影片
以上資料只供參考, 請與餐廳確認詳情
前兩晚了去左呢間日本餐廳，真係超級十分極之嬲😡😡😡😡我地兩大兩細，7點幾落左單，等左超過40分鐘都未有野食，眼見其他遲嚟嘅人已經食緊，於是問下係咪漏單，個女侍應話其他人好早落單⋯⋯，三分鐘後有一位阿叔走嚟我地張枱，一句「唔好意思」都冇，就講「你地食咩」，我地再問「咁係咪漏左單呀？」，佢用爛仔講數嘅語氣同我地講「依家咪問你食咩囉！」，我再問「係咪唔見左我地張單呀？」，佢終於發火，你冇睇錯，係餐廳呢位唔知侍應定老闆嘅大叔發火！「係漏單，你再唔講，你仲要等耐D！」⋯⋯由於帶著兩個小朋友，我整個過程都已經好溫柔，而且見小朋友好肚餓，我都以包容嘅態度對待⋯⋯最後我同小朋友講「媽媽知你地好肚餓，不過無禮貌唔可以接受，我地去第二度食！」。我離開之前，竟然仲聽到大叔同廚房講「噢！唔駛煮！」佢嘅語氣應該係想叫「Yeah!👯🎉」⋯⋯🙄
繼續閱讀
時間正值lunch time 下午1點左右，天氣又熱又焗，我同班朋友四個人係附近兜左個圈唔知食咩好，見到舖入面有幾個空位就想快快趣入去食。點知一踏入門口半步，有個女職員已經兇神惡煞咁衝埋黎，手打交叉，語氣又差，大大聲咁話：「今日唔入客架啦！唔接生意架啦！太多人做唔切呀！」就咁就趕左我地出去。其實你多人做唔切，你咪可以慢慢出餐，我地唔介意等耐少少，反正有空位點解唔可以比人坐住等? 就算真係唔想做生意，我可以體諒，但建議你下次可以掛個牌係門口，閂埋道門，唔洗等客人入到黎先喝人出返去。同埋說話態度可唔可以好少少呀？唔好意思都無句，得罪左你咩？以後唔會再黎
繼續閱讀
食第二次，兩次都晚餐，上次太肚餓食乜都覺得好食不能作準，今次路過又食一次，叫咗牛肉猪骨湯烏冬(原本叫地獄湯，怕太辣老闆叫小弟轉猪骨湯)，餐跟兩件壽司同飲品，另再叫三文魚蝦天婦羅卷，加埋都係80幾，但品質同味道俾起好多酒店還要好，啲湯最正，食完烏冬連湯都飲埋！以咁嘅價錢有咁嘅質素，值得一讚同推介！👍🏼👍🏼👍🏼上次食個壽司餐都已經值門票價，不過冇小弟最鍾意食嘅八爪魚壽司食，啲壽司飯正，比起好多日本菜名店重好多多聲，下次叫多幾個朋友去，叫多啲嘢食下再出報告！
繼續閱讀
小朋友鍾意食日式料理，所以同佢地試一試。就係屋企樓下，一試無妨。叫咗一個牛肉鍋加烏冬，刺身，牛柳粒。刺身係新鮮又大件，彈牙唔腥，好鮮甜。牛肉鍋有驚喜，足料，配料有日本魚蛋，金菇，粉絲，冬菇，菜，豆腐。湯底唔太甜但濃郁，牛肉唔「鞋」。牛柳粒不過不失，唔韌。洋蔥夠淋夠入味，唔錯。總括黎講係唔錯的，我見到好多人食拉麵同飯。餐牌好似有地獄拉麵，下次要去試一試有幾地獄
繼續閱讀
平時夜晚食飯都會去依間日本餐廳食, 食物味道都幾好, 而且價錢亦都平民化而且老闆好有人情味, 經常創造新款菜式俾我地食值得推介既食物包括七味魷魚鬚, 幾款石鍋飯, 炸餃子, 手打烏冬等等菜式
繼續閱讀