丼吉日式吉列豬排專門店 (The ONE)

營業中

休息中

約了老人家去尖沙咀試衫，本來打算上樓上飲茶較合老人家口味，不過因為遲到沒太多時間慢慢飲茶，所以心血來潮就改黎食日本野。以前食過廣東道間主店，D野係好食，不過又未好食到我肯排成個鐘... 今次係 The One 唔洗排，午市定食價錢相對好平，仲要D飯同菜都仍然係任添，最緊要係老人家都覺得岩食嘛~我同老人家叫左個吉列豬排拼吉列海鮮定食，所謂既海鮮係一隻炸蠔+一隻炸蝦，隻蠔好好味，不過隻蝦就麻麻~ 女友叫左個三文魚魚生飯定食，三文魚生切成大粒舖飯面，一粒粒咁食唔及一大塊食咁好口感，不過都OK好食~總括而言我覺得唔錯~

有些東西一年也不會吃到幾次,日式吉列食品便是其中之一.總覺得在香港做日式吉列較好的只有這家(豬扒除外)沒有訂位即興去吃的話恐防看見門外的人龍應也興趣全消.The One分店的開張應對彩星中心店的排隊人流有所舒緩吧!這天看完電影後突然想吃炸蠔便走了過來碰碰運氣.幸運地不用等位外更獲安排坐在近窗位置的卡位,新店的空間感比舊店佳沒有了檯貼檯的情況出現.吉列豬柳定食----豬柳的肉味稍遜質感較軟淋及有水份.吉列豬扒、炸蠔定食----本來和友人一樣也是叫豬柳但一時口快快...豬扒一向是此店的弱項!吃過幾次也是肉質瘦得可憐及極粗嚡!當然這次也不例外.蠔的表現保持得到水準!表面炸得酥脆內裡熱度夠之餘也保留了蠔的鮮味水份.確是比其它店出色.執檯時經理詢問為何吃剩半份豬扒,難得店方主動關心,當然如實告知問題所在.得到的回覆是下次再吃時如遇到同樣情況,應主動向經理反映問題所在,厨房會更換另外一件,盡量滿是足客人要求.如此的服務質素怎不叫人乖乖吃完一次又一次?

難怪佢迄立不倒…怕排隊, 特登同師兄華6 p.m. 就去到, 已經有d人陸陸續續入左去, 我地亦好快被安排入座, 侍應話個半鐘要交 木台, 咁當然冇難度, 不過就唔可以慢慢歎lor。叫左: 炸軟殼蟹 - 有4 小隻, 蟹仔啖啖肉, 夠味又炸得薄, 一定要試 - $68 主角係二人份量既吉烈豬扒豬柳定食 - $318。本身跟既湯係麵豉湯, 如果加$28 可轉秘制豬肉湯, 個侍應推介話個湯好甜, 好彩有試, 真係好好味, 料又多。吉烈豬扒同豬柳都炸得皮脆又薄, 肉有口感, 好厚, 食到尾段, 仍然鬆脆, 唔淋。個人較喜歡食吉烈豬柳, 因為肉質比豬扒更鬆軟。d 椰菜絲切得超幼, 好新鮮, 鍾意佢既海帶沙拉醬汁, 酸甜清爽, refill 左幾次。推廣有$10 一杯既西瓜汁, 冇加糖, 清熱氣最好。

很久沒有分享過食評了. 最近總是忙忙忙, 幸好友人安排飯局, 我才可食到我至愛的炸豬扒 之前已聽聞丼吉的人氣爆燈. 果然聞名不如見面, 不設訂座已是意料中事. 估不到的是友人早在6點半在門外等位都等了45分鐘呢!!幸好我們獲分配卡位, 可以舒舒服服詳談一番 看看餐牌, 花多眼亂... 既想食炸豬柳, 又想食炸蝦, 更想食炸豬扒....最後, 我們分別點了兩款小食和四set定食.凍豆腐 - 豆腐異常香滑. 入口有豆漿感. 加上木魚點綴, 味道不錯! 薯仔沙律 - 紅蘿蔔, 青瓜和薯仔加上洋蔥的沙律. 由於有洋蔥的關係, 令沙律味道更為突出.炸豬扒定食*2 - 炸豬扒炸得程金黃色, 香脆無比. 肉質鮮嫩而肉汁豐富. 外脆內軟真的口感非常!! 真的令我回憶大阪的炸豬扒感覺 炸蠔炸豬柳定食 & 炸蠔炸豬扒定食 - 蠔非常肥美, 汁多肉厚. 而且炸得香脆! 炸豬柳跟炸豬扒不相伯仲, 但口感更佳! 雖然等位時間更長, 但整體服務不錯. 可見侍應是well train的. 他們見我們影相時主動幫忙, 親切有禮, 每隔一段時間會看看我們有什麼需要. 順帶一讚的是, 白飯和椰菜是任添的!! 令我這些細

Came to Tonkichi spontaneously as we didn't know where to go in TST and it was really hot. It was surprising to find that we only had to wait for TWO tables. So, not much done before we were seated.Had two sets to be shared among the three of us: (a) Pork chop & pork loin set for two, and (b) Pork chop & prawn. I am still tremendously upset for the restaurant's inflexibility for accomodating my request to have a set for pork chop / loin and scallop, even though I was willing to pay up! I do

28-8-2010同朋友講了幾年要食呢間吉列店, 是日終於嚟排了半粒鐘食炸嘢喇 2 人叫了吉列蠔 + 吉列豬柳 ($198) 及吉列蝦 + 吉列豬扒 ($198) 兩份定食, 分別跟漬大根, 白飯及味噌湯, 而其中一碗湯就加了錢轉「秘製豬肉湯」(加 $28), 整體印象只有 4 個字 --「爛聲都值」! 吉列豬扒炸漿唔算十分薄身, 但酥脆唔油亦無「甩皮」, 肉質鬆化; 自行磨芝麻再加點酸酸甜甜 tonkatsu 醬汁, 好食 吉列豬柳炸漿較豬扒的薄, 肉就較厚身, 不過食落唔及豬扒鬆化; 吉列蝦好「長」, 食落外鬆脆內結實鮮甜, 蘸點帶蛋香的 tartare sauce, 正 而最好食, 就絕對係得兩隻的吉列蠔, 炸漿薄脆, 蠔肉唔算大隻, 但食落極滑溜濃鮮, 令人回味的味道, 正! 食了咁多炸物, 當然要食晒碟上的 shredded 生椰菜 (?) 絲, 椰菜絲刨得極幼細, 質地乾乾爽爽; 檯上供應紫菜味及柚子味醬汁, 後者夠酸香, 不過我更喜歡前者, 酸得來味道帶點 "green" 及「海水」feel, 配椰菜同吃, 夠晒清新消膩, 好食. 「秘製豬肉湯」: 奶白色的

一直都想知道吉列豬扒點解可以買咁貴, 而最好的方法當然係親身體驗啦! 先不要說食物質素, 我係第一次環境服務衛生都給滿分的. 服務員非常有禮貌, 反而令到自己有點不自在; 旁邊有個制, 一禁落去就可以得到服務. 環境方面, 雖然不是一台一間房, 但'卡位'既有花圖案玻璃一直延伸到頂, 而且旁邊有4快薄紗, 有隱私至餘又不會太暗. 衛生...這個level 不用說了, 難道你還會碰到黏黏的檯面嗎? 正題, 我們叫了兩個定食, 一個是吉列豬扒, 另外一個是豬柳串蒜標. 給吉列豬扒又是例牌的評語: 炸粉夠薄, 炸得剛剛好, 外脆內軟! 這些基本要求無問題, 不過所謂食雞有雞味, 有無可能做到食豬有豬味呢? 如果以此為要求, 我覺得距離完美還有一段距離. 就如喝一碗豬骨湯就會期待豬肉的鮮味, 我覺得食吉豬也不應該例外. 另外, 不知道這裡的豬肉來源在哪裡呢? 我不需要某食完會活得很快樂的餐廳 $30 的黑毛豬, 不如如果能夠說明其選料, 相信會更加吸引, 而且可以收宣傳之效!至於豬柳串蒜標, 可能是串的關係, 炸粉厚了一點, 而且做不到皮肉不分離的效果. 大蒜味道也沒有, 反而肉粒之間有一小段

年年生日都會去tonkichi吃飯, 見呢度新開0左間, 今年轉移陣地, 試一試呢間!!入去, 已覺得裝條風格同另外兩間有少少唔同--- 好光!! 可能尖沙咀0個間0係地牢, 所以比較暗; 但銅鑼灣0個間都係0係地面高層, 但唔知點都好暗, 所以一入0黎呢間, 最大印象係夠晒光!!! 其次, 另一好深印象係呢度0的服務態度好好!!! 唔知係咪新開張緣故, 定係0的waiteress比較车輕, 個個都好好笑容好好禮貌, 唔似得尖咀0個間, 個個都串串"共"咁! 最好係, 呢度每個waiteress都好主動, 添菜添飯添茶從來冇叫佢地, 佢地自己會走埋0黎問你.但又唔會煩到你. 唔\以另外兩間, 添多次菜都要三催四請+黑口黑面!! 講番0野食先, 呢樣最重要0既!! 平心而論, 呢度0的0野食真係冇尖咀咁得呢... 我地一行六人, 叫0左個3人餐 + 豬柳串蒜標 + 帶子, 5個餐, 另有炸軟殼蟹. 3人餐 --- 最出乎意料係3 隻蝦都好鬼大隻, 有成隻手板咁大!! 隻帶子又係, 成個乒乓波咁大!!! 其他的都保持一貫水準. 唯獨係個豬柳串蒜標, 炸過0左火, 有少少燶! 比較

7點鐘去攞飛, 7點半再返去, 原本仲有幾張先到我地, 不過個姐姐好好人, 話有張枱吉左出黎, 俾人book左, 如果我地可以一個鐘三個字交枱就即刻俾我地入咁梗係入啦, 間鋪咁細, 都唔知等到幾時今次叫左車海老同炸蠔定食上菜啦, d蠔好肥 車海老就一大一細, 細果隻都真係幾細, 有d失望飯平時我好欣賞d飯, 不過今次有陣怪味, 唔識講炸蠔炸得岩岩好, 非常juicy, 冇腥味, good車海老都彈牙既, 可以大隻d就開心d囉....service幾好, 一按鐘d小姐即刻跑過黎, 係跑過黎雖然一個鐘三個字食一餐唔多夠, 但reception小姐咁好人俾我地入先, 我都好多謝佢總括黎講, 我都係覺得銅鑼灣既quality好d

對於這一碗將被輾成細末的東西，代表的是追求味道的一個境界，個人的虛榮感，還是得到同儕間的認同?! 我實在也不大知道。閱讀了食友的品評多次，經過門口的次數也不少，就是欠缺了一個原動力進入這間Tonkichi，主因是那昂貴的定食價錢，午市和晚市的價錢沒有分別，也不認為「普通」的吉烈定食要賣得這麼貴，畏首畏尾，就是我的性格，想要突破，就要改變自己故有的想法，到了最後，還是豁出去一次好了。選了華置旗下 "The One" 新開的分店，點了菜後，侍者首先奉上那一碗"名物"生芝麻出來，並細心為我這門外漢解釋有何用法，並介紹桌上幾款醬料，例如磨完的芝麻末可配上秘製汁來沾炸豬排、紫菜汁和柚子汁則用來伴上椰菜絲伴吃，單憑這份細心，已給我一種親切的印象。還以為手法很難掌握，不消一會那芝麻已被磨成細末之狀，期間不得不承認這芝麻的香氣實在引人，完成後那定食剛好就端上桌前，前菜、珍珠飯、味噌、炸豬排、兩件炸蠔、另有一大把切成細絲的生椰菜，旁邊還分別配上黃芥辣、海鹽和他他醬，論這個配套，真是既精緻又齊全。立時倒了秘製醬汁入芝麻碗內，並淋上其餘兩種汁在椰菜絲上，夾了一件炸排送入口中，這吉烈脆漿確是有點功夫，入口實

香港的吉列專門店中﹐我想Tonkichi係數一數二的。但是在The One 的新店﹐令這個品牌的名次有極大倒退的可能。當日做完健身之後﹐本想去I Square睇戲﹐不過飛賣得八八九九﹐所以便折返 The One黎個晚膳。想起對上一次去彩星地庫的Tonkichi已有一段時間﹐所以便選擇來這間開張不久的分店。等了約30分鐘﹐便被安排入座。入座前其實帶位的安排了另一對比我遲來的客人入座﹐不過過了不久我也比安排入座﹐所以沒有所謂~ 坐下﹐想了一陣﹐邊要了帶子沙律及吉列大蝦拼豬扒。沙律不久便送了上來。沙律新鮮﹐加上幾片帶子及些少三文魚籽。沙律已經下了黑醋汁。這個沙律﹐菜新鮮給黑醋汁調得適當﹐是沒有難度得一個前菜﹐這個沙律﹐是不錯的。但是﹐我吃了這個沙律還不到1/4 (最多5分鐘)﹐ 主菜便送了上來。作為一間收每位2-300的餐廳,尤其是吉列餐廳﹐這個便不能接受了。需知炸物一過了氣味道便會變差﹐既然客人點了沙律﹐起碼要15分鐘後才送上來吧。為有衝衝忙忙的吃完沙律﹐再吃主菜吧。都主菜了。雖然食物冷了下來﹐但是吉列蝦仍然不俗。蝦身爽﹐與吉列皮仍然拈著一起。皮身仍然脆口。不俗。但是豬扒便失色了。朝天的一

朋友約我吃晚飯,我二話不說要求到THE ONE新開的 {丼吉日本吉列專門店餐廳 Tonkichi Tonkatsu Seafood},新C坑怎樣也要去一次!!!以往我只吃過兩次Tonkichi,兩次也在銅鑼灣那間,兩次都排隊等了差不多1小時 or more........ 昨晚我和蝦子餅也很心急,想連朋友也不等便直接上店去攞位,幸好朋友也早到,我們仨不到七時便來到Tonkichi了,不用排隊還有卡位坐,很舒服!!! 卡位有窗簾,私癮度高; 待應有禮貌,也細心~炸物一般要等15分鐘,在這段期間一定不會呆坐...... 磨芝蔴是到Tonkichi的指定動作,每次我也磨得很開心~!~! 我們點了炸豬扒及豬柳二人定食 及 滑蛋吉列豬柳飯 朋友吃的: 滑蛋吉列豬柳飯 - 一個女子吃不到一碗,很豐富~我夫婦同吃二人餐! 嗯嗯嗯~ 豬柳炸得很好味,皮肉沒分離,肉質鬆軟,沒有'趙'到口軟,juicy,不油膩,最喜歡這個了!!!!!!!!!!相比起豬柳,豬扒沒那麼出色,因為.........皮有點離肉,我吃的一片有根和肥膏,差了少許,不過也很鬆脆!注意一點,以往吃其他的炸豬扒必定"界

經過一段暗無天日忙到嘔, 然後個人情緒低落, 再路住忍受完一輪自家電腦慢過龜速的日子後, 太公個人終於得閒, 心情又好返, 部腦亦狀態回勇, 可以打返食評了!! 其實還有好幾篇積壓已久"食評債"要清, 不過還是忍不住, 想先寫最近吃得最有感覺的Tonkichi。拜仰Tonkichi 大名已久；可惜，一來太公是個討厭排隊的人；二來，太公長期受青春痘困擾。是以，雖然身邊人吃人讚，但無端走去排長龍吃一些會令自己爛面情況變本加厲的東西，怎麼也說不過去。不過，今次倒有大好機會；得OR某俊男 (哈!! 哈哈!!!!) 之安排，大鬧The one 新開張之tonkichi；因為剛開張沒幾天，還未有人識摸上來，所以訂位方便，不用苦苦輪候。與一眾食友一行九人，要了兩客三人份的tonkichi雜錦吉列定食 - 有豬扒, 豬柳, 蠔和炸蝦。全都是新鮮炸起的，豬扒肥瘦適中, 肉汁豐富, 炸漿不過厚, 外脆內乾帶汁的口感實在一流; 豬柳再嫩滑一點, 更上一層樓了；炸蠔更是精彩, 蠔本身夠鮮甜, 而這個吉列蠔將肉汁鎖住了, 甫咬下去, 有點爆漿之感, 鮮甜的蠔汁爆到一咀都係, 實在美味；對於我這個平素就喜歡吃海

一直都好想帶我男朋友食下呢度既吉列野，可惜每次經過世貿中心的元祖店都大排長龍，當得知道佢地係The ONE開左分店，我諗係短時間內應該可以疏導一下d人流，所以星期六就同左佢黎食lunch。一點幾去到門口，yeah，一個人都無唔洗排隊，不過都企左一陣，侍應姐姐話有人埋緊單，好開心可以被安排坐到有簾的卡位，我係銅鑼灣店從來都無坐過呀。我怕肥而且知道佢地d定食的份量都幾大，諗住飯同椰菜絲又可以免費加添所以提議只叫一個定食加多d前菜。點左﹕冷菠菜冷豆腐炸薯餅吉列豬排及炸蠔定食後來有朋友加入飯局，追加了滑蛋豬排飯。冷菠菜，睇黎好似好普通的日式前菜，但我發覺以家香港無咩餐廳有提供，唔通係 profit margin 太少？Anyway，呢度的凍菠菜味道比較淡，只有甜甜地的日本醬油味，個人認為如果用上較濃又香口的芝麻汁會更好。冷豆腐，又係無咩味道，清淡得黎又食唔到大豆的豆香，質素一般。再黎試下個炸薯餅，一夾落去，咔察一聲，非常脆口，裡面的薯仔仲可以食到一細粒，有少少咬口，唔錯。吉列豬排及炸蠔定食終於黎啦，吉列豬排的肉味唔算濃郁，但無我上次同媽媽係世貿店食個種豬肉的「蘇」味，吉列衣無炸過頭，拌以我好鐘

在香港除了食下壽司刺身,又或者和食外,其次就會數上吉列類,在香港吃日式吉列豬扒實在不便宜,記得上年和數名食友去食過浪漫館橫浜,價錢不貴,而水準不錯的,其後再食過梅林,食後感就是不好食.沒有相所以沒有出食評,食過幾間,質素最好還是とん吉,所以一直受歡迎不是沒有道理,無聊地看THE ONE的官方網站,得知這裏會開分店,反正已有數個月沒有食吉列豬扒,正是一個機會.上次和食友去銅鑼灣總店食,未開門已經要排隊,想不到分店不需要排隊,或者是新開不久的關係,被安排到角落四人座位,很好可以靜靜地吃過午餐,其實來得這裏不需多想食什麼,簡單和侍應說吉列豬扒定食就可以,這裏有賣三文魚刺身,只不過不是厚切大件,在這些地方更不應該選上刺身.時候尚早.叫定食的時間也早,但是出餐時間也頗耐,雖說十至十五分鐘,但是過了二十分鐘還未來,當然我不需上班,等多一會也沒有所謂,磨芝麻真的用來解悶,對食物味道完全沒有幫助,在日本食吉列都有磨芝麻這個動作,今次去日本將會有一餐食吉列的,上次東北在仙台食過一次,那間平民吉列店出來的水準是十分不錯,價錢又便宜,用刀把豬扒的脂肪部份界,令到邊位不會咬唔開,因為吉列豬不會添加任何調味,所