魚，片皮鴨，炒飯，娃娃菜（按上菜順序）上到魚就張枱就唔夠位，因為張枱係大家樂快餐枱，但d碟就係中菜蒸魚碟。叫左一隻鴨，但上兩碟半隻，又係兩隻蒸魚碟，共三隻。擺明係工廠式倒模生產，全部半隻上。碟面油就正常，碟底都油你見過未，長枱來回換菜好平常，一攞起就成枱油。食野其間其他枱埋單，d客未離坐就推個收碟車不停當住面咁收。你以為收枱先係咁，唔係，㗎收碟車係不停全場來回走。茶記都唔會咁推㗎車來回不停行啦？我地食到一半，仲有半枱未食完我停左手無食，個侍應正常咁收走食完的上菜碟，然後指住我個碗問：「食完我幫你收走個碗碟？」，咩事呀？澳牛咁趕都等你食完先收走啦？你後廚無碗用到要問個客攞碗用？總結：如題，唔值得試。

今日lunch又係Airside 附近搵食，見到呢間lunch超平而且今日咁啱唔使等位就行咗入去，呢間餐廳平時每日都好多人，最少等十幾張枱先入到。入到去發現每個lunch set都只係60幾蚊左右，而且仲係中菜包飯，估唔到上菜勁大碟，味道亦十分之好，另外加$18有杯超大嘅特飲，有檸檬茶或者益力多，勁大杯超滿足。對於呢間餐廳嘅食品非常之有驚喜，估唔到lunch都可以整得咁好食。呢間我一定會推介俾朋友同事食，性價比超高。

啟德Airside呢間中菜好多人排隊，除咗有片皮鴨都有其他東北菜食，大份性價比都幾高。👍🏻可以同屋企人聚餐食😛🔸四川擔擔麵(HK$52)湯底都幾濃郁花生味，有好多花生水同肉碎，面軟硬適中都幾掛汁，同埋都有少少辣味🔸肉三鮮(HK$60)可以揀蒸餃或者煎餃，煎嘅就更加香口，呢一款有齊豬肉蝦仁同韭菜，都幾足料🥟🔸糖醋里脊(HK$88)味道甜甜酸酸，都幾大碟☺️🔸地三鮮(HK$78)蔬菜就嗌咗呢款有齊茄子薯仔同青椒，調味都幾送飯

今日同屋企人出嚟食嘢，佢突然想食四川菜，就到呢一間試吓，嚟到呢一間，環境好舒適，而且選擇都多，而我哋就叫咗以下食物⭐️四川擔擔麵呢個簡直係一個頂級嘅擔擔麵，配料多，而麵條除咗彈牙之外，味道都好濃郁，滿分推介⭐️秘製牛肉麵牛味濃，而且牛嘅部位都非常多，有牛筋牛腩等，完整地鋪滿咗成個面，抵食之選⭐️肉三鮮餃呢款分別有韭菜、豬肉同蝦仁餃子，每款2粒，餃子都好鮮甜多汁，咬落去非常Juicy，值得一試⭐️四川糍粑煙煙韌韌，口感一流，廚師手工了得⭐️糖醋魚片酸酸甜甜，味道調整到恰到好處，令人有種開胃嘅感覺，魚片都好新鮮，食落好爽口

自從啟德airside開左之後，返工食lunch多左好多好多餐廳選擇，但如果要講夠經濟實惠就一定係呢間。 餐廳座位寬敞，有落地大玻璃，景色唔錯。午飯時間都幾多人等位。佢既午市客飯選擇好多，蒸既炒既都有，而且份量十足，餸同飯分開上，一班同事叫幾個餸share黎食都得。臘腸蒸肉餅：味道鹹淡啱啱好，臘腸係半條，個人覺得岩岩好，成個肉餅食完都唔會太鹹。肉質就唔算太彈牙，比較腍。秘製杭州骨：個醬汁係酸酸甜甜，非常開胃，配埋洋蔥，食得多都唔會覺得好漏。排骨份量十足，啖啖肉。

啟德Airside 新開幕了一段時間，多左好多新餐廳。見到好多人介紹呢間五匠六釜，有抵食片皮鴨同好多中菜選擇，專登過黎試下。因為得兩個人用餐，叫唔到太多野食，最後揀左擔擔麵，肉三鮮同片皮鴨半隻 。四川擔擔麵$52 🌶️麵上鋪滿花生碎同肉粒，湯底十分濃稠，花生味香濃，好似食緊麻醬撈麵一樣。四川風味的湯底帶一些麻辣，十分特別，令人一食上癮。麵的份量很多，十分抵食👍🏻肉三鮮餃子 $50 （加$10 轉煎餃）餡料包括豬肉，韭菜同蝦仁。每隻餃子都有一隻蝦仁，內餡飽滿。專登專左煎餃，外皮香脆，咬落仲有juicy肉汁，好好食！片皮鴨 半隻 $168大份抵食，好適合多人share，味道正常西米椰汁流心球 $8/隻（4隻起叫）甜品炸糯米球，內餡是椰汁西米露。食起來香脆軟糯，十分特別🤤見到其他客人叫既食物，全部大大份，熱辣辣。熱炒同小食都相當吸引，要bookmark 下次再試！總括而言，性價比高的中式餐廳，值得一試👍🏻其他收費： 茶位$10 一位