上海飽餃店

營業中

休息中

每次去到都有一種做皇帝既感覺，因為每次去到都唔駛我出口點野食就有人服侍，每次都係由女朋友發牌，有時啲野食黎到，我都唔知果啲係咩，只知道佢叫既野食都好啱我胃口，實在太好味喇！小籠包雖然唔及果間？泰豐既皮薄，但係佢既豬肉＂涵＂真係好新鮮，蒸出黎之後皮裏充滿肉汁，但皮依然唔穿，值得一讚！一舊一口，啱啱好，唔會太大又唔會太細，唔似得啲酒樓咁，大到食都食唔到，啲皮又厚過我啲臉皮，但一夾起，啲汁就溜哂出黎，真係食到＂把鬼火＂，喺香港要食到又好味又抵食既小籠包真係只有呢度，我唸絕無第二間。到食花素蒸餃，雖然無濃濃既肉汁或者特別既材料，但係蒸餃裏面既唔知咩菜真係好新鮮，可以食得出係即日包出黎，雖然只有菜，肉都無一舊，但係店鋪既調味調得好好，味道同蔬菜既味道互相配合，絕對係清淡之選。再值得一提既係豆漿都好好飲，甜味適中，豆味濃郁，又唔會有濃味，可以飲得出店主用左好多豆黎磨豆漿，所以絕對要試。

話說呢日紅磡開工，5:00pm先做完，路經此地見到門外有蔥油餅，急不及待要買件來食﹗兒時家景清貧，真係連食個叉燒包都無錢，最記得有一次就係0係紅磡食到一件蔥油餅，那絕妙的味覺仍在心頭﹗真的不記得細個係咪來呢一間食﹗本來想入內食餅飲豆漿，點知原來呢間野只做外賣，蔥油餅大大件的只係$4.5相當超值﹗入口餅邊仍是脆的，蔥香及芝麻香在口內盤旋，夠厚身有份量，好味真的不坊一吃再吃﹗吃完很滿足，好想再吃多一件，下次來紅磡一定要再食﹗好好味呀﹗

開始覺得在家附近找早餐吃是一種苦差事，故此近月開始走到遠一點的紅磡區，去看看能否找到些新意....要吃粥，當然要去差館里附近的生記；茶記的選擇也多的是；想吃上海包點的，除了蕪湖街的真真外，便要數到這裏了....還是第一次早上來。踏進店內，一個客人也沒有，有的只是買外賣的人流。香港人日理萬機，經常性忙得日夜顛倒，吃早餐也是匆匆的來，匆匆的去。那有人去珍惜早上用餐的時間 ? 想至此處，有點兒感慨看見師傅們很努力地弄飽點，吃到的自然是新鮮滾熱辣的貨色了。聽見師傅說 : "窩貼剛做好的，來一客吧"，小弟當然恭敬不如從命了。吃一口，熱騰騰的，果然皮薄餡靚，肉汁豐盈，而且底部煎得帶點微脆，天氣凍時吃着這品，簡直有如荒漠中遇上甘泉另加一個菜肉包，也是熱辣辣的。只要包是剛出爐且夠熱，就不會太難吃的了....豆漿豆味很淡，但味極甜，反高潮是也吃包點窩貼等小吃，現做現吃才能吃出個味來。看見門外人們排隊買那些放在箱內不知有多久的"二手貨"，不禁再次感慨總之就係一句 : "世界真係難撈矣"....

不想排隊輪候，因此捨三河屋而選上海飽餃店。地方淺窄，背貼着一籠籠未蒸的包而坐，不甚舒適。生煎包和生煎牛肉包各要兩個($10)，轉眼就送到。但是賣相不濟，而且是暖而不熱，包底又不脆，好感指數勁跌。尤幸肉餡還算幼細好味，相比下，又以包含牛肉汁的牛肉包較佳。小籠包及菜肉蒸餃(各$12四隻)則是即叫即蒸，等上一陣無所謂。菜肉蒸餃皮有點厚，細細隻餡不多又嫌乾，麻麻。小籠包不算皮薄，不過也非厚實，內裏的肉汁亦好味，是最令人滿意的一樣。連兩杯豆漿都不過$44，幾經濟，不過僅此而已，說不上好。

這天會稍夜才吃晚飯，中段時間要找點小食來填補肚中空隙，正好踫到餃子店。門前有外賣櫃位，後面就是廚房，看見師傅們正埋頭整理各類包點，熱氣徐徐上升，彌漫一室。不一會，大姐把一碟四隻的菜肉煎餃（10元）和豆漿（5元）端來。餃子豐滿碩大，皮薄有韌度，餡料菜肉均勻，底部煎得香脆，才十塊錢，想不到做得居然如此不俗！看見還有小籠包、生煎包、蒸餃等等，真有衝動點來吃，但不竟之後還有飯局，只得罷手。此店已被列爲可再幫襯系列，看看什麽時候，再來品嚐其他出品！

去食下午茶 , 叫左韮菜餃X2 生煎飽X2 + 小籠包X4 堂食 生煎飽 X 4 外賣 ...第1次去食 .. 皮真係幾薄 ..生煎飽好香 同埋細細粒女仔岩岩好小籠包即叫即蒸 不過唔知係咪蒸得唔夠 ,個皮有少少痴住張紙搞到啲汁走哂出黎 ..同埋4粒入面有2粒都唔係好多汁 ..但係味道都唔錯

吃過時新漢堡後, 過一條街又看到我很喜歡的上海飽點 二話不說入舖坐下, 可能下午茶時間冇乜人, 成間舖得我同親愛的2個客 -0-..一坐低, 個阿姐就主動講岩岩煎起鍋貼, 同埋蒸緊包, 睇下我地岩唔岩食, 唸左陣叫左 小籠包 + 蔥油餅, 小籠飽即叫即蒸要等一陣, 見阿姐夾塊蔥油餅入廚房整左幾下, 拎返出黎睇到已經一分為四, 每1細塊應該2啖就食得晒, 好細心呀 細味品嘗, 芝麻香. 蔥油香. 最好食最香係個邊厚身位置, 餅底更香, 食完後用紙巾抺咀, 抺過咀既紙巾只有小小餅碎. 半點油都抺唔出, 先發覺食完半件蔥油餅, 竟然冇任何油膩既感覺, 除左蔥油香, 亦冇任何油既味係個口度. 出色既作品 @@. 過左約5分鐘, 小籠包已經蒸好, 放上枱已經見到肉汁溢出, 先原汁原味試左1粒, 皮做得岩岩好, 有咬口又唔會太厚, 汁比想像中少, 餡料係香濃既肉味, 第2粒加左少少醋, 同樣美味 埋單$16 ! 超值底食, 美中不足係有兩隻小蟲周圍飛 ..

打算飽餃店和三河屋二選一,去到三河屋有很多人排隊,所以都係食上海飽餃店啦~~~晚上8:10PM去到,見到呀姐在洗碗,原來未收工,只係準備收工而已,食上海食品我就一定要食生煎包和小籠包!生煎包最快上枱,只係微暖,第一口已經覺得不對勁,麵包不軟不脆有點韌,就好似煎完放係度好耐,等有人客order,再將生煎包番熱,然後送到我面前.裡面的肉都不熱,所以一點都不好食,很失望小籠包看外表都還好,但是已經有肉汁漏出來,可能皮太薄,外皮緊緊包住餡料,好似被抽真空一樣,先咬一口,都沒有肉汁流出來,只有幾滴...........!!生煎包的肉跟小籠包的肉都是一摸一樣,味道不太特出.蒸菜肉餃肉的顏色跟前者都是一摸一樣,味道都係差不多,沒有吸引的味道,最後都不能食完就走了.是不是跟收工的時間太近有關,已經沒有任何新鮮食品,而我還敢走入去..............

遲左成個幾禮拜先寫呢篇食評o個日已經食o左時新，但又想試下小籠包，所以o黎左呢度叫左幾樣o野試下 : 生煎包 : 個包底幾脆，餡食落都有肉味，唔錯 菜肉餃 : 味道普普通通，幾油下 小籠包 : 成個夾起個皮都冇穿，有肉汁，但餡多肥膏，不過咁o既價錢唔要求得咁多啦韮菜餃 : 佢地話新鮮出爐叫我地試下，點知o黎到係凍o既，好明顯係響外面個櫃度拎俾我地，食食下有人拎碟新鮮o既o黎，但凍餃我地都已經食o左一半 呢度食物味道ok，不過服務認真麻麻，見到我地兩個人叫得少o野即刻俾面色我地睇，我地都拿拿臨食完走人 另外環境方面都麻麻，冇聞到異味但有蚊滋飛o黎飛去總括o黎講，試一次就夠，個ok係俾生煎包o架咋

呢間呢兩樣野最出名好食~~ 經家組介紹~ 食左一次之後. 久唔久都想食下~ 即使加左價~ 依然都好抵食~~ 小籠包(~$11/4個)and牛肉生煎包(~$10/4個)前者肉汁都幾多~ 咁既價錢係抵~後者係最推介的~~~ 食過咁多生煎包~ 呢度既係最好味既~~~ (for 牛肉) 個包本身唔厚~ 同個d餡一半一半~ 甚至餡多d~ 最緊要係~ d 餡係非常juicy多肉汁~~~ 即使煎左都唔覺得佢乾身~~ 係個底有少少油~ 不過唔影響~~~!!要食既話~ 下午八點前要到~ 賣晒就收工~

去過好多次了...就算加左2蚊, 都依然係超抵 , 超好味...即叫即蒸...皮薄又有湯汁....真係好過嗰d廿幾三十蚊一籠ge"所謂名牌"ge小籠包好多!!

上海飽餃店是我最愛的小店之一。此小店乃紅磡地膽推介﹐一試之下味道中上但價錢超級相宜﹐加上店鋪雖小﹐但整潔幹淨﹐實為推介之一。這次爬梯之類﹐第一站先一個人到此來個生剪牛肉包及小籠包。煎點是可以一件一件散叫的﹐而蒸點則要每四件叫。煎點在門前不斷生產﹐因為外賣的人多﹐所以去貨去得快﹐每次都是熱熱的。有時候甚至太受歡迎而要稍等一會。這天因為蔥油大餅售罄而改要生煎牛肉包。包質"聳"軟﹐牛肉餡味道不足﹐加上肉汁﹐以每只$2.5的價錢﹐夫復何求。幹掉了兩個生煎包不夠後﹐熱辣辣的小籠包便到達。皮薄有湯汁﹐令我不理會熱燙的湯汁﹐點些鎮江醋便放入口中﹐$12便有四只﹐各大酒家的小籠包真的望塵莫及。強烈建議加$1﹐叫一些薑絲。新鮮切的薑絲加上鎮江醋﹐配以生煎包及小籠包﹐一定會令你吃過不停。是日因為是爬梯之旅﹐唯有忍口﹐轉到下場。

在巴士站旁不甚起眼的小店，最近連飲食雜誌也有訪問，為的是其專心做的包點。一塊蔥油餅，連平時不吃蔥的我也吃得津津有味，不過油，蔥不刺鼻，很好。至於小籠包雖然略為乾身不夠湯汁，但一口咬下皮薄豬肉餡有咬口，而且是新鮮豬肉。花素蒸餃入面有菜，味道挺特別。加埋$7一枝的豆漿，夠填飽兩個人的肚了。

多年前經雜誌介紹龜帶爸爸媽媽來試每樣食物他們都非常喜歡爸爸特別愛吃蒸小籠包從此他們久不久就來幫襯並經常買一大盒外賣給龜品嚐近這一年小店製作的饅頭，窩貼，生煎包，蔥油餅更是我們每次大食會必吃的其中一種食品饅頭更是我們夾太興叉燒的良伴－我們的自製叉燒包蔥油餅大大件，煎得香口總之就是價廉物美員工親切有善看著老闆娘由懷孕至抱著ｂｂ很替他們高興他們用心經營此店的心機是沒有白費的

年前同老婆傾開，如果屋企附近有譚仔和飽餃店就好了！ 小籠包皮薄餡靚夠肉汁，抵食的，但要等佢即叫即蒸，所以是晚無要到。 鍋貼 ($10四隻) - 新鮮煎好，香口，肉質嫩滑且鮮甜。 生煎包 ($10兩個) - 包身煎香，肉汁滿溢。 完成紅磡下午茶之旅，係時間去國際都會晚飯了