九重鮮 (已結業)

於平日七點前到達，當時只有三四枱客人，店內裝潢非常地道，入座時有想點碟牛肋骨燒烤的衝動。餐牌主要分三個海鮮餐：釜山塔、首爾塔及濟州塔。作為龍蝦迷，當然首選濟州塔！比起其他二個塔，濟州塔多了龍蝦、泡菜和牛卷及升級左南非鮑魚和鑽石蚌！湯底方面經過一番篩選揀了韓式豬手湯。下單後興奮地等待我的第一個九層塔！過山車正準備啟動！在過山車開始緩緩前進之際，侍應送來了四款韓式前菜，由於太肚餓，其中醃小白菜及芽菜好快被掃光，侍應貼心的為我地添加。與此同時，亦送上了九層塔！過山車正在爬昇第一個高峰...侍應詳細介紹九層塔到了85c就可以開始食頭三層，由於海鮮的種類唔同，之後個幾層每隔5分鐘就可以進食。大約十分鐘後，待應為我們打開了塔蓋，過山車在冒升的蒸氣下終於衝下了第一個高峰！我同友人站起來，手起夾落的捲起了和牛泡菜卷送到嘴裏。牛薄軟滑，熱過的泡菜更為軟身，雖說不上是絕配，一試無妨。蒸法烹調味道不太強，已是全塔最為濃味的一層，具備開胃效果。來不及喘息，過山車又再極速前進，係我地想見到既風景！蟶子跟蚌類正在向我招手，配菜同樣吸晴...清蒸烹煮吃儘了海鮮的原味...原味不等於鮮味，此時過山車降低了時速，進入了

個排係cwb番工 媽咪話泥搵我食飯甘我就揀左依間天后既九重鮮 之前都試過紅磡店 覺得不錯先同媽咪再食多次大坑既上次食首爾塔 兩個人都超飽的 所以今次都揀番依個 中規中矩嘛粥底揀左豬手粥一泥到5層高 睇到都開心 係等緊啲食材熱既時候就食住前菜先 有泡菜豆芽辣蝦等等 我最愛莫過於豆芽 少少麻油味再加上爽口口感 我都refill左一次今次吾知點解好快就熱左個塔 可以開食 食每一層員工都會好好幫手拎走個蒸盤 好熱心 亦會略略簡介下個層有乜海鮮 重點係建議我地可以試一試啲汁既鮮味 令我更食出海鮮既原汁原味 例如扇貝北寄貝啊蟶子5層入面分別有鮑魚 蟶子 海蝦 大蚌 元貝 海螺 象拔蚌 大花蛤 北寄貝 沙巴肉蟹 蝴蝶蚌 新鮮花尾龍躉 日本南瓜,蕃薯食前搞清楚枱面上啲野點玩先 好多架撐啊 側邊個鉗夾野既 仲可以鏟貝殼類既海鮮 一秒剝殼 隔離牙簽用泥食海螺 用佢好快就可以鑽到個螺出泥醬汁都有3種 有一隻係麻油加海鹽 清清地既係豉油 可以點蝦 右邊既辣醬點乜都得 嗜辣既必點啦 嗌左支米酒同媽咪share 甜甜地 酒精味吾出所以媽咪都愛開始入正題啦打頭炮係蟶子同象拔蚌 蔬菜有菇仔同翠玉瓜 先吸左食材既汁 鮮

首爾㙮 ( $398 per person)用蒸氣方式蒸煮既九層海鮮塔 因為得👫食所以得五層😆第一層：蟶子 象拔蚌第二層：蝦 帶子 北寄貝第三層：蟹 花甲 青口 魚 南瓜 雲耳第四層：鮑魚 螺 大蜆 粟米 娃娃菜 冬菇第五層：人參雞粥首爾㙮既海鮮鮮甜清淡 而蒸海鮮既水落左係人參雞粥到 令粥底都非常鮮味😋海鮮食得出好新鮮 而且好爽口架 特別係蟶子 好鮮甜 大大隻 誠意推介👍🏻👍🏻價錢中等啦 咁多海鮮四百蚊 ok啦😌

這次是我第三次吃九重鮮，以往兩次也是在紅磡店的，今次我又選擇在大坑店，對我來說更方便。甫坐下，先來點韓國小吃！ 一如以往點了首爾塔（$398/位），底下選了韓底豬手湯粥底，吃完所有海鮮後，便可享用了。 海鮮塔分了五層，食物包括了：🐟鮑魚 蟶子 🍤海蝦 大蚌 大貝 海螺 象拔蚌 大花蛤 北寄貝 🦀沙巴肉蟹 蝴蝶蚌 🐠新鮮花尾龍躉 日本南瓜 🍠日本蕃薯 海鮮塔送上後，店員會教的們食用方法，建議我們在85度便可進食。為免海鮮過熟，建議5分鐘吃一層，趕不及也有保溫碗盛住食物！每款海鮮均新鮮好味，大隻鮮甜爽口，蒸好的海鮮上蓋滿了海鮮精華，可以倒入粥底！吃完海鮮後，終於可以吃豬手湯粥底了。粥底內有豬手、硯和年糕，吸收了海鮮精華，甜到不得了，我們一人吃兩大碗，還可以打包呢！ 濟洲橙汁（$70） 水蜜桃有汽果酒 最後，因為有中銀咭優惠，所以可享有流心紫薯水晶湯丸。湯丸荷葉一齊蒸大約10分鐘，荷葉香味散發出來好香，湯丸煙煙韌韌，帶有流心效果，配上香甜的紫薯，很美味呢！ 服務方面，店員殷勤招待，解釋清楚，非常滿意。順帶一提，這裡平日也人頭湧湧，坐無虛席，建議大家預先訂位，免卻等候時間。

夏天總會成日挑起我想食海鮮條癮～ 特別係清蒸煮法，夠原汁原味又鮮甜～ 所以甘辛苦工作要獎勵下自己都要獎勵埋男朋友成日都甘愛戴我！請佢食好西！又黎到九重鮮😊今次去大坑總店！門面裝修有別於紅磡店～ 行傳統韓式平民風～ 枱呀個d一色銀色個d呢～～ 今次我地食濟州塔～$568位 有9層！當中用料比較上乘同種類會更多而且仲有和牛～ QT好開心發現佢地嘅服務再次改善為更完美又貼心！因為今次唔洗好似上次甘食到甘急或因食得慢海鮮蒸過龍😍 餐廳會每人提供一個真空保溫盒！食得慢可以先將海鮮放入保溫盒度～ 完成手頭上嘅再食！我真人試過個保溫盒放左野食入去20分鐘都仲暖😊超細心方便呢～ 今次簡左豬手粥～ 淡淡香香嘅胡椒味～ 粥滑而棉😍大愛！食晒9層～ QT個肚腩即時好似有左3個月bb甘😂 最緊要佢地海鮮真心新鮮分量好足！

叫侍應開大一點冷氣，他們都不理，就來吃完多幾枱客才感覺有冷氣，火鍋冷氣不夠吃到出晒汗，以前不會幫襯這間火鍋😡😡😡！!!!!!!!!!!!!!!!!!!!!!!!!!!!!! Bnbb n bnnnnnnnnn nbnn

又係一年一度七月之星既生日飯啦，三位都係七月之星，唯獨我唔係，A小姐強烈要求試大坑九重鮮，我記得年頭我去過黃埔嗰間，都好似幾正！所以今晚照go go go！餐廳係一樓，要上一層樓梯，上到去正呀！冷氣夠勁！我地order左首爾塔，無計啦！有三個套餐，平嗰個又爭d，貴嗰個又食唔起XD，所以食個中等既。塔黎之前仲有韓式小碟tim！店員同黃埔一樣，好細心咁介紹，85度就食得，食層建議享用時間係5分鐘~等左大約5分鐘，終於食得第一層啦！次序有d亂，因為食得太快啦！蟶子隻隻十分大隻，d肉好煙un，但食落又帶點爽口，肉多，長度差唔多有我兩隻手指咁長！大蚌又係好大隻，好鮮甜，但相對地肉較少，質感比起蟶子更煙un，仲有我好中意有個殼既大蚌，大蚌汁留左係個殼度，食完飲埋d湯，十分鮮甜！元貝都好大隻，一打開個塔已經覺得好震撼，因為好大隻，4隻放埋一齊已經覺得好似大到霸晒成個塔！元貝肉固然煙un，但食到個橙色肥美既膏位，一咬d膏好似爆出黎，濕濕地，係個口中徘徊好正！海蝦既排列好得意，我覺得好似泳池d團隊花式游水，show隻腳出黎嗰d，蝦有我隻手咁長，因為太熱，等左一陣先食得，海蝦肉一d都唔失禮，由於係蒸，ke

近呢年興食韓式蒸海鮮塔，基於自己喜歡海鮮香口濃味，所以一直未試再試這種原汁原味的食法，終於適逢家人生日終於有藉口試下我們一行四人去位於大坑的分店，一上樓環境舒適，完全不會有一般韓式餐廳的油煙味，座位空間寬闊，我們點了中價的首爾塔和粥底點了豬手湯底，店員先放粥底的材料後就看見我們的今晚的重頭戲來，嘩！我地4個人同時嘩一聲，足足有9層高，要企起身先可以夠高，店員非常清晰教我們如果食這座海鮮塔，塔頂放了一支溫度計，當顯示為85度就可以開始食，我地點了一支叫清河的清酒，一支比較特別有柚子味的清酒和一支1500ml的大橙汁，清河的酒味很香，不算是淡口的那種，喜歡飲酒的人應該會喜歡，我個人最喜歡的是柚子味清酒，味道好清新，大推！大約15分鐘，終於到85度可以開始🤗第一層是象拔蚌和聖子，首先試下象拔蚌，正！口感彈牙，非常鮮甜，一食就知道必定是新鮮，而且已經把象拔蚌砌開了三四塊，大小適中，最正的就是殼內的精華水，完全天然的鮮甜和咸味，終於令我明白蒸海鮮為何近來大受歡迎了，聖子也是聖子皇的大小，口感爽口，讚第二層是大元貝，肉厚大粒，份量十足！第三層是海蝦，隻隻拉直有手板咁長，肉質好爽，最欣賞的就是完全沒

適逢天生係海鮮宿敵既朋友生日, 而佢又一直好想試韓式海鮮塔, 要同佢食生日飯, 順理成章就去食呢間評價幾高既韓式海鮮塔專門店 (心裏暗喜 : 唔駛諗到頭都爆都唔知食邊間....哈!)大家係港島區放工, 選擇呢間位於大坑既分店都好方便, 係地下門口已經有個宣傳易拉架係度, 好易搵行上樓梯, 自動門除除打開就見到食店面積唔算十分大, 裝潢得幾有韓FEEL, 但每枱位置又唔會坐得好迫, 好在有訂位, 現場去到已經坐滿九成客人餐牌上有3款套餐供選擇, 價錢由每位$328至$568, 朋友生日一於食豪D, 點了最貴價及海鮮種類最多既濟州塔, 等食之前, 飲了侍應推介最新韓國出品既桃味氣酒, 岩晒夏天飲, 當然唔少得可以添食既前菜, 味道都唔錯二人分享有七層塔, 當塔頂既紅色溫度計去到85度就可以開始食第一層, 第一層為泡菜和牛卷, 薄薄一片, 底層以泡菜包住和牛, 食到和牛既鮮味肉汁, 若果覺得唔夠泡菜, 可以自加前菜中既泡菜! 亦可追加和牛($168/8件)第二層為韓國象拔蚌及蟶子, 象拔蚌已處理成一條條, 進食時就方便D; 蟶子都幾大隻, 兩隻食落都有彈牙感及鮮味第三層為海蝦及元貝, 兩者亦

在銅鑼灣逛完街，當然又要找吃的時候，來到大坑這個美食之地，便到處逛逛看。始終，對於選擇困難症的人，要揀一家餐廳總是有點難道。經過「九重鮮」，就直接跑上去，以免人家全都關門了，我倆也未能開始晚餐。又要這個吸引的射燈影像，告訴我又來到這裡。今次是第三次。第一次是為了試點新的，第二次是因為有新的午餐推出便來吃吃，第三次，哈哈，因避免選擇困難症而來到這裡。也算是意外吧。今次選擇了首爾塔，因為店員大大力推薦，那我就想都不用想了。這是一個最多人點的餐，因為海鮮份量充足，價錢又在一個可接受的範圍啦。韓式豬手湯我們選擇了韓式豬手湯。店員為我們先把材料放到底層，到吃完了所有海鮮以後，所有的「倒汗水」就會跌到煲的最底層。意思是我們吃這個粥的時候，就是會集合了所有海鮮的鮮味。這個粥米、豬手、蘿蔔的份量蠻多的。之前就食過人蔘雞湯，是不錯的，所以對於這個豬手粥，我也挺期待的。第一次食這個塔的時候，就是簡單的計時罷了，到了大概廿分鐘就可以食用，所以時間放久了的話，所有海鮮都會變得老。今次店主就為我們準備了溫度計，只要溫度達到85度就可以開始享受了。個人比較喜歡以溫度計去判斷海鮮是否熟透。蟶子大大隻的，入口鮮甜爽口

正當蒸氣石鍋大行其道，另一相類近的九層蒸亦深受食客歡迎。大坑的九重鮮是其中一例，是日飯局由好友安排，聽聞需要數個星期前訂枱。在餐廳的正門已可見其招牌九層塔，餐廳內部格局有點似沒有抽氣煙囪的韓燒店，及後店員送上泡菜小碟，筆者才知悉餐廳主打韓式美食。晚市有三款套餐供選擇，差別在於海鮮款式及數量。筆者選了一份首爾塔，詳細食品款式可見下圖。一行八人，四人一塔分別挑選了韓式豬手湯及韓國泡菜湯作粥底。粥底備妥後九層塔隨之送上。在塔頂上方放有一枝電子溫度計，當溫度上升至 85 度時即可品嚐最上層的美食，然後由上而下依次品評每層美食。依據建議，每層享用時間約為五分鐘，餐廳另設一個沙漏供計時之用。整體來說，套餐份量十足，連粥底齊吃必能捧腹而歸。海鮮選材雖不是高價貨，款式確實多，但因品種類近，不論食味口感皆不夠多樣化。為了改善有關問題，建議換入一些肉類食品如豚肉雞肉更佳。平日吃蒸氣石鍋，每款食材皆有最佳烹調時間，每次蒸煮一款，火喉控制準繩。相比之下，九層塔雖然每層均有建議烹調時間，但因所有食材皆是同一時間蒸製，而各人用膳速度各異，每層享用時間的誤差均會累積影響以後的美食，效果明顯不及蒸氣石鍋理想。或許正是

海鮮呢家嘢真係唔取巧，用新鮮游水材料，清蒸乜都唔駛搞就掂硬。朋友食過另一家分店，都話呢間用料更精。上次同朋友嚟，已經俾佢啲夠分量又夠新鮮嘅材料吸引，最後個人參雞粥滲滿精華，更係鮮甜嘅人間極品。絕對食過返尋味。職員十分之體貼，雖然午間只有一台客仲要早咗到，佢哋都好好禮貌，又詳細解釋各種材料，真誠俾意見，貼身招呼，親力親為，最後嗰個甜品----水晶紫薯湯丸仍然有驚喜好~~~~好~~~~~味~~~~~呀~~~~~唔知邊庶有得賣店舖採韓式裝修，兩次都坐得舒服。海鮮類：蟶子，沙巴肉蟹，南非鮑（大隻！）,和牛（加泡菜,非海鮮）波士頓龍蝦，海蝦，花蛤，海螺，龍躉，日本元貝（牛眼咁大粒！）蒸南瓜冬瓜蕃薯車厘茄粟米好好好味！我返屋企自己都有蒸嚟食~~

韓式九重鮮前排實在太難訂枱, 終於襯朋友生日, 我地的起心肝早2星期訂枱, 講到明九層塔, 都係同網上見到一樣, 勁高既蒸爐上枱係好震撼, 不過食物質素才是重點, 結果我地都無失望, 真係樣樣好味層層鮮味我地揀左韓式豬扒鍋, 韓國米加豬腳, 其實就咁食會唔會更好味呢, 豬腳變成粥總係擔心會唔會好怪先唔理個粥底, 打開一層層既神秘面紗, 東風螺好有口感, 但我比較鐘意食蒸南瓜, 好甜食左菜先其實會唔會健康d超鮮甜大花甲勁爽口大蝦, 但個幾條金菇, 可唔可以多d好好味啊, 停唔到口無呃你, 真係大大隻好多啊~~大家搶啦~超鮮甜, 好耐無試過食海鮮食飽人我覺得呢個時間食肉唔多夾, 加上我己經好飽, 呢碟no comment 睇下個豬扒粥底先....好似水左d, 但味道都ok既, 原本我好想試佢個棉花冰, 但實在太飽, 唯有下次啦, 雖然係貴左少少, 但海鮮始終係我最愛, 有機會都會再黎

地方環境都ok不過食物質素真係麻麻好似d蝦咁，就真係唔新鮮蝦肉有小小梅蜆仔肉亦有少少怪味生蠔細隻都算，仲要有陣泥味真係有小小懷疑d蠔係咪大陸養殖既個粥底就幾好味不過d米有d未煮開overall 咁既價錢係唔抵食兼唔會有下次

之前響電視旅遊節目介紹韓國蒸海鮮塔，果時已經即刻想飛去韓國試，今日我終於黎到銅鑼灣依間試一試。九重鮮一開頭見到，重以為我去錯地方，我黎食九層塔喎，咁大個鑊打邊爐咩，原來係我搞錯，個鑊最中心的地方就係出蒸氣的地方，再響上面係個不鏽鋼就成了九重鮮-九層塔。食韓國菜，前菜當然係少不了，我最鐘食係係薯仔，非常入味。等左十五分鐘左右就可以試第一層第一層有蟶子、象拔蚌，講到象拔蚌平時都係見做剌身或係灼三秒既打邊爐食法，今次清蒸果然清甜好多。第二層係元貝，食完先記得原來無影相。第三層 - 海蝦 極有可能係蒸既關係，感覺上好多汁而且充滿蝦味，有別於平時白灼蝦味落晒入湯入面，又唔似燒蝦一樣乾。第四層 - 北寄貝 花尾龍𧄌 件魚真係啖啖啖肉好好食，不過奇怪既係我唔多覺好有魚味，反而感覺得好有海鮮味。第五層 - 大花蛤 大蚌 木瓜 本人好少食大蚌，平時食甲殼類都係食花甲、蜆多，見佢咁大隻，一啖咬落去的確係好有質感(其實我重未試分花甲、蜆、蚌....)第六層 - 沙巴肉蟹 青口 隻蟹可能係因為係肉蟹，算比較多肉重有唔少蟹膏，唔錯。第七層 - 鮑魚 日本蕃薯 白蘿蔔 鮑魚固然係好好食，但另外蕃薯同蘿蔔，由於較低