丼丼屋 (青衣城1) (已結業)

早前食『黑天丼』個日，其實仲有食其他野哦！📍醬汁吉列豬扒丼專門店「明治亭」的風味醬汁炮製的「信州風味醬汁吉列豚丼🐷」醬汁甜甜地、豬扒方面，就唔係厚切豬扒啦、丼內有大量椰菜絲，個飯上係多汁哦！📍滑蛋豬扒丼🐷比之前既賣上都進步了！滑蛋都好進步，唔係癡住晒係塊豬扒到，值得一讚👍🏽

有新野呀！仲要係每日限定20份🤠丼丼屋 x 日本丼物選手權2017至2018年第三回聯乘 神奈川箱根天婦羅名物「黑天丼」期間限定登場🇯🇵「黑天丼」係じねんじょ蕎麦専門店　箱根『九十九』名物🍱和同事仔去食lunch 見到，即時叫，得返最3個，都俾我地要埋🤗（1點幾都已經賣晒哦！）定食一上枱，大家都『哇』左一聲⋯⋯好大份呀😲仲要配抹茶冷麵黑色醬汁好特別，有少少甜甜地天婦羅分別有：大蝦🍤、茄子🍆、秋葵、半熟玉子🥚、海鰻最重量級係條海鰻，有成隻手咁長😱仲要好脆呀😋半熟玉子天婦羅，係會爆汁哦⋯⋯半熟玉子控一定好開心🤩🤩可惜隻蛋未吸收到醬汁入內另一可惜係個丼，只係白飯🍚抹茶冷麵：麵質一般，冷麵汁都係正常

同女友喺青衣城睇完戲，就決定喺附近食埋野先走，見丼丼屋無咩人排隊，一於就入去試下先試試豚肉飯。飯用上了珍珠米，有誠意；雖然無揀特盛但啲豚肉片數量都算多，而每塊都切得幾薄身；味道方面呢，每塊肉既脂肪比例都低，咬落軟淋淋的，配埋本身既甜且鹹既醃製醬汁，都幾入味又試下鰻魚飯。呢個算係正正常常無乜驚喜，鰻魚有咬口啖啖肉但無乜魚香味，而醬汁本身唔夠甜，相信同樣價錢可以喺第二度食到更高質素既總括黎講呢餐算唔錯，下次有機會再encore先

去玩迪士尼，最後的就是在青衣吃個豐富的晚餐! 這家聽過朋友recommend, 所以試了一下! 點了滑蛋牛和燒牛，竟然味道十分好，未試過咁好味的滑蛋! 個人覺得滑蛋的比較好吃! 燒肉會有點油~

滑蛋飯好好吃！朋友叫左個泡菜牛肉都唔錯。朋友第一次吃丼丼，話啲米超正，粒粒分明，low埋個蛋又香又滑不過比少左粒星系因爲啲雞麻麻，反而之前系其他分店吃到嘅肉好吃啲。講開又講，呢間可以系gulu 拿定飛先，我地就系咁做，等飛中途走左去行左一陣街

青衣城擴建，除了有不少新食肆進駐外，舊有的也來一個大執位，以往多以孖公仔出現的元氣和丼丼屋，今次終於分道揚鑣，在一期和二期各據一方。搬上二樓的丼丼屋裝潢如一般簡約光猛，木製餐桌、和暖燈光，感覺親切舒適。滑蛋雞肉丼 (午市送定食及凍荔枝茶) $65對於滑蛋嘜嘜總有著莫名的喜愛，這裡的半熟蛋十分滑溜，帶點高湯的香氣，甜甜的非常好下飯，可惜雞肉有雪味，扣了少許分數。 唐揚雞肉溫泉玉子丼 (午市送定食及凍荔枝茶) $65炸雞外層裹上甜酸味的醬料，感覺沒那麼熱氣，雞肉肉質嫰滑，伴一口沾滿蛋汁的白飯同吃甚為滿足。 燒牛肉溫泉玉子丼 $78燒牛肉有心機地一片疊一片的堆砌在飯外，中間放入半熟蛋，活像一座火山，外型驚喜討好。飯粒是一貫的彈牙有米香，牛肉份量多，不過連口味偏淡的我也覺調味不足，如能灑上些黑胡椒和鹽巴，味道會更上一層樓。 人均消費一百出頭，沒有什麼比冬天時來一碗熱騰騰的飯來得滿足。

《丼丼屋》🔹滑蛋吉列豬扒丼 $98-吉列豬扒夠脆但略肥滑蛋好好味 又夠多🤤仲有d洋蔥成個飯份量極多😱食細嘅我無加套餐都食唔哂-byT: 8.5/10

以前喺地牢個層，未試過，依家搬左上二樓，見到menu好似好吸引，今次入去試試。坐位唔算太闊，坐得一般。每個位都可以自助任加水蕃茄豆腐沙律 $25⭐️⭐️⭐️⭐️蕃茄新鮮，豆腐滑滑，醬汁偏酸，都幾開胃既。十勝帶廣名物豚丼-特盛 $108 ⭐️⭐️⭐️見到大大廣告勁想試呢個，有並盛(R)$88同特盛(L)$108，一問之下原來飯既份量一樣，只係特盛會多2塊豚肉。珍珠米唔錯，豚肉好香，可惜比較鞋。如果喜歡食豚丼，一風堂既豚丼細細個d肉嫩仲可以加蒜蓉好味好多。福井蟹丼定食 $198（期間限定）⭐️⭐️⭐️⭐️蟹膏係成個定食既重點，撈完飯已經唔大蟹膏味，如果多d就好啦！蟹肉就應該係雪藏蟹柳，蟹味無乜。隔離有兩枱食吉列豬扒滑蛋好似幾香，同埋有人食燒澳洲和牛定食都好勁咁，隔離飯香，下次試個2個睇下會唔會有唔同評分。

買左戲飛係青衣城睇戲,見未夠鐘就搵地方醫下肚先🙆🙆行過見到唔洗等位 就入去試試啦！!一坐低服務員就好好禮貌咁幫我地點餐,我地叫左5樣野連埋甜品 隨左個玉子卷蛋較為遜色外 其餘菜式都好出色首先黎個前菜:蕃茄豆腐沙津 好清新 好好味 完全食到停唔到口 超正呢個又係一個必食推介之選：牛油焗雜菇 超入味 又係食到停唔到口玉子卷蛋 煎得太熟 唔好食咖啡雞滑蛋飯 d蛋超滑 相比之前個卷蛋 呢個好食好多 撈埋咖喱汁送飯1⃣️流食完正餐再睇下menu叫埋個甜品先叫完滿👍🏻睇圖以為細細杯 點知黎到有驚喜 好大杯最後都係食唔曬 埋單閃人夠鐘去睇戲🙊🙊

通常lunch都係一個人食，食黎食去都係外賣、頹飯，既然今日去開青衣城整啲野，加上心情好，一於豪一次，食丼丼屋喇，其實我之前都幾唔鐘意去大型連鎖店度食日本野，因為通常性價比都唔太高，但始終未食過丼丼屋，點都要比次機會人嘅，本身我係想食角切三文魚丼嘅，但丼丼屋無，不過唔梗要喇，三文魚親子丼都ok嘅，既然話要對自己好啲，就唔差在升級埋做定食喇，連埋加一都要$121, lunch黎講好貴嫁喇。一送上枱，第一眼覺得佢賣相、擺位都已經值$30，唔錯沙律汁帶有袖子香，好開胃，麵鼓湯入面有硯肉同蘿蔔，足料嫁，至於主角，三文魚夠新鮮、冰凍，三文魚籽夠甜唔猩，正啊，不過都有改善嘅地方嘅，佢為左可以擺得靚啲，將啲飯整到實得濟，扣返1分喇，overall係唔錯嘅，連埋加一$121，都值嘅。

又係我，今次見到丼丼屋又出左新野，係我自己都幾鍾意食嘅鰻魚飯，唔係唔試啊？於是今日又去左青衣城試試呢個新丼。宣傳單張上面嘅鰻丼寫到非常吸引，而且仲好似名古屋嘅鰻魚飯咁有3種食法。呢個定食$148，有主角鰻丼、沙律、鰻魚蛋卷仲有漬物。宣傳單張上面寫住佢100%係用日本國產鰻魚，我相信質素應該有番咁上下掛，而且仲要限量20個，香港人最鍾意就係限量野。鰻丼首先上枱，上面嘅宣傳單張同下面實際食物嘅樣都相近嘅。主菜鰻魚飯嘅鰻魚份量唔算多，側面配左好多蔥同埋紫菜。雖然佢寫係三食，但係蔥同紫菜已經同飯放埋一齊，要刻意只係食鰻魚先食到第一食。第二食係鰻魚飯連紫菜同埋蔥一食，撈少少過嚟就做到。至於第三食係加湯一齊食，如果就咁加落個飯度會成個飯都變左泡飯。之前曾經喺名古屋食過佢係會另外俾一個碗你，咁就可以又試下泡飯又試下撈飯，試完又可以食番原味。可能香港成本貴，所以想慳番隻碗？本身已經撈埋一齊要分開食佢嘅3食真係有d難度。鰻魚蛋卷味道唔錯嘅，不過鰻魚太少，被蛋卷包住之後佢嘅存在感大大降低。以鰻魚飯計佢唔算特別貴，而且又蛋卷又沙律都算係咁上下。醬汁風味信州吉列豚丼係炸物嚟嘅，食落唔太乾，豚肉都仲算鬆軟。下面

今天带姪女出街玩，食來食去都係食寿司，忽然間今日轉口味想食咖哩。個環境很開揚光猛，落地玻璃好舒服，如果係寿司店或咖啡店，應該好寫意。。。姪女淨係食咖哩豬扒飯$7x(她話oK，我吾多鐘意豬，無試)。老公食十勝豚肉飯$1xx，加刺身set再加飲品，見到甘油脷試一都吾想試(佢自己覺得好好味)我本來想食石窩飯，但無，甘咪食個雞飯，諗住燒雞點都吾會有咩大問題，雞就真是無問題，但個飯細碗左D，加上飯底油到甩肺，食左幾啖就無食，我超吾鐘意，點食?甘油!吾知出餐個師傅有無親自試過?如果個汁分開比客人自己落，我諗個結果會好好多你話平咩?又吾平喎？甘細碗飯$58，轉set加$25，加飲品又加$，加埋加埋都成百元，我里個set已經係最平甘濟，如果百多元，食個甘油既set,為何我要幫襯你？出面大把更好選擇

青衣城次次去到都係食丼丼屋，今日又去左青衣城試新野。佢每隔一段時間就會出新野食，今次係十和田燒牛肉洋蔥丼，呢次係嚟自青森嘅名物，另外再叫左天婦羅餅丼加野菜定食。十和田燒牛肉洋蔥丼等左唔係好耐就上枱，份量都唔算少，牛肉同埋洋蔥鋪滿喺飯面，感覺都幾多餸 ，不過佢本身個碗唔算好大。另一個天婦羅餅丼加左錢要野菜定食，有沙律、湯同埋前菜。沙律擺盤擺得幾靚，又有蕃茄，感覺好似無咁罪惡。天婦羅餅丼嘅天婦羅真係好似一塊餅咁，食嘅時候係一塊過嘅。個天婦羅餅幾香口，而佢嘅汁係淋喺天婦羅上面。呢個飯係又熱氣又邪惡，不過食好食嘅野梗係要付出代價啦。

今日收工已經力歇筋疲......知道本來想去既地方已經收左舖,所以走左去屋企附近既丼丼屋～因為前兩日經過，見到佢哋推出期間限定既三河一色鰻魚丼，果晚因為要做野無得食……反正時間尚早，今晚就一於食佢～三河一色鰻魚丼每日既17:30開始供應，每日限量二十份，好彩今日收工唔算遲，總算可以喺得返幾份既時候趕到～既然目標清晰，未坐低我已經落左單，跟住就攞起舖頭既宣傳單張睇下……上面介紹左呢個鰻魚丼既三種食法，好～你講得我講，跟你食法又點話！唔通你會到自己米咩？等左一陣，鰻魚丼終於到啦～由於我點既係定食，所以除左普通既前菜，仲有兩件鰻魚玉子燒同埋茶壺上既鰹魚湯。普通前菜唔講，果兩件玉子燒係吸引既，但我覺得如果果兩粒鰻魚肉係最後先撒喺淋左醬汁既玉子燒上面既話，視覺效果應該會更好。然後就講個鰻魚丼啦，因為我照店內宣傳單張所講咁分開三份，所以食果陣唔太熱，無想像中咁好味………但都同單張所講既描述差唔多～外脆內軟綿，配合香甜既鰻魚汁，係好食既……叫做一分錢一分貨咁囉，所以我想同睇到呢篇文既人講，食飯呢……就唔好影咁多相啦～我相信熱啲會好食好多。

星期六下午黎食，等位等左成40分鐘等左15分時問大概仲有幾耐到，侍應就話跟號碼叫，我夠知啦😅之後因為見到左手邊有空枱就再問，佢就話員工用膳不開放😐之後等多陣就有位喇，就叫左豚肉讚歧烏冬，都中規中矩嘅。總結: 食物ok, 但服務態度差。