五匠六釜

營業中

休息中

2025年7月3日 星期四今晚專登去到啟德既airside食飯，仲已經一早揀左呢間餐廳，因為見到網上面話性價比十分高，特別係片皮鴨好抵食，所以就吸引左我呢個片皮鴨愛好者餐牌有好多食物可以選擇，種類繁多，價錢又真係好貼地，半隻片皮鴨連一份大約20塊既摩摩皮都只係$168，所以我哋叫左呢樣再加少少野食應該就夠晒一點完餐等左一陣飲品就黎到，係檸檬益力多，飲落去酸酸甜甜，檸檬味清新，乳酸味唔太重，似係益力多加咗檸檬汁咁，飲完即刻解晒膩，好適合配上重口味菜式之後有黃金芥蘭，鹹蛋黃炒到似金沙咁黏住芥蘭，每啖都食到鹹香同菜嘅清甜芥蘭爽脆冇渣，鹹蛋黃唔會太鹹，反而有種奶油感，令到整道菜口感好豐富跟住到我最期待既菜式出場，北京填鴨配摩摩皮，呢道菜上枱時已經聞到陣陣香氣，鴨皮金黃酥脆，咬落去「卜」一聲，油脂唔多但香氣十足，鴨肉細嫩而且冇腥味，啖啖都係濃郁鴨香摩摩皮方面，薄身煙韌，唔會太乾或太厚，包住鴨肉、青瓜、大蔥同甜麵醬，一啖咬落去層次分明，甜、鹹、香、脆、嫩一次過爆發，真係好有滿足感！！之後有呢碗秘製牛奔麵，一上枱就見到深色濃郁嘅湯底，滲出陣陣香料味，令人未食已經期待爆棚湯底應該用咗多種香料慢火熬製，

📍五匠六釜上次去Airside食嘢，順便行咗呢個商場，發現呢一間中菜好多人排隊，高朋滿座，睇網上評價亦都不錯，就同屋企人嚟食。第一次食，小編叫咗啲簡單嘅菜式👉四川擔擔麵呢個擔擔麵好足料，一上枱就見到滿滿的花生碎和肉碎鋪喺麵上，撈勻之後每食一啖麵都食到花生碎和肉碎👍擔擔面醬汁食得出有好濃的麻醬和花生醬，仲有啲辣，會越食越辣。每食一啖麵都掛住濃濃的醬汁，會有啲飽肚，所以一開始食仲擔心會食唔晒，但不經不覺一啖又一啖咁就食晒。糖醋里脊呢度好特別嘅係用咗豬里脊，比出面坊間嘅排骨或者梅肉，呢個部位更加瘦，啱晒鍾意食瘦肉嘅小編，呢間火候控制得不錯，就算炸完之後肉質依然嫩滑，加埋糖醋汁，啱晒餸飯。紅油抄手小編好喜歡食紅油抄手，呢度嘅紅油抄手好大粒，雲吞皮薄薄咁包豬肉粒，小編略嫌紅油唔夠辣，調味可以再重手啲。黃金芥蘭食飯點都要叫一碟菜食補充下纖維，小編就揀咗黃金芥蘭，鹹蛋黃包住爽脆嘅芥蘭，濃味得來帶點蔬菜嘅清新，但小編就覺得鹹蛋黃可以再鹹啲同多啲。檸檬益力多食咗咁多重口味嘅嘢，梗係要叫返杯飲品，佢哋就有特飲，例如鴨屎香檸檬茶，但小編今次就嗌咗杯檸檬益力多，不太甜，但飲落唔似益力多，反而似普通乳酸，但勝在

係啟德睇演唱會之前我地揀左呢間五匠六釜填飽肚先總是能看到長長的隊伍不過好彩地方大人流都去得快唔係等咗好耐就入到去🩷🔸京燒羊肉剛上桌的時候羊肉既香味就撲鼻而來😍😍羊肉首先會炸過 香脆嘅脆漿包住羊肉羊肉外焦內嫩 配上特製的醬汁超級過癮！🔸螞蟻上樹粉絲吸滿了肉汁 好多肉碎粉絲份量超大份仲要第二日打包做午餐都可以好抵食呀🔸口水雞點可以唔嗌口水雞呢雞肉鮮嫩，搭配香辣的醬汁❤️上面還有花生碎青瓜等等雖然係前菜小食 但係份量都好足夠👍👍👍📍五匠六釜 (九龍城)📍香港九龍城啟德協調道2號AIRSIDE 6樓L602號舖

📍      五匠六釜🌍      香港九龍城啟德協調道2號AIRSIDE 6樓L602號舖📝整體評分： 8／１０AIRSIDE人氣最旺，價錢最相宜既食店。裝修簡約明亮，以盆栽點綴，座位寬敞，適合家庭或朋友聚會。✿  秘製牛卉麵•  牛腩和牛筋份量十足，鋪滿整碗麵，但搞到湯有點不足。牛腩燉得軟腍入味，牛筋爽滑彈牙，湯底濃郁帶牛肉香，略帶中式香料風味。麵條質感好岩我，滑溜溜且軟硬適中。 性價比極高，見評論話加底+$4，肉同麵都加量，超抵食，有理無理都加左先~ ✿  蔥爆牛肉 •  牛肉切成大塊，質地嫩滑，入口多汁，帶濃郁牛肉香。搭配洋蔥和青蔥，洋蔥爽脆，蔥段爆炒後釋放濃烈香氣，蔥香突出，醬汁鹹香適中，微甜不膩。✿ 黃金芥蘭•  芥蘭翠綠爽脆，色澤鮮艷，條條都掛滿大顆沙粒鹹蛋黃 。不過芥蘭本質既口感係偏硬小小，無咩牙力既長者就未必太食到✿  紅油炒手 •  餃子皮薄餡多，豬肉餡料鮮甜，紅油醬汁帶麻辣香，辣度適中且香而不膩，微酸微甜，令人開胃。

貴價地段嘅商場但有平民價錢嘅餐廳✨而且份量仲要係巨大化，好抵食！今次去咗呢間係6樓好多人食嘅餐廳，食完真係無後悔👍🏻🥬黃金芥蘭 $88芥蘭份量好多，每條芥蘭都沾滿蛋黃，同埋每條芥蘭都有經過處理，刨走外皮較老嘅部份，入口爽脆咸咸地，完全冇渣，調味剛好，呢個必叫！🥟紅油抄手 $46雲吞皮薄多餡，豬肉餡本身有調味，用蒜蓉粒、紅油及醋做醬汁，清淡而不油膩。🍜酸辣湯麵（1辣）$52酸辣湯配料十足，湯底多酸而少辣，啱曬鐘意酸辣湯嘅朋友。而啲麵好掛湯，大大碗，加底都只係加$4，share食岩曬！🥒雞絲粉皮 $68以為係開胃小食，嚟到份量係可以變主食都得，雞絲、青瓜同花生醬份量都好多，足夠撈勻成碗！🌶️麻辣魚皮（3辣）$65小食份量黎講佢又係巨大化，爽口魚皮又麻又辣，好過癮🍹檸檬益力多（700mL）$28飲品大大杯，解渴一流，有清香檸檬味！下次要試埋佢哋嘅北京填鴨！

呢間中菜開張以來，日日都坐滿晒，星期六日更加有排等，但真係性價比高，所以嚟親呢度都會揀平日早啲嚟食，咁就唔使等位😛-今日嚟最主要想試吓佢嘅新菜式黃金芥蘭，芥蘭冇渣好爽口，不過如果鹹蛋黃可以再多啲就正啦～醉雞都係第一次試，雞肉都夠滑，但始終係醉雞，希望酒香味可以再重啲～-另外平時都必嗌四川擔擔麵同半隻片皮鴨，擔擔面同片皮鴨嘅份量多到可以兩三個人share，百零蚊就有半隻片皮鴨真係超抵食～-本身見佢有新嘅特飲鴨屎綠檸檬茶想試埋，但食完嘢都飽到飲唔落，唯有下次嚟叫少啲嘢食，就可以試吓佢啲特飲～

今次試咗酸菜魚同埋地三鮮。地三鮮係醬汁炒薯仔青椒茄子，加兩碗白飯，好好食！酸菜魚魚肉滑嫩，份量好多，有好多舊魚，湯底酸辣開胃，酸菜味道突出，飲落去好舒服。入面仲有芽菜、木耳做配料，加上有好多薯粉喺底，唔鍾意撈白飯嘅朋友可以唔需要叫，食薯粉都好飽！😋呢碟地三鮮，由醬汁炒薯仔青椒茄子，超級惹味，薯仔炸過唔會太腍，茄子吸晒醬汁，青椒帶點清香，三種材料配埋一齊，層次感豐富。兩道菜配飯超夾，食完令人回味無窮！😋大家要留意佢係有茶位☺️

九龍城商場隱世上海料理，傳統菜系玩出新菜式！各種料理菜式，魯菜，川菜，粵菜和淮揚菜新派店，手藝很傳統，擺盤創意，慕名來之人多 鴨屎香檸檬茶一上枱就聞到清新檸檬香！香水檸檬，酸甜冰涼，飲完爽感喔～ 脆炸鮮奶脆皮版！外皮金黃酥脆，咬落去是滑溜濃郁奶香餡，甜而不膩，一個人吃也不夠喉黃金芥蘭咸旦黃香，芥蘭爽脆，咸旦黃醬快炒出鮮味，菜掛滿金沙般蛋旦碎，咸香惹味，棒！ 酸辣湯面湯底酸辣勁，微微麻香，面條份量多，吸盡湯汁精華！配料有木耳，肉絲，辣中帶香，嗜辣朋友愛～ 晚市爆滿，非常熱鬧

細仔仔，為咗同靚媽補祝母親節，又為揾食肥華預祝父親節，所以在2O25年6月13日，一行三人在此店食晚飯，可以一次過還咗細仔仔兩個心願嚟得此店揾食肥華當然要食，此店鎮店名物片皮鴨喇，可惜今餐肥華三人在此店食到嘅片皮鴨，水準真喺大不如前，鴨肉又乾又廋熱度又唔夠，唯一能保持水準嘅祇喺啲醬料和青瓜大䓤段配料和包鴨食嘅簿餅。所以半隻片皮鴨，靚媽和細仔仔合共都喺食咗3分1嘅鴨肉，而其餘嗰3份2鴨肉則由不想掃今晚，做東的細仔仔興的肥華，免為其難鑑硬食晒佢，而另一主食酸菜魚嘅魚片亦有細骨，亦影响到進食此菜式之情緒。幸好今餐此店食物，除咗片皮鴨及酸菜魚水準強差人意外，其他食物嗰四川擔擔麵及靚媽至愛咕嚕肉，都保持到上佳水準所以今餐，由細仔仔找数嘅慶祝父母親節混合宴值。👍🏻👍🏻👍🏻👍🏻

🍱餐廳：五匠六釜🏫地址 ：啟德協調道2號 Airside 6 樓 602 號舖呢間中菜之前都食過一次，對佢個秘製牛奔麵印象好深刻。呢度落地玻璃望出去好開揚，枱同枱之間都好闊落，美中不足係冷氣唔係好夠凍，不過下面呢幾個餸我認真推薦！~黃金芥蘭鹹蛋愛好者嘅至愛，一上枱已經聞到鹹蛋香味，叫嚟送飯好正~西米椰汁流心球咬落去真係好濃嘅椰汁香同埋西米露，外皮金黃酥脆，幾好味！~秘製牛奔麵（加底）大件夾抵食，今次諗住兩個人食叫咗加底，點知加4蚊底竟然麵同牛腩牛筋都翻咗起碼兩倍，兩個人都食到好飽肚，最重要係質素都唔差👍話時話，臨走先見到餐廳推出好似好正嘅「鴨屎香檸檬茶 」，下次要黎試吓！

airside中菜1️⃣四川擔擔麵份量多，麵條質地爽滑，夠曬掛汁超好食，湯底嘅麻醬同花生醬比例啱啱好，而且食到有少少麻辣嘅後勁.花生粒都好多.💰HKD$522️⃣木耳炒娃娃菜份量大碟,健康之選,夠爽口💰HKD$703️⃣韭菜豬肉餃豬肉多過韭菜,多汁.💰HKD$484️⃣京燒羊肉炸至金黃色，外皮酥脆，肉嫩有小小肥膏，又有羊味💰HKD$138注意有茶位費及加一

避風塘大蝦一上枱，炸蒜嘅香氣已經撲鼻而來😍啲蝦雖然唔算好大隻，但勝在份量多，蝦殻炸得脆卜卜，蝦肉彈牙，好惹味🤩紅油抄手皮薄，餡料用豬肉，鮮嫩多汁🥰紅油醬汁辣中帶甜，仲有芝麻香同花椒嘅麻味，調味好平衡麻辣魚皮真係好開胃🤣爽口又Q彈，咬落索索聲，口感一流😍麻辣調味好惹味，辣得過癮但唔會太嗆醉雞好香，用咗花雕酒醃製，酒味濃而不嗆，入口有陣陣酒香🥰雞肉滑嫩到不得了，咬落好juicy鴨屎香檸檬茶好大杯，飲落好清新🤣配辣菜食真是一個好解辣嘅選擇，特別係夏天飲仲爽！

麻辣魚皮麻辣魚皮作為前菜，真係好開胃🤣魚皮爽口又Q彈，咬落索索聲，口感一流😍麻辣調味好惹味，辣得過癮但唔會太嗆，仲有陣陣花椒香，食落好過癮😍紅油抄手紅油抄手皮薄，餡料用豬肉，鮮嫩多汁，一咬爆汁🥰紅油醬汁辣中帶甜，仲有芝麻香同花椒嘅麻味，調味好平衡，辣得嚟唔會蓋過食材嘅鮮味☺️醉雞醉雞好香，用咗花雕酒醃製，酒味濃而不嗆，入口有陣陣酒香🥰雞肉滑嫩到不得了，咬落好juicy，雞皮仲帶少少Q彈☺️調味啱啱好，食落好有層次，酒香同雞肉好夾🤣避風塘大蝦避風塘大蝦一上枱，炸蒜嘅香氣已經撲鼻而來😍啲蝦雖然唔算好大隻，但勝在份量多，蝦殻炸得脆卜卜，蝦肉彈牙，配上滿滿嘅炸蒜、辣椒同香料，好惹味🤩蒜粒香脆，食落好香口，連殻都想食晒🤣鴨屎香檸檬茶鴨屎香檸檬茶好大杯，飲落好清新🤣檸檬嘅酸味同鴨屎香茶嘅清香好match，甜度調得啱啱好，仲有陣陣茶香餘韻🥰配辣菜食真是一個好解辣嘅選擇，特別係夏天飲仲爽！份量多到可以慢慢飲🤣

這間餐廳價錢合理，加上附近沒什麼中菜選擇，餐廳晚市要排隊。⭐️秘製杭州骨杭州骨的肉不算多，琥珀色醬汁甜中帶咸，裹覆在每一塊排骨上。搭配的洋蔥和薯仔吸飽醬汁精華，軟糯香甜。⭐️黃金芥蘭用咸蛋黃炒至起沙，每一片菜葉都裹滿金沙般的咸香蛋黃，口感層次豐富。⭐️白飯配白飯一流。⭐️糖醋魚片魚片外酥內嫩，糖醋汁調得恰到好處，不會過甜或過酸，青椒和洋蔥保持爽脆，為整道菜增添清新口感。特別欣賞魚片的厚度，吃起來很有滿足感。

在門外攞位時，店員問請問你可否取消OpenRice的預訂真的很奇怪然後安排座位時已經坐下了店員安排的座位後又突然要求我們掉枱買單時，我們六位但茶位費收了七位回家後看見單才發現。這店食物水平也不錯，但店員服務有待改善