中央飯店

營業中

休息中

以前吃客家菜出名有醉瓊樓、食為先、泉章居等等......，但買少見少。今次開飯食客家菜，目標係中央飯店。(近排去多老牌食店喎!!!)今次坐定定4人。鹽焗雞(半只)、梅菜扣肉、酥炸大腸著名客家菜，加碼椒鹽吊片、清炒菜心、生炒骨，例湯更加唔少得。客家菜部份：鹽焗雞做法應該無變，但隻雞就好似係冰鮮，無乜雞味。扣肉+ 大腸就保持水準。過關!!!其他菜式，要一讚係碟椒鹽吊片，炸得香口時又夠juicily。唔係呢排少少熱氣的話，一定encore。綜合講都幾滿意！值得一提係裝修少少，無以前感覺咁舊，企理；但出口間蔗汁舖變，無晒D懷舊feel

呀爸話呢度好耐歷史，三十幾年。佢老人家以前起附近做0野都有0黎過下，所以下次同佢黎懷舊一下。老實講，呢度D點心唔係話好好食，係馬拉糕同蒸飯叫做好得，其它0野食就麻麻地，唔係難食0既。

一直都唔知呢度有間咁既野食..今日中學聚會..老師話黎呢間食...店內最年輕的算係我地勒...裡面一直都有嬸嬸推住車仔叫著"蝦較...燒賣..珍珠雞..."等等既叫賣聲..仲有車仔煎蘿蔔糕..腸粉果d...感覺好好我地叫左一碟雞同一碟蝦同埋梅菜扣肉...樣樣都好足料...大大碟..而且好有舊式茶樓既風味蝦新鮮...雞好有雞味..唔係雪藏雞黎..扣肉好香..d 皮in un...不過怕肥唔食得太多...美味食物加上他們熱情既招待...我地個個都食得好開心最好味係白菜餃一定要試!個皮好in un..好多白菜....出面比較少有..煎腸粉好滑而且好熱...放左好耐我先食...都覺得好熱又有小小微脆..好正!!春卷都唔錯...不過奶皇包個底濕左...就要扣分..仲有蝦餃同埋咸水角..不過我都冇試到..但整體既食物都好好....見到有人推住d 好大既包賣..一個包就同個籠一樣咁大..唔知係咪mcdug 唱果隻歌"中包整多2 籠大包整多2籠唔怕濟...."果隻大包呢?

27/5(日) 11:00am不到一星期再跟中央再續前緣.今趟偕同男友結伴前往;店內食客如常雲集,老規矩跟街坊搭桌.兩個胃的存在,意義是何其大!是次可多嚐幾款:白菜餃$7,春卷拼咸水角$7,煎腸粉$7,蘿蔔糕$7,馬拉糕$7,鹽焗雞飯$18碗.白菜餃--一籠三大隻,餃皮的細薄,通透煙韌,形狀飽滿;吃落爽甜;內有切得細幼白菜粒及蝦仁粒,口感細緻,超班之作也!春卷拼咸水角--雙拼同價;兩者皆炸至色澤金黃,餡料新鮮,入口還是熱騰騰,冒著煙的!春卷挺身夠薄又香脆,咸水角口感煙韌軟糯.煎腸粉--與蒸腸粉水準一致,腸粉外層微脆,質感厚軟滑溜,蘸上味道對辦的三色醬,挺美味!蘿蔔糕--煎得不算香脆,質地咬落挺結實,蘿蔔絲粗身而爽口,臘肉蝦米味道質地亦合格.馬拉糕--賣相殊不吸引,缺少應有的蓬鬆隆脹;至於入口尚鬆軟,不太甜.鹽焗雞飯--雞肉稱不上嫩滑,雞味卻蠻濃,飯粒彈牙具嚼勁;奉上的節瓜豬骨湯味道清甜,家常口味!下一回--向小菜出發!

24/5(四) 11am中央這名字,很共產;一共產,就反感!此中央,欲教人愛不釋手!多得佛祖,欣賜一個風和日麗的紅日星期四;手執寶貝,特意獨自到此處喫早茶.涉足那重慶森林的窄巷,未入內已為其傾倒!推門內進,十居其九乃是叔父輩的茶客,跟兩位老街坊搭臺,於此等格局,絕對受落!店內環境談不上殘舊,理應翻身過;那股韻味卻猶存;乍聽推點心的大嬏叫賣著,茶客的收音機播放著鄧麗君的老歌,活像走進六七十年代的時光隧道.說回食物,六日及紅假的點心價錢為$7(小),$8(中),$9(大),$10(特),茶錢$4位.價錢公道!一人的胃納有限,僅嚐了蝦腸$10及叉燒包$7.蝦腸--腸粉頗厚身質地卻是滑溜得很!蝦仁沒下調味,幸好沒甚雪味,入口也是爽口的,蘸上味甜的豉油,實而不華的好蝦腸!叉燒包--嬌滴滴的叉燒包包身頗軟熟,細咬一口,肥瘦均勻,被濃重的蠔油香鎖緊著的叉燒粒緩緩流出,味道對辦!鹽焗雞,等著我回來!

醉瓊樓由盛變衰,泉章居做到發跡,這間中央飯店,多年來依然在石硤尾低調過日子.這間客家老店,隱身於東盧大廈內幾十年,入到大廈內,如回到過去,時光彷彿倒流三十年,近乎被人遺忘的角度.店內應該裝修過,燈光仍然昏暗,早茶時段阿姐依然用手推車賣點心.十一點左右才有雞飯,小弟時間充足,等你.吃住其他點心,見到有皮蛋瘦肉粥,毫不猶疑來一客.由細到大,每次上酒樓食粥,也是為了吃薄脆,一碗能給到我一個理由狂吃,所以阿姐問我要不要薄脆,我要,最好多一點.)這個習慣,數十年不變.粥底頗咸,師傅應下了不少,在本末倒置之下,以薄脆為主角,也沒有所謂.蝦餃真正蝦餃,全蝦,一點肥豬肉也沒有.皮略厚,但不算實淨.等到差不多十一點,鹽焗雞飯上,還有例湯送.雞肉滿佈整個碗面,吃落雞味濃,肉質嫩,鹽焗味充滿,連帶荵油,沙薑汁,也比外面的好.例湯為菜乾湯,夠清甜.$18一客,比出面一些三流燒臘飯店的平.如果下次有機會飯局的話,一定要試炸大腸,梅菜扣肉.回到街上,回到現在,原來,已經過了三十年.

午飯時間去開深水，大把好食，大埔道行緊見到中央個招牌又記得呢度雞唔錯，就試。間舖大地下大堂直入，如果唔係有個招牌都幾難。格局好街坊，客都係街坊，同伙記好熟絡。叫碗鹽焗雞($18)，見到賣點心個阿姐大力推銷盅湯，只賣$10又試。老實講，雞唔係咁正，都幾要有番咁上下牙力至食得，但係都有雞味，唔似係雪。盅湯就正喇，粉葛豬骨，渣多過水好夠味，唔似落味精。阿姐話齋咁平真係自己都唔到，單身貴族就最。我唔係單身貴族但係都。

好在在大埔道方向向東盧大廈商場內張望，就可見到這裡大大的霓虹招牌，否則都幾容易錯過在裡頭的老牌食店。仍用著深啡老式茶壺的茶樓，想應只有川龍、坪軬、落馬州山水茶寮的地區才有；這裡應多年沒有更改裝修，仍有點雷探長年代的感覺，況且阿姐的服務態度都保留在那個愛理不理的年代，都幾有代入感！快手點了普洱及招牌雞飯走翼，順道用這裡陳年的玻璃盅洗碗筷。一盞茶時間已經上檯，賣相不說，因碗邊仍滿佈斬雞師傅所留下的雞油，攪到不敢拿碗扒飯；嘗一口雞，雖然是胸部，但仍滑漏，咸鮮雞味滿溢，不是冰鮮貨色，比起坊間普遍的食肆已高幾班；普洱茶很差，只有色澤沒有味道，草草灌了兩三杯便埋單走人。其他沒嘗，不敢亂評，但以招牌雞飯來說，這裡是食得過；衛生不太好，洗手間更甚；但連茶位加一廿五大洋都算超值！

想回顧的店子，不是關門大吉，便是翻新大吉- 此店又是一例。大廈內巷盡頭的它，顯然比以前光猛，倒反感覺陌生了；雖然未至於流水席，但食客仍是十分多。碗裝鹽焗雞飯，依舊半脾半胸，入口依然鮮嫩，依然唔多黐牙，黃油亦未至於滿面；對於注重健康但又十分饞嘴的我，倒是個恰當的搭配。襯底的只是廉價貨色，也不是黃油飯的貨色，但鹽焗雞汁滲滿了米飯之間，香氣四溢；再加上鹽焗雞調配不錯，並沒有嚼鹽之感。水準竟難得的維持！

細細個已經食, 出名係鹽焗雞, 幾年前食要160-190一隻, 今日去食唔知點解會平左, 120一隻。隻雞的確好味, 不過...點解d肉會冇左一忽忽呢? 原因係偷雞, 老牌飯店最叻偷雞, 偷偷埋埋一碗鹽焗雞飯真係可以無本生利!! 呢d都係呀婆婆教我睇。點了西x花帶子, 哈哈...帶子好多, 有d唔合比例。另一個送係椒鹽肉排, 個味夠濃香口, 不過肉排唔夠乾身。例湯好甜, 煲到骨都散哂油都出埋, 不過又係味精累事。最後奉送紅豆沙, 呀.....!!! 煲燶左的紅豆沙, 老闆行過見到冇人食, 笑笑口行開就算, 街坊生意, 差唔多啦。裝修換左, 環境衛生好左好多!呀姐服務好好!! 勤快換碟上菜。

今日去左中央飯店開飯, 9:30去到,oh...原來我地係今日最後一檯客喇....時間好似有d尴尬...因為d 伙計諗住可以早d 收工走人...哈哈...估唔倒又陣左兩條友入來阻住收工...不過d 伙計d服務態度都算好好...我地叫左以下幾味:腰果炒蝦仁<-- d 蝦好大隻呀...好爽口, d腰果脆得來好鬆薑蔥焗蠔<--好好味呀~~~d 蠔好大隻同埋有好多隻...但是最難得d蠔係好新鮮,隻蠔同條蔥一齊食, 好好味枝竹羊腩煲<--好普通, 不過不失不過都算幾好味叫左2碗飯, 一枝啤酒, 埋單$195

如果唔係daddy話食呢間唔係咁好包裝0既飯店, 我真係一定唔會試.一入到去已覺得好舊,又唔係好乾淨,叫0左人人都食緊0既鹽焗雞,梅菜蒸鯇魚,大鱔煲,同埋蟹肉豆苖.本身都冇乜期望,點知食落先知係咁好味.雞...好肥美肉厚,鯇魚...蒸得好夠火喉,大鱔煲...炆得好腍,豆苖..都好幼嫩...估唔到一間咁其貌不揚0既飯店會做到咁好味0既菜.以後都唔會以貌取店... haha

呢度最出名係鹽焗雞,梅菜扣肉,同東坡肉.其他可以不用試, 不過這裡的雞是最好味,比泉章居的更好

聽講係深水步好出名，係深水步住過的人都到食過。我都係睇雜誌先至o黎。因為人少無食出名的東坡肉及鹽焗雞，叫o左茄汁班塊、吊片蒸肉餅同金銀蛋莧菜。幾大碟呀，不過三樣都好鹹，如果唔係都ok的。