二鍋頭 (嘉芙中心)

營業中

休息中

經過尖沙咀發現呢間新開嘅火鍋餐廳，又唔貴，就同朋友一齊去試下👅去到嘉芙中心記得千奇唔好搭lift！！！！！餐廳係一樓，要係lift旁邊行樓梯上，lift係上唔到一樓🤦🏻‍♀️因為係星期日，我地就同朋友揀左$198個任食，又有得食雞煲又有得打邊爐😆套餐除左雞煲仲有鴨煲同豬手煲，你可以三款食曬都得，但我地食完雞煲就等唔切直接開始打邊邊啦🤣雞煲雞隻份量唔少，唔會話全部都係骨位，都有好多嘢，夠曬惹味🤤我地揀左BB辣（有得揀唔辣/更辣），但我地兩個譚仔5-10小辣嘅都覺得辣，但都可以接受食到😛火鍋湯底我地就揀左員工推薦嘅豬骨湯，真係好足料，湯底有幾夠骨，居然仲俾朋友發現有雞爪🤣火鍋調味、飲品、菜、丸等等配菜都可以係出面櫃自取。最平198套餐牛只有滑牛同美國肥牛可以選擇，肥牛雖然唔係話特別肥，但肉味都夠膿唔係柴，當然可能因為我煮得好🤣但如果食呢個餐，牛魔王可以重點食滑牛🤭滑牛真係好滑好好食🤤海蜆真係超新鮮！估唔到咁鮮甜，令人眼前一亮😍要特別稱讚呢到個配料櫃有「趟」門，食物安全上令我放心不少。如果打邊爐鍾意配啤酒嘅可以加個生啤任飲🤣打邊爐配啤酒都好正🍻可惜飲酒要人多先熱鬧🥺

好耐無同朋友去放題食啦! 2個半鐘任食煲同邊爐兩個女仔真係試唔得咁多🤦🏻‍♀️所以食左個雞煲直入邊爐🤣個雞煲都唔錯雞肉好嬾重點係食佢d香料 好鐘意陣花椒八角味 夠曬麻不過有少少搶左雞既味道 但雞煲既肉唔係鞋sapsap已經值得加分！邊爐叫左個小辣 一黎到嚇一嚇! 成煲血紅色好多辣椒🤣我同朋友都係好辣之人即刻好期待🥳可惜個湯冇望落咁辣較為油d但食物種類都好多，大部都幾新鮮！可惜可能真係太耐無食過呢啲放題式既飯 個肚唔爭氣😩想食鴨/豬手煲都食唔到連最鐘意既甜品都淨係食得少少(明明仲有超多都食唔到，太飽了)!!不過員工服務都唔錯坐位都闊落 慢慢食慢慢傾計🤤

每次都要為晚餐而煩惱，兜兜轉傳都係打邊爐食雞煲先最好，款式多到數唔到，最緊要食完夠飽肚，打邊爐之餘再加雞煲，滋味至少會Double。雞煲呢就而家通街都係，但茫茫大海之中又點樣可以搵到一間己有水準又夠難忘嘅雞煲店呢？尋尋覓覓總算喺二窩頭呢一度食到一次滿足嘅雞煲。每一個雞煲內含嘅除咗有新鮮雞件之外更重要就係有配料功臣，當中包括提升香味嘅芫荽，另外仲有新鮮嘅京蔥，而職員亦都非常貼心為大家準備吵到㷫烚烚嘅雞煲，喺熱辣辣嘅溫度下食到嘅更係濃縮香甜嘅醬汁配以厚身嫩滑嘅雞肉，若果嫌太龍嘅話唔好忽視洋蔥嘅威力，既可以清新口腔亦可以帶嚟好似蔬菜一樣嘅化解作用。另外呢一度亦都有油鴨煲，既有新意又夠原始，好味嘅油鴨除咗色澤要夠嫩紅之外，更重要就係有食檔嘅鹹味，但同事亦都唔可以過鹹如果唔係就會變咗鹹鴨肉。呢一度嘅油鴨煲新鮮到爆分之外另外一個神來之筆就係用咗玫瑰露辟除鴨嘅羶味，若果想食到成個煲嘅精華應該就係支竹嘅表演時間，所有濃縮左嘅精華都會比 支竹吸收晒，令人一試難忘。臨完之前亦都要食返幾杯雪糕，芒果味朱古力味雲呢拿味紅豆味芋頭味任君選擇，每款各有特色，百花齊放之下，依然做到淋漓盡致，確係一間優秀嘅餐廳。

今日黎到尖沙咀，見呢間可以食完雞煲之後打邊爐延誤到個價錢都好抵，所以就試吓佢！首先我哋叫咗個中辣雞煲，雞煲啲雞好入味！啲芫茜同京蔥完完全全吸哂啲味隻鳳爪超入味！個份量都好多！ 同埋，雞煲一黎到，係店員幫我地去撈個雞煲，好貼心。而且個鋪既抽油煙機做得幾好，啲油煙扯哂上去！ 我地係依個時候就睇住電視先之後我地叫左芫茜皮蛋湯底做火鍋底，好濃芫茜味，岩哂我叫嘅肉類同埋海鮮都好新鮮，最鍾意食佢嘅蜆，超鮮味！飲品同埋雪糕都有好多款式，我揀咗食奇異果雪條，幾特別！

想食雞煲連打邊爐！朋友一諗就介紹我黎食二鍋頭，佢話又平又抵食！至緊要係好食呀！見佢介紹得咁吸引！梗係要黎食下啦！呢度位置都幾方便渦！總店係旺中對面！而尖沙咀呢間係尖東嘉芙中心！超方便呀！先可以揀豬手煲，鴨煲或者雞煲，跟住食夠之後可以揀湯底打邊爐！包你一定食得飽呀！不過如果揀左打邊爐，就唔可以掉返轉揀食雞鴨豬手煲嚕！所以一定要食盡佢呀！呢度好貼心，想試多幾款煲，可以揀半份/一份！唔洗浪費，又可以試曬咁多款口味！我自己就最鍾意食雞煲！啖啖肉！好好食！又唔會乾！好多醬汁！啲度啲職員服務好好！好有禮貌！簡介食物又詳細！仲推介左唔少好野食俾我地！好好人！下次要黎食佢地個和牛餐先得！一定唔會令人失望呀！！

想係tsim sha tsui 食dinner hotpot,哩度嘅放題種類，真係非常之繁多，牛魔王放題，可以任食美國極黑和牛之外，仲可以有龍蝦海鮮火鍋放題，包4款時令靚海鮮。今次我哋就試咗佢嘅牛魔王放題。因為同friends都鍾意食牛。佢哋嘅美國安格斯極黑和牛，prime牛頸脊，美國安格斯牛小扒都係任食，真係勁滿足。而且我都好鍾意佢哋嘅新鮮蔬菜，最開心係佢哋呢度都仲有西洋菜，打住邊爐之餘都可以好好清熱。我試咗佢嘅牛小扒同埋牛頸脊，都覺得非常之鮮嫩，好有肉味，而且牛肉新鮮，食落甘香，所以我覺得味道方面可以俾4分。而且因為佢係放題任食，佢嘅選擇都幾豐富。

星期六日晚黑，同朋友一起聚會，趁住天氣仲係有少少涼涼地，梗係要把握機會再打多啲邊爐啦！今次嚟咗呢間位於tsim sha tsui嘅放題店，佢哋嘅晚市任飲任食款式好多樣。今次dinner試咗佢哋嘅二鍋頭惹味雞煲。冇惗到醬汁真係非常香滑，雞肉爽嫩，令我同朋友都回味無窮。出面嘅放題包位，同樣款式好多樣化，同friends食完雞煲，都可以繼續出去搵材料，開心打邊爐。超過80款食物，仲包括所有汽水，同指定啤酒，真係好盡興。

哩度嘅任食雞煲，鴨煲，豬手煲真係好鬼正。今次sunday dinner我哋試咗哩度嘅特色，火焰鴛鴦鴨煲。放題雞煲比較常見，而鴨煲就比較少，上到嚟好大份，好足料，芫茜好香。肉質都夠實，friends都讚夠新鮮。放題仲有好多嘅選擇，我哋最鍾意嘅，一定會係美國肥牛，同埋鮮滑牛肉，佢hotpot buffet放題都可以任食，仲有特色嘅脆鯇魚片都好特別，食完鴨煲，加咗水之後，又可以打邊爐，dinner更加豐富。

見尖沙咀呢間新開邊爐店，就同朋友黎試試佢～見到舖頭Banner寫住$218 兩個半鐘任食火鍋都幾抵！邊爐湯底有8款，我地揀左蕃茄薯仔濃湯，湯底超多蕃茄，真材實料！另外仲有超過30款火鍋料可以落單！等緊既時候，睇睇出面自助區有咩食先出面自助區都好多選擇，有丸類、蔬菜、菇類、烏冬等等，乾淨企利！另一位置有醬料區，仲有炸魚皮、出前一丁任食飲品都有3大個雪櫃，啤酒都係任飲！等左一陣，落左單既火鍋料都到啦，上菜速度都算快！美國肥牛幾正海鮮選擇都幾多，幾新鮮👍🏻最後當然要留肚食雪糕，有細個成日食既巢雀雪糕杯，好懷念啊整體黎講，店員都好有禮貌，會主動加湯同收碟，食物質素正正常常，都算抵食👍🏻

突然之間好想去食打邊爐，見到尖東呢頭開咗間新嘅火鍋店，見過價錢都好吸引，就入咗去試一試。啲店員都好有禮貌，安排我哋入咗之後同我哋介紹可以任食雞煲鴨煲豬手煲，但係我哋兩個女仔邊可能食到咁多嘢，就揀咗個最穩陣嘅雞煲試一試。雞煲我哋揀咗食小辣因為我哋驚太過辣頂唔順，上菜之後雞煲浸味真係香氣撲鼻，幾鍾意食佢哋雞煲入邊嘅鳳爪，同平時嗰啲酒樓嘅鳳爪都係一樣。食完雞煲之後我哋就叫咗麻辣湯底火鍋，一上菜嘅時候比佢個辣椒真係嚇親左，因為冇得比我哋揀辣度，但係好彩啲辣椒都唔係太過辣。火鍋配料方面擺放都幾衛生，refill都幾快。除咗自助嘅火鍋配料之外，仲可以喺餐單上面去選擇，個人最鍾意係佢個墨魚滑。

朋友話二鍋頭嘅雞煲好好食，所以我今晚收工就即管去試吓，見到點菜紙可以揀任食雞煲，鴨煲同豬手煲都覺得好吸引，但最後我哋都係淨係試咗雞煲，始終係朋友介紹呀嘛！雞煲分量超多，而且醬汁好好味，所以我哋都叫咗幾轉，始終男仔都大食啲。湯底方面我哋揀咗藥膳湯底，估唔到火鍋用呢個湯底都幾夾啲配料喎！火鍋配料種類好多，而且用料新鮮，尤其是係肉類，肥瘦均勻，好新鮮無雪味。食到咁上下朋友已經急不及待出去自助雪櫃嗰度拎唔同種類嘅丸同蔬菜返黎食，飲品選擇仲唔少，仲有啤酒添， happy Friday梗係要同朋友啤啤啦！總括嚟講二鍋頭性價比高，真係要來試吓！而且地點就腳，大廈外面街上仲有個投影餐廳嘅招牌，非常之易搵！

因為疫情，好耐冇打過邊爐喇！今次要滿足幾個願意！要打邊爐加雞煲食盡佢！今次正呀！唔止雞煲可以揀，仲有鴨煲同豬手煲！雞煲我就食得多！鴨煲比較少見，而豬手煲更加第一次出街食！仲要係2.5小時任食！不得了！黎到呢度環境都唔錯！又大又坐得舒服！非酒精飲品又任飲！唔錯！選擇都唔少嫁！而蔬菜類就自助嘅！可以任你夾鍾意食嘅菜同丸類！總有一樣岩你口味！等左咁耐終於有野食喇！先試試口味叫左半份豬手煲！好juicy!細細粒又好好𡁻！唔會好un又夠味！唔錯唔錯！夠曬骨膠原！另外再叫左一份雞煲！仲叫左多芫茜，走鳳爪！全部啖啖肉，雞都好多汁，份量仲好多添呀！仲要任食，真係一啲都唔孤寒呀！一定食得飽呀！我建議大家可以食幾轉雞煲鴨煲豬手煲，又轉打邊爐！因為真係好食！

堂食及限聚令終於放寬，已有幾個月沒有外出晚餐了。是夜，即相約好友們到尖沙咀一間火鍋店打邊爐。這間餐廳位處嘉芙大廈，尖東對面，完全不難找。內裡空間亦算寬敞，提供足夠空間自由取食物。作為牛魔王的小妹，點了這間店限定的任食美國極黑和牛火鍋放題/$298位，再配了個藥膳湯底，一刷牛滋味。任食套餐可任點幾款不同的牛牛部位，包括安格斯Prime牛頸脊，極黑和牛，安格斯牛小排等，全部來自美國。不同的部份的口感也不同，小妹就較喜歡牛小排，肉質肥美啖啖肉。而極黑和牛亦不俗，口感實淨，油分充足。而每位亦贈送澳洲M6和牛一客，這塊不得不讚，和牛紋理清晰細緻。基本上在湯底拖一拖，幾下即變了少量粉紅色即可食。口感不俗，油脂均勻，值得一吃，可惜每人只有2塊，不甘回味。除了牛牛之外，其他食物是任拎，蔬菜丸類通通都齊全，其中丸類亦多達近十款。另一邊亦有響鈴，炸魚皮等任夾，魚皮亦尚脆口。另外，亦有海鮮選擇，種類十分多，包括海蝦，蜆等，十分新鮮。最後不得不提，就是有甜品櫃任食，最值得吃的是韓國雪條。打過邊爐，又有任食甜品，放肆一夜，絕對是大滿足。

朋友介紹到尖沙咀二鍋頭食雞煲，真係超級超級抵食因為呢度唔只有任食雞煲、仲有任食鴨煲和豬手煲又可以揀唔同嘅辣度，再有不同嘅火鍋湯底選擇打邊爐。唔計打邊爐，只係任食雞煲、鴨煲、豬手煲已抵返哂，所有煲都分量十足，惹味又豐富。食完就到打邊爐時間，揀咗滋補藥膳湯底，再配雪花肥牛、鯇魚腩、牛柳粒、大海蝦、扇貝、鵝腸、白鱔片、羊肉片、響鈴、炸魚皮、豆腐、腐皮、出前一丁、各式各樣蔬菜同埋各種丸類。每一樣食材都好新鮮而且種類又多，非常適合同朋友相聚打邊爐。

我好喜歡火鍋🍲今日去左新餐廳😂任食2.5小時，就食得冇咁趕!額外收費就係比較高質嘅食材，如:海鮮、美國牛不用另收費嘅，自己幾喜歡羊肉，好有so味！美國肥牛都不錯，肥瘦平均，好大塊，手掌咁大！白鱔片魚油脂香，口感軟嫩！加入活海蜆！整成卜卜蜆煲！仲有生猛海鮮(蝦)、脆鯇魚片、青口、帆立貝等，令湯底更有海鮮味😇寫紙吾夠更可以自行去櫃到夾！有大量蔬菜款式，仲有稻庭烏冬、炸魚皮、餃子、燒賣等等！超多野食！飲品方面仲有啤酒仼飲添呀！