串酒里 (已結業)

啤酒夠特別，可能2個男waiters係小鮮肉，吸引咗唔少妹妹仔客。食物OK，唔難食但又唔算特別好，所以價錢相對又唔算好貴。地方cosy, 有大電視，地點有少少難揾。Overall, okay.

餐廳內最特別的是新出的獨家啤酒。除了啤酒外還加了不同的口味，這一款是檸檬薄荷。只要稍微靠近便聞到很香檸檬味，而喝下後一會兒便感受到薄荷的清新。是很新穎的口味，與串燒一起品嚐是非常好的配搭。這款燒鰻魚最特別的是肉質很爽，很美味。接下來是川式虎皮椒及頂級安格斯牛。虎皮椒不辣，但很香。而安格斯很嫩，牛味足，不錯。不過要更濃的牛味就可以選這個黑椒燒牛舌了，牛味真的很濃，而肉身很爽，正。接下來的燒魷魚糯米飯的最大特色是糯米飯很甜，相信是因為吸收了魷魚的鮮甜味，叫人十分回味。單看相片就知道這個扇貝的重要用料就是黑松露，很香的松露味，但不會蓋了扇貝的鮮味。這款煙肉芝士燒蠔很鮮，有很多蠔汁，但不會腥，正。最後生燒大雞髀真的無得彈，燒得剛剛好，肉質嬌嫩，很滑，一點都不會過熟，而且還有很多肉汁，很juicy。

之前係fb見到有介紹, 去左呢間四個人叫左好多樣野, 但認真覺得好一般, 覺得佐敦果幾串燒正好多, 果塊安格斯牛仲硬過平時係串燒鋪既串燒是日點左牛舌牛肉雞軟骨, 仲叫左個螺, 全部都好麻麻, 又唔係平啤酒點左唯一既draft, 算ok唯一ok既係成塊面咁大既雞脾, 又抵食, 四十幾蚊only但其他真係好一般, 唔會有下次

這裡以粗口手工啤油聞名，今天專程和朋友來一嚐粗口啤是什麼味道！好可惜黎到店員卻說粗口啤已經沽清。。。。。。非常之失望呀！！！不過既然一埸來到就吃串燒吧！這裡店子小小，裝修都幾有FEEL。準備用餐！燒鰻魚鰻魚都幾長，味道惹味，不過食到尾部較乾身。牛舌，大大塊幾厚身，吃下很彈牙爽口，不算太油膩。雞腎同樣爽口，相比之下牛舌較好吃。燒韮菜 份量不少，韮菜整齊地串起，上面是調味粉，韮菜加上調味粉味道好香！燒豬頸肉，燒完都仲有肉汁，唔錯。蕃茄內係醬汁，用來點豬頸肉食，好惹味！

去左山林道食串燒，有室外室内，食煙唔食煙既都夠哂方面。有本地啤酒選擇叫左呢款粗口啤味道帶點薄荷檸味，麥味唔算好重！幾清新既感覺，好岩用黎配串燒！好夾呀~即場like facebook page仲有串燒送~送既火辣牛丸質感爽口彈牙~味道有陣陣既麻辣香，超給惹味黃金薯條~香香脆脆夠哂香口，份量好多雞蛋燒蠔，蛋汁香濃豐富蛋汁香味，蠔肉飽滿燒栗米燒到金黃色，微微焦香更為吸引黑椒牛舌&安格斯牛都好嫩牛肉味幾香濃，夠哂入味烏冬配芝麻醬煙煙unun, 口感一流！

食串燒配啤酒是常識吧😋串酒里分別有六款手工啤酒($68)😆阿草同frd子就試左香檸薄荷同埋蜜桃菜頭，前者香檸味突出👍🏻👍🏻👍🏻，甜甜地而且幾清新，阿草唔太飲得酒都覺得佢易入口，想飲多幾啖😽後者就酒味較濃，飲到小小蜜桃味，菜頭味就飲唔出🙈中意前者多過後者🤓/落單既時候真係好搞笑，好似同店員無仇無怨要D佢咁😆😆😆如果邊一日frd子得罪左你，嗌埋佢黎食串燒，就可以係嗌野飲既時候名正言順鬧佢啦😎😎😎

係既。不得不承認我係俾粗口啤酒吸引黎既，食咩價錢點我都無理到，就約左個朋友黎啦。串酒里雖然係地舖，不過真係係條“里”既盡頭，我知道地址都行過左，兜左個圈先搵到。大家要留意下！串酒里舖面唔大，不過有得坐埋室外。雖然係食串燒，不過店入面都唔會覺得焗同油腍腍，環境幾舒服！一坐低緊係叫返枝啤酒，total有六款，唔同味道！都係麥子既出品。味道有特式，加埋樽身有粗口既注解，就已經夠晒話題性啦！到串燒部份，俾定心理準備大家，落左order 要等半個鐘左右 (好彩呢段時間都有枝酒飲住吹水)，不過都好，咁證明係即叫即燒！哈！等左半個鐘肚都打哂鼓啦！呢度好既係唔會款款串燒都係得一種味(好多都勁落孜然粉，食落都係一樣味)落order前以為係安格斯牛肉粒，原來係牛肉片，不過都嫩滑有牛味！雞軟骨好爽脆雞翼加芝麻燒都好有風味串燒店比較少有蟹揀，成本貴亦唔易handle。呢度既鹽燒松葉蟹腳已經分好哂，食得好方便。燒得幾好，食到蟹肉既一絲絲之餘又唔會乾，有鮮味。蒜蓉燒蠔其實唔容易：蒜同蠔比例唔岩，蠔太細隻，蠔唔新鮮，燒得過熟(過生又真係未試過)都唔合格呢度既燒蠔做得幾好！呢個價錢黎講隻蠔算幾大隻，加上新鮮同燒得岩岩

喜愛食串燒，皆因貪其香口及惹味細細串，種類繁多，可以試多幾款同事們今次揀左串酒里，位於山林道, 十分方便餐廳細細間，室內及室外均設有座位，不過，座位唔多，最好預先訂座麻辣燒雞翼，外面乾身，好脆，雞翼肉質幼嫰，加埋麻辣味，更加好味蒜蓉燒扇貝，扇貝面上鋪上滿滿蒜蓉，好香，扇貝新鮮，鮮甜烤釀大冬菇，啡菇大隻，微燶芝士在上面，好吸引，入口juicy又有口感黑椒牛油焗比目魚，比目魚肉質鮮白，啖啖肉，再加上黑椒及洋蔥香味，味道出色燒露筍，露筍清新、爽脆，多汁鹽燒秋葵，秋葵保留原有味道，有口感加上少許咸香，好味道蒜蓉燒茄子，茄子肉一絲絲，好滑溜，茄子皮燒到煙煙靱靱，咬落幾得意本地製手工啤，揀左香檸薄渮味道薄渮味道濃郁，加上香檸香，味道清新，配串燒，非常夾

收工搵野食．朋友話想飲啤酒．結果就帶左我黎呢間隱藏左起後巷裡面既串燒店👀真係唔係朋友帶路既話完全唔知裡面會有間鋪仔食串燒．仲有室內室外座位選擇．方便D人想吸煙既就出面👍🏻我地揀左座室內．地方唔算大既一座底就比大大張Poster吸引住．原來呢度有獨家手工啤．仲要用粗口做名．好正！仲唔光明正大爆粗？但其實只係叫飲品🤣不過好可惜既係．無貨💔一支都試唔到．唯有下次再碰下運氣．一座底就開始瘋狂點野食雞腎．牛舌．安格斯牛柳粒．好正夠晒味雞泡魚干😋燒煙肉芝士焗蠔．邪惡得黎味道岩岩好烤大冬茹．我自已覺得一般．可能太大舊芝士有D漏左魚香燒茄子都好野味燒玉子．松露薯條原來係D沙律醬有黑松露叫左三款菜．韮菜．露筍．娃娃菜．三款都燒得好好味．全部配啤酒都好正．三五知已約埋起度傾計飲野食串燒真係一流👍🏻全部都有水準！一定會再黎．希望下次試到自家啤酒啦！

這天下班後約了朋友到尖沙咀吃晚餐，我們想吃串燒，如果可以也想喝酒，所以走到山林道的「串酒里」。彌敦道那邊很熱鬧，人來人往，但是一轉入山林道那邊，突然變得比較僻靜，整條街都是餐廳，什麼種類都有，會走進這條街的人都是為了吃飯。「串酒里」的入口很特別，從外面看根本看不到裏面的情景，只看到一條長長的走廊。幸好指示非常清晰，餐廳的招牌醒目地掛在當眼位置，所以算是易找：沿著白色走廊走15秒，便看到餐廳內部。有分户外和室內兩部分，這是裡面的樣子：黃色的燈光很柔和，有種時光倒流的氣氛。餐單彩色印製，有食物的圖片，每張餐單只用一次，因為食客要在上面寫上想要的份量：另外還有一本本的餐單和一小張最新的餐單，但我們主要看點餐紙，因為比較方便。火辣牛丸＄20、燒玉子＄32、黑松露沙律薯條＄49 牛丸共有4粒，都是超辣的，建議把它們放涼一點再吃。彈牙的口感加上充足的牛味，就算怕辣也不要錯過！燒玉子是朋友主張點的，她一向喜歡吃蛋。滑溜溜的玉子既香又軟，蛋的香味在燒完後仍沒有消失。黑松露沙律薯條是我們都覺得要點的，發現現在每到一家餐廳，只要有黑松露薯條供應，我們就會點。這裡的很特別，用一個暗藍色的盤子盛著，上面有濃濃

尖沙咀好多好野食 但可能我只識面個浸 因為今次由朋友帶路去到山李道依間係巷仔既串酒里 真係我一大發現本身都吾覺眼依個位有間餐廳 但今次佢帶路 抬一抬頭見到個餐廳既牌 平時真係眼大睇過龍...我地好大食食左好多野 其中有幾樣我比較喜歡既香燒豬頸肉 $59 爽口有肉汁 再蘸埋側邊既特製醬真係幾夾 好提味同埋開胃~ 令到肉類無甘油膩烤大啡菇 $38 大啡菇不嬲都無得輸 而依度既都好juicy一切就爆汁 上面啲芝士仲好邪惡 味道好出燒雞腎 $32 好咬口 燒到剛剛好 吾會難嚼 黑椒燒牛舌 $49 好厚一塊 吾會韌 帶爽 黑椒燒好惹味最後燒玉子($32)作結  甜甜地做埋甜品都吾過份 燒到熱燙燙 食落好嫩 面頭搽左蜜糖 甜度更提升了 但對於我係剛剛好~

一早約左朋友去串酒里吹水傾計，我地一早訂左位，準時8:30到達，訂左位就唔洗等，正！呢度間局都好似去左日本餐廳咁，簡單裝修，座位舒適！我地去到第一時間點粗口啤，因為係呢間店既賣點，但有點失望係...已經賣晒😭，算，比藉口我再黎，哈哈呢度全都係串燒為主，同朋友食下串燒飲啤酒是必需的，我地都係慢慢點，慢慢食芝士燒日本廣島蠔，好好食，佢有芝士但不失蠔既鮮味，正！惹味汁燒雞泡魚乾， 送酒必叫既，燒得好乾身，好惹味，好香川式爽彈火雞腎，燒得乾身，有川味鹽燒厚切牛舌，必叫，外脆內多汁，燒得岩岩好，好食到震鹽燒安格斯牛柳粒，燒到5成熟，恰到好處，美味！惹味魚香燒原條茄子，呢個就有少少失色，唔算好香口，咸左少少，下次要輕手d 啦！芝士煙肉焗大啡菇，非叫不可，芝士勁重手，好香又惹味香草燒紐西蘭羊架，燒得好嫩，7成熟，誠意之作汁燒娃娃菜，川式燒韭菜，汁燒小露荀，三樣都好好食，應該係個汁作怪，令到人好想追住食，哈哈！燒玉子，蛋味好重，正正正！飲下食下又一餐，美味的一餐，會再返黎試粗口啤

同朋友去慶祝生日 去左串酒里 環境好relax 出面露天既枱比較熱 所以同朋友揀左入面位坐嗌左幾樣野食 有燒秋葵 有雞肉 生蠔 雞翼 扇貝 等等 見到menu 雞翼同生蠔果d仲有幾種整法 有辣有芝士 嗌既多數係辣 因為我同朋友都無辣不歡 野食五分鐘後陸續上菜 , 串燒黎講真係好快 大雞脾真係好辣好正 同朋友一隻Share啖啖肉, 唔會食到滿咀雞油, 果然係岩岩好啊! 雞脾要咁樣食先好食架嘛! 依個真心推介俾咁多位除左雞肉牛肉, 朋友叫左碟羊架! 見到上面少少香草, 放得咁靚, 用黎打卡岩哂! 陣味一d都唔蘇, 都係好好食既! 美中不足係依碟真係有少少乾, 要用少少牙力先食到! 之後食左蒜蓉生蠔 d蠔都算大隻 無燒到乾爭爭 好多蒜係面 咬入去好多汁 49蚊有兩隻真係好扺食 即刻嗌多個扇貝 都係多蒜 好鮮甜 果然無令人失望 串燒點少得燒茄子, 大大件真係好抵食, 上面鋪滿住厚厚既蒜蓉, 睇見到已經流哂口水。女士們平時餐餐有菜, 串燒都唔例外, 估唔到依到燒蔬菜種類咁多, 全部都有汁, 唔係菜乾黎!(3) (4)同朋友食得開心 而且真係幾扺食 d野都幾大份! 餐廳環境真係好chill, 同

今晚同朋友0向山林道學插花～ 學完之後就到附近既串燒專門店食串燒！間餐廳叫 "串酒里" ，好彩朋友一早就打電話book 左，所以去到即刻有位～我地食食下，有幾個家庭walk in 都冇位，所以大家最好 book 定先去，咁就確保有位 =]餐廳位置：尖沙咀山林道6號B舖 (漢國中心對面) ~ 一入到去，先睇睇menu ~勁多選擇，好多野都想食haha！ 一開始先黎燒玉子、燒秋葵～玉子大大粒，好香蛋味，食落軟綿綿；而鹽燒日本秋葵，秋葵外皮香脆，內層爽滑！ 之後就到燒雞翼、煙肉卷蠔～燒黑胡椒雞翼，燒得香噴噴，表皮燒得薄脆，肉質挺嫩滑，面層滲上黑胡椒增加口感！煙肉卷蠔 d 蠔非常肥美，滑彈！ 燒牛油粟米，粟米飽滿，而且有好香牛油味 =] 麻辣雞腎，雞腎非常爽口、彈牙！不過真係幾辣下 =p 燒魷魚燸米飯～好特別，燸米飯放係燒魷魚入面！燸米飯食落好煙韌，燒魷魚又香又彈牙 =] 汁燒娃娃菜～娃娃菜水份十足，唔會好乾身！ 黃金扭扭薯條，必叫！又脆又香口，食完一條又一條，正 =] 烤饟大啡菇，切開超 juicy ~ 香噴噴又軟綿綿！面層有拉絲既芝士 & 芝士粉，好豐富既層次感 =] 芝

是日跟2女友人去此店食串燒飯聚聊天，要在山林道小街走入冷巷但都算易搵，巷口會有易拉架易吸引我來這店除了喜歡食串燒外，就係佢哋個粗口字手工啤，不過可惜當天售罄賣哂，只好懶健康飲菊花茶香燒豬頸肉 $59燒得都幾香口，肉嫩多汁仲帶油香，旁邊用蕃茄裝住泰式醬汁蒜蓉燒蠔 $49 黑松露燒扇貝 $592樣都是一宮2隻，貝類都算新鮮，蠔肉厚身勁多濃蒜香而扇貝除蒜外仲多一份松露香燒雞腎 $16外面微脆，而入面仲好爽口黑椒燒牛舌 $49牛舌都算厚身，不過都好爽口仲有黑椒的香辣燒九菜 $24 燒露荀 $39食咁多肉當然要食下菜，九菜燒完都仲保持到水份，而露荀仲多一份爽脆，不過鹹了一點仲會有少少辣