二鍋頭 (嘉芙中心)

營業中

休息中

香港人好鍾意打邊爐，近年興放題邊爐，仲要之前加雞煲～～ 等你食個痛快🤣呢間好特別，佢除咗有雞煲之外🤩佢仲有鴨煲同豬手煲㗎～～ 俾客人有更多選擇任食任飲2.5 小時（$198）/人）火焰鴛鴦鴨煲特色鴨煲，唔止鴨咁簡單，原來仲有🔥。店員會將酒灑喺鴨煲上再點火，除咗極有視覺效果之外，亦令鴨煲多咗酒香。鴨肉煮得好入味，仲有淡淡酒香。 滋補藥膳湯底清清地又養生嘅湯底啱哂注重健康嘅人肉類：美國🇺🇸肥牛、鮮滑牛肉、美國🇺🇸黑豚肉美國肥牛夠嫩滑，但以鮮滑牛肉更出色，滑得嚟有嚼勁。黑豚肉細嫩，味道鮮美。 醬料區仲有生雞蛋🥚，可伴肉一齊食，食落更滑溜海鮮：白鱔片、青口、帆立貝白鱔片鮮嫩香甜，青口及帆立貝都幾鮮味自助區仲有好多蔬菜、丸類（流心芝士丸、蟹籽包心丸、墨魚丸等）、餃子🥟、炸魚皮、炸響鈴等，林林種種～～ 啤酒🍻汽水🥤飲品選擇亦好多，仲有雪糕，呢個價錢真係好抵食

「二鍋頭」原來係尖沙咀開左分店！為食嘅小編緊係要黎撐下場順便再撐埋個肚皮啦😎.最抵消費，每人$198(星期日至四）就可以任食2小時超過80款嘅款式，真心超抵👍【惹味雞煲。豬手煲。川椒麻辣鍋 】頭盤係雞煲，鴨煲同豬手煲之中三揀一我地揀左惹味雞煲😘雞件同醬汁嘅份量恰到好處雞肉吸收哂醬汁嘅精華啖啖嫩滑厚肉帶上惹味辛辣～食完原本想轉打邊爐點知店員提醒原來可以食埋豬手煲，真係好surprise🙈一陣過後，黑椒豬手煲就上枱啦😍濃郁嘅黑椒汁包圍住隻隻豬手滿口嘅骨膠原加上軟腍嘅肉質瞬間成為小編嘅至愛🤣最後，終於到川椒麻辣鍋😂鍋面鋪滿紅椒同辣油，真係辣得夠過癮！值得一提嘅係無論食雞煲，豬手煲定麻辣鍋都係另上新鍋，吾係直接加落去呢點比較少見，值得大讚👍.【火鍋配料】配料分別係自助區同落單紙自助區以蔬菜，丸類為主而落單紙以肉類，海鮮為主小編推薦以下數款：肥牛，牛肉控必點，油脂分佈平均肉質軟腍，牛肉味重，值得encore!吊桶仔，雪白色好新鮮，食落鮮嫩彈牙😋韓式餃子，有粉絲餡，泡菜餡同韭菜餡其中泡菜餡就最正，勁多泡菜帶點酸辣😍.【飲品。雪糕】飲品櫃有三個大致上有汽水，鴻褔堂，啤酒亦有齊🙈而雀巢雪糕都有幾款味雲

好耐之前就喺旺角食過呢一間，見佢尖沙咀開咗分店，地方又幾就腳，就約咗朋友上去食喇😋我地係星期三去食，所以$198就可以任食2.5 個鐘，呢間嘅特色係佢有黑椒豬手煲，可以任食3款煲之後再打邊爐，咁梗係首先試新野啦✌🏻等咗10分鐘左右，個豬手煲就上黎啦～ 香噴噴熱辣辣，觀察過豬手都冇毛，食落都入味同肥美，不過我朋友就略嫌有少少辣，（佢都真係好唔食得辣），成煲我食晒咁濟😂到打邊爐時段 佢地嘅炸魚皮十分推薦，揀嘅番茄薯仔濃湯底都好新鮮最鐘意係佢嘅泰國雪條‼️一開始以為唔好味，點知佢個芋頭雪條係香滑濃郁，出面白色部分係椰子🥥，入面就係香芋，佢仲有榴槤同紫米味，推介推介❤️

市面上有好多雞煲火鍋店，今次就揀咗嚟呢一間位於尖沙咀嘅二鍋頭。佢係俾一個價錢就可以任食雞煲同埋火鍋，而且同其他雞煲火鍋店唔同，佢食完個雞煲係成個煲換走， 再重新上一個湯底俾你打邊爐。 咁就唔需要食雞煲煲底油冧冧嘅湯底喇！我哋選擇咗滋補藥膳湯底，湯底充滿藥材味，有少少養生嘅感覺～佢嘅二鍋頭雞煲非常之足料，每件雞都好大嚿，真係食到好滿足。而辣度方面亦都可以選擇，我就揀咗小辣，適合一啲唔係好食辣嘅人。 至於火鍋都係任食，佢嘅牛肉片同埋羊肉片質素都唔錯㗎 ，而出面仲有自取區，有唔同嘅蔬菜類，亦有我好鍾意食嘅蒿荀！

今次嚟到尖沙咀呢一間任食雞煲加打邊爐嘅火鍋店，叫做二鍋頭，佢嘅麻辣雞煲非常足料，勁大煲，真 兩個人非常滿足食到飽一飽。食完雞煲就會打邊爐，佢同其他店唔同，佢唔會直接加湯，佢係會成個煲換咗佢，今次揀咗藥膳湯，不過就比較淡味，如果比較鍾意清淡口味嘅可以揀呢一個。 任食火鍋裏面有好多選擇，不過肥牛都質素相當唔錯㗎，同埋仲有羊肉，片至於出面任拎就有好多蔬菜，特別一題就係佢有我中意嘅蒿荀。 雪糕就係牛奶公司嗰類。198價錢都值得推薦。

二鍋頭酒成日聽人講去飲 打邊爐都有二鍋頭聽過未🤣今次我就帶大家見識下位於尖沙咀 空間非常廣闊嘅二鍋頭火鍋打邊爐 裝修非常新淨 火鍋料同飲品非常充裕 勁多選擇 兩大個雪櫃 二鍋頭價錢非常合理 任食美國極黑和牛都係$298 一大個火鍋醬汁配料吧係側邊比客人慢慢自己撈 又有海鮮又有牛肉 湯底勁好飲 海鮮嘅鮮味煲哂落去個湯度 仲要勁暖胃而我同朋友今次又青口又帆立貝又脆鯇魚片又美國肥牛、鮮滑牛肉、美國黑豚肉咁放哂落去一鑊熟 食足兩個半鐘都係每人$220左右 真係超抵食 仲有勁多雪糕㨂 岩哂炎炎夏日嘅季節

之前食過一次這裡的豬手煲後念念不忘所以當朋友約尖沙咀吃晚飯 我就提議來這裡198任食2個小時 有3款煲可以選擇我們當然首選豬手煲啦選了小辣濃濃的黑椒香氣 但不會太辣豬手皮充滿膠質 彈牙有咬口吃完之後再加點半份吃完豬手煲就換個香茜皮蛋湯底火鍋198的牛肉是牛板鍵肉比較瘦 但不會太鞋炸魚皮和響鈴都很脆雪櫃裡有很多新鮮食材自取 乾淨衛生吃火鍋必備的降火飲品都有好幾款選擇放題質素都幾高 而且有幾款不同價格的選擇真正豐檢由人 

牛好食雞煲正收工後想搵個地方食得飽又坐得耐，新張期間冇限時就岩晒門口超多花牌，睇黎質素都唔會差一開始先上雞煲，選了BB辣度，香而不過份刺激，滿滿既香料味，２個人食都有半隻雞既份量，雞肉軟滑，唔會因為任食價錢就敷衍了事轉上湯底打邊爐之後就可以瘋狂叫和牛，我選左尖沙咀店特有的牛魔王PLAN($298)比普遍$198套餐多3款安格斯和牛選擇，但一定唔後悔貴少少食到和牛！牛小排厚少少，但燙４～５下，肉色粉紅入口即溶，牛味重，可以係咁食牛頸脊同和牛片可以不斷交替咁食，就唔會食到膩～寫紙已經超多肉類海鮮任你揀，海蝦好新鮮，有膏，肉質仲好爽脆海蜆仲有好鮮既海水味，冇沙，烚開殼就食得地方方正好大，環境乾淨，就咁都望到配料區既大雪櫃，唔洗兜成個圈先出到去拎野食同配料，好方便菜有六款選擇，西洋菜，油麥菜都有，洗乾淨切埋適當大少任你夾，基本配料丸類腸類都好齊全，另外仲有韓式餃子，試左泡菜餃都幾特別，仲有少少爽脆口感

之前嚟食過牛魔皇放題 真係好抵好高質今次糧尾就食個普通嘅198任食啦其實198只係牛唔同左其他火鍋料同幾個煲都一樣任食真係好抵 今次我地就揀左上次冇食到嘅火焰鴨煲上枱之後炒左一陣就加左點火嘅酒可惜我影唔切食落酒味香濃鴨肉有新鮮鴨同臘鴨肉 幾特別令到成個鍋都有種特別嘅香氣臘鴨都唔會過咸 火鍋料就有寫紙仔同自取自取嘅雪櫃大大個 入面都有好多款式影左其中一個 最鍾意佢啲蟹柳係高質野菜都洗得好乾淨 西洋菜呢啲難洗嘅菜都冇沙海蜆都有得任食 呢個真係好抵嘅飲品都好多款揀仲有少見嘅榴槤雪條呢間放題真心 食回本冇難度

呢間位於尖沙咀嘅雞煲火鍋放題，星期日至星期四5:00pm後入座，兩個半鐘任飲任食每位最低只需$198，價錢都幾親民。仲可以以$268升級任食龍蝦海鮮盤或$298任食美國極黑和牛。雞煲都係任食，除咗雞煲，仲有火焰鴛鴦鴨煲同埋黑椒豬手煲選擇。食完辣度十足惹味嘅黑椒豬手煲，轉個湯底就可以開始火鍋放題時間。有八款湯底供選擇，分別係香茜皮蛋、番茄薯仔濃湯、懷舊沙嗲、川味麻辣、泰皇冬蔭功、清湯豆腐、正宗豬骨同滋補藥膳。我哋揀咗香茜皮蛋，清熱下火。個湯確係幾清下，湯面鋪滿芫茜，底下有大大隻皮蛋。除咗額外收費嘅貴價火鍋食材，每次可以order 10款食物，我哋點咗美國肥牛、黑豚肉、墨魚滑、鮮蝦雲吞、鳳城水餃、魚皮餃、帆立貝、海蜆等等。出面仲有各種丸類、腸類、餃類、蔬菜菇菌等可以自取，種類都幾多的，而且全部食材都幾新鮮。仲有各種汽水茶飲，雪糕等。包保食到好滿足。

又想食雞煲，又想打邊爐，最尾我哋撰咗尖沙咀二鍋頭，任飲任食，飽到你停口為止🤣🤣🤣我哋撰咗最經濟既$198套餐，雞煲、鴨煲，黑椒豬手煲，任食，每次仲可以撰唔同辣度，好貼心🥰食完仲可以8個湯底中任撰一個湯底打邊爐，正👍😋黑椒豬手煲黑椒味超濃，豬手好入味，但又唔油膩，滿滿骨膠原😉香茜皮蛋鍋專登撰咗個清啲嘅湯底，下火😆指定食物任點任食！出邊仲有食物bar,野飲櫃同雪糕櫃！半自助形式！同好友幾個一邊食下野，一邊傾下謁，都幾開心😃

之前食過旺角,今日就試下尖沙咀新店! 有個尖沙咀限定既牛魔王餐$298一位, D牛肉全部都好靚好抵食打邊爐之前, 首先可以揀左雞煲/鴨煲/豬手煲先我同朋友就揀左穩陣之選雞煲~本來冇太大期待,但真係好食! D汁料好香!雞肉唔柴仲好嫩,上台就食得,洋蔥索晒D汁又甜.2個人呢個份量係可以清晒,仲想留肚食多D打邊爐,都抵唔住誘惑食完個煲可叫店員收走,佢會換個邊爐湯底比你,食牛梗係揀芫荽皮蛋,超香芫荽味,店員姐姐見我聞到陣香味咁興奮,仲問我夠唔夠荽,可以加比我雖然我冇加到,不過都好抵讚啊!寫紙點左少量海鮮,全部都好新鮮!花甲,吊桶仔,同蝦都好推介!!必點!!一份限定既M6和牛,恰3~4秒就食!入口即溶!安格斯肥牛最滑,牛肩脊最平均,牛小排最重牛味,可以任叫任食真係好幸福~唔好恰太老,粉紅色就岩岩好,同全熟個口感可以差好遠最後食埋支榴槤雪條收尾~超飽啊!好多雪糕雪條揀

其實我本身好少食放題，因為好多時放題的質素都是普普通通，但今日行過尖沙咀見到依間二鍋頭新開張，門口好多花，好奇心驅使下今日就入去試一試。首先佢有麻辣雞煲，鴨煲及豬手煲任食，要試過廚師手勢當然先來一個麻辣雞煲，雞煲賣相非常吸引，上枱煮一煮，試佢個味道，非常出色，香味濃郁麻辣非常平均，雞肉嫩滑。兩個人食唔停咗好快成煲清晒。跟住佢就會有唔同湯底任揀打邊爐，食完雞煲就清地揀咗個清湯底，亦都可以試吓佢火鍋材料的質素，今天叫了墨魚滑花甲多種蔬菜，全部都非常新鮮，驚喜的放題。

路經尖沙咀，見到門口好多花牌，原來係新店開張🥢任食火鍋🍲餐廳。除左雞煲、鴨煲任食外，另外仲有豬手煲任食，仲係無限時任食！雞煲我今次點左中辣，好夠味 夠麻但唔會太辣而且竟然食完唔口渴，感覺冇乜味精，呢個值得一讚！二鍋頭惹未雞煲 or 火焰鴛鴦鴨煲 or 黑椒豬手煲 3選1 ，食完之後再選湯底打邊爐。湯底分別有「香茜皮蛋鍋」、「蕃茄薯仔龍濃湯鍋」、「懷舊沙嗲鍋」、「川椒麻辣鍋」、「泰皇冬陰功鍋」、「清湯豆腐鍋」、「正宗豬骨鍋」、「滋補藥膳鍋」、「滋補花膠雞鍋」⋯有9個湯底可以選擇。另外出面係有多款蔬菜🥬配菜同埋甜品飲品無限量供應。當日想食清淡少少，所以食完雞煲之後我點左個清湯豆腐鍋同主要都係一啲蔬菜類為主想清清腸胃，蔬菜配料都好新鮮，另外重點左少量嘅海鮮同鵝腸、墨魚滑等等，整體感覺食材都新鮮，特別推介係佢哋嘅蜆好鮮甜！

朋友話想食任食火鍋，即時想起二鍋頭在尖沙咀開咗分店！地點非常方便，喺嘉芙中心一樓，比起舊店新淨，光猛衛生，望一望價錢最平$198任飲任食，仲可以選擇雞煲！鵝煲！豬手煲！仲有火鍋配料任食，因平時多數都係雞煲，我同朋友揀了火焰鴛鴦鴨煲覺得佢好特別！上菜速度好快，大約等咗10分鐘已經有得食，先聲奪人第一道菜火焰鴛鴦鴨煲，嚟到份量好大，四個人都夠食，原來是侍應話可以叫半份，細食嘅朋友記得啦，講返隻鴨煲，話明有火焰🔥侍應已經準備了一碗玫瑰露，先將鴨肉炒熱，然後放入酒，放火！好似去咗睇表演咁，鴨肉炆得好淋，食到淡淡玫瑰露好香，而最最最好食嘅就係吸晒汁嘅炸枝竹，真係人間極品！食完之後，跟住轉頭去打邊爐，湯底都幾多選擇！我哋加$20揀咗鴛鴦鍋，沙嗲湯底好香濃，另外揀咗冬陰功湯底，呢個有啲驚喜，香料味十足，仲有幾片新鮮檸檬🍋酸酸辣辣好開胃，火鍋配料都好多選擇，我哋揀咗好多海鮮，大蜆冇沙丶墨魚仔彈牙.、花枝片脆口丶大白鱔魚味濃丶大蝦爽丶帶子丶墨魚滑！樣樣都好新鮮，估唔到$198仲有咁多海鮮食，肉類方面我哋選咗美國肥牛，牛肉味好重，而且仲好淋，我哋每人食咗兩碟，食到呢度已經飽咗七八成，跟住出去搜羅雪糕，竟然