丼丼屋 (青衣城1) (已結業)

I was in Tsing Yi area to visit a friend and dropped by the Maritime Mall for a late lunch. The Dondonya Shokudo is located on G/F next to McDonald's so decided to give it a shot.The restaurant was maybe half packed (it was during odd hours, around 4pm) mostly with families. The restaurant provides baby chairs and cutlery and seems baby-friendly.Menu offers a range of mostly various -don (Japanese rice with meat or raw fish toppings), a few udon choices, some side dishes and desserts. There is o

入座已2100。點了大蝦刺身飯，迷你烏冬加芝麻雞亦。雞亦很香口惹味，連吃两隻。烏冬湯超濃又夠熱，不加豚肉也可以了，烏冬很彈牙。而刺身飯，蝦大隻又新鮮，平靚正的選擇

星期六下午同老公二人世界，但天氣不太好唔去咁遠就去左青衣城食丼丼屋食飯。老公叫左咖哩吉列豬扒定食，加38蚊估中刺身套餐，都幾多豬扒，炸得夠脆，肉質淋又唔鞋，肉汁算多。好多嘅咖哩汁，咖哩汁都算香但冇任何配料，漬物係蘿蔔，蒟蒻，同木耳。刺身有帶子同三文魚各2片，不過好薄。沙律係有粟米，菜同車厘茄，不過冇任何醬汁。味噌湯係沖粉出黎嘅。我叫左個親子丼，係呢排做梗推廣，話係日本丼飯大賽拎過獎。話每日限只30份，咁我眼見都已經下午130，都打定輸數會冇得食，點知又出奇地有wor咁就叫左份黎食，本身個定食已經包左一份漬物，同味噌湯。個親子丼比起平時多左一隻生蛋黃，落單時會問你需唔需要另外分上。蛋汁係夠滑嘅，但雞肉好大陣雪味....同埋其實個碗好淺得好少飯，一個男人應該唔夠食。估唔到呢個大做推廣又話拎過獎嘅飯原來都係名不副實。

之前都食過幾次丼丼屋，服務不錯，唯食物等候時間不算很快。今次我地兩個人總共叫左4樣野，分別係芝士薯餅、芝麻雞翼、牛肉石頭鍋及滑蛋豬扒定食。芝士薯餅及芝麻雞翼都係我最愛嘅小食，芝士薯餅入面嘅芝士真係超邪惡，雖然拉唔出絲，但味道香濃，鍾意食芝士嘅朋友都一定要試吓。芝麻雞翼就同其他日本餐廳嘅分別唔大，但都好好食。牛肉石頭鍋本身嘅牛肉係生嘅，需要靠石頭鍋嘅熱力去炒熟佢。旁邊會有一個燒肉汁，炒嘅時候可以林埋落去，配合埋燒肉汁嘅牛肉飯非常香口。但始終係石頭鍋拌飯，食嘅時候始終會口乾同要不停飲水。不過店員都好好會主動幫我加水。朋友食嘅係滑蛋豬扒定食，定食餐會包埋大豆、沙律、白飯及湯。丼丼屋嘅豬扒一向都非常厚身，好香口而且唔會太油膩，喜歡食豬扒嘅朋友不妨一試。

每次去到青衣都係唔知食咩好，上一次食左 越南野，今之決定再翻炒丼丼屋，睇下佢仲有冇其他新野好食。以前去食佢多數都係係食魚生飯，襯今日有少少番風，我決定食熱嘅飯。今日未有心水，所以細心睇下個餐牌有咩食先發現佢多左好多熱飯食，而且有好多我都未見過，可能又隔左一排無食轉左個餐牌掛。不過食來食去次次都有個飯係走唔甩，每一次我都會叫十勝豚丼。十勝豚丼張一片片嘅豚肉舖喺面。豚肉係一層層嘅肉，好邪惡但係非常值得。另外叫左一個鰻魚飯，我印象中佢之前有一期出左個鰻魚飯係要成舊水，仲要係限定。今次叫呢個平過一舊水之餘仲要唔係限定。當然，限定鰻魚飯係好食d嘅，價錢貴d鰻魚都靚d啦。至於呢個非限定嘅鰻魚飯，味道正常，無令人驚艷嘅感覺，對比十勝豚丼就真係失色左少少。

個日約左朋友去青衣城交收野，順便係呢度揀間餐廳食個便飯。其實個日想食元氣既，可惜元氣要等位，最憎等位既我地就直入左丼丼屋喇。丼丼屋既選擇我覺得唔係咁多，不過款式都幾大路，都總會點到野黎食既。我點左呢排熱門推介既鳥取県親子丼（唔知係咪Exactly呢個名）再加杯可樂。其實呢個餐比餐牌入面既滑蛋豬扒丼仲扺叫，因為好似平十蚊，叫埋野飲都係貴過豬扒丼少少。講返碗飯，其實幾好食既，可能因為用左鳥取県既蛋黎撈，所以蛋味比一般親子丼重好多；個雞扒反而無咩特別，無特別好味又無大問題；D飯煲得濕左少少，加左蛋漿就更加濕，不過整體都ok。一百蚊晚餐，青衣城，坐得舒服，算係唔錯。

青衣人都好清楚呢間餐廳長期都要等位，真係有多啲耐性先食到嫁，不過可以望住個海食飯係開心既，仲捉到海皮既小精靈添！(一餐飯捉左2隻迷你龍！)講番食物先，明太子芝士蛋卷有好多明太子，不過都因為咁亦芝士味被蓋過...而蛋卷本身亦冇流心既效果，有小小失望。滑蛋雞肉飯聽講曾經係日本丼飯大賽得獎(第5名)，一上菜既時候我驚奇點解好似水汪汪咁既？原來係蛋白黎，佢係炒滑蛋上仲打左隻全生蛋! 成個飯食落個口感自然係滑到不得了，不過我自己就嫌佢有小小濕得滯喇。除左飯仲試左西日fushion烏冬，又冇中伏wor! 溫泉蛋好滑溜，汁既味道同份量都啱啱好，煙肉煎過夠香口又唔會好油，整體比意料中出色！

之前去左名古屋都有食過呢間鳥開嘅雞翼同親子丼，喺名古屋嘅食飯時間，呢間舖頭都要排下隊嘅。上網見到丼丼屋又再一之引入左日本名物，梗係點都要過嚟試下啦！今次叫左個名古屋鳥開親子丼同埋帶廣名物天婦羅餅丼。名古屋鳥開親子丼同喺名古屋食嘅都似樣，不過d蛋嘅色好似淺色d同埋d雞肉少d。至於味道方面，佢個汁好似無名古屋店咁甜wor，個飯仲配埋湯同埋漬物㗎！至於個帶廣名物天婦羅餅丼又幾唔錯，有蟹棒又有d時令蔬菜嘅！個底仲有d魚肉喺個天婦羅餅入面。雖然上網睇過帶廣名物應該係豚丼再出名d，不過呢個天婦羅餅丼唔油膩，醬汁又唔太濃，天婦羅粉漿又唔會太厚，唔錯！限時推出嘅名物令大家唔去日本都食到，俾大家止下日本癮都唔錯！

每次路過丼丼屋都沒有進去試一試，這次在門口看了菜牌，才發現出了刺身丼外還有很多種選擇，很適合不喜歡刺身的媽咪。這次選了泡菜燒牛肉丼，看上去很簡單，幾片牛肉中間堆了一點點泡菜，平平無奇，但夾一點泡菜配著一口牛肉和下面澆了汁的米飯，入口後，泡菜的冰涼酸辣，牛肉的脂肪香味還有珍珠米軟卻韌的口感，實在太棒啦！出乎意料得美味！吉利咖哩豬扒烏冬：咖哩是日式咖哩，味道沒有那麼濃，烏冬是比較粗的那種，非常有韌性吉利豬肉串米飯：媽媽選的這款，她說很好吃啦

今次搵左呢間日本嘢😏1.吉列大蝦拼吉列蠔咖喱飯炸得好脆好好食～比個 Like你！😀日本既咖喱係唔辣既，岩哂唔食辣既人^^2.蟹籽海膽丼海膽唔叫新鮮，不過放到入口～😂面豉湯…普通啦

又黎青衣城睇戲，今次俾多次機會丼丼屋，因為之前食過熟的海膽飯麻麻，今次叫返正正常常的熟食，仲要定食有齊前菜、沙律、麵豉湯及白飯。牛肉壽喜燒定食$100，用鍋上好夠熱辣辣，湯汁甜甜地好夾牛肉味，而且微甜更令牛肉味香。拌勻生蛋黃，牛肉沾起黃汁，肉質更柔軟嫩滑，好開胃想要多碗飯。牛肉有5-6塊都算多，仲有豆腐及菜，豆腐好入味，吸到好多湯汁。滑蛋吉列豬扒定食 $90，賣相好好，吉豬完整切得靚，滑蛋又煮得半熟滑溜。原本都怕吉列炸衣會浸到腍唒，但原來唔會，呢個吉列炸衣夠薄又脆身，仲吸到煮滑蛋的湯汁，味道好正，連同滑蛋食，脆中又多入嫩滑感，豬扒厚身肉質鬆化唔痴牙。兩款都估唔到咁好食，加上很易送飯食，米飯是珍珠軟糯好咬，價錢稍貴，但質素也合理，估唔到呢度熟食料理做得幾好。

今日食同事 lunch見到門口寫……九州 大分縣「 豊ご屋 」的「 大分雞肉天婦羅丼 」午餐 加飲品$78，每日40份這字眼勁吸引，同事又冇所謂就入去試下。黎到幾立體幾吸睛，份量三大件都吾錯喎，原來入面仲要係味付飯好期待！～但食落去天婦羅淋身而雞肉薄身失望，幸好配以柚子醋啫喱醬減膩都幾特別和飯底是以日本親鳥肉、牛蒡及甘味醬油慢煮成秘製醬汁，再加入白米熬製成味付飯，感覺特別同好味，平日午餐仲有果汁可選擇都可以一試。

大少話好耐冇食過呢間，於是我早啲去等位，星期二晚6點9去到都要等6張枱，算啦～7點半入坐，我都係叫返吉列豬排定食，好耐冇食喇！88大元，其實都算平，出面好多間都要百二至百五蚊，不過佢份量就少咗啲啲嘅，但都有芝麻自己磨，豬肉汁都有，椰菜都可以添加！豬排炸得好香，唔會炸到老晒，入面仲有肉汁，係比較細塊少少，唔夠喉，可能係我太大食啦！

『丼丼屋』一向是有不錯的中價日本料理餐廳，當中的「滑蛋雞肉丼定食」更是有水準之選，差不多是每次都要點的呢～大大碗定食雞和蛋的份量滿多的，基本上吃到最尾一口飯也還會有餸。蛋煮得剛剛好，還是滑溜溜的狀態，雞肉也很嫩很入味，每一啖都令人覺得無比幸福！雖然$73（另收加一）一碗並不是很便宜，但也物有所值呢。------------------------------By alvahana

丼之盛典去到第三回(其實就係限定提供咁解)今次就係大分雞肉天婦羅丼跟餐連麵豉湯同漬物(蘿蔔)飯入面有雞肉同牛蒡，牛蒡切得好細好幼，所以唔會鞋口，唔留心真係食左都唔知。加埋醬油調味，其實就咁個飯都好味。而雞肉天婦羅好有趣，多數食日式炸雞都係吉列或用炸漿，比較脆身。而今次就係天婦羅個質地，雞肉三件，唔乾身有肉汁，連柚子醋食好開胃。好，最後講價錢啦，$78加一成八十幾九十蚊，老實講個飯size比較細。如果可以配個小食/飲品/七十蚊左右埋到單就good la.PS:一個人去食可以坐bar枱幾好，不過明明無人都安排左我係餐盆正正隔離，出餐時員工拎盆拎餐具好煩擾。