二鍋頭 (嘉芙中心)

營業中

休息中

朋友話想食任食火鍋，即時想起二鍋頭在尖沙咀開咗分店！地點非常方便，喺嘉芙中心一樓，比起舊店新淨，光猛衛生，望一望價錢最平$198任飲任食，仲可以選擇雞煲！鵝煲！豬手煲！仲有火鍋配料任食，因平時多數都係雞煲，我同朋友揀了火焰鴛鴦鴨煲覺得佢好特別！上菜速度好快，大約等咗10分鐘已經有得食，先聲奪人第一道菜火焰鴛鴦鴨煲，嚟到份量好大，四個人都夠食，原來是侍應話可以叫半份，細食嘅朋友記得啦，講返隻鴨煲，話明有火焰🔥侍應已經準備了一碗玫瑰露，先將鴨肉炒熱，然後放入酒，放火！好似去咗睇表演咁，鴨肉炆得好淋，食到淡淡玫瑰露好香，而最最最好食嘅就係吸晒汁嘅炸枝竹，真係人間極品！食完之後，跟住轉頭去打邊爐，湯底都幾多選擇！我哋加$20揀咗鴛鴦鍋，沙嗲湯底好香濃，另外揀咗冬陰功湯底，呢個有啲驚喜，香料味十足，仲有幾片新鮮檸檬🍋酸酸辣辣好開胃，火鍋配料都好多選擇，我哋揀咗好多海鮮，大蜆冇沙丶墨魚仔彈牙.、花枝片脆口丶大白鱔魚味濃丶大蝦爽丶帶子丶墨魚滑！樣樣都好新鮮，估唔到$198仲有咁多海鮮食，肉類方面我哋選咗美國肥牛，牛肉味好重，而且仲好淋，我哋每人食咗兩碟，食到呢度已經飽咗七八成，跟住出去搜羅雪糕，竟然

平日收工想出去食下飯，老公就帶我去尖沙咀呢間火鍋放題，原來係最近新開張。平時雞煲放題就食得多，鴨煲真係第一次見，貪新鮮梗係要試下🤤鴨煲一上枱香氣撲鼻，份量唔少，鴨肉煮得夠淋😋食完可以再叫湯底打邊爐，亦可以再叫雞煲或者豬手煲，但我哋覺得再食嘅話就太飽打唔到邊爐，唯有留返下次再試。湯底有唔少選擇，我鍾意佢嘅泰皇冬陰功鍋，湯底酸酸辣辣，冬陰功味香濃，加入蔬菜菇類豆腐好索湯好好味🤤另外又試咗佢嘅沙爹鍋，用嚟煮肥牛同豚肉好夾，火鍋配料仲有少量海鮮選擇👍🏻任飲任食兩個半鐘只係$198，仲有甜品雪糕任揀，真係好抵食。環境又舒適企理，座位寬躺，店員服務更一流，性價比高的一間雞煲火鍋放題店。

朋友介紹話依間位於尖沙咀嘉芙中心嘅打邊爐🍲我本身唔抱有任何嘅期望，但點知嚟到果然有意外嘅驚喜！首先要嚟到餐廳好乾淨闊落，而且服務員嘅態度簡直一流，好有心機咁同我哋介紹每一樣菜式，而且always ready to serve，抵讚😋加上呢度嘅嘢食真係超級正，性價比勁高首先會有雞煲或者鴨煲揀，我哋揀咗雞煲，辣都揀咗少少辣，而且呢度嘅雞煲好正，唔似出邊咁淨係得個辣寫，而係雞好鮮好香，仲落咗大阪醬同埋胡椒醬一齊炒，所以特別嘢味同埋有鑊氣👅諗起都又想食呀，勁正😍🤩加上呢度嘅打邊爐都好正，我哋要咗清湯豆腐湯，健康又養生，而且出邊仲有好多材料同埋醬汁可以拎，仲有嘢飲同埋雪糕，勁多選擇👅嘢食全部都好新鮮，尤其是係肥牛同埋海鮮，特別推介嘅係依度嘅海蝦同埋蜆，味道超級鮮甜😋

今日同朋友終於過咗嚟食呢間尖沙咀嘅二鍋頭火鍋，朋友推介話好好味，於是過嚟試吓啦👅地理位置好方便，無論係尖沙咀行完街定係喺尖東站過嚟都好近，加上呢度嘅環境好闊落，冷氣又好夠，就算夏天過嚟打邊爐都唔會覺得熱💕加上依度嘅服務員態度超有禮貌，仲好有耐心咁同我哋介紹每樣嘢食，喺香港搵到咁嘅服務態度簡直係一流！重點係嘢食都好好味，首先會有雞煲奉上，之後就可以揀湯底然後打邊爐，咁嘅價錢有齊晒兩樣嘢食，簡直超抵🙏🏻首先雞煲一上到黎，店員好細心咁樣幫我哋炒熟佢，而且依度嘅雞煲唔會好似出邊咁用辣嚟掩蓋晒啲味道度，反而依度嘅雞煲本身已經好有雞味，加上落咗少少辣椒🌶️大板醬同埋胡椒醬去到炒，所以好香口👍🏻另外打邊爐都超正，有肥牛、丸、海鮮、海蝦、蜆等等嘅嘢食揀，質素都好高！

收工勁肚餓相約同事去打邊爐氹吓自己開心先見網上介紹過呢間任食雞煲任食火鍋嘅店之前一直未有機會試就今晚揀佢啦😆安排咗入座卡位位置好nice嘅老闆叫我哋一路歎送嘅雞煲一路慢慢揀定火鍋湯底同配料^^一齊食嘅女同事話藥膳鍋啱女人喎咁就揀咗喇火鍋料應該有嘅都有肥牛雪花均勻唔會太肥膩海蝦夠鮮肉夠彈鮮雞子無雪藏味食咗幾轉兩個女人都夠飽啦落埋油麥菜入去湯底吸收精華再嚟多杯雪糕 (略嫌雪糕款式太單調冇乜選擇😅)咁就功成身退啦係可以有下次嘅😉

即興約咗個大胃王朋友見面😝😝佢諗都唔諗呀!!話一於去可以任食兩個半鐘嘅雞煲火鍋喎!!既然一次過可以滿足哂兩個(為食魂)願望！仲使猶豫咩？！行啦🤣🤣.入座後我哋揀咗先上『二鍋頭惹味雞煲』(😉如果唔揀食雞煲仲可以揀 火焰鴛鴦鴨煲、 黑椒豬手煲、時令羊腩煲) 雞煲好足料！件件都肉厚入味又新鮮！食起上嚟好惹味👍👍 而追加嘅雞腳就冇乜咬口比較偏腍！不過整體嚟講幾好食!!. 一路食雞煲時已經填定紙仔😉落定柯打後續嘅火鍋配料✌️湯底我哋揀咗滋補藥膳鍋!!見到湯入面有紅棗＆杞子之類！但係就唔會話有太厚重嘅藥材味😜感覺幾養生😜配料就點咗美國肥牛、活海蜆、鮮吊桶仔、牛柏葉、 水土魷等等等等…竟然仲有少見嘅白鱔片😍樣樣都夠新鮮！！另外當然離開位出去仲有自助嘅配料櫃任拎丸類, 蔬菜, 汽水, 雪糕……算係好稱職嘅一個火鍋放題👌👌大家都食到捧住肚行出門囗😂😂

依家任食邊爐餐廳真越嚟越多，而且越嚟越多選擇！任食雞煲唔夠，依家仲有得揀鴨煲同豬手煲～～～ 講緊就係尖沙咀呢間新開無耐既二鍋頭！ 因為新開所有野都好新淨，環境都好闊落～ 好，開催！先叫左個惹味雞煲試試先，先講個汁，個味勁濃! 小辣已好夠辣，推薦 雞件份量多無太多碎雞 正正另外，我地見佢啲煲竟然仲有鴨同豬手揀，我地就再留胃比呢個鴨煲~~~鴨煲終於黎啦！上黎店加左Ｄ玫瑰露，嘩係咁標啲火出黎，火燒鴨煲一輪啲鴨肉吸晒啲味真係好香，而且鴨肉份量又係好鬼多！食完兩個煲之後就可以開始打邊邊啦~～ 我地叫左個芫茜皮蛋湯湯底 因為清清地可以試真DＤ 材料正唔正吖MA! 佢哋肉類海鮮種類都算多，同埋上菜速度都好快，數量亦都好足，牛豬雞魚樣樣齊！ 因為又季皮膚又敏感，所以無得試海鮮啦.... 但我見佢地係有蜆仲有蝦同埋凡立貝！唔多任食邊爐有，有嗰啲都係高汁架!! 再講講出面自助區：大量蔬菜，丸類，生菜金菇係必點吧！你睇仲有響鈴炸魚片！正呀～～～飲品選擇都勁多！我最鍾意有小樽裝飲品～～可以下下火吖嘛～～～

好似係試業期間，冇得碌卡要現金有啲麻煩。服務嚟講，老闆都出黎派卡片咁，有個男員工都好服務，當第一碟牛嚟都介紹詳盡。環境OK唔算好逼。不過啲配料同菜放係廁所入口有啲同埋部份食材，例如淮山薯仔蓮藕係雪櫃到裝住嘅碟好淺，水覆蓋唔曬，導致幾乎8成都變黑，搞到唔敢食。野食種類比起同價錢其他邊爐嚟緊唔算多。叫咗牛魔王套餐，鍾意食牛嘅人一定要叫，因為普通肥牛真係睇見都唔想食，加幾十蚊叫兩碟都回本啦。首先嚟雞煲好食，入味，係冇咁香姐。都好食嘅。煲口好大又平，幾鍾意，唔洗伸長條頸就睇到曬。牛魔王個幾款牛唔洗特別叫就會先嚟一set另送澳洲M5牛一份，。但係澳洲哩份冇美國個三種有牛味。第一set送嚟好開心！好靚不過唔記得影相，好食。諗住以後會不斷encore！第二set已經等比較耐先送上嚟，同埋完全唔係第一set個質素，我已經扣曬分，原本諗住以後做飯堂但而家就要再考慮啦！雖然睇落都OK，但係完全唔係第一set咁好，無論顏色定口感都冇第一set好，而且等咗差唔多20分鐘先送上嚟。左上角唔記得咩牛，雪到散埋，第一set唔係咁㗎！我唔信叫第三set都係咁，所以叫多次，結果都係冇第一set好，不過比起第二set 係

平時雞煲火鍋放題就聽得多，但鴨煲就比較少見，所以見到竟然有鴨煲咁新鮮仲要任時2.5個鐘慢慢嘆就試下啦🤣一坐低，店員就介紹有任食雞煲、鴨煲同埋豬手！見到有豬手超級驚喜，所以即刻落order試下先！我地得兩個人，驚食完豬手乜都食唔落，所以店員就好好咁幫我地安排半份，可以比我地乜都試下咁！等豬手煲嘅時候就去攞住嘢飲先！攞完嘢飲無耐就上菜喇！！！豬手煲果然係正！🌟🌟🌟啖啖骨膠原，又好濃黑椒味 （雖然食多幾舊開始會覺得有啲辣🤣）半份份量兩個人食啱啱好！食豬手嘅朋友 一定會鍾意！食完個豬手煲就係邊爐time！食完濃味嘅豬手煲 就嗌咗個清清地嘅豬骨煲（值得一提個火鍋湯底係另外一鍋，唔係豬手煲加水轉火鍋㗎☺️）超大舊豬骨😳食物齊全，如果想食靚牛可以加錢不過我同朋友覺得正常任食嘅選擇都夠晒豐富，所以無試到🤣食物上菜都放得好整齊☺️ 肉類海鮮都好ok，肥牛encore咗幾次🤣其他蔬菜魚蛋配料就可以係出面攞連菇都有咁多款揀🤣身為愛菇人士嘅我超滿足整體用餐享受好好 餐廳好乾淨 又坐得舒服闊落service更加係滿分！下次再食打邊爐放題會再黎！🌟🌟🌟

同朋友難得嚟到尖沙咀食雞煲，一陣間竟然仲有鴨煲同豬手煲，另外仲可以換打邊爐湯底打邊爐，反而唔係用雞煲直接加湯，非常喜出望外。善用時間仲有2.5小時，已經算係好多㗎啦。一開始攞咗支飲品，飲品櫃嘅選擇都非常多，有糖嘅無糖嘅，有氣嘅無氣嘅，有酒精嘅非酒精嘅都有。仲順便拎埋打邊爐嘅配料，有好多菜款同丸類，真係唔驚會餓親。🔷任飲任食打邊爐雞煲 💰198雞煲要咗BB辣，但對於我來講都已經非常足夠，花椒味會較重。最好嘅係雞件都新鮮，如果胃口大嘅真係想再食多輪。之後到鴨煲，相比之下我會比較鍾意雞煲，但係鴨煲個酒味都好香好香，另外仲有腐竹同枝竹加左一齊煮。最後打邊爐要咗皮蛋芫荽湯底，清淡少少中和返雞煲同鴨煲嘅惹味。

太耐太耐無食雞煲，估唔到今次黎左間可以一次過滿足幾個願望嘅任食雞煲餐廳。呢間餐廳坐落好闊落、舒服，環境光猛令人越食越精神。🔷火鍋、雞煲、鴨煲 任飲任食2.5小時 💰198一開始揀好左要雞煲先，要做小小辣但都已經足夠辣，雞件切得啱啱好，個雞汁好惹味，最鍾意佢啲大蔥同洋蔥都仲好爽口，而且吸到晒雞煲汁嘅味。食完個雞煲仲要左個鴨煲，鴨煲有用左臘鴨同埋鮮鴨，一開始淋左一啲酒落去煮所以鴨煲個酒味都幾強烈。食到咁上下就到打邊爐，邊爐有自取同order兩個部分，款式真係千其百趣，各式各樣都有，食到超級飽。

昨日，OT完搵朋友食early dinner。新店開業，環境清潔舒適。可能，我哋早開餐，冇乜人。食物方面，任打邊爐兼可以加雞煲，鴨煲，豬手煲或羊腩煲。食完個煲後再打邊爐，都幾正！食材方面，有得任點肉類又可以出去自己攞蔬菜，丸丸和醬汁。每樣食材都好新鮮，值得一試！最後仲有韓國牌子嘅酒精搓手液送忝！

時下嘅天氣變幻莫測，一時冷一時熱一時乾一時濕，係咁嘅天氣下食熱嘢又唔係食凍嘢又唔係，咁就一於繼續打邊爐人生，不過而家打邊爐似乎同雞煲已經扯上咗必不可小嘅關係，咁都好啊起碼一餐兩味。不過有一間餐廳直頭可以一餐四味！！就係呢一間二鍋頭，雖然叫就叫二鍋但係入邊其實有好多鍋可以食到。首先就介紹吓香港最聞名嘅雞煲，呢一度所製造嘅除咗都會落芫荽洋蔥呢一啲助料之外更重要就係有秘製醬汁，如果有埋碗白飯喺度就真係一絕，但就咁食都已經好有滿足感，連鳳爪都出現埋喺雞煲入面，夠晒完整。更重要嘅就係服務態度，職員會喺雞煲未完全好熱之前都會不斷咁攪勻佢務求每一單都要係新鮮熱辣先至放心校細啲火比食客享用。除咗雞煲之外呢一度更加出產豬手煲，唔需要再喺大排檔都可以食到熱辣辣有香噴噴嘅豬手煲。肯定嘅係每一隻豬手都經過長時間嘅肴制所以一啖食落去除咗有豐富嘅骨膠原之外更重要就係軟林林夠香口，呢一個係夢寐以求嘅口感，食下食下好快又食完，但唔緊要呢一度所有煲都可以refill再refill，唔怕食得多最怕食唔飽另外呢一度亦都有出產油鴨及鮮鴨煲，味到絕對同煲仔飯入面所食到嘅亦都不相伯仲，咁詳細嘅享受相信要食個先知嗰一番尋味。除咗食

第一次聽可以任添雞煲鴨煲 通常都係得是但一個 第一次試可以兩者都有哂 都幾過癮去到餐廳 見到門面都好整潔乾淨 每張檯都好闊落 方便哂大家聚會坐低慢慢食慢慢傾我地果日兩種煲都試左 味道我覺得都比出面濃郁 食落去d雞肉同鴨肉都煮得岩岩好 唔會話老同埋鞋口 真係好正其實食完兩個煲都已經半飽 不過都仲有好多好多火鍋配料等緊我地 一d基本既火鍋料都好齊全 會分門別類擺哂係d凍櫃到 任君選擇 而有一部分是要以點單形式去嗌 其中必嗌既就係佢地既白鱔片 真係食多幾番都回哂本我覺得呢一餐個cp值超高 任飲任食亦俾到一定既質素 大家想打邊爐既話 呢度不失為一個好地方

尖沙咀想搵一間任食又抵食嘅火鍋店真係唔容易，但係最近就新開左一間，地點近尖沙咀同埋尖東站嘅中間，兩邊去都比較方便。首先坐低之後可以揀食雞煲，鴨煲或者豬手煲，食完呢樣仲可以食果樣，適合三心兩意嘅朋友仔，我哋就揀咗食雞煲，仲叫多芫荽，小辣係非常香辣，而且啲雞好惹味，算係幾滑。食完之後仲可以自選湯底，同出面唔同，好多餐廳打完邊爐就加清湯，但係呢度有得揀口味，唔使另外加錢，我哋就揀咗藥膳湯底，一擺到上嚟就見到有啲紅棗杞子及藥材，聞落去都好香。食物方面，除咗落單嘅海鮮、肉類之外，出面都有好多蔬菜及丸，仲有平時唔係周圍都有得食嘅雞子，大大粒都幾有質素！牛柏葉、鵝腸同樣有得食，夠晒爽口！豬、牛、羊幾款肉都有，質素絕對對得住價錢，羊就酥味比較重，如果鍾意食濃味嘅話就真係好啱。海鮮方面又有墨魚滑，蜆，脆鯇～ 墨魚滑都幾彈牙，啲蜆有好多，質素都唔錯！另外出面仲有好多嘢飲同埋雪糕，選擇好多，細細樽嘅清水都一樣有。