二鍋頭 (嘉芙中心)

營業中

休息中

依家任食邊爐餐廳真越嚟越多，而且越嚟越多選擇！任食雞煲唔夠，依家仲有得揀鴨煲同豬手煲～～～ 講緊就係尖沙咀呢間新開無耐既二鍋頭！ 因為新開所有野都好新淨，環境都好闊落～ 好，開催！先叫左個惹味雞煲試試先，先講個汁，個味勁濃! 小辣已好夠辣，推薦 雞件份量多無太多碎雞 正正另外，我地見佢啲煲竟然仲有鴨同豬手揀，我地就再留胃比呢個鴨煲~~~鴨煲終於黎啦！上黎店加左Ｄ玫瑰露，嘩係咁標啲火出黎，火燒鴨煲一輪啲鴨肉吸晒啲味真係好香，而且鴨肉份量又係好鬼多！食完兩個煲之後就可以開始打邊邊啦~～ 我地叫左個芫茜皮蛋湯湯底 因為清清地可以試真DＤ 材料正唔正吖MA! 佢哋肉類海鮮種類都算多，同埋上菜速度都好快，數量亦都好足，牛豬雞魚樣樣齊！ 因為又季皮膚又敏感，所以無得試海鮮啦.... 但我見佢地係有蜆仲有蝦同埋凡立貝！唔多任食邊爐有，有嗰啲都係高汁架!! 再講講出面自助區：大量蔬菜，丸類，生菜金菇係必點吧！你睇仲有響鈴炸魚片！正呀～～～飲品選擇都勁多！我最鍾意有小樽裝飲品～～可以下下火吖嘛～～～

好似係試業期間，冇得碌卡要現金有啲麻煩。服務嚟講，老闆都出黎派卡片咁，有個男員工都好服務，當第一碟牛嚟都介紹詳盡。環境OK唔算好逼。不過啲配料同菜放係廁所入口有啲同埋部份食材，例如淮山薯仔蓮藕係雪櫃到裝住嘅碟好淺，水覆蓋唔曬，導致幾乎8成都變黑，搞到唔敢食。野食種類比起同價錢其他邊爐嚟緊唔算多。叫咗牛魔王套餐，鍾意食牛嘅人一定要叫，因為普通肥牛真係睇見都唔想食，加幾十蚊叫兩碟都回本啦。首先嚟雞煲好食，入味，係冇咁香姐。都好食嘅。煲口好大又平，幾鍾意，唔洗伸長條頸就睇到曬。牛魔王個幾款牛唔洗特別叫就會先嚟一set另送澳洲M5牛一份，。但係澳洲哩份冇美國個三種有牛味。第一set送嚟好開心！好靚不過唔記得影相，好食。諗住以後會不斷encore！第二set已經等比較耐先送上嚟，同埋完全唔係第一set個質素，我已經扣曬分，原本諗住以後做飯堂但而家就要再考慮啦！雖然睇落都OK，但係完全唔係第一set咁好，無論顏色定口感都冇第一set好，而且等咗差唔多20分鐘先送上嚟。左上角唔記得咩牛，雪到散埋，第一set唔係咁㗎！我唔信叫第三set都係咁，所以叫多次，結果都係冇第一set好，不過比起第二set 係

平時雞煲火鍋放題就聽得多，但鴨煲就比較少見，所以見到竟然有鴨煲咁新鮮仲要任時2.5個鐘慢慢嘆就試下啦🤣一坐低，店員就介紹有任食雞煲、鴨煲同埋豬手！見到有豬手超級驚喜，所以即刻落order試下先！我地得兩個人，驚食完豬手乜都食唔落，所以店員就好好咁幫我地安排半份，可以比我地乜都試下咁！等豬手煲嘅時候就去攞住嘢飲先！攞完嘢飲無耐就上菜喇！！！豬手煲果然係正！🌟🌟🌟啖啖骨膠原，又好濃黑椒味 （雖然食多幾舊開始會覺得有啲辣🤣）半份份量兩個人食啱啱好！食豬手嘅朋友 一定會鍾意！食完個豬手煲就係邊爐time！食完濃味嘅豬手煲 就嗌咗個清清地嘅豬骨煲（值得一提個火鍋湯底係另外一鍋，唔係豬手煲加水轉火鍋㗎☺️）超大舊豬骨😳食物齊全，如果想食靚牛可以加錢不過我同朋友覺得正常任食嘅選擇都夠晒豐富，所以無試到🤣食物上菜都放得好整齊☺️ 肉類海鮮都好ok，肥牛encore咗幾次🤣其他蔬菜魚蛋配料就可以係出面攞連菇都有咁多款揀🤣身為愛菇人士嘅我超滿足整體用餐享受好好 餐廳好乾淨 又坐得舒服闊落service更加係滿分！下次再食打邊爐放題會再黎！🌟🌟🌟

同朋友難得嚟到尖沙咀食雞煲，一陣間竟然仲有鴨煲同豬手煲，另外仲可以換打邊爐湯底打邊爐，反而唔係用雞煲直接加湯，非常喜出望外。善用時間仲有2.5小時，已經算係好多㗎啦。一開始攞咗支飲品，飲品櫃嘅選擇都非常多，有糖嘅無糖嘅，有氣嘅無氣嘅，有酒精嘅非酒精嘅都有。仲順便拎埋打邊爐嘅配料，有好多菜款同丸類，真係唔驚會餓親。🔷任飲任食打邊爐雞煲 💰198雞煲要咗BB辣，但對於我來講都已經非常足夠，花椒味會較重。最好嘅係雞件都新鮮，如果胃口大嘅真係想再食多輪。之後到鴨煲，相比之下我會比較鍾意雞煲，但係鴨煲個酒味都好香好香，另外仲有腐竹同枝竹加左一齊煮。最後打邊爐要咗皮蛋芫荽湯底，清淡少少中和返雞煲同鴨煲嘅惹味。

太耐太耐無食雞煲，估唔到今次黎左間可以一次過滿足幾個願望嘅任食雞煲餐廳。呢間餐廳坐落好闊落、舒服，環境光猛令人越食越精神。🔷火鍋、雞煲、鴨煲 任飲任食2.5小時 💰198一開始揀好左要雞煲先，要做小小辣但都已經足夠辣，雞件切得啱啱好，個雞汁好惹味，最鍾意佢啲大蔥同洋蔥都仲好爽口，而且吸到晒雞煲汁嘅味。食完個雞煲仲要左個鴨煲，鴨煲有用左臘鴨同埋鮮鴨，一開始淋左一啲酒落去煮所以鴨煲個酒味都幾強烈。食到咁上下就到打邊爐，邊爐有自取同order兩個部分，款式真係千其百趣，各式各樣都有，食到超級飽。

昨日，OT完搵朋友食early dinner。新店開業，環境清潔舒適。可能，我哋早開餐，冇乜人。食物方面，任打邊爐兼可以加雞煲，鴨煲，豬手煲或羊腩煲。食完個煲後再打邊爐，都幾正！食材方面，有得任點肉類又可以出去自己攞蔬菜，丸丸和醬汁。每樣食材都好新鮮，值得一試！最後仲有韓國牌子嘅酒精搓手液送忝！

時下嘅天氣變幻莫測，一時冷一時熱一時乾一時濕，係咁嘅天氣下食熱嘢又唔係食凍嘢又唔係，咁就一於繼續打邊爐人生，不過而家打邊爐似乎同雞煲已經扯上咗必不可小嘅關係，咁都好啊起碼一餐兩味。不過有一間餐廳直頭可以一餐四味！！就係呢一間二鍋頭，雖然叫就叫二鍋但係入邊其實有好多鍋可以食到。首先就介紹吓香港最聞名嘅雞煲，呢一度所製造嘅除咗都會落芫荽洋蔥呢一啲助料之外更重要就係有秘製醬汁，如果有埋碗白飯喺度就真係一絕，但就咁食都已經好有滿足感，連鳳爪都出現埋喺雞煲入面，夠晒完整。更重要嘅就係服務態度，職員會喺雞煲未完全好熱之前都會不斷咁攪勻佢務求每一單都要係新鮮熱辣先至放心校細啲火比食客享用。除咗雞煲之外呢一度更加出產豬手煲，唔需要再喺大排檔都可以食到熱辣辣有香噴噴嘅豬手煲。肯定嘅係每一隻豬手都經過長時間嘅肴制所以一啖食落去除咗有豐富嘅骨膠原之外更重要就係軟林林夠香口，呢一個係夢寐以求嘅口感，食下食下好快又食完，但唔緊要呢一度所有煲都可以refill再refill，唔怕食得多最怕食唔飽另外呢一度亦都有出產油鴨及鮮鴨煲，味到絕對同煲仔飯入面所食到嘅亦都不相伯仲，咁詳細嘅享受相信要食個先知嗰一番尋味。除咗食

第一次聽可以任添雞煲鴨煲 通常都係得是但一個 第一次試可以兩者都有哂 都幾過癮去到餐廳 見到門面都好整潔乾淨 每張檯都好闊落 方便哂大家聚會坐低慢慢食慢慢傾我地果日兩種煲都試左 味道我覺得都比出面濃郁 食落去d雞肉同鴨肉都煮得岩岩好 唔會話老同埋鞋口 真係好正其實食完兩個煲都已經半飽 不過都仲有好多好多火鍋配料等緊我地 一d基本既火鍋料都好齊全 會分門別類擺哂係d凍櫃到 任君選擇 而有一部分是要以點單形式去嗌 其中必嗌既就係佢地既白鱔片 真係食多幾番都回哂本我覺得呢一餐個cp值超高 任飲任食亦俾到一定既質素 大家想打邊爐既話 呢度不失為一個好地方

尖沙咀想搵一間任食又抵食嘅火鍋店真係唔容易，但係最近就新開左一間，地點近尖沙咀同埋尖東站嘅中間，兩邊去都比較方便。首先坐低之後可以揀食雞煲，鴨煲或者豬手煲，食完呢樣仲可以食果樣，適合三心兩意嘅朋友仔，我哋就揀咗食雞煲，仲叫多芫荽，小辣係非常香辣，而且啲雞好惹味，算係幾滑。食完之後仲可以自選湯底，同出面唔同，好多餐廳打完邊爐就加清湯，但係呢度有得揀口味，唔使另外加錢，我哋就揀咗藥膳湯底，一擺到上嚟就見到有啲紅棗杞子及藥材，聞落去都好香。食物方面，除咗落單嘅海鮮、肉類之外，出面都有好多蔬菜及丸，仲有平時唔係周圍都有得食嘅雞子，大大粒都幾有質素！牛柏葉、鵝腸同樣有得食，夠晒爽口！豬、牛、羊幾款肉都有，質素絕對對得住價錢，羊就酥味比較重，如果鍾意食濃味嘅話就真係好啱。海鮮方面又有墨魚滑，蜆，脆鯇～ 墨魚滑都幾彈牙，啲蜆有好多，質素都唔錯！另外出面仲有好多嘢飲同埋雪糕，選擇好多，細細樽嘅清水都一樣有。

最近知道二鍋頭開咗間新店係尖沙咀，之前已經食過一次，對佢哋嘅印象已經好好咁今次就去下新店食啦，首先一定要提既就係佢哋良好嘅服務態度，真係好少餐廳會有咁嘅服務質素，咁今次首先雞煲就叫咗小辣嘅，我覺得小辣好啱我依啲平時唔太鍾意食辣嘅人，因為佢唔算太辣仲好惹味，而且雞夠滑夠嫩，而且如果想食鴨的話佢都一應俱全，食完雞煲之後就轉左打邊爐，要睇一間餐廳嘅食物新唔新鮮一定係睇魚皮，好多嘅魚皮都係會有油膩味，但佢哋嘅魚皮好新鮮卜卜脆，咁打邊爐梗係唔少得肥牛，而佢嘅牛好大塊而且亦都好新鮮，唔會有一陣陣雪櫃味，至於蔬菜同丸類就自助形式出去拎嘅，佢亦有準備雞蛋俾你當醬料用。而且仲見到佢係母親節有promotion每位客人都有一隻鮑魚食，見到都覺得好似好吸引

<<Thursday Couple 為食記👣😋>>與男友約會！今日黎到尖沙咀🥳☺️想黎個雞煲邊爐夜！🔥🔥🔥之前去親啲任食火鍋環境都麻麻地，又逼，啲嘢又會油立立咁，但今日黎到尖沙咀，試左呢個個名好有睇頭嘅　「二鍋頭」任食火鍋店！😋☺️尖沙咀嘅火鍋任食就一定無旺角區咁多，但呢間真係做得不錯。先不論食物，環境衛生企理，服務又一流，又會介紹食材呢樣野已經夠晒抵讚！🥳🥳👍🏼內在環境啲嘢企企理，唔會話啲汁，整到周圍都係，食物分門別類，等客人易拎易夾，同埋食物種類都多元化！🔥🔥👏🏼👍🏼吖仲有嘢飲嫁！都係任飲！推薦清涼爽！😂😂👏🏼連響鈴，同魚皮都有，好乾身夠脆！🔥佢分有普通嘅任食餐，裡面包嘅已經有好多嘢，都有肥牛，海鮮等！但如果想食得豪啲！爽啲！正啲！都幾推薦佢下面兩個餐都係加少少錢！😋😋🔥我自己係好中意食牛！所以我地加左錢，試左呢個！有美國極黑和牛，同安格斯prime 牛小排同手頸脊任食！仲會每人送一份M6和牛！仲有靚海鮮任食添！😋🔥但打邊爐之前，先會黎一個雞煲先，你可以揀雞，鴨或者豬手煲都得！我哋就揀麻辣雞煲，小辣，都已經會麻麻地嫁喇！因為佢啲花椒落得好足，麻辣味夠香，

之前食過呢間舖頭旺角嘅分店，今次經開尖沙咀見到原來呢度都有分店，即刻嚟回味一下😋覺得食任食火鍋最重要一定係乾淨同舒服，呢度就做到晒兩樣嘢。佢唔似平時啲任食放題咁得個半或者兩個鐘左右食到好急就趕住要交枱。喺呢度可以足足食成兩個半鐘都唔會俾人趕走，餐廳好闊落坐落好舒服。自取嘅嘢食好乾淨新鮮，會擺喺玻璃櫃入面比客人攞先打開👍打邊爐既靈魂人物--醬料🤤佢醬料嘅配料應有盡有，仲有埋生雞蛋喺執邊比你自己加。呢度嘅服務態度真係超級好，一坐低會有店員過嚟講解下餐廳嘅食法。首先會食咗雞煲先，雞煲可以自己揀辣度，我哋今次叫咗小辣，辣度啱啱好，如果唔太食得辣嘅朋友仔嗌呢個辣度都應該接受得到，始終雞煲一定要有少少辣先惹味。上雞煲既時候店員會幫手攪好，等咗一陣就可以開動喇😍個雞煲份量好多，我哋兩個人食每個人都可以分到勁多雞，啲雞好入味索晒啲汁，雞肉好嫩滑忍唔住連皮咁食咗好多舊。我地今次唔係好想食雞腳所以就走咗鳳爪，鍾意食雞腳嘅朋友可以叫埋。除咗雞煲之外其實佢仲有鴨煲同豬手煲，不過如果食埋呢兩樣應該飽到唔使打邊爐所以我哋就冇叫到。食完雞煲就可以叫湯底開始打邊爐，佢湯底有好多款選擇，近排想食清淡啲所以叫咗清湯豆腐鍋

成日都係雞煲加打邊爐呢個組合 食得多都有啲悶🤣🤣今次就同朋友試下新野 價錢都算平👍🏻舖頭雖然仲係試業期間，但呢間原來仲有分店~職員服務態度幾好，見佢成晚都有同每一枱客傾計，了解下啲食物岩唔岩食👍🏻👍🏻煲方面可以三選一 有雞煲、鴨煲同埋黑椒豬手煲我地就簡左黑椒豬手煲，平時任食真係冇見過因為我地兩個人，店員仲好好人幫我地上半煲👍🏻黑椒豬手煲(小辣)豬手相當惹味，而且都夠淋，幾入味🤤之後就到打邊爐既環節~~我地簡左豬骨湯食物方面都好多選擇有肥牛、羊、墨魚仔等，食物質素都唔錯其他菜、丸等既食物就要自己出去自助區拎，款式選擇都多平時好少見既泡菜餃、年糕都有🥰食到我地勁飽勁滿足🤤🤤🤤

慶祝朋友返新工約食晚餐記得之前嚟過尖沙咀尼間二鍋頭勁抵食今次一於一齊嚟食雞煲 上桌勁香呀 雞煲個調味好好味 雞件好多又夠肉地朋友都話個雞煲夠高質呀然之後就另上火鍋湯底我哋揀咗藥膳湯底 真係有唔少人蔘杞子 感覺足料火鍋配料超過80款除咗肉類海鮮可以寫紙仔落單之外 亦可去大雪櫃自取蔬菜、丸類、豆品類、餃類等等材料夠哂新鮮豐富今次我食咗唔少鱔片同滑牛肉 正！總括而然非常抵食 有質素保證今餐$198 有得任食雞煲/鴨煲/豬手煲 仲有豐富火鍋真心推介！

喺尖東返工嘅我，有一次放工望到嘉芙中心嘅一樓玻璃窗，寫住二鍋頭，好奇之下上OpenRice睇吓係食咩嘅先，見到價錢唔貴，就即刻約個朋友嚟試吓！佢哋套餐有三個價錢，任飲任食2.5小時$188 - $218 : 先食雞煲/鴨煲，之後轉一個新煲揀湯底打邊爐，湯底有八款選擇！$268 龍蝦海鮮盤火鍋放題，有四款海鮮選擇$298 牛魔王 - 任食美國極黑和牛，美國安格斯湯牛頸脊，美國安格斯牛小排，仲每位贈送澳洲M6和牛一客。同朋友揀咗$198嘅套餐，揀咗二鍋頭惹味雞煲，仲可以揀辣度，要咗少辣。一上枱嘅雞煲已經好香，分量仲要似唔似半隻雞，好多芫茜，仲有鳳爪，啲雞好嫩滑，雞煲嘅汁仲好惹味，一件接一件，佢哋用嘅煲亦都非常之好唔黐底！食完之後，揀咗滋補藥膳湯底，佢哋仲會換一個新煲打邊爐。藥膳湯底好足料，一上枱已經聞到好濃郁嘅藥膳味，係佢滾緊嘅同時，就出去拎嘢飲，醬料同嘢食，同一時間朋友就寫紙仔剔嘢食。飲品有成10幾款選擇，仲有指定啤酒任飲，醬料亦都好多選擇。出面佢哋用咗2個大雪櫃裝住啲嘢食，好乾淨，丸類，菜類，菇類，餃類都可以喺出面坽，而且佢哋仲竟然有燒賣俾你打邊爐，所以我哋咩都拎少少返去試吓先。見到仲