丼丼屋 (青衣城1) (已結業)

青衣城次次去到都係食丼丼屋，今日又去左青衣城試新野。佢每隔一段時間就會出新野食，今次係十和田燒牛肉洋蔥丼，呢次係嚟自青森嘅名物，另外再叫左天婦羅餅丼加野菜定食。十和田燒牛肉洋蔥丼等左唔係好耐就上枱，份量都唔算少，牛肉同埋洋蔥鋪滿喺飯面，感覺都幾多餸 ，不過佢本身個碗唔算好大。另一個天婦羅餅丼加左錢要野菜定食，有沙律、湯同埋前菜。沙律擺盤擺得幾靚，又有蕃茄，感覺好似無咁罪惡。天婦羅餅丼嘅天婦羅真係好似一塊餅咁，食嘅時候係一塊過嘅。個天婦羅餅幾香口，而佢嘅汁係淋喺天婦羅上面。呢個飯係又熱氣又邪惡，不過食好食嘅野梗係要付出代價啦。