影片
更多
2010-08-09
14 瀏覽
一直都好想帶我男朋友食下呢度既吉列野，可惜每次經過世貿中心的元祖店都大排長龍，當得知道佢地係The ONE開左分店，我諗係短時間內應該可以疏導一下d人流，所以星期六就同左佢黎食lunch。一點幾去到門口，yeah，一個人都無唔洗排隊，不過都企左一陣，侍應姐姐話有人埋緊單，好開心可以被安排坐到有簾的卡位，我係銅鑼灣店從來都無坐過呀。我怕肥而且知道佢地d定食的份量都幾大，諗住飯同椰菜絲又可以免費加添所以提議只叫一個定食加多d前菜。點左﹕冷菠菜冷豆腐炸薯餅吉列豬排及炸蠔定食後來有朋友加入飯局，追加了滑蛋豬排飯。冷菠菜，睇黎好似好普通的日式前菜，但我發覺以家香港無咩餐廳有提供，唔通係 profit margin 太少？Anyway，呢度的凍菠菜味道比較淡，只有甜甜地的日本醬油味，個人認為如果用上較濃又香口的芝麻汁會更好。冷豆腐，又係無咩味道，清淡得黎又食唔到大豆的豆香，質素一般。再黎試下個炸薯餅，一夾落去，咔察一聲，非常脆口，裡面的薯仔仲可以食到一細粒，有少少咬口，唔錯。吉列豬排及炸蠔定食終於黎啦，吉列豬排的肉味唔算濃郁，但無我上次同媽媽係世貿店食個種豬肉的「蘇」味，吉列衣無炸過頭，拌以我好鐘
一點幾去到門口，yeah，一個人都無唔洗排隊，不過都企左一陣，侍應姐姐話有人埋緊單，好開心可以被安排坐到有簾的卡位，我係銅鑼灣店從來都無坐過呀。
我怕肥而且知道佢地d定食的份量都幾大，諗住飯同椰菜絲又可以免費加添所以提議只叫一個定食加多d前菜。
點左﹕
冷菠菜
冷豆腐
炸薯餅
吉列豬排及炸蠔定食
後來有朋友加入飯局，追加了滑蛋豬排飯。
冷菠菜，睇黎好似好普通的日式前菜，但我發覺以家香港無咩餐廳有提供，唔通係 profit margin 太少？Anyway，呢度的凍菠菜味道比較淡，只有甜甜地的日本醬油味，個人認為如果用上較濃又香口的芝麻汁會更好。
冷豆腐，又係無咩味道，清淡得黎又食唔到大豆的豆香，質素一般。
再黎試下個炸薯餅，一夾落去，咔察一聲，非常脆口，裡面的薯仔仲可以食到一細粒，有少少咬口，唔錯。
吉列豬排及炸蠔定食終於黎啦，吉列豬排的肉味唔算濃郁，但無我上次同媽媽係世貿店食個種豬肉的「蘇」味，吉列衣無炸過頭，拌以我好鐘意的日式豬排汁，酸酸甜甜加埋d芝麻真係好好味，對鋪頭的信心又返黎喇。吃了半隻炸蠔，點了少少他他汁，一口咬落去，嘩，不得了，超juicy，d蠔的size又適中，無過細或過大，好享受呀。
試左朋友個滑蛋豬排飯少少，整體無咩汁，有d乾，所以滑蛋的份量都唔多，個汁又唔香甜，呢個麻麻地。
整體的食物質素係唔錯，而且環境開揚，可惜發生左個小插曲令我同男朋友唔係咁開心。
話說係我地落單的時候，當侍應姐姐完我地個order，佢就話「因為你地只係叫左一個餐，所以飯同椰菜絲唔可以免費任攞。」佢exactly點講我唔記得喇，但係佢個態度唔係幾好，好似鄙視d唔係一人叫一個餐的食客，我怕肥姐！不過好彩，食食下都有其他侍應姐姐走過黎問我地要唔要加菜，很好人啊，其實一人食一份定食真係好飽，所以一向擦得的男朋友都無添飯只係加了一次椰菜。
唉，所以話一個好的dining experience真係唔係用錢就買得到。
張貼
